السلام عليكم ورحمة الله وبركاته


مساكم الله بالخير جميعا


ومساء البطولات بإذن الله


الف مبروك التأهل ولو إنه مو طموحنا التأهل فقط طموحنا الذهب وبس

أنا بس ودي أعرف وين لجنة الإنظباط اللين هالحين

ليه ما صدر ولا أي قرار في أبو سبعاااان أبو شوكلاته

ليه ليه ليه ليه ليه ليه

لو إنه الهلال كان من ليلتها صدر القرار

ليه الظلم هذا ليه الإجحاف في حق نادي الهلال

الله لا يوفق كل ظالم

ودي أدعي عليهم ودي أصيح من القهر اللي فيني

والله شي يقهر شي يرفع الضغط الله لا يبارك فيهم

لا مو بس كذا

طالع لنا نادي الإتهاد بأنه سيعاقب اللاعب داخل النادي

يعني يا لجنة خلاص لا تسوون شي حنا عاقبنا اللاعب داخل النادي

أخخخخخخخخخخخخخخخخخخخخخخخخ بس والله بأنفجر من القهر

المهم ننتظر ونشوف

ونغير الموضوع لأني بديت أفقد أعصابي أخاف أكسر اللاب توب

----------------------------------------------------


مقتطفات

شباب الهلال واصلوا إبداعكم ربي يوفقكم (الدواسر - العابد - الفرج - البيشي)

التراس الهلال ما أدري أنتم وش تسوووووون ما أشوف لكم أي دور ، ليه جمهور الأهلي أحسن ليه ليه وش ناقصكم ، تدرون وش ناقصكم أنا أعلمكم

شماغ البسام تنتج لنا شماغ زرقا (لأن جمهور الهلال بالرياض مو حاضرين مباراة وفيها تشجيع لا حاضرين عرس وأنتوا عارفين هم ما سيتغنون عن الشماغ )

عزيزي باجة ما ودك تفكنا من الحَبَ حقك

عزيزي الناقور ما ودك تجيب لنا فنايل زرقاء بدال البلاستيكات اللي مالها داعي
تخيلوا كل الجمهور اللي حاضر للمباراة لابس فنيلة زرقاء وش لون بيكون شكل المدرج

قسموا المدرجات وكل مدرج مسئول عنه 4 أو 5 من أعضاء الألتراس هم يعلمون الحاضرين بخطط الألتراس وحركاتهم وحاولوا تشدون الشباب معاكم للتعاون بدل ما أنتم متجمعين في مكان واحد مسوين حزب لحالكم

حلوة حركة اللونين الأزرق والأبيض ويا ليت تكون مفعلة بشكل أحسن من كذا بحيث تعرض في مدرج لون أبيض وفي المدرج اللي جنبه أزرق وهكذا لباقي المدرجات ، بعد ذلك تقلب ويصير أزرق واللي جنبه أبيض كان ودي أصمم لكم مجموعة من الحركات بالفوتوشوب ولكن ما أعرف

فكونا من الأهازيج الباردة والسامجة (غالي غالي ) وغيرها من الأهازيج تجيب النوم

يازين جمهور الهلال يوم يوقفون على الكراسي ويهزون الملعب هز والله الكل يخافكم ويهابكم


وعندي كثير ولكن في قادم الأيام نتقابل

وفالكم التوفيق والبطولات

وإلى الأمام يا زعماء