17/12/2011, 11:43 AM
|
| زعيــم نشيــط | | تاريخ التسجيل: 05/03/2009 المكان: قلـوب مـن أحبـونـي
مشاركات: 728
| |
|
مشــكلة الهــلال هالمـوسم ويــن ؟؟ تــعال يمكن توافقني الرأي..
بسم الله الرحمن الرحيم
السلام عليكم ورحمة الله وبركاته
صبـآح / مسـآء : الخيــر
الجميع الحين في حالة غضب واحتقان على مدرب الهلال توماس دول
وبصراحة الله يلوم اللي يلومكم
ولكن ..!!
بس ليش المدرب لحاله ؟؟
ماحد فكر بأن السبب قد يرجع للاعبين نفسهم , بصرآحة أنا لي وجهة نظر خاصة أن الخطأ مشترك بين الإدارة والمدرب واللاعبين
لكن تعالوا معي نقسم نسبة الخطأ " طبعاً بقسمها من وجهة نظري " :
الإدارة : 20 %
اللاعبين : 45 %
المدرب : 35 %
أولاُ: نجي لأخطاء الإدارة :
معقولة فريق بحجم الهلال السعودي اللي له اسمه في الوطن العربي والقارة الآسيوية مايقدر يلاقي حل لمشكلة الأظهرة عنده ؟؟
الظهير الأيمن مشكلته من زمان وهي ملازمة للهلال تقريباً 10 سنوات والحل كان مؤقت بالظهير الأيمن الكوري الجنوبي لي يونغ الله يذكره بالخير
الظهير الأيمن كان شغل ترقيع هي تقريباً أكثر خانه تغيرت الأسماء فيها وهي الخانة اللي كانت " فار تجارب " بالنسبة للادارات الهلالية المتعاقبه .
ولا اتذكر ان فيه لاعب نجح بالخانه هذي كلهم مطاريس بداية بـ " ياسر الياس " ومروراً بـ " خالد العنقري " و " عبدالعزيز العبدالسلام " ونهاية بالاسطورة الخالدة " محمد نامي " جميع اللي ذكرتها من أسماء مستواها دون المتوسط وهي مو بمستوى الزعيم نهائياً .
صحيح مجتهدين لكن مستوياتهم دون المتوسط .
اما الظهير الأيسر هنا سالفته سالفه جانا اللاعب عبدالله الزوري واستبشرنا خير وفعلاً كان ناجح بالبداية وكان ممتاز جداً ولكن السباح العظيم بدأ " يسج " واجد , تجي هجمة وتروح هجمة وهو تلاقيه يمطط برطمه بيده .
ومايدري الا اللي شاطفه يمشي أرض جو من الفريق الثاني ومعه الكوره وهو على مايلتفت ويتوازن الا اللاعب الثاني قد رفعها أوفر ويمكن انها جت قول .
لا ويغبنك بعض المرّات تلاقي أحد اللاعبين يمرر له الكورة وتشوفه يناظرها تحسبه يتأمل فيها وبالأخير يجليها وتطلع آوت .
والمشكلة انه يلعب على حساب شخص مجتهد وشاب طموح بس مشكلته تاكي بالاحتياط .
والله ماني مصدق للحين إن أدارة الزعيم ورجالات الزعيم مو قادرين يحلون هالمشكلة هذي بأظهره أيسر و أيمن محليين .
قسم بالله مشكلة الهلال الأظهرة عدل الأظهره يتعدل عندك اللعب كله.
ثانياً : أخطاء المدرب
المدرب بصراحة أنا أشوف أنه جالس يشتغل على المدى البعيد يعني يحسب نفسه مدرب لنادي اوربي مايدري ان عقد الأندية السعودية تفوز والا نلغي عقدك.
هو قالها من قبل انا جالس أبني قاعدة وأصحح عقليات اللاعبين احترافياً.
صح احنا نبغى الشئ هذا يادول لكن موب وقتك يرحم ام امك .
تبي تبني قاعدة وتبي تصحح عقليات خلها بنهاية الموسم ومع المعسكر الجاي الحين نبي نفوز بمستوى .. مباراتين من أصل 12 .. مباراة خسارة ومباراة تعادل بطعم " فكنا الله " والباقي فوز لك عليه ..
أحيان تقول ان دول يقرأ المباراة صح مية المية وأحيان تقول ذا مدرب والا مبلط ؟؟
يعني دول ذا لحسة بصراحة..
ثالثا : خطأ اللاعبين
قسم بالله من بدأ الموسم ماشفت أحد من اللعيبة يحسسك إنه يلعب بروح إلا اثنين عيسى لبى عينه ومحمد الشلهوب لبى كله .
والباقين تحس انهم يقولون يالله بس خلصوا علينا نبي نلعب ونمشي
يعني لا مبالاة وأفلس مايشوفون النادي والجمهور ..
تعالوا خلونا نقول ان المدرب جايب العيد بالفريق ... أمانة هذا مستوى لعيبة الهلال اللي تعرفونه عنهم ..؟؟
ليش مباراة الأهلي شفنا امكانياتهم اللي حنا نعرفها .؟؟
والمباريات الثانية نقول انه من المدرب الله يقلعه ؟؟؟
اللعيبة والله لو يلعبون بمستواهم اللي نعرفه عنهم كان صار توماس دول الحين أفضل مدرب ونطالب باستمراره
بس للاسف المسيكين جت الطعة براسه ونسوا الجمهور ان اللاعبين والادارة يشاركونه الخطأ.
ياجماعة اللي جالس يصير بالفريق هذا كله خطأ مشترك بين الثلاثة " الادارة . المدرب . اللعيبة "
عموماً يابعد تسبدي أنتم شوفوا :
الهلال مشجعينه مشجعينه الله لايعوق بشر ونبي نوقف معه بكل مبارياته ونبي نملا الملعب ومانبي نترك للادارة عذر ونبي نحرج اللاعبين ونبي نخليهم يلعبون زين غصب عليهم .
فمان الله وعدنا يوم الاربعاء ان شاء الله مباراة الشعلة 
|
الوضع المتطور
