بعد خروج المغرب من أمم أفريقا هل يعود جيرتس
 

خرجت المغرب من كاس أفريقا بعد خسارتها من الغابون البلد المضيف ٣/٢
وتأكد بذلك الغاء عقد البلجيكي جيرتس
والأخبار تشير الي الغاء عقده حتى لو فاز بكاس افريقيا
بسبب راتبه الكبير 250 الف يورو شهريا
راتب جيرتس سبب ضجه بالأوساط المغربيه
السؤال الان هل يعود جيرتس للهلال
وهل يمكن الغاء عقد التشيكي الجديد بالتراضي
جيرتس مدرب مضمون ومجرب افضل من مدرب مجهول كالتشيكي هاسيك



ارائكم

اما طلعت المغرب وش هالخبر الحزين
ياليت يرجع بس لو رجع بيرجع الموسم الجديد لان الحين مدرب بيجي

..

بيني وبينك ماودي يجي !!

ماحسه بيقدم شي ، خلونآ ع سامي بس ههههههههههه

ودك يستمر سامي مدرب للهلال بس

المدرب خلاص تعااقدوا معه والرجال جاي يوم الاحد
وانت تقول نجيب جيريتس
ودي

الي خانك مرة يخونك مرات

مع حبي لهلال جيرتس الا اني ضد جلب جيرتس في هالفتره .. يا شيخ لو نقعد بـ سامي مدرب ابرك من اننا نجيب جيرتس وهو موقع عقد مع منتخب المغرب قبل نهاية عقده معنا وقبل مباراة مصيريه ومهمه :yes:

الله يكتب الخير للزعيمـ,,,,,,,,,,,,,,,,,,,

لو يصبر للموسم الجآي..

..
..
..

والله من وجهة نظري السخصيه لا اريده أن يعود....حقيقه لا نريد ان يكون جرتس عقد هلاليه و أن الزعيم لن يقدم المستوى المأمول منه إلا مع جريتس

الموسم الجاي يمكن
الحين لا

الله يكتب مافيه الخير
اهم شي روح اللاعبين والمستوى يستمر

والله ما اتمنى يجي
ولآ احسه بيقدم شيء اصلا

كان الهلال بيوقف على جيرتس
خلونا على مدربنا القادم نروح نستقبله ونشجعه
عشان يتحمس يقدم للفريق كل شي
ويعرف ان خلفه امه هلاليه لاترضى بالخساره ابداً
خلونا مع مدربنا الجديد مهب تلتفتون لجيرتس


اهم شيء الله يوفق الزعيم

مـآأنبي لآ جريتس و لآ إيفـآأإن !!
نبـي سسـآأإمي وبسس

احسن خلهم يطلعوووووووووووووووووووووون

وش علينا من قريتس !!
باعنا أنت نسيت ! ماله خاتمة
إلا قل العربي وهرماش بالطريق أطيعك
عسى في الأمر خيرة من خروج المغرب لتسريع وصول لاعبينا
هرماش جاي
العربي جاي

يالله حيهم في ناديهم

ما نبغاه نبغى المدرب الي يدرب الهلال الحالي سواء كان سامي او غيره

جيرتس لا يوجد ما يقدمه للهلال والله ما اتمنى رجعته

جريتس لآ أتمنى عودته ولآ أبي أشوفه في الريآض

أهم شئ يرجعون لآعبيينآ

احترم آرائكم ولكن
افضل ان نستمر على سامي والمدرب الهلالي الحالي
افضل من مدرب جديد يجلس يجرب بالهلال مثل دول
اذا نستمر على المدرب الحالي أوكيه
اما مدرب جديد على الهلال جيرتس افضل

مبرووك خروج فريق جريتس اللي باع الهلال
وماعااااااااد نبيه لو ببلاش
احسن مافي الموضوع عوده مبكره للعربي والهرماش
تحياتي

الله يكتب فيه الخير للزززززززززعيم

لو كنت رئسا للهلال لحذفت جرتس من القائمة نهائيا ..لأنه لن يقدم للهلال اي جديد ..والحمد لله الكل شاهد الشباب وماقدموه من مستوى رائع ومميز ..واعتقد لو يستمر سامي وبونان مساعدا له سوف تستمر المتعة ..اما اللت والعجن فسيعود لو عاد جرتس فهو شخص له اسماء يضعها في رأسه ويرميها خارج المستطيل الأخضر من دون سبب ..فلا مرحبا به والحمد لله انه ذهب فلا يلدغ المؤمن مرتين ..من خانك اتركه

اشوى انهم طلعوا عشان اللعيبه يرجعون

مدربنا بيجي هاليومين

نبي العربي وهرماش وكفى دام المغرب طلعت

يعطيك العافيه

اللي اعرفه ان المدرب الجديد هاسيك عقده لمدة 6 اشهر فقط

يمكن يجي جيريتس الموسم الجاي

اقول اهم شي يرجعون العربي وهرماش

يمقن ايه يمقن لا
يعطيك الف عافيه

يعطيك الف عافيه

الهلال ماياقف علي مدري ولا لاعب ولا اداري ولا اداره
الهلال بمن حظر والمستوا يشهد اذا غاب الهلال غابت المتعه
المهم التحكيم والحض هذي مشكلت الهلال
الله يخليك ويعطيك الف عافيه.

