إقتباس الرسالة الأصلية كتبت بواسطة حـآيـلــي بتقنعني انه ما فك ازمات لكم قبل هي جت على هالمتش خخخخ

لآ مآ رآح أقنعك يآ فيصل ..
يهمني أنا اللي مقتنع فيه وشو ..
وأنت على رآحتك بقنآعتك ..
وكلٍ له نظرته الخآصة فيه تجآه الكآلتشيو والسلطآن ..

الف مبروك الفوز لعشاق الزعيم الايطالي ..

فوز بدون مستوى وفريق واضح عليه الارهاق وشخصيا انا اشوف ان هذي اسوأ مباراة لليوفي كمستوى وحتى اسوأ من المباريات الي تعادلنا فيها لأنه حتى تعادلاتنا كان فيه مستوى !!

الجميل بالموضوع ان الفريق يفوز وهو بأسوأ مستوياته.. وكنت مدحت الميلان قبل فتره لأنه يفوز حتى وهو مستواه زباله وهذا الي صار مع اليوفي أمس مستوى زباله الله يكرمكم لكن يفوز

---

إقتباس فقط نحن بحاجة لإنهاء الدور الأول بـ أعلى من 40 نقطة لكي نطمح رسميا للفوز بالاسكوديتو .

باقي 3 نقاط بس على ال40 .. المباراة الجايه شبه سهله لأنها بملعبنا والفريق بيكون مريح سبوع كامل وان شاء الله يرجع الفريق لقوته الي شفناه قبل التوقف
بين الثالث والرابع 5 نقاط وبدا يتسع الفارق
من جهه ثانيه الاوديني بيفقد كم لاعب مهم بتشكيلته بالبطوله الأفريقيه وهذا ممكن يأثر على نقاطه وترتيبه بالدوري
ميلنتي
يوفي
انتر
شكل الترتيب بيصير كذا قريب .. أو بالأصح هالثلاثه هم الي بيكونون بالمراكز الثلاثه الأولى
ميلنتي أكثر فريق فاز ب 11 فوز وهو أقوى هجوم
اليوفي الفريق الوحيد الي ما خسر .. وهو ثاني أقوى دفاع بعد الاودني بفرق هدف
الانتر يحقق الفوز الخامس على التوالي
روما يحقق الفوز الثالث على التوالي

أفضل لاعب بالدوري لحد الحين ابراهيموفيتش وتقييمه 8.29
ويجي بعده يوفيتيتش 7.69
وبعده دي ناتالي 7.59

اليفييرا من أقذر الاعبين بالكالتشيو لاعب قذر جداً و شايف نفسه و أخلاقه زفت ! بس يفت ابن اللذينا ..



يوفيتش رجع لمستواه و بدع بالهدفين بكل صراحة ، أمنية أنه يجي لروما لا تقولي هامسيك و لا لافيتزي يوفيتش
لاعب لا يعلى عليه بصراحة يعجبني جداً جداً جداً جداً ..



أحرررررق يا كابيتانو ،، يا أبو بلنتيات

ههههههههههههه

اتقبل من كل نادي يقول عننا ماخذين لاعب رجيع مكروش من ناديه زي بوريللو مثلا وماتري ماينطبق عليه هالشي
لكن شلون ميلاني يقوول هالشي.؟ ههههههههههه
اكثر فريق يدور لاعبين متمشكلين مع انديتهم وهذي سياستهم ناجه او لا ماهو موضوعي
لكن ميلاني يقول هذا لاعب رجيع ؟ ههههههههههه ماتجي والله

إقتباس ( رجيع الأندية يقودون هجوم اليوفي الموسم هذا ) ..

عرف غالبا عن عشاق الكالشيو العقلية الجيدة في فهم كرة القدم .

نقاشات كهذه لا تسمن و لا تغني من جوع .. بل هي مثيرة للإشمئزاز بكل صراحة .

أرجو أن نحاول المحافظة على الاستديو بشكل راقي

السلام عليكم

مساكم الله بالخير جميعا..

بغض النظر عن المقارنات مع الدوريات الاخرى .. اشوف الكالشيو هالسنة غير بصراحة ..

تنافس رهيب على المقدمة وصراع كبير حتى في المنتصف والمنطقة الدافئة ...

اودونيزي ونابولي ولاتسيو فرق خسرت شركات المراهنات كثير هالسنة ، وصحوة روما وانتر وتنافس اليوفي وميلان تعطينا اشارات بدور ثاني خرافي من وجهة نظر خاصة راح تاثر فيه كثير انتدابات يناير وغرفة العلاج !!

ميلان بصراحة مايطمن ، والتخدير الاعلامي اللي نشوفه على ميلان العظيم والجبار والمدري ايش كلها راح تأثر سلبا بينما غالبا نشوف الصحافة اليوفاوية ما تمدح النادي او اللاعبين بقدر ماتمدح كونتي .. وهذا شي من صالح اليوفي فالضغط على كونتي اكثر ويحاول يسحبه من لاعبيه ..
انا ما اقول ميلان ضعيف ابدا .. لكن اقول المستوى يخوف والقوة الهجومية ضعفت كثير بعد كاسانو .. ويمكن المشاكل النفسية لروبينيو وباتو لها اثر كبير بعد ..


اليوفي فريق كبير ، ومستواه تقريبا ثابت ، له ميزة اللعب محليا وميزة الفوز بالكلاسيكو الاول ومدربه لحد الان مميز وهالاشياء تخليه افضل من وجهة نظري حتى مع القوة الهجومية للميلان الا ان القوة الهجومية لليوفي مايستهان بها ... كل الامل باصابة لماركيزيو الى نهاية الموسم ويرجع للمنتخب قبل اليورو خخخخخ


بصراحة افتقدنا مفاجات ديربي السامبدوستا ، سامبدوريا في السيريا بي وجنوى هالسنة مو جنوى السنوات اللي راحت ، ياليت نشوف مستويات افضل في الدور الثاني ..


رانييري .. كعادته الكريمة .. يسوي الهوايل بكم جولة وبعدين يجيب اعياد السنة كلها مرة وحدة خخخخخ ، وليت اعياده هالسنة تبدا الاحد الجاي في الديربي ..



الجزيرة .. او الحقيرة .. ما يكفيهم هالاستديو اللي يحوم الكبد 3x3 والمحلل يجيبون لك صورة ظهره وحاشرينهم بذيك الغرفة .. وما يكفيهم الحماقات في احقيات النقل في الدوريات ودوري الابطال .. تجي تحرمنا من جولة متعطشين لها بالحيل بعد التوقف .. والمشكلة ماتدري وش عذرهم ناس تقول اللي ماجدد وناس تقول تغيرت الترددات وناس تقول تشويش !! وكل هالاعذار ما تشفع انهم ينقلون الليقا ويهملون الكالشيو !! الله يعيننا عليهم وحسبي الله عليهم !!


--------------

رد خاطف على سريع ، نسلم فيه على الشباب واقول بيض الله وجيهكم ، ووالله اني مشتاق بالحيل للاستديو والهواش والمشاكل لكن ظروف هالدنيا الله يعين عليها ...


تحية للجميع هنا ، وتحية خاصة للهلالي وصل على التقديم ، ولمشرف الكالشيو عبدالهادي ولجميع الشباب القدامى والجدد ..


ابو فاطمة : اشتقنا لك يا .......

إقتباس الرسالة الأصلية كتبت بواسطة أبوحمد _ Mi رد خاطف على سريع ، نسلم فيه على الشباب واقول بيض الله وجيهكم ، ووالله اني مشتاق بالحيل للاستديو والهواش والمشاكل لكن ظروف هالدنيا الله يعين عليها ...

وعليكم السلآم يآبو حمد القآطع خخخخ وينك يآ رجل .. لك فقده والله ..
إيه والله حلآة الأستديو لآ صآر بالهوآش والحمآس في إطآر الكورة طبعاً ..
أما يصير كله مجآملآت ومرآعآة للأحآسيس والمشآعر النآعمة عشآن جلد منفوخ !! كذآ يصير الجو كئيب وبآيخ
الحمد لله كل اللي بالمنتدى مب بس اللي بالأستديو مآ نعتبر بعضنآ إلا مثل الأخوة المتحآبين وأكثر بعد
لكن لمآ نتكلم بالكورة .. ودنا نفلها شوي ونقول اللي في الخآطر كله .. واللي مو معجبه تحليلي يطمره ويتعدآه

أبو حمد مآ نبي رد خآطف على السريع .. نبي ردود كثيرة ومتوآصلة

جماهير اليوفنتوس رافعين لوحة في مباراة ليتشي ضد بوريللو كاتبين فيها :
" بوريللو المرتزقة هو بدون شرف أو كرامة "



Striscione bianconero contro Borriello - Milan news

أعتقد اللوحة كتبت عشانه رفضهم الموسم قبل الماضي
بالفعل جمهور رائع ههههههههههههههههههههه
بوريللو ..




صراحة دخلت الانتر على الخط فيها حقارة وشطارة بنفس الوقت
لأنهم كسبانين في كل الأحوال
أن اخذوه فقد كسبوا لاعب سيشكل فآرق بالإنتر لأنه لآ ينآفسه أحد هنآك
وان لم يأخذوه فلن يكون ذلك إلا إن أجبروا الميلان على رفع السعر وهذه خسارة للميلان ومكسب لهم
صراحة حركة قذرة وكرروا ما فعلوه في السآبق مع إبرا بعد الكآلتشيو بولي 2006
نادي كريه هو وإدارته ! وبسلامة الطيبين من جمهوره

قد يقول البعض أنه من حق أي نادي التفاوض مع نادي اللاعب
لكن هنآك حدث قديم يمكن تذكرونها ، هذا اللاعب لما كان مع فريقه كآليآري


david suazo

ميلان اتفق مع ناديه الأصل كالياري على شراءه
لكن وقتها كان سوزاو متفق مع موراتي على الإنتقال للإنتر .
غالياني وبسعة صدره ، وبناءً على رغبة اللاعب نفسه
ولكي الموضوع ما يكبر أكثر ، ووفاء وعد الشرف لأبو ضروس موراتي
قرروا الميلآن يتخلون عن سوزاو بالرغم من أن إجراءات الإنتقال كانت سليمة .

الحين أبو ضروس موراتي ليه ما يلبي رغبة تيفيز ؟ واللي أعلنها جهاراً للملأ أنه ( يريد ميلان فقط ) ؟!



خخخخخخ فيديتش أجل أخذ أفضل مدآفع ! وين رآح تيآغو ؟!

ارحب يابو حمد
حياك الله يالغالي اشتقنا و الله .. ان شاء الله تتواصل مشاركاتك معنا

النت مضروب وهذا دخول من الجوال هههههه بس تسجيل دخول ترحيب
و فرحة بوجودك من غير مهونه بحبايبنا الكالتشويين

لنا عودة بكره بإذن الله

بالنسبة لجوائز وفريق الفيفا فت غريبة جدا اختياراتهم !
كيف فيديتش أفضل من تياجو سيلفا ؟؟
ولا النكتة الكبرى روني الموسم الماضي كيف أفضل من ايتو؟ اللي سواه ايتو الموسم الماضي شي خرافي ،،

إقتباس غالياني وبسعة صدره ، وبناءً على رغبة اللاعب نفسه ولكي الموضوع ما يكبر أكثر ، ووفاء وعد الشرف لأبو ضروس موراتي قرروا الميلآن يتخلون عن سوزاو بالرغم من أن إجراءات الإنتقال كانت سليمة .

يا راااااااجل..
أي سعة صدر، الصفقة هذي صار فيها ملاعن واستهبال بين الناديين

أصلا السالفة من البداية إن الانتر اتفق مع اللاعب وراح للنادي وسوى الكشف الطبي
بعدها بيوم دخل الميلان وأعلن في موقعه الرسمي "سوازو لاعب للميلان"
طبعا الأصلع قاصدها على أساس إنه بيرد الدين لصفقة إبراهيموفتش لكن هيهات، شايبنا جابه غصبن عنهم

وبالنسبة لتيفيز سألوا موراتي أمس عنه قال " تيفيز؟ لم أتناول مع الغداء حتى الآن" شكل البوس ناويه ،،

جولة توحي ان التنافس سيشتعل اكثر واكثر في الجولات القادمة ... صحيح اني ماتابعت الا مباراة ميلان ومقتطفات من مباراة الانتر .. لكن اشتعال المنافسة يتضح من خلال النتائج ومن خلال نظرة سريعة على جدول الترتيب ...



الانتر : اقترب من فرق الصدارة واصبح خطر يهدد الاندية التي كانت تطمح في الحصول على مركز في دوري الابطال ... وبعد ديربي الغضب قد يعلن عن نفسه انه منافس على البطولة في حال فوزه في الديربي لاسمح الله ... رانييري مدرب رائع .. لكن مازلت ارى ان تأثيره النفسي على الفريق كآن اكبر من الفني .. يحتاج للوقت والثقة وكثير من الحظ لـ كي تبدأ لمساته الفنية بشكل اكبر ... الانتر يملك كل مقومات النجاح لكن بما ان العامل النفسي تأثيره كبير توقع أن اي خسارة قد تدخل الفريق في دوامة من النتائج السلبية ...


روما : على جماهير روما ان يكونوا واقعيين ويتابعون فريقهم هذا الموسم كـ تشجيع وعشق وحب ومتعة فقط اما النتائج لايحرصون عليها كثير هذا الموسم ويصبرون ولايطلبون من الفريق شيء الا بالموسم القادم ... الفريق غير جلده وبدأ مرحلة جديدة بـ ملاك جدد ومدرب جديد واستراتيجية جديدة ولاعبون جدد .. لذا يحتاج للوقت < أدري اني ملقوف ومالي دخل بما اني لست مشجع لـ روما بس وجهة نظر حبيت اقولها بكل احترام ومودة وحبيت اقولها بعد فوز وليس وقت خسارة ...


اليوفي : عقب السبعة تحس ان هالفريق مايمزح ابد هذاالموسم ... قليلين الادب جايبينهم تكريم للاعب معتزل لا وحارس بعد ويصكونا سبعة ...
لحد ينبرش بسبب الكلام اعلاه كنت امزح ...
لكن فعلا روح اليوفي عادت للفريق وشخصية البطل بدأت تظهر من جديد ... كونتي اختصر الوقت ... اليوفي يمقن هذا الموسم يأخذ البطولة ويمقن لا .. لكن الاكيد ان استمر هكذا ودعم الفريق بـعدة لاعبين يختارهم كونتي سيكون المرشح الاول للبطولة الموسم القادم وهذا مهم لجماهيره لكن الاهم هو ان اليوفي عاد لمكانه الطبيعي وتأكيد رسمي انه تجاوز مشاكل الكالتشيو بولي وطوى صفحتها نهائيا ...



ميلان : مع اليغري الفريق يسير بخطوات ثآبتة نحو الاحتفاظ بـ اللقب .. مايملكه الفريق والمستويات التي يقدمها مقارنة مع باقي الاندية تجعله المرشح الاقوى والاوفر حظا للحصول على الاسكديتو ..


اعذروني على الشطحات وماذكرته اعلاه وجهة نظري اتمنى تقبلها حتى لو لم تتفقوا معها .. وبخصوص الالوان لحد يشره