|
عاجل : جيريتس يوصي من المغرب بإشراك عيسى المحياني خارج الصندوق .!! والمطوع بديلآ للفريدي .؟؟ بسم الله الرحمن الرحيم . هاردلك التعادل المخيب أما فريق يلعب بأسوء مستوياته والحمد لله على كل حال . إيريك جيريتس يظلم المحياني ويشركه خارج الصندوق .!! كم مرة سمعنا هالكلمة بعد كل مباراة يشارك فيها عيسى مع الهلال أيام جيريتس .؟ كنا بعد كل مباراة نسمعها ..؟ ونسمع حاليآ دول يظلم المحياني ويجلسه إحتياطيآ .!! أنا أول ماسمعت الكلام اللي بخصوص جيريتس وعيسى تأكدت بنفسي من هالكلام العاري من الصحه بعد رحيل جيريتس .! في كل مباراة اللي بيتابع تحركات عيسى يلاحظ عليه خروجه كثـــــــــــــــير آ من الصندوق ويرجع للوراء ويحاول ياخذ الكورة .وهذا الشيء اللي جعل عيسى إحتياطي مع جيريتس ودول وكالديرون. اللاعب هو الي يدمر نفسه بنفسه للأسف .أنا ما أبي الجمهور العاطفي هو اللي يرد علي , أبي الجمهور اللي يتابع عيسى جيدآ وبشكل دقيق لما الكورة تكون مع أحد لاعبين الوسط يلاحظ عيسى يرجع ويطلب الكورة , وهذا الشيء بيحرمه من التسجيل من خلال تواجده داخل الصندوق .وبيحرمه من التواجد أساسي , الملاحظ على أهداف عيسى من يوم جاء للهلال 99% منها داخل الصندوق , ومع ذلك اللاعب 80 دقيقة من مجمل وقت المباراة يتراجع للوراء .يعني لو اللاعب عنده مهارة المراوغه ويستفيد منها خارج الصندوق ما عليه , لو عنده قوة التسديد معذور اللاعب بخروجه , لكن عيسى ماعنده إلا التواجد داخل الصندوق فقط . ومع تواجده داخل إلا أنه يضيع هجمات كثيرة , يعني مع إحترامي له ولمحبينه ماينفع أساسي بالهلال . أذكر بعد مباراة الهلال وذوب آهن أصيب ياسر وغاب 40 يوم عن الملاعب , وشارك بعدها عيسى أساسي 4 أو 5 مباريات , وكان مستوى الهلال جيد جدآ , ولعبنا مع النصر وسجل عيسى هدف لكن ضيع هدف محقق بنسة 100% : وبعدها لعبنا مع الاهلي وتعادلنا 3-3 وضيع أهداف سهلة , وبعدها لعبنا مع القادسية وتعادلنا 0-0 بالرياض وكان هو المهاجم .؟؟؟ أنا والله ما أكره عيسى كشخص , بالعكس خلوق ومحترم , لكنه مو بالمستوى اللي نبغاه , صح سجل أهداف حاسمه لكن ضيع أكثر وأسهل منها , ويلعب دائمآ خارج الصندوق , ولا يفيد الوسط بتحركاته بدون كورة , كل 5 دقايق راجع للخلف .وحركته ثقيلة وبطيئ , وماعنده كنترول ممتاز للكورة . مباراة الإتحاد ماشفناه إلا بكورة وحدة فقط : غيرها ماقدم شيء ولا حتى تحرك .! يوسف العربي . نسخة كربونية من عيسى المحياني , نفس طبيعة عيسى , كل أهدافه مع الهلال داخل الصندوق , ولا أدري عن أي قوة تسديد يتكلمون عنها اللي يذكرونه بالدوري الفرنسي قبل قدومه للهلال , لا تسديد ممتاز من برى المنطقة , ولا تمركز صحيح , وبطيء وحركته ثقيلة , ويضيع هجمات أكثر من أهدافه اللي سجلها بالدوري . من أول الدوري وهو مضيع أهداف محققة , مو قهر نخسر من الشباب وعندنا هجمات وكنا الأفضل ومع ذلك يقولون المدرب فاشل ..!!! شوفو كنتروله للكورة : مو قهر من أول ربع ساعه وأحنا ضاغطين الإتحاد بمرماهم ولنا هجمات لكن الهجووم يضيع علينا فرص محققة ..؟ http://center.jeddahbikers.com/uploa...3250384261.gif http://center.jeddahbikers.com/uploa...3250351621.gif http://center.jeddahbikers.com/uploa...3250351622.gif ومشكلته زي عيسى مايعرف يلعب برى الصندوق , ولا عنه مهارة ولا سرعه ولا قوة تسديد : بيونج يو :smilie47: أستغرب من اللي يطالبون برحيل الكوري بيونج يو وهو مالعب إلا كم مباراة , والمشكلة إنه سجل بأغلب المباريات اللي لعب فيها وصلح أهداف بعد , ومع ذلك فيه جمهور يطالب برحيله , اللاعب طويل وسريع ومتحرك وخفيف وكنتروله ممتاز , ويجيد ضربات الرأس , ويصنع أهداف بالرأس والقدم , يعني هذا لو يلعب بالإتحاد كان صار هداف الدوري , لأن الإتحاد 90% من أهدافهم بالرأس على كل الأندية ., يعني أهدافه مع الهلال تثبت إنه لاعب يجيد ضربات الرأس بإمتياز , من قبل بداية الموسم وهو يسجل بالرأس , وأتمنى أننا نشوفه أساسي بالمبارايات القادمة لعده أسباب أهمها إن اللاعب سريع ويجيد التسجيل بالرأس والقدم ويصنع أهداف بالرأس , وسريع ومتحرك بعكس المحياني والعربي البطيئين والثقال. هاللقطات تبين الأهداف وتحركاته الممتازة من أول ماجاء للهلال : حتى بالكرات الرأسية ممكن نستفيد منه بتصليح الكورات للمهاجمين زي هالهدف: وحتى بالكرات اللي بالقدم يجيدها اللاعب وخفيف وسريع : شوفو التثبيت بالصدر والمراوغه والتسديد للمرمى : شوفو التمركز الممتاز داخل الصندوق والإستفادة من اللعبات العرضية : أحمد الفريدي . هاللاعب من أبرز سلبياته والكل يعرفها حتى هو نفسه يعترف فيها البطئ , وكرة القدم بالوقت الحالي تعتمد على السرعه والجماعيه , وهذا الشيء اللي يفقده الفريدي . بطيئ في قيادته للهجمات وخصوصآ المرتده , وأناني في كثير من الأحيان , يعني مو مسألة إنك تملك المهارة خلاص أي لاعب تقطع الكورة منه تروح وترجع له وتعدي فيه , أو أي لاعب يحاول يعدي منك ترجع له وتعدي منه , هذا الشيء للأسف موجود بأحمد الفريدي : يعني شوفوه من أول ماقطع الكورة ماخلصها بسرعه , لكنه يتابع اللي وراه يبي يرجع له ويعدي أو مدري وش بالضبط .:wub: فيه برود ويعطل الكثير من الهجمات وفي بعض الأوقات زملائه فاتحين له لعب وهو يخرب الهجمه ببروده وأنانيته زي هالهجمه : يعني ما أدري في هاللعبه هذي هو يبي يسدد ولا يبي يلعبها من فوق الحارس من هالمكان البعيد :wub: للأسف عبدالعزيز الدوسري أفضل منه وأسرع ويملك المهارة وقوة التسديد بعكس الفريدي , ومع ذلك نشاهده أحيانآ إحتياط.!! يعني لو يلعب الشلهوب والدوسري والعابد يكون الوسط متحرك وكلهم سريعين ومهاريين ويجيدون التسديد , وأستغرب مشاركة الفريدي أساسي , صحيح يملك المهارة أحيانآ , لكن اللي يقدمه اللاعب ما أِشوف إنه يأهله للعب أساسي بالهلال مكان النجوم اللي ذكرتهم فوق , ماعنده قوة تسديد ولا عنده سرعه , ولا يجيد تنفيذ الفاولات ولا الركنيات , بمباراة الإتحاد أغلب الركنيات نفذها الفريدي , لكن نواف العابد نفذ ركنية بنهاية الشوط الأول ووصلت للمرشدي وضربها بالعارضة , والشوط الثاني نفذها الشلهوب وجاء الهدف , يعني حتى بالركنيات تحس فيه شيء من البرودة , ومع ذلك هو اللي ينفذ.!! بالهلال نبي لاعب يعطي مباراة كاملة أو على الأقل شوط كامل بحماس وجدية وجماعية وسرعه , مو يلعب لي بمزاج وروقان وبرودة وأنانية. ويظهر لي بهجمتين أو ثلاث ويسجل أو يصلح هدف بعدين يرفعونه فوق . يعني شيء غريب من لاعب مثل أحمد الفريدي .العابد والدوسري والشلهوب جالسين يقدمون مستويات ولا أخذو ما أخذه الفريدي من مدح وتمجيد أسطورة ومدري أيش.؟ أنا أدري إن أغلب الجمهور ضدي بخصوص الفريدي لكن والله هذا الواقع , لو تبعدو عنكم العاطفة شوي وتشوفون اللاعب بشكل عام ماعنده إلا المهارة وفي بعض أجزاء من المباريات تظهر هالمهارة .؟ وهجمته الي مباراة الأمس اللي ضاعت بكل سهولة وبرودة شيء غريب , وكان من الممكن ننهي الشوط الأول متقدمين بهدف لكن اللاعب ما أدري وش فيه , أذكر الشوالي علق على ركلة الجزاء الي ضيعها قدام الاتحاد بنهائي كأس الملك قبل موسمين وقال يالفريدي لو إبني هو الحارس كان صد كورتك .؟؟؟ يعني هاللاعب ما أدري وش يحس فيه .؟ إحنا جالسين ومعصبين ونسب ونتعب ويرتفع ضغطنا وهو مروق وباااارد . أبي أعرف وش فرق الشمراني ومهاجم القادسية يوم سجلو هالكورة وأنت ماسجلتها .؟؟ ترى نفس المكان ونفس الهجمه , لكن الفرق إنهم متحمسين ويشوتون بقوة ومن قلب . لكن الفريدي ببرودة و بعض الشيء من الإستهتار .... الهجمه سهلة والمرمى مكشوف , يبي لها واحد مغمض ويشوتها بقوة وتدخل . ما أشوف إن هالبرودة حل لهذي الهجمه .!! سلمان الفرج .! هذا اللاعب مركزه الأساسي محور والجميع يعرف هالشيء , لكن ما أدري هل سامي والمدرب دول يعرفون هالشيء ولالا .؟ من الظلم إنك تلعبه ظهير أيسر ويتسبب بأهداف ومشاكل بالفريق ماله أي ذنب فيها .؟ الموسم اللي راح لعب مباراة الأهلي وتعادلنا 3-3 وكان هو أساسي بالظهير الأيسر , ولكم الحكم بالصور : شوفو اللاعب وين كان مكانه والهجمه بدت من جهته للأسف وهو مدري وين متقدم .؟ ترى هاللقطه نفس لقطة ويندل بمباراة الإتحاد اللي قبل يومين : لكن الفرق إن العتيبي صد كورة ويندل والحوسني هدف , لكن لو كورة ويندل هدف كان الجمهور عرف الخلل . مع إنه مايحتاج يسجلها ويندل علشان نعرف , لأن اللاعب واضح تواضع مستواه بالظهير الأيسر . والهدف الثاني كان من جهته وهو مدري وش يسوي : والهدف الثالث أثبت إن اللاعب مايعرف يضرب بالرأس أبد : ونفس اللقطه مع هزازي : وقبلها كان هزازي بيسجل هدف من هجمه ميته , وشوفو من اللي يضغط على باولو جورج .؟ وشوفو وين الفرج تارك منطقته : المشكلة المرشدي هو اللي بالظهير الأيسر وكان ضاغط على جورج , ورجع المرشدي يضغط على هزازي والفرج جالس يتفرج :s5s: ما أدري وش سبب بقاء شافي الدوسري على دكة الإحتياط .؟ هل هو فشل بالإختيار أو تدمير موهبه مثله مثل يحيى الكعبي :cry: اللاعب يقدم مستويات حلوة وأفضل من الزوري والفرج , وقريب من مستوى الشهراني لكن ...الله يوفقه ونشوفه أساسي بالقريب . أخيرآ على حسب الأخبار اللي ترددت بشأن نية الإدارة والمدرب الإستغناء عن إيمانا , أتمنى يكون بديله بدر المطوع , أدري إن القادسية ماراح يستغني عنه بسهولة , لكن لو نعطيهم إيمانا أو الفريدي أو نعطيهم جزء كبير من المبلغ اللي بنستفيده من إيمانا إن شاء الله يوافقون . لاعب صغير , لكن مستواه مايحتاج أبدآ أتكلم عنه ولا يحتاج نتابعه مع فريقه , كلنا شفناه يوم لعب مع النصر وشفناه وش قدم لهم هو لوحده بدون هجوم ووسط . فما بالكم إذا جاء للهلال . يلعب جناح أيمن ومهاجم ويصنع لعب . يعني مثل ويلي وأفضل منه من وجهة نظري . وأتمنى الإستغناء عن العربي ويكون بديله مدافع أجنبي سواء رحل هوساوي أو بقى . ويبقى الكوري أساسي والحارثي مهاجم ثاني وعيسى مهاجم ثالث. أنا تعبت على هالموضوع وإشتغلت عليه 6 ساعات أو أكثر , وأتمنى من الجمهور الكريم مناقشة الموضوع والإبتعاد عن التجريح باللاعبين وكاتب الموضوع , ويعلم الله إني كتبت هالكلام لأجل مصلحة الفريق , ماهمني بقاء لاعب أو رحيل لاعب , ولا أقصد من موضوعي التجريح أو الإساءة للاعب معين . ( تم حذف مايخص الكابتن ياسر القحطاني من الموضوع , بسبب تحول النقاش لمسار آخر غير هادف من بعض الجماهير .أتمنى مناقشة الموضوع بإحترام لجميع اللاعبين ولكاتب الموضوع .) سبحانك اللهم وبحمدك أشهد أن لا إله إلا أنت أستغفرك وأتوب إليك . |
اكيد ياسر افضل مهاجم في العالم ميسي يقول حلم حياتي اصير مثل ياسر القحطاني مهاجم العين الاماراتي وين الاسطوره ياسر عن مباريات ذوبهان ،،ام صلال،، الاتحاد في اسيا حبيبي لو ابي اجيب لك الهجمات اللي ضيعها ياسر من يوم جاء للهلال راح اجيبها لك في خمس دقايق العربي ثالث هداف الدوري الفرنسي واللي سجل في مرسليا وليون وبوردو تقارنه بلاعب اهدافه في الفيصلي والحزم ..! العربي في 13 مباراه يقترب من المعدل السنوي التهديفي لياسر في الدوري..! ياسر معدله السنوي في الدوري عشرة اهداف اما العربي في 13 مباراه ثمانية اهداف بدون ركلات جزاء من الظلم المقارنه بين لاعب له معك ست سنوات وبين لاعب ماله معك غير خمسه شهور..! اما مايخص هجمات العربي فهجمته قدام الشباب ابعدها معاذ في اخر لحظة ولاهجمه قووووووول وقدام الاتحاد وضع الكور في زوايا صعبه لكن ربك وفق مبروك وتصدى لها..! يكفي انه اجتهد ماجلس يسحب رجلينه ويوزع ابتسمات ..! وجميع مدافعين الاتحاد المولد والسعيد وتكر اخذو كروت صفر بسببه ..! اما عيسي المحياني يكفي انه كان اساسي في منتخب الشباب وياسر كان احتياطي له..! يكفي انه هداف الدوري السعودي 2006 مع الوحده وكل موسم له مع الوحده كان ينافس على الدوري والشمراني لاعب الشباب كان احتياطي له..! فيما ياسر ماعمره في حياته اخذ هداف الدوري لامع الهلال ولا مع القادسيه حتى في موسم جيرتس الهجومي كان هو رابع هدافين الهلال خلف وسط الهلال الشلهوب 12 نيفز 11 ويليهامسون 10 ياسر القحطاني 9 ياساتر مهاجم الفريق رابع هداف الفريق وكان بامكانه الفوز بهداف الدوري ذاك الموسم نظير مستوى الهلال الكبير ونظير ايضا عدم وجود منافسين له على صدارة الهدافين فهزازي والشمراني الموسم ذاك كانو مصابين بالرباط الصليبي مع ذلك القناص لم يحقق هداف الدوري..! اما مايخص ان عيسي اخذ فرصه بعد هروب ياسر بعد خروج ذوبهان فاولا بعد خروج ذوبهان جيرتس ترك الفريق وجالس الهلال بدون مدرب لثلاث مباريات النفسيه كانت سيئيه جراء الخروج الاسيوي علما ان الدوري توقف عشان بطولة الخليج..! يعني بلاش قلب الحقايق ترانا ناس عارفين الكوره ونعرف التاريخ فبلاش قلب للحقايق. |
اول شي يعطيك الف الف عاااااااافيه على الطرح الجميل وبصراحه يوسف العربي ثقيييييييل مره عندي ثلاث كلمات فقط رجعووووو لنا يااااااااااااااااااااسر القحطاني |
إقتباس:
روح معه اعاره للعين ..! واذا رجع ارجع معه..! |
إقتباس:
ودي اعلمك متى راح جيريتس ودي مااعلمك , لاني اشك أنك تفهم كورة وتعرف التاريخ ياصديقي :s4s: على العموم معلومة لك وللي يعرف التاريخ والكورة : جيريتس رحل بعد مباراة النصر1-1 ولو انك تشوف هجمة عيسى بالصورة جيريتس كان موجود باللقطة . وأي كاس خليج تتكلم عنه , مباراة الهلال وذوب اهن 20-10 ومبارتنا مع النصر 24-10 .عرفت ياالمؤرخ الرياضي تعرف كورة وتاريخ أجل:ap:. اجل المولد اخذ كرت بسبب العربي : بلاش قلب الحقايق : http://center.jeddahbikers.com/uploa...3250527651.gif http://center.jeddahbikers.com/uploa...3250527652.gif |
عيسى المحياني خارج الخدمة !! ولا يصلح يلعب قدام الفرق الكبيرة , لاعب يفتقر إلى المهارة الفردية وأيضاً صناعة العب ياسر القحطاني صحيح انه يفتقد حس التهديفي ولاكن يراوغ ويصنع . أنا ما أدري ليه المدرب ما يلعب الكوري أساسي !! ومع العلم أنه هداف الدوري الكوري للموسم الماضي , يعني بالعقل عندك هداف الدوري الكوري الي أفضل من الدوري السعودي ويلعب المحياني بداله أساسي الي لم ينع الفارق في هجوم الهلال في الموسم الماضي وأغلب اهدافه مع الهلال كانت على الفرق الصغيرة مع كامل أحترامي . |
الظاهر جمهور ياسر ما تعب وهو يتكلم وينتقد عيسى على كل خطوه ، والآن أنتقل ليوسف العربي ، أللي أعتقد أنه جالس يبذل جهد خرافي ، لاعب بطئ ومع ذلك متحرك ومزعج لأي دفاع الأن أنتصف الدوري والكابتن يوسف العربي عنده 8 أهداف مع العلم أنه أول مره يحترف بدوري عربي والأجواء العربيه تختلف 180 درجه عن الأجواء بفرنسا ومع ذلك تجده يسجل ويصنع ، أما ياسر فكان له فتره ورديه مع الهلال وأعتقد أنها أنتهت بعد ما سلم نفسه للصحافه وأصوات الجماهير اللي تكره الهلال من خلال المدرجات والمنتديات ، وإذا أنت مبسوط على اللقطه اللي حاطها لياسر فيه لقطه له يضيع هدف والمرمى فاضي أتمنى أحد يجيبها عيسى المحياني تعب وهو ينقذ الهلال لكن ما فيه فايده بعض الجماهير ما يبين بعينها ، أتمنى من بعض الجماهير تترك عنها اللاعبين وتفكر شوي بالهلال الاعب يرحل والكيان هو اللي يبقى . تحياتي لأخوي كاتب الموضوع وأيضا كل الشكر والتقدير لأخوي معشوق الهلال خالد على الرد الرائع |
معشوق الهلال خـألد..والله مدري وشلون تكتب ولاتتكلم عن اللاعبين الهلال ياسر اكبر منك انت واشكالك اتمنى اذا جيت تنتقد تعرف وشلون واذا تقول العربي كبير الى الحين ماسجل الا في هجر والانصار ونججران يعطيك العافيه روكي على موضوعك |
انا ارى ان الهلال مشكلته انه يفتقد مدافع كبير مثل اللاعب الكبير عبدالله الشريدة لاعب يلتصق بالخصم ولا يسمح له بالحركة داخل منطقة الثمانية عشر ولكم عبرة بهدف الاتحاد التعادل كبف ان لاعب الخصم يأخذ راحته بالحركة داخل منطقة الجزاء الثمانية عشر |
إقتباس:
المباراه كانت يوم الاحد وجيرتس بكي في الموتمر..! ومعلق المباراه كان عصام الشوالي واجانب النصر بيتري ورزافان وماكين وفيجاروا ومدرب النصر زينجا وغاب عن النصر سعد الحارثي وشارك السهلاوي في اخر 15 دقيقه وغاب عن الهلال ياسر القحطاني وحسن العتيبي وعبدالله الزوري وسجل للنصر عبدالرحمن القحطاني من بلنتي متسبب فيه ماجد المرشدي وصرح بعد المباراه رئيس النصر وقال راح نحتفل بالعالميه والحمد الله ذوبهان كان جيد وبعد المباراه راحو لاعيبة الهلال لثني الامير عبدالرحمن بن مساعد عن الاستقاله ..! وكان فيه برنامج في الرياضيه ضيوفه خلف ملفي وصالح الحمادي وعبدالعزيز السويد وصالح الصالح والمذيع عادل الزاهرني تغيرات الهلال وليد الجيزاني وعبدالعزيز الدوسري ادخلهم جيرتس في الشوط الثاني..! تبي شي بعد طال عمرك..! |
اول شي يعطيك الف الف عاااااااافيه على الطرح الجميل وبصراحه يوسف العربي ثقيييييييل مره |
إقتباس:
والعربي لاعب الهلال اهم شي سجل عاد في هجر في الفتح ماتفرق عندي وانا اتكلم بلغة ارقام تقارنون لاعب له ست سنوات بلاعب ماله غير خمس شهور عشان تقولون ذاك فنان..! واللي يشوفك الحين يقول ياسر جاب للهلال بطولات ماقد حققها الهلال جميع البطولات اللي حققها ياسر القحطاني مع الهلال حققها الهلال مع العنقري والياس والخراشي واحمد الحربي على ماظن ماقلت شي غلط. |
مايقهرني الا كلمة لاعب صندوق انا لو اكون قدام المرمى بسجل يعني يبغى يوقف بمنطقة الجزاء وعطوني كوره والا مااسجل ليت الكوري لعب بدال عيسسى كان صارت المباراة كلام ثاني لكن قدرالله وماشاء فعل ان شاء الله يبقى الكوري والعربي ويلعبون قادم المباريات اساسيين ومع بعض شكراً على الطرح |
إقتباس:
|
اشكرك على الموضوع الصراحة موضوع مميز ياسر له فقده بالهجوم و أتمنى الإدارة تصلح غلطته وترجعه لنا بيناير لأن لا العربي ولا الكوري قدروا يملون الخانه |
إقتباس:
العفو ياسر مستواه نازل , ولو بيرجع راح يلعب اساسي وماراح يقدم زي اول 2007 , بيونج افضل منهم بكثــير وقادر يملي خانته . |
يعطيك العــافية عالمووضووع .. واتفــق معااك بخصووص الفــريدي مباراة يلعبهاا كويــس و عششر لاا .. |
إقتباس:
جيرتس استقال بعد المباراه على طول لعبنا مباراة الرائد والقادسيه والاهلي ونجران بعدها توقف الدوري عشان بطولة الخليج..! وضعية الهلال كانت سيئه ذيك الفتره جراء الخروج الاسيوي بعدها توقف الدوري وجاء كالديرون ..! ياسرك بعد خروج ذوبهان اخذ اجازه بداعي الاصابه برضو اخذ اجازه ثانيه بعد الخروج قدام الاتحاد وش معني الاصابات ماتجي للاعب الا بعد الخروج الاسيوي؟؟! طيب المولد اخذ كرت قلت شي غلط انا..! |
http://center.jeddahbikers.com/uploa...3250527651.gif :s5s: شكلي مضيع عموما يكفي انه ازعج دفاعات الاتحاد وطلع ريحة المولد وتكر |
إقتباس:
اللي ماقدرو يملون خانته..! والله فيه ناس تكرهك بلاعب من تطبيلها الزايد. |
أتفق معك بأن .. * الفريدي لاعب بطي ويضيع مجهود زملائه بتسديد الي ماله داعي و التسحب واغلبه تنقطع الكوره منه * عيسى لاعب عادي والدليل انه لاعب صندوق يذكرنا ب محمد العنبر وحسين العلي ما أتفق معك بأن .. * العربي لاعب جيد والدليل مباراته مع الاخيرهـ يتحرك وتحركاته تربك الدفاع ولاعب يمكن حظه ما فزع له بالتسجيل مثل ياسر .......... أما أخونا معشوق الهلال .. يا اخي مادري انت وش تحس فيه الرجال يتكلم عن الموضوع جيد ورائعا وتعب عليه وانت تقول ياسر يا اخي على الاقل قدر مجهود صاحب الموضوع الي تعب عليه بردودك الغريبه الي مالها داعي وياسر لاعب كبير ما دراى عن احتقانك الي ما ادري وش تبي توصل له |
تستاهل التقيييم اخووووي موضوع جميل الله يوفق زعيمنا ي رب |
إقتباس:
ليه تغير كلامك . انت اول شيء قلت لي اني اقلب الحقايق وإن جيريتس استقال بعد ذوب اهن والحين تقول بعد النصر . بعدين قلت الدوري كان متوقف ذاك الوقت , بعدين غيرت كلامك وقلت لعبنا مع الرائد والقادسية والتعاون ونجران وتوقف الدوري .!! بعدين قلت المولد وتكر والسعيد اخذو كرت بسبب العربي , وكلامك غلط وقلب للحقايق لاني وضحت سبب كرت المولد بالصورة , ولو تبي تتاكد تلقاه باليوتيوب .كرت المولد بسبب عرقلته لنواف العابد , وباقي كرتين السعيد وتكر ان شاء الله بتحقق وش سببها ..؟ أبي اعرف وين قلب الحقايق بكلامي . |
اسمحلي عزيزي الكاتب ان اعلق ع بعض ماجاء في موضوعك: بخصوص عيسى: قبل ان يتعاقد الهلال معه كانت مشكلة الهلال لاعب الصندوق اللي تحط له كوره جوا الصندوق وماعليك الا انك تستمتع بــ الهدف وكانت هذه احدى ميزات المحياني واللتي جعلته هداف الدوري ابان وجوده بــ الوحده تعاقد معه الهلال وبعد أخذ ورد واستخاره وفتح مضاريف انتقل للهلال وكان ذنبه الوحيد انه مايعجب المدرب في التمارين فركن ع دكة البدلاء اللي قتلة في موسم من المواسم ((نصف الفريق الهلالي)) نصف الفريق اللي هو الحارس تعالو نرجع شوي لمواسم مضت ايام ماكان سامي لاعب والدعيع لم ينتقل بعد للهلال برز في تلك الفتره الحارس الكبير تركي العواد وضم للمنتخب واثناء وجوده بــ المنتخب تألق حسن العتيبي وعندما عاد من المنتخب قناعة المدرب آنذاك جعلته حبيس دكة البدلاء في الهلال وفـ المنتخب حتى أفل نجمه والا كان مشروع حارس عملاق للكره السعوديه وخليفه للــ الدعيع اذا ماعلمنا ان تركي العواد عند بروزه كان يمتاز بصد ركلات الجزاء لكن دكة البدلاء او لنقل دكة البلاء هي من عجل بعتزاله..... نفس المعناة الان مع عيسى مع اختلاف بسيط بحكم ان عيسى لم ينضم للمنتخب بعد ((عطو الحر فرصه)) ياساده تعال للعربي: العربي معروض ع الهلال فيه قيمة عقده مع الهلال +7مليون يورو زياده يعني زياده ع قيمة عقده 35مليون ريال سعودي تتوقع من عرض هذا العرض ع ادارة الهلال عبيط ؟؟؟؟؟؟؟ العربي ياساده مشكلته نفس مشكلة عيسى لاعب صندوق يخلص لك الكوره هدف او بمعنى اصح يحتاج وليهامسون يرفعله كوره من الجناح ليعالجها برأسه بـ المرمي ملاحضه انا ذكرة فلهامسون لأنه يرفع كور صح وانا ماقصد ولهامسون بعينه يعني لاعبين من طينة ولهامسون يرفعون صح تعال معي نرجع بــ الذاكره قليلآ للوراء وبــ التحديد مباراة الهلال ونجران كان فيه عقم تهديفي بسبب عدم وجود اضهره ترفع صح او جناح يرفع صح كولهامسون انتهي الشوط الاول صفر صفر الشوط الثاني وفي الدقيقه 68 ترجل المحياني من الصندوق للطرف الأيسر للهلال الأيمن لهجر ورفع كره بــ المقاس ع راس العربي واللي عالجها ورغم ملامسة أطراف اصابع الحارس لها ولجت المرمى ... اكتفي بهذا القدر فلو رددت ع كل مافي موضوعك لفتحت موضوع وسط موضوع ماذكرته سابقآ رأيي وانا حر فيه اللي مايعجبه كلامي لا يندفع في الرد:ba: |
إقتباس:
و حتى لو على حسب كلامك منخفض مستواه تذكر العام الماضي كم حسم لنا مباريات بالوقت الحرج و آخرها مباراة الاتفاق اللي ضمنت لنا الدوري بنسبة 99% وياليت الإشراف يشوفون لنا حل مع المحتقنيين أمثال معشوق الهلال خالد |
إقتباس:
ياخي انا كتبت بنهاية موضوعي ردو على الموضوع واتركو التجريح , وانا ماقصد لاعب معين بموضوعي , لكنك دخلت مسرع ومعصب , ولو احلف انك رديت بالكلام الغريب علشان ياسر موجود باللقطات , لكن لو تفهم ليه لقطة ياسر موجودة كان غيرت كلامك .. |
إقتباس:
هههههههههههههههههههه طيب انا جرحت ياسر انا تكلمت عن ارقام اللاعب وبطولاته مع الهلال ماقلت شي غلط بعدين حسين العلي اللي انت مستحقره جاب للهلال كاس اسيا عام 2002 ياسر ابو 22 مليون ماجابها لنا وعيسي المحياني هداف الدوري عام 2006 وياسر ماعمره حقق هداف الدوري اما مايخص موضوع الاخ روكي 19 جايب لي صور متحركه للفرص اللي ضيعها العربي وعيسي المحياني وجايب صوره لهدف ياسر في التعاون ..! يعني واضحه جاي يعمل مقارنه بين نجوم الهلال وبين لاعب العين ..! |
إقتباس:
ياسلام عليك , نفس كلامي بخصوص إن العربي وعيسى لاعبين صندوق , لكنهم يتراجعون للوراء كثــير , تابعهم بدقة وتعرف كلامي , أن أدري أنهم هدافين لكن داخل صندوق فقط , الهلال يبي له مهاجمين يلعبون برى وداخل الصندوق , سواء ياسر أو يسري الباشا أو ريان بلال أو محمد الراشد أو أي أسم يطرى على بالك , الزبده انه يخدمك برى الصندوق , يسدد , يشوت فاولات , يصنع اهداف , عنده مهارات فردية , وهذا الشيء يفتقده عيسى والعربي. |
إقتباس:
انا قلت الفريق تاثر جراء الخروج الاسيوي وذكرت لك المباريات اللي لعبناها بعد رحيل جيرتس دربنا فيها ستامب لو تجمع المباريات تلك الفتره كانت كل اربعه ايام مباراه يعني في اسبوعين لعب الهلال المباريات ذي بعدها توقف الدوري عشان بطولة الخليج وعيد الاضحي ..! |
إقتباس:
يعني انت ماقلت ان جيريتس راح بعد مباراة ذوب اهن , ولاقلت ان الدوري توقف , ولاقلت ان المولد اخذ كرت بسبب العربي :s5s: يعني انا اقلب الحقايق واكذب ..؟ |
إقتباس:
هذا نظامكم ماقلت شي غلط تكلمت بارقام وحقايق وانجازات ياسر معنا خمسه كاس ولي العهد ثلاث دوري بطولة كاس الامير فيصل بن فهد جميع هالبطولات اللي ذكرتها حققها الهلال مع الخراشي والعنقري والياس يعني ياسر ماجاب شي جديد ثانيا بخصوص مستواه مع العين اللاعب له شهر مصاب وتقول شوف مستواه مع العين..! |
انا راح اتكلم بخصوص الفريدي لأن الباقي متفقه معاك فيه .. انت تقول الفريدي اسوء من العابد والشلهوب والدوسري .......! أرجع للأرقام وشوف لان الأرقام هي اللغة الوحيده الأرقام تقول ان الفريدي أكثر صناعة للأهداف من بداية الدوري وفوق هذا عنده اهداف .. الدوسري لعب أغلب المباريات اساسي ..جيب لي اهداف صنعها الدوسري ؟؟! العابد امس بمباراة الاتحاد ..! وش سوى بالمباراة كلها .! حتى المحللين انتقدو اداءه .. اما الهجمه اللي ضيعها وتقول الشمراني سجل مثلها الفريدي لعبها صح وش ذنبه ان لاعب الاتحاد طلع الكورة بيده .! والا ماحالفه التوفيق .! شيء عجيب ..! الفريدي افضل لاعب هلالي في الموسم ذا .. |
إقتباس:
باختصار الاربعين يوم ذي كان الدوري متوقف ..! اما كرت المولد فغلطت عادي مش كل انسان معصوم من الخطا. |
نبي ولي وياسر ولي مكان العربي نبي ياسر يرجع للفريق باسرع وقت ممكن الله يعطيك الف عافيه على الموضوع الجميل لاهنت يا اخوي |
يا شباب ترى بعض الناس عندهم مرض مجرد تذكر اسم ياسر يتوترون و تجيهم أم الركب و النقاش معهم مضيعه للوقت فياليت نركز على الفريق والموضوع الأكثر من رائع بدلاً من المهاترات اللي يحاول يجركم له بعض المحتقنيين |
إقتباس:
صفة الجمع مش حلوه ياسر ويليهامسون ملوك تسحيب الرجلين ام صلال،،ذوبهان،،اتحاد جده ..............................! اجل تبي العربي يروح ويجي ويليهامسون وياسر هههههههههههههههههههههههههههههههههههههاي مالومك يمكن انت ماتعلقت بالكوره الا لما عرفت ياسر ويليهامسون عشان كذا غير متقبل رحيلهم لكن رحل قبلهم جيل الست بطولات اسيويه الثنيان الجابر التيماوي الموينع خميس العويران الدوخي الدعيع الجمعان خالد الرشيد الشريده الغامدي الكاتو سيرجو مع ذلك الهلال ماشي واموره بسليم يعني اذا الهلال ماتوقف على النجوم الكبار يبي يتوقف عشان ياسر ويليهامسون اللي حدهم الدوري وكاس ولي العهد..! |
صدق اللي قال رضى الناس غايه لاتدرك يطالبنون بوجود المحياني أساسي ويوم صار أساسي قاموا ينتقدونه لا وعلى كلام فارغ !!! ياشيخ رح إرقد واللي يرحم والديك !! :( |
إقتباس:
لكن انا ماقلت شي غلط انا اتكلم بارقام وحقايق لاعب انجازاته مع الهلال مثل انجازات الخراشي والعنقري معنا..! ماظن اني كذبت..! |
إقتباس:
الدوري كان مستمر 20 يوم بعد خروجنا من ذوب اهن , وتوقف بعد 20 يوم .يعني نصف مدة غياب ياسر كان الدوري مستمر , بعدين تقول جيريتس راح بعد ذوب اهن , وهذا قلب للحقايق. اغلب كلامك قلب للحقايق . ! ياخي انا ماقهرني بردك الا كلمة قلب للحقايق ومسوي لي فيها إنك صاديني وإني ضاحك عليكم :s4s: وآخر شيء طلع أغلب كلامك انت قلب للحقايق ..؟ |
إقتباس:
أرجع لمواضيعي من قبل سنتين وأنت تعرف رأيي يعيسى ’ لاتقول كلام يقوله غيري وتنسبه لي . |
لم تنصف المحياني والعربي, ركزت على الفرص الضائعة. نحن معك أن عيسى لاعب صندوق, لكن يجب أن يعطى فرصة. العربي هداف في دوري أوروبي وأخذ فرصته مع الزعيم, لكن لم أفهم إلى الآن لماذا أهدافه قليلة (نعم 8 قليلة في 13 مباراة) لكن طريقة المدرب بوضعة وحيدا في المقدمة قلل من خطورته الكاسر ماجبت شيء جديد. |
إقتباس:
اتمنى من الاداره انهم مايرجعون ياسر ماادام هذا مستواه لا للمجامله جمهور ياسر والله احنا نحب ياسر بس مواكثر من الكيان |
غريبه يا شباب معشوق الهلال خالد له دقيقة ما كتب لا يصير جاه شيء؟؟؟؟؟؟ |
إقتباس:
خلاص انا غلطان وانت الصادق..! |
إقتباس:
خبرك جاني مراجع وجالس اخلص له شغله يعني ماعليك جالس هنا وين ابي اروح..! |
إقتباس:
دفعت عنه كثير تهاوشت مع ناس كثير عشان ياسر واخرتها تسحيب رجلين في المباريات الاسيويه واللي في المدرج يتفرج واخرتها طلع بتصريح في صحيفة النادي يقول انا كنت فاقد الطموح وحبيت اغير..! يعني طيلة ثلاث سنوات الاخيره القناص كان فاقد الطموح مع الهلال..! |
ياحبايبي ياحلوين ياشطورين انا معكم ان ياسر القحطاني شكله وسيم ورايق ويكشخ بملابس خرافيه لكن داخل الملعب صفر على الشمال نسيتو ان غالبية جماهير الهلال لها ثلاث سنوات تطالب بوضع ياسر على الدكة بالمناسبه العربي مع انه في مرحلة تأقلم إلا انه افضل من ياسر القحطاني المحياني فاشل نمره واستماره وهو وياسر كل واحد يقول للثاني انا افشل منك الفريدي محرك الهلال وشفتو لما طلع بمباراة الاتحاد كيف تغير مستوى الهلال واذا طبيعته البرود فهذي خلقة ربي لكن ميزته في بروده : -) عجيب فاتح موضوع طول بعرض عشان يسب في افضل نجمين في الهلال لحد الآن (الفريدي-العربي) بالمناسبة يالي تقول ياسر مبدع مع العين-هل تعلم عزيزي ان العين قاعد يفاوض مهاجم خليجي بدال ياسر القحطاني حبذا تذكرلي اهداف ياسر القحطاني مع نادي العين لحد الحين <<الارقام ضد التطبيل |
معشوق الهلال خالد ياخي انت ملكـ والله ملك قليله فيكـ واا استغرب ممن يدافع عن لاعبي الفرق الاخرى وكانهم مولودين بين اركان نادي الهلال والتقليل من امكانات لاعبي النادي نفسه مع الاســف فاهمين التشجيع غلطططط ارفع القبعه لك معشوق الهلال انت فعلا عاشق للكيان شكرا روكي |
إقتباس:
يطالبون ياسر بالمزيد..! لا بالعكس نتمني يبدع معهم يمقن العين يشترون عقده خصوصا الاماراتين يدفعون وماعندهم مشكله:wub: اما الفريدي فالفريدي افضل لاعب سعودي في الوقت الحالي هو الفريدي..! صحيح يعابه بعض البرود والمزاجيه احيانا لكنه لاعب كبير ولسة توه صغير يعني قددامه مستقبل..! اما عيسي حرام عليك ظلمت الرجل صحيح انه مايقارن بالعربي لكنه لاعب هداف واذا احتاجه الفريق يكون في الموعد. |
إقتباس:
صار كانه قوس قزح..! الاعيال في المكتب يقولون وش فيك..!:wub: |
اللي يقول ياسر وش سوى مع العين يا حلوين ياسر لعب بالدوري (4 مباريات قبل الإصابة صنع ثلاث أهداف أحدها بالكعب لسكوكو) وسجل هدف وبالكأس لعب ثلاث مباريات سجل هدفين و للمعلومية كوزمين يلعب أسامواه جيان كمهاجم صريح وياسر خلفه (هذا للي يفهمون بالتكتيك طبعاً) |
إقتباس:
لبى قلب اسماواه ليته مع الهلال بجوار العربي :s5s: ماشاء الله عليك متابع جيد لياسر طيب يابو تكتيك ياسر صنع ثلاثة اهداف مع العين والعربي صنع خمسة اهداف مع الهلال وسجل ثمانية اهداف..! |
الله يعطيك العافيه لاتعليق اللهم وفق الزعماء في كل مكان |
بالنسبه للعربي أنا أتمنى إستمراره لأني أراهن عليه والعربي تراه لعب مباريات أكثر من ياسر هذا إذا تبي تحط مقارنه وترى مهب لازم انك إذا بغيت تمدح لاعب تذم الثاني فهمت قصدي و جميع لاعبين الهلال نتمنى استمرارهم حتى الأجانب ما عدا ايمانا |
لاتقارن أحد من المهاجمين الحالين بـ القناص ياسر القحطاني وبدون قصور في الباقين لكن الموهبه تفرض نفسها على الجميع وهو من وجهة نظري أفضل موهبه مرت على الكره السعودية والخليجية والاسيويه في خط الهجوم وبالنسبه للخلوق عيسى المحياني(طلق المحيا) من أفضل من أنجبت الكره السعودية داخل الصندوق وأتمنى إستمراره مع الهلال لان الكبير يبقى كبير |
اشكرك على الموضوع الصراحة موضوع مميز لآكن وجهات نظر |
معشوق الهلال خالد ابي اوضح لك معلومه تسان انت ناسيه ترى ياسر يبي يجي الموسم الجاي يعني اذا حاب تروح تموت قبل يجي هع |
إقتباس:
العربي كيف لعب مباريات اكثر من ياسر صح العربي لعب اكثر من ياسر هذا الموسم لان الهلال قائمته كلها مافيها لاعب اسمه ياسر ياسر في موسم جيرتس الهجومي لعب 20 مباراه من اصل 22 مباراه سجل تسعة اهداف والمباريات التي غاب عنها مباراة القادسيه بسبب وفاة عمه الله يرحمه ومباراة الشباب الدور الثاني لان جيرتس شارك بالصف الاحتياطي ضد الشباب يعني ياسر ذاك الموسم كان رابع هدافين الهلال خلف الشلهوب 12 نيفز 11 ويليهامسون10 ياسر القحطاني9 انا ماني ضد ياسر انا اتكلم بارقام اللاعب وانجازاته مع الهلال طيلة ست سنوات يعني اللاعب ماجرحته في شخصه الكريم ولاشي. علما ان ياسر انتقل للهلال موسم 2005 الى موسم 2011 سجل 85 هدف يعني في ست مواسم 85 هدف فيما ناصر الشمراني انتقل للشباب موسم2007 سجل 104 اهداف فرق كبير عموما لو تريدني اذكر لك الاهداف اللي سجلها ياسر من 2005 الى 2011 راح اذكرها لك ماعندي ادنى مشكله اما مايخص العربي مستواه يشفع له انه يبقى في الفريق..! لانه باختصار هو نجم الفريق ونجم الهلال طوال الدور الاول..! وهو هداف الفريق وصانع الالعاب الفريق ايضا. |
إقتباس:
اهم شي الموسم ذا خلونا نستانس بالعربي ومهاجمينا الكبار ولاحقين على تسحيب الرجلين الموسم الجاي..! |
إقتباس:
بالعربي افلقني ان كان افضل منه اما اذا كنت تقارنه بمالك معاذ وسعد الحارثي صحيح ياسر افضل منهم..! |
| الوقت المعتمد في المنتدى بتوقيت جرينتش +3.
الوقت الان » 04:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd