لاعبين الهلال بكل صراحه فكر المدرب اعلى من فكرهم لذلك يبون يروح

لانها انكشفت قدرات البعض يوم جاهم مدرب فاهم

لوعندنا لاعبين عندهم روح كانو يغطون على اخطاء المدرب ان وجدت

لاعبين الهلال كل شي متوفر لهم ومع هذا مانشوف منهم مايوازي ميقدم لهم

الملعب والمعسكر والعقود والرواتب كلها متوفره ولانشوف الا فنايل دون روح الا كم لاعب ومنهم

الفرج والبيشي اما الباقين وخاصه هوساوي لاتعليق

لكن الله يختار الخير للفريق

خلااص الكلام ماينفع الآن وكفاية ضغط على الفريق من بداية الموسم إلى الآن

ليه مانكتب مواضيع حماسية بدل الانتقاد ؟؟

صدقوني التشجيع افضل من التحبيط والإنتقاد

الحين جيب طالب وقوله انت مستواك مثل وجهك وماتعرف تذاكر وهو مسكين يؤدي اللي عليه وجيب واحد ثاني وقوله انت ممتاز بس يبي لك شوية تركيز وتصير الأول وهو ماعنده الا اللعب بظنكم مين اللي بيتحمس وبيجيب درجات كويسة نهاية الترم ؟؟

وهذا احنا كجمهور صحيح الفريق مستواه نازل لكن هذا مايعطينا الحق اننا نخصص كل لاعب بكلام جارح بغرض النقد

ليه مايكون هالاسبوع وحتى مباراة الاهلي ومن بعدها النصر نشوف مواضيع حماسية وتشجيعية بدون مانرفع احد فووووق مررة يعني بحدود

>> للأسف ما اقدر انزل مواضيع إلى الآن وإلا كان شفتوا مواضيع تشرح الصدر

والله مدري مين الظالم ومين المظلوم
لحول بس

يااااااااااذكي ..

دول الان يبغا يصرف ويلهي الادارة الهلاليه عنه ..

ويبغى يحط الحمل كلله على الحكم ..

شكرا دول لانك تلعب الفرج ظهير ايسر وفجأه يصير محور !!
شكرا دول لانك تلعب البيشي محور و بقدرة قادر صار ظهير ايمن
شكرا دول لانك كافاة تطور مستوى شراحيلي بدكة الاحتياط

دول في ديره والتدريب في ديره الفريق اكثرهم لاعبين وسط وبالقدم اليسرى ويلعبون يمين ويسار وظهير وكل شي حسبي الله عليه كانه ضيع الفريق والاداره ساكته

يجب اقاااااااااااالة دووووووووول...

سلمان الفرج وسلطان البيشي ماقصروا وان شاء الله نشوفهم بكل مباراة اساسيين

سلطان البيشي مستقبل زاااهر

سلمان الفرج لعب مهاااري ويوزع اللعب والله فنااان

وجهة نظر !!!!

طيب شافي الدوسري و محمد القرني

يا شباب فكروا بعقلانيه شوي ، وخلوا العاطفه بعيد
الهلال ب المباريات القويه لعب افضل اللعب ، لمسه لمستين وفن ولكن في المباريات الضعيفه تشوفهم يلعبون العكس وكأنهم هم الطرف الاضعف في المباراه وهذ1 خير دليل ان دول ماله دخل ، الاعبين يتهاونون ومتذمرين ..

وانا أتمنى ان يدرج 6 لاعبين على الاقل من الاولمبي مع الفريق الاول ، وتضخ دمأء شابه
،
صدقوني دول ماله دخل بالي قاعد يصير ، وصرامته خلت الاعبين يتمردون بالملعب

يا نآس و الله المشكله ب اللآعبين

المدرب مآ قصر بس اللآعبين مآ يؤدون دآخل المعلب

الفريدي
آمره عجيب شكله مآ يبي النآدي آبد
صرآحه موب هذا الفريدي اللي عهدنآه

إقتباس الرسالة الأصلية كتبت بواسطة .. ThE eNd .. يا نآس و الله المشكله ب اللآعبين المدرب مآ قصر بس اللآعبين مآ يؤدون دآخل المعلب الفريدي آمره عجيب شكله مآ يبي النآدي آبد صرآحه موب هذا الفريدي اللي عهدنآه

وآلله صح عليك آخوي ،
ومن رآيي آلاداره تخلي الفريدي يروح النادي الي يدفع له اكثر ، وتخلي هوساوي يحترف خارجياً بالاهلي السعودي ، ونلعب بَ شباب النادي الي ما يساومون عليه

سلمان الفرج وسلطان البيشي
هم مستقبل الهلال

المدرب ممتاز لكن الوضع هالموسم مايساعد اي مدرب
اعداد سيء وبدون لاعبين المنتخب
بدايه الموسم تغير كبير في التشكيله بسبب انضمام اللاعبين للمنتخب
اجهاد اكثر من لاعب بسبب استمراهم للعب من الموسم الماضي
انعدام الروح والقتاليه لاسباب كثيره منها حسب توقعي التعب والاجهاد من مواصله اللعب
اخطاء الحراسه البدائيه
الاصابات
و و و

سلطان البيشي صفر ع الشمال هجوميا..

لازم في كل عرضية يثبت الكورة أو يلمسها ثم يعطي الأوفر..

ليــــــــــــــــــه..

سبب تدهور الهلال الحقيقي غياب الروح..

والسبب في هوساوي لأنه لا يوجه أبدا وتفكيره في أوروبا

وكذلك لغياب القحطاني ياسر الذي كان يقود الهلال ويعطيهم الروح..

وسبب التدهور أن اللاعبين وجدوا دول شماعه يعلقون عليها فشلهم..





لآ يوجد في الهلال لاعبين يحرقون أنفسهم غير الحارثي والفرج والعابد..

الفرج ما يحتاج اتكلم عنه

العابد من دخل أمس تغير الهلال وشعلل المباراة

والحارثي مع حماسه رجع يغطي ورا مع البيشي..





أما الغير منتمي الفريدي وكذلك المنتهي الدوسري...أتمنى تنسيقهم..