|
مرسال .. تدري وش مشكلتك؟ مشكلتك تعدت مسألة طفش الدوام الحكومي حتى وصلت إلى حالة نفسية ممكن تتطور مع الوقت !! يا أخي جد ودي أفهم هل أنت تشوف إنك تقي الدين ابن تيمية وغيرك من العصاة الفساق الفجرة؟!! لأني ألاحظ هذا من بعض ردودك ! وكأن المجلس ومن فيه - في نظرك - كلهم فاسدين ما عدا أنت الفار الوحيد الطاهر ..!! ممكن في مواضيع أخرى مشينا هالردود من باب : ما على المجنون حرج ! لكن حتى هنا بهذا الموضوع العادي جالس تفتي وتشخص الواقع المرير يا هريفي زمانك !! موضوع ذكريات .. من يبي يكتب ذكرياته مرحبا به ! وحتى اللي يبي يتفلسف مرحبا به بس يتفلسف ويعطي وجهة نظر محترمة حتى نحترمها ! أما غير ذلك فالأمر بيد المشرفين يتصرفون بـ مثل هالردود اللي يظهر صاحبها إن العالم كله فاسد وأنه الفأر الطاهر اللي محد مثله ..!! بالنسبة للذكريات .. انشغلت شوي وإن شاء الله برجع قريب .. طارق ما أوصيك تكمل ذكرياتك :smilie47: |
الشي الوحيد المتفـق عليه الكثير منا اصبحت له مشاكل بالمجلس ويكون على وشك مغادرة المجلس إلا ويخرج الفارس المغوار ماجد مقبل :smilie47::d ويكون سبب فى تفجير طاقته الكامـنة ويصبح المجلس جزء من حياتة اليومية صحيح دخلت المجلس متأخر بس عرفت أشخاص قد احتلو بالقلب مكان الأخ :ba: |
دخلت أشيك على الرسايل الخاصه وبعدها هزّني الشوق قلت يا ولد سيّر على المجلس العام شف وش الجديد ولقيت موضوعك :d والشئ الغريب مو إني شفت يوزرات قديمة الغريب إني قريت كل الردود :s2: وهالشئ " إفتقدته شخصيا" بالمجلس العام والملاحظ عليك ما شاء الله تبارك الله إن لياقتك لازالت موجودة وما عندك مشكلة تملى بيَاض المجلس العام :s2: متابع يا سي السيد وبالنسبة لي وعلاقتي بالمجلس العام فأنا أعتبر نفسي ( الإبن والأخ العاق للمجلس ولأعضائه ) s73s قفله : فاقد الخط الكوفي!!؟ |
إقتباس:
إقتباس:
سلطان وين هالفيسات >>:s2::smilie47: أنا مو تقي مثل أبن تيمة و أن ظهر ذالك فهذه نعمة من الله أن يطهر سمعتي و أشكر ربي عليها .. أخاف أقولك لا يجوز ذم أخيك بالفأر و أنت انسان أكبر من هالالفاظ و ترجع تقول شفت تصلح طاهر و غيرك فجار:d |
ينفعع أقول ذكريآتي مع صيد الأنترنت :d ؟ شسوي أول بدآيآتي ككآنت من هنآكك , همن جيت هنآ :d :smilie47: ! يعني عندي جزئين من الذككريآت :naughty: :d ! |
f*y*d :smilie47: كما اليوزر اعلاه مميزا في شكل يوزره .. فقد كان صاحب ذلك اليوزر مميزا في اخلاقه وحضوره فياض حبيب الشعب والأمة والضمير العالمي :d :smilie47: كان ما يميز هذا الأخ الحبيب إنه يبحث دوما عن التميز .. ولا يقبل الا يكون متميزا .. وقد كان كذلك بالفعل الغالي فياض .. كان احد الشخصيات التي شكلت لي داعما قويا في بداية حضوري بالمجلس العام .. ولن انسى له وايضا اختنا الاستشارية المميزة الهنوووف .. انهما كانا يضعان رابط لبعض موضوعاتي في ذلك الوقت في توقيعهما .. جزاهما الله خير :smilie47: .. واتمنى انني كنت كما كانا يظنان بي ،،، الغالي فياض كان شعلة من النشاط في المجلس العام .. في موضوعاته المميزة التي كان يطرقها .. في مشاركاته الثرية .. في دعمه للاعضاء .. في حضوره بين جنبات المجلس وكأن الابتسامة تصحبه .. وحضوره لأحداث المجلس وتطوراته لذلك نال عن جدارة واستحقاق لقب ( موسوعة المجلس العام ) .. كان خلوقا جدا وأديب جدا ومميز جدا جدا :smilie47: اتذكر له موقف كنا قد استضفنا في الإشراف أحدى الشاعرات الرائدات في المملكة .. وكانت الفكرة من الاستضافة هي منح احبتنا المميزين والمميزات اللذين يستهويهم الشعر والخواطر .. فرصة ان يستفيدوا ويفيدوا ايضا الآخرين .. وكان الغالي فياض كعادته حاضرا وداعما لتلك الشاعرة المميزة .. ولأن فياض كريما في دعمه فقد يفسر البعض ذلك بطريقة خاطئة وهذا ما حدث بين تلك الشاعرة وفياض .. ولكن تم تدارك الموضوع وتوضيح الصورة .. واتذكر ان تلك الشاعرة اعتذرت لفياض عن سوء الفهم .. ولكن الرائع بحق كان فياض :smilie47: الذي تعامل مع الموضوع في حينها برحابة صدر وخلق كريم وحسن تقدير ومسؤولية عالية .. كبير يا فياض :smilie47: من الذكريات الجميلة والممتعة والرائعة والأجمل والأحسن والأروع وكل ما هو جميل :d :smilie47: .. عندما اجتمعنا سوية في استضافة الإعلامي المتألق ( مصطفى الآغا ) ومن ثم العمل سوية في مجلة باسم المجلس اسمها ( فيارق ) :smilie47: .. على وزن بواسل .. بواسل .. بواسل في مسلسل الرصاصة لا تزال في جيبي ! :to: :s2: كان يتميز فياض بانه مغرم بأدق التفاصيل والسبب لأنه شخص متميز :d .. لذلك توقفنا طويلا عند اختيار الاسم .. الأمر الذي اضطرني من كثر ما رفع ضغطي فياض :d أن اطرح الموضوع بالاستشاري .. وكان حبيبنا القاضي او الهنوووف او كلاهما معا قد اقترحا اخذ اول حرفين من اسم فياض وآخر حرفين من اسم طارق لكي يكون اسم المجلة ( فيارق ) :smilie47: <==== طبعا القلب للحرفين ( رق ) :s4s: :s2: لا استطيع ان امتدح المجلة .. ولكنها حقا كانت مميزة حد الابداع او الجنون او كلاهما معا :wub: .. وابرز ما يعيبها إنه لم يصدر منها سوى عددين فقط :mad: .. ولكن كل فقرة منها لها قصة وحكاية .. ولن أكون مبالغا اذا ما قلت ان كل سطر منها كان له قصة .. وقد تشرفت المجلة باستضافة اخوين حبيبين كانا اضافة كبيرة في حضورهما وهما هكتور :smilie47: ( كان مواصل في ذلك الوقت :d ) وايضا صاحب هذا الموضوع المشاغب :smilie47: .. الذي تركني في موضوعه ورحل :s2: افتقد هذا الرجل النبيل :smilie47: .. واتمنى له التوفيق وان يتمكن كما ورد في توقيعه ان ينال من الدنيا على خير وبركة ،،، |
السلام عليكم و رجمة الله وبركاته أهلاً بالجميع أهلاً المشاغب جميييل هالموضوع بعض الصفحات قرأتها والدموع تنهمر ^^ مٌتابعه للموضوع بصمت من البداية ، حاولت الردّ أكثر من مرّة لكن عجِزت ! " يبدو بأن دعوات أهلي بأن أترك المشاركة في المنتديات استجيبت " المجلس العام العام وذكرياتي فيه ، اممم للأسف مافي بالي شيء محدّد أقوله كل الذكريات جميله الحمد لله ^^ ولا عندي القدرة أعبّر » يالله حسن الختام :$ ممكن ترجعون لاستضافتي بحياة@نت ذكرت كل شيء عن المجلس ^^ أجمل مافي المجلس أنه جمعني بأخوة وأخوات افتخر بمعرفتي بهم () والله كل من عرفتهم في المجلس لا أذكرهم إلا بالخير وندعو لهم بالخير ، » أحاول أتذكّر أعضاء سيئين مرّوا على المجلس ما جاء ببالي أحد ^^ الحمد لله : المشاغب / ذكرياتك رائعه ما شاء الله العجيب ان بداية معرفتك بالمجلس هي نفس بدايتي ، لكن أنت مٌشارك وأنا متابعه ^^ شكراً جزيلاً على الموضوع استمتعت بقراءة كل ردّ في الموضوع تمنيت المشاركة بالذكريات لكن الشكوى لله "( : أعرف ان ردّي مايستحق النشر ، بس أهم شيء شاركت p: سامحونا وحلّلونا وأنتم بحلّ () --- يا ربّ كما جمعتنا في هذا أجمعنا في الجنان () ِ |
مرسال .. أنا ما وصفتك بالفأر .. وإنما تكلمت عن نظرتك وكلامك عن المجلس , ولأنك من ضمن أعضاء المجلس فبدون شك إن كلامك ينطبق عليك قبل غيرك , فإذا كنت تنظر للآخرين بأنهم فاسدين فعلى قولتهم " ما بالفيران فار طاهر " يكرمون أعضاء المجلس عن هالوصف .. ومن هالنقطة جاء طاري الفار .. يعني إن كانك شايفهم فيران فأنت منهم , وإن شفتهم أسود فأنت منهم .. طارق .. ما قصرت الله يعطيك العافية والله اني انشغلت هاليومين العذر والسموحة :smilie47: من الذكريات على السريع .. نجي لـ إليزابيث هيرلي .. هالصبية في كل موضوع فيه خاطرة أو شعر تلقى لها رد .. مثلاً لو يكتب ( مطيع ) خاطرة - بالمناسبة خواطر مطيع وإليزابيث أكثر خواطر تعجبني - أقول لو ترد ليز على خاطرة مطيع لازم تقول هالكلمات : كلماتك ليست كالكلمات , لا عدمنا حسك المرهف , كل الأماني معطرة بأجمل أحاسيس ليز :s2: لا وإذا كانت رايقة تقول : نعم لا يوجد أحد بمستوى إحساسك ... إلى آخر الخراط :s2: ثم تلقاها بموضوع ثاني لـ سعوديز هيرت تقول نفس الكلام كلماتك ليست كالكلمات وحروفك ليست كالحروفات :s2: وأنتي أحسن واحدة في الإحساس يا غاليتي :s2::smilie47: هذا بالنسبة لمجاملاتها ونفاقها الإجتماعي :s2: أما خواطرها فللأسف وكامل الأسف أنني من المعجبين بأسلوبها وكلماتها التي ليست كالكلمات :s2::smilie47: قريبتها ريري هكتور هذي إنسانة منتهية وقاضية :s2: ما ودي أضيع وقتكم ووقتي في وصفها , أنتوا بس تخيلوا أسامة المولد وبتختصرون المسافات مرة يجيك طيب وحبيّب , وباليوم الثاني ينقنق له على مفاصل لاعب بكل برودة دم من زود التمرس في الإجرام :s2: أما بنات عمهم الثنتين .. فلحسن الحظ بيننا حزازيات وأكرههم ويكرهوني :s2: وأما شغالتهم فـ على خبري إنها ما زالت تنتظر التفعيل .. خلونا للحين في محيط القصيم ونجي لطاري ( نور الشمس ) اللي كاتبه الردّ فوق طالع كنّه وصية محتضر على فراش الموت :s2: نور الشمس سابقاً وثم نور القمر وأخيراً أصبحت ماهينور , وهذا إن دلّ على شيء فهو يدل على قوة الواسطة عند القصمان :s2: تحط وتبدّل الاسم وغيرها ملحط من كم سنة ما حصّل نص اسم :s2: أول ما بدأت نور الشمس في المجلس بموضوع قوي هزّ أركان المجلس .. اممم أحس إني بالغت شوي وما بتمشي عليكم لذلك خلونا نخليه موضوع قوي بس أحسن لي ولكم :s2::smilie47: موضوعها كان تعريفي إن صح التعبير , يعني تعرف بنفسها وتذكر إنها تعرف الأعضاء ومواضيعهم وإنها متابعة من أكثر من سنة بشكل يومي ! طبعاً أنا كان عندي مبدأ يقول : الأصل في البنت الكذب , يعني أعتبر البنت أي بنت كذابة حتى يثبت صدقها :s2: قلت في نفسي وبين أصحاب السوء كلي هلالي وهامور البورصه إنها عضوة قديمة ولها غرض في استخدام يوزر جديد !! كان الدهاء يقول لي ( أنّى لك هذا؟ ) :s2::smilie47: كنا مستغربين وش هالفضاوة في بنت تتابع كل صغيرة وكبيرة بالمنتدى وتعرف أكثر منا وهي مجرد متابعة بصمت؟!! كان واضح جداً إن خبرتي في القصيميات تحديداً ضعيفة :s2: المهم بعدين بدأنا نعرفها من خلال ردودها وتواقيعها المحافظة , من زود الدين ما شاء الله تبارك الله تحس إنها تفتح اللابتوب وهي لابسة عباتها ومتغطية :s2: فيه أيضاً عضوة يوزرها القمر الهلاليه من أوائل العضوات اللي أتذكرهن بالمجلس ! أذكر في يوم لن أنساه كان فيه موضوع عن طلال الرشيد الله يرحمه :smilie47: الأخت كانت من جمهوره المتعصب , فجابت أم العيد ودخلت في أمور أكبر من المنتدى بكبره :s5s: تعدت أمور السياسة إلى ردود تزعزع الحكم :s2: ما يحتاج أذكر لكم ردودها عشان ما أسبب فتنة سياسية في الدولة :s2::smilie47: الزبدة أرسلت لها بالخاص أطلب منها تحذف ردودها لأن اتهاماتها خطيرة وبيسحبها البحث مع خشمها ولا بينفعها الهياط :s2::smilie47: مشكلتها طلعت قصيمية معاندة فردّت علي بأنها ما غلطت وإنها ما تقول إلا حقائق وما راح تحذف شي ! وأتوقع إنها استرسلت في قصة الحادثة في الجزاير ! اللي أتذكره إني حذفت الصادر والوارد من الرسايل وقطعت صلتي بشكل كامل بالموضوع في انتظار خبر حبس المناضلة السياسية القمر الهلاليه ! بس من حسن حظها إنها حرمة ومحد جاب خبرها :s2: وبعد هالسالفة بيومين لقيتها تهاوش في موضوع مع واحد بمنتدى الجمهور بسبّة نواف التمياط :s2: يا ساتر وش هالبنت اللي ما تعيش إلا على إثارة المشاكل؟ :s2: كانت أول بنت أشوفها تسب في نواف التمياط وتهزئ في شنب بالمنتدى بكل وساعة وجه :s2::smilie47: كانت تستحق لقب المرأة الحديدية بكل جدارة .. برب سأروح أغير حفاظة ولدي :s2::smilie47: << لحد يضحك ترا دوامنا شفتات :s2: هذي فايدة مساواة المرأة بالرجل قمنا نمسح وننظف وننفخ , الله يلعن هاللبرلة قولوا آمين :s2::smilie47: |
سلطان يالشين تذكر القيصر رهيب ؟ يووووه ذا الانسان من زمان عنه الله يسعده تذكر يوم مسكنا خط الرياض عشان نلعب مع قسم العالميه .. الله يسقي من ايام بس <33 |
السلام عليكم جميعا ارحب بالجميع قسم ما اتذكر شيئ ما ادري هو زهايمر والا عندي مشكله بالهارديسك والا يمكن لاني مسالم مع الجميع اهاااااااا تذكر موقف لعضو اسمه كان بالانجليزي Hilali the love تقريبا رد على موضوع جدي كان تقريبا يتكلم عن قيام الليل او نصيحه المهم كان رده كذا بالضبط هههههههههههه شكرا على النكته ,,,,,, راسلته عالاخاص واستفسرت عن الرد طلع الراجل يبغى يزيد عدد المشاركات لانه ي بداياته وكان يفتح اكثر من موضوع ويرد بسرعه واحيانا نسخ لصق ولصقت غلط معاه ههههههههههههه الله يستر عليه طلب من الجميع لو يوم غلط على احد يسامحني وبالتوفيق للجميع |
المشاغب ياخي انت مجنون في الوصف هذيك الفترة كنت انا مدهر في منتدى الجمهور وكنت احسب منتدى المجلس للناس الفاضين ولا فيه احد لين اذكر بالصدفة جيت للمجلس وشفت الحرب العالمية ^_^ وكنت متابع بصمت خفت ادخل مع احد الطرفين ويجيني قصف ومنتدى الجمهور محتاجني ^_^ |
سقا الله ذيك الأيام لما كان المجلس :smilie47: شاغلنا واخذ اغلب وقتنا شكرا للمايسترو |
ما شاء الله تطورت يالمشاغب وصرت حكواتي ! :D بالنسبة ليا ما أدري إذا أحد يذكر يوزري أو هاليوزر الزعيم osams المجلس زمان للأسف غير عن الآن !! |
خخخخخخخ ,, صدق يالمشاغب أنك منسم : ) . وأنا أقرأ ردودك , تغلغل بداخلي أني قديييم , لكن ما أشارك : ( . كمل يا أسد ورّكز على موضوعك :) ... وأنا بعزز بالقراءة : ). |
إقتباس:
خخخخخخخخخخخخخخخخخخ خخخخخخخخخخخخخخخخخخخخ العياره بدمك سلطان :d:smilie47: بصراحه اعجبني الموضوع واحب اسلوبك قريت بعض الردود وتجاهلت بعضها لكني طلعت بفكره مختصره عن شغلات حلوه .. حبيت ابدي اعجابي فيك وموضوعك يستاهل .. سجلت حضور بدون ذكريات لاني ذكرياتي والماضي وحش خالص اوي اوي :d إقتباس:
ليت كل الناس ماجد مقبل يا شيخ :ba1: |
| الوقت المعتمد في المنتدى بتوقيت جرينتش +3.
الوقت الان » 09:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd