10/12/2011, 10:38 AM
|
 | زعيــم متألــق | | تاريخ التسجيل: 04/10/2011 المكان: في بيتي
مشاركات: 1,264
| |
|
صدق او لا تصدق هداف الدوري الكوري بالدكه
السلام عليكم مبروك الفوز والثلاث نقاط
من غرائب 2011 ان الهلال احضر هداف الدوري الكوري بـ 22 هدف .. وبالاخير ينركن بالدكه
الغريب جداً ان أغلب الجمهور شايشين عليه وماهم راضين عنه .. رغم انه ما اخذ فرصته الكامله .. ومن خلال الفرص اللي نشوفها اللاعب يقدم مستوى اكثر من جيد ..
اللاعب ما امداه يلعب معