بسم الله الرحمن الرحيم


تحيه طيبه للجميع



استغرب بصراحه مستوى الكابتن عبدالعزيز الدوسري في مباريات الزعيم

لا اعلم ماهو السبب في ذلك فاللاعب يملك الكثير والكثير واللاعب يعتبر من مواهب

الكره السعوديه


ولكن استغرب من هذا الاعب عدم وضع له بصمه في الفريق

استبشرنا خيرا بعزوز ولكن يوما بعد يوم ارى انه لاعب بصراحه غير مفيد

فالاعب الوسط الذي لايصنع لزملائه مالفائده منه


اخر فرصه في مبارة التعاون لو تركت الانانيه ومررت الكره للمحياني او الحارثي

لنتهت المباره بفوز الهلال


انا اعلم ان صناعة اللعب في الهلال سيئه من الجميع ولكن الشلهوب صنع تقريبا

5 اهداف والفريدي 4 حتى ايمانا الذي لم يشارك الا مباريات قليله صنع اهداف



عزوز نحن نحبك ونعترف بنجوميتك ولكن لاتفكر في نفسك وتبحث عن الاهداف

اكثر من تفكيرك في مصلحة فريقك



فاصله

تعليق الخساره على التحكيم امر دخيل على نادي الهلال وجمهوره فمستوى الهلال
كان سيء امام الفتح وهجر ونجران والشباب والتعاون

وهل صنع العابد اي هدف من دخوله نادي الهلال ؟؟؟؟؟

امس اللي صنع الهدف الشلهوب والتمريره الللي حطه البيشي قدام الباب بأخر الوقت بعد الشلهوب.... وبصراحه لا يصنع بالهلال الا الشلهوب ومن بعده الفريدي وبس

إقتباس الرسالة الأصلية كتبت بواسطة maj2002 وهل صنع العابد اي هدف من دخوله نادي الهلال ؟؟؟؟؟ امس اللي صنع الهدف الشلهوب والتمريره الللي حطه البيشي قدام الباب بأخر الوقت بعد الشلهوب.... وبصراحه لا يصنع بالهلال الا الشلهوب ومن بعده الفريدي وبس

يا عزيزي العابد العام الماضي لعب 967 دقيقة وصنع 5 أهداف

بينما الدوسري لعب العام الماضي 1540 دقيقة وما صنع الا ثلاثة أهداف فقط..!!!!!!!!!!!

والشلهوب اللي تقول عنه صانع اللعب الكبير لعب 3282 دقيقة وما صنع إلا خمسة أهداف.!!!!!!!!!!!


وغير كذا هالموسم العابد ما لعب في الدور الأول كامل إلا مباراة واحدة أو ثنتين بس...

بينما الدوسري أكثر المباريات يلعب وما جاب إلا الدجة

وحتى لو لعب العابد فالعابد غير مطالب بالصناعه مثل الدوسري فموقع الدوسري يؤهلة لصناعة اللعب أكثر من الجناح نواف العابد

وإذا مو مصدق الأرقام المذكورة تفضل الرابط

http://vb.alhilal.com/t1028835.html




حتى عرضية الشلهوب أمس ما جاءت الا بعد تمريرة من العابد..

وغير كذا امس لولا الله ثم نواف العابد كان ما تحرك الهلال وشعلل والدليل كل اللعب من جهة نواف..

..

نصيحة لا تهذي بما لا تدري..

تكلم بالأرقام ولا لا تتكلم..

إقتباس الرسالة الأصلية كتبت بواسطة العابد..أسطورة قادم يا عزيزي العابد العام الماضي لعب 967 دقيقة وصنع 5 أهداف بينما الدوسري لعب العام الماضي 1540 دقيقة وما صنع الا ثلاثة أهداف فقط..!!!!!!!!!!! والشلهوب اللي تقول عنه صانع اللعب الكبير لعب 3282 دقيقة وما صنع إلا خمسة أهداف.!!!!!!!!!!! وغير كذا هالموسم العابد ما لعب في الدور الأول كامل إلا مباراة واحدة أو ثنتين بس... بينما الدوسري أكثر المباريات يلعب وما جاب إلا الدجة وحتى لو لعب العابد فالعابد غير مطالب بالصناعه مثل الدوسري فموقع الدوسري يؤهلة لصناعة اللعب أكثر من الجناح نواف العابد وإذا مو مصدق الأرقام المذكورة تفضل الرابط http://vb.alhilal.com/t1028835.html حتى عرضية الشلهوب أمس ما جاءت الا بعد تمريرة من العابد.. وغير كذا امس لولا الله ثم نواف العابد كان ما تحرك الهلال وشعلل والدليل كل اللعب من جهة نواف.. .. نصيحة لا تهذي بما لا تدري.. تكلم بالأرقام ولا لا تتكلم..

والله من يوم شفت اسمك وصورتك وتوقيعك وانا داري ما عندك احد

اخوي انت تمجد في العابد وتمدح فيه .. مع انه في المباراة اللي راحت حسنته الوحيده البلنتي بعدها ما شفنها ,, وفي هذا الموسم لم يفعل العابد شئ حتى تمجده وترفعه على حساب الدوسري

انت تشجع العابد ولا الهلال؟؟

اذا كنت هلالي .. فجمهور الهلال ارقى من ان يحطم اللاعبين ويريدون ان ينسقونهم

فجمهور الهلال يتكلم ويساند اللاعب للعودة لمستواه

وانت تناقظ جمهوور الهلال بكلامك على الدوسري.

وعلى فكرة الدوسري في مباراة هجر اخذ ثاني افضل لاعب بتصويت جمهوووور الهلال


وتقارن لاعب لم يقدم شئ بلاعب ايضا لم يقدم شئ .. فهذا دليل على تناقظ فكرك وكرهك لهذا اللاعب.


ونصيحة.. انك تقارن لاعب بلاعب طريقة تسبب العداوه بين الجمهور ويمكن توصل للاعبين.



انتقاد اللاعب هذا عادي لكن تقارنه بلاعب فهذا طريقة خاطئة



وشكرا اخوي.. بس حاول انك تتساعد مع كل لاعبين الهلال كتى لو مستواهم هبط .. فأنتم وقود اللاعبين يا جمهور الهلال

الدوسري لاعب متى ماحضر بالملعب
لكن تدري ليش لانه ماحصل مدرب يكرشه بالاحتياط
لين يعرف زين هو واللي مثله

طيب والحل ليش الكل يبي يسجل فاتحين جمعيه اهداف او هذا نادي الهلال

إقتباس الرسالة الأصلية كتبت بواسطة zezoo7 طيب والحل ليش الكل يبي يسجل فاتحين جمعيه اهداف او هذا نادي الهلال

ههههههههههههههههههههههههههههههههههه
حلوه

صراح ملينا منهم لاعيب مغرورين كلهم اها يا نيفيز اقسم بالله افتقدنا يعطيك العافيه

(عزوز والعابد والفريدي) ، صح انهم فنانين لاكن مالقو من يعسفهم كل واحد يلعب لنفسه
الله يعيننا على الاعبين وعلى مدربهم (ونقول . كثرو من البندول السنه هذي مافيه بطولاااات )

اللة يعطيك العافية كلامك صحيح الدوسري لاعب غير مفيد للفريق لاعب يحتفظ بالكرة

لاعب لايرفع لاعب لايمرر وا يصنع كور اهداف ولاعب يمرر مع العمق ولايغير لعب للاطراف


اما العابد لاعب عاااادي جدااا يجري كثيرا بدون فائده لايستخدم عقلة كثير النرفزه لايصنع لعب

اتمنى عدم الاعتماد عليهم في الفريق

الدوسري + العابد

اتمنى يحصلون شخص يوجهم

هم كويسين ومفيدين بس ياليت يلعبون الكوره بسرعة

ويتركون بعض الفلسفه وراح يكون لهم شان في الكوره السعوديه

فعلا مشكلة الهلال عدم صناعة الكور للمهاجمين ولو تلاحظون الدوسري والفريدي والعابد
يتحفظون بالكورة ويجرون فيها ولمن يضغط عليهم لاعب يمررون عالطائش وعالفاضي
رغم هجمات مرتدة للهلال وفيها انفرادات لو مررو ولكن المشكلة في التوجيه وربي
لو كنت موجود في النادي لاسوي لهم قرصة اذن انا جابك تلعب في الهلال وسط ابيك
تصنع كور ولا ابي منك احتفاط وابراز مهارات نفذ التعليمات ولا ياعمي امسك احتياط
او دورلك على نادي ثاني وبكذا وربي تشوف غزارة صناعة لعب ولكن المشكله في التوجية
محد يوجهم ويقول لهم مهمتهم في صناعة اللعب ولعبو عليهم للاعبين القادمين من الخلف
وصدقوا انفسهم

شباب والله العابد والدوسري ايام قيرتس كنا نمدحهم ونشيد فيهم بصناعة الاهداف والتهديف بس المشكلة من المدرب الي مو عارف الله وين حاطه ولا عارف كيف يوضفهم صح واما عن شغلة الانانية اوافقك الري هم انانيين مع الفريدي الى ابعد حد والحل ان المدرب يلذعهم بكلمتين والي ما يرد الله لايهينه رصه بالاحتياط

الاعبين مع احترامي الشديد

الكل يبحث عن مجد شخصي على حساب الهلال !!!!! >>> الكلام لجميع الوسط الدوسري الفريدي الشلهوب العابد وقبلهم ايمانا


اعطو المحياني ياشباب