شخصيا انا اتمنى قرتس

لكن لا اعتقد انه سيعود للهلال

صصصصصعب تعاقدنا مع مدرب خلاص

الله يكتب اللي فيه الخير للزعيم

يآلبيـه يآسآمي


جرتس هو سبب خروج الهلآل من آسيآء وترك آلهلآل وهو في آشد آحتيآجه

آتوقع آنه مدرب غير مضمون وهذي عدوآت جمآهير آلهلآل عليه عندمآ ترك آلهلآل

ورحل

انا استغرب من البعض لسه متعلقين بقرتيس ولو فيه خير لوصل بنجوم المغرب على الاقل لدور الثاني بس دوم هو مو مدرب مباريات مهمه يبدع في المجموعات ويخفق في المهم
اما العربي والهرماش اكيد بيرجعون وش يجلسون يسوون

اتمنى اذا يجي يجي الموسم الجاي بسس ياخوفي اني الاقيه بالنصر والا الاتحاد والا الاهلي

جيرتس نجح مع الهلال

لان كان عنده من افضل الاجانب في الدوري السعودي

اما الحين ما راح تشووفه مثل اول

وانا اجزم ما راح ينجح مع الهلال مثل اول

وانا اتمناء انه ما يرجع

لا ماعاد نبيه
نبي هاسيكـ وبس

خلوه ينتظر الزعيم بعد خمس سنوات سمان ان شاء الله للزعيم

خله أفضل انهم يطلعون
قهرونا العام وهم سبب خروجنا من أسيا

و قيرتس ممتاز جدا لكن من باعك ممكن يبيعك

وخله يدور على أحد يعطية و يشجعة مثل الهلال

ماراح يلقى

مساء الانتصارات أهم شي يرجع العربي وهرماااااااااااش

خل يرجعون لاعبينا بس اما جيرتس خلاص ماينفع اذا رجع وياخوفك نتاهل لدور نصف النهائي باسيا ثم يجيه عرض ويسحب علينا عندنا مدرب بيوصل الاحد يجون بس الاجانب وخلاص

احسن يستاهلووون <<<<حاااقد من اخذو جريتس *_*

الله يكتب اللي فيه الخير

....

يارجل قل غيرها .. الحين موقعين مع مدرب وانت تسأل عن جريتس ؟؟

لازم الجمهور الهلالي يطلع من عقدة جريتس ..

خلونا نشوووف شغل هاسيك .. يمكن يطلع خوش مدرب

الله لا يقول خل المغرب تنفعه بعد ما سوى في الهلال في البطوله الاسيويه كيف تبون تثقون فيه مره ثانيه

ياليت يجي لو ندفع شرط جزائي للمدرب الجديد جريتس

اتوقع هو الي يبي يجيب الاسويه للهلال

وجهه نضر

اتمنى عدم عودة غريتس غريتس في اي لحظة يمكن يترك الهلال
مثل ما تركه وذهب الى المغرب والتشيكي هاسيك مدرب مميز وبإذن الله سيحقق النجاح مع الزعيم

لا نوريد الخاين والله مانسى تصريف مدرب اللياقه ومساعد المدرب وطبيب النادي


من باعنا برخيص بتراب ينباع

اهم شئ عندي الحين هي رجوع العربي وهرماش

وان شاء الله يلعبون مباراة الفيصلي يوم الخميس ...

اخر مباراه للمغرب في البطوله راح تكون يوم الثلاثاء

مع احترامي لكاتب الموضوع ..

مدري وش يحس فيه ؟؟

مدربنا الجديد بعد بكرا يوصل .. وهذا يقول جيرتس !!

والغريب ان فيه بعض الردود توافقه الرأي !!


اتمنى من المشرفين الافاضل .. جعل كل المواضيع اللي تطرح تحت التقييم

لالالالا ما نبغا جريتس

جريتس يمكن يبيع الهلال كما باعه اول مره مع المنتخب المغربي

ووضع الهلال في موقف محرج ووقت ضيق خاصة في بطولة اسيا

مهي لعبة بزران هي خلاص اتفقنا مع المدرب ايفان هاشيك واتمنى دعمه

من باااعنا بعناه ..ولو هو غالـي..

لعلمك مانجح جرتس
مع الهلال الا سامي
هو العقل المدبر له

اتمنى البقاء على سامي الجابر اما جريتس باع الهلال وترك الفريق بوقت صعب فضل الفلوس على الهلال:mad:وهذا اثبات ان الهلال لايقف على لاعب او مدرب واكبر دليل اللي يحصل الان بالبطولة نجوم شابة ومدرب مؤقت s13sماشاء الله تباركs13s:alzaeem::alzaeem:ان شاء الله دوم بالقمة:alzaeem::alzaeem:

ياليت يرجع بس لو رجع بيرجع الموسم الجديد لان الحين مدرب بيجي

ما اتوقع ولا اتمنه يجي

والحمدالله الهلال حاليا ماشي تماام وان شاءالله يسمر

وبعدين مو لعبه هي انك تتعاقد مع مدرب وبعدين تقول له خلاص