السلام عليكم ورحمه الله
بدايـة :
كلنـا شفنـا الاحداث الاخيـره والمتسارعه من بدايـة الموسـم
كلنـا شفنـا حادثـة ايمانا مع المدرب دول
كلنـا شفنـا الاشاعات القـويه من المصادر الاهلاويه تأكد توقيع هوساوي للاهـلي
كلنـا شفنـا تمـرد الفريدي على الاداره وتصرفـه اقل مايقال عنه عدم احترام للنادي ولجماهيره
بيئـة الهـلال طارده للنجـوم !!
تكلم الكثير في المواسم السابقه من مختلف الميول وقالوا ان بيئـة الهلال جاذبـه للنجـوم
لكـن الموسم هذا اختلفت علينـا امـور كثيـره من ابتعاد الاعبين عـن النادي !!
وقد شاهدنـا مماطلـة هوساوي ورسالـة الفريدي ( اعيرونـي لأي نادي لا اريد الاستمرار ) !!
سؤال : يابـو فيصـل هل بيئتنـا اصبحت الموسم هذا طارده للنجـوم .. ؟ 
هوسـاوي ( اهلاوي )
لـم اتوقـع في يـوم من الايآم ان هوساوي يماطل في التوقيع للهلال
مماطلـة هوساوي تثبت لنـا ضعف الاداره وتدليـع الاعبين زيادة عن اللزوم
واستغرب تكتـم ادارتنـا عن موضوع هوساوي
حنـا كجمهـور نادي الهـلال , نسمـع من جماهير الاهلـي ان هوساوي وقـع للاهلـي !!
( مافيه دخـان من غيـر نــار )
الله لا يهينك ياهوساوي سلـم الكابتنيـه لمـن اخلصوا للكيان الهلالي
سؤال : وين الشفافيـه مع جماهيـرك يابـو فيصـل .. ؟ 
الفريدي عبر رسالة جوال ( دبروا لي نادي خليجي او محلي مانب جالس ) !!
وبكـل بساطه يتـرك النادي ويروح للمدينـه !!
عندك شي يالفريدي رح للاداره اجلس مع ابو فيصل واشرح له الي مضايقـك
اما تسحب وترسل رساله اسمحلي !!
ادارتنـا يجـب ان تعامل لاعبينهـا واولهـم الفريدي بالاحتراف الي هـم يبونـه !
وننتظر اليـوم العقـوبـه الرادعـه للفريدي وغيره من يفكـر بالتمـرد على الكيـان الهلالـي !
سؤال : يابو فيصل ليـش الاعبين صاروا يتمردون على النادي والكيـان .. ؟ 
الشهراني ( هلالي المـيول )
الناقور رايح للشرقيه الناقور جاي من الشرقيه
الهزاع ينفي المفاوضات والناقور يأكدهـا !!
الى متى ؟
سؤال : ليش بالصفقات المحليه يابو فيصل دائماً ماتكون اقل من الطموح .. ؟ 
السيـد توماس دول
وش سويت في هلالنـا ياخوي او وش الي باقي ماسويته
في كل مره نقـول ان اقالتـك قريبه وبعدهـا نشوف تصريح باستمرارك !!
وبعد كل مباراة يتهجم على الاعبين ويتشكى منهم في المؤتمر الصحفي !!
ياخوي الاعبين الي تتكلم عنهـم هم نفسهم الموسم الي فات ماتغير شي !!
الا فقط الاجانب اما المحليين نفسهـم وكانـوا يقدمون افضل المستويات
سؤال : يابو فيصـل متى تقتنع ان دول مدرب منتهي خالص ؟! لما تجي علينـا نتيجه تاريخيه يعني ؟! 
لفـت نظـري وليـد الفراج في حلقـة من حلقـات برنامجـه ( اكشـن يادوري )
قال ( اول يالهلالي كنت تروح وتحط رجل على رجل والنتيجه بإذن ربك ضامنهـا , والحين صرت تحط يدك على قلبك )
حنا كهلاليين تعودنـا على ان نكون الاميـز بين الانديه
تعودنـا ان الدوري محسوم لنـا
تعودنـا على جمع اكبر قدر من البطولات المحليه
تعودنـا ان طموحنـا يكون للأعلى وليـس للأسفـل
تعودنـا ان كل اسيويه نقـول بإذن الله راح نجيبهـا
تعودنـا كل ماخرجنـا من الاسيويه نقـول الموسم الجاي لنــا
يابو فيصل سقف طموح جماهيرك فوق ماتتصـور
جماهيرك يابو فيصل مايرضيهـا أي شي
جماهيرك يابو فيصل وربـي تحبـك وتغليـك بس تبي الكيان الهلالي فـوق شامـخ
جماهيرك يابو فيصل تأكد انهـا مقتنعه ان ادارتـك من افضل الادارات الي مرت على الهلال
جماهيرك ماتبي يابو فيصل يكون هالموسم استثنائي
غايب حبيبي ما وصلني سلامه
مدري غيابه عذر او شي مقصود
مو عادته يبخل على بأهتمامه
دايم يطمني ولــو كــــان موجــــــود
ختاماً :
اتمنى اننا نركز على مباراة الاهلـي لانهـا هـي المحك الحقيقي لمسار هلالنـا
وبإذن الله الفـوز والثلاث نقاط نجيبهـا من جـده بغض النظر عن السيـد دول ودفتـره ابو اربعين
؟؟ هلالي ؟؟
هو يحاول يرضي الجمهور قد مايقدر 
في المباراة الجاية 
الوضع العادي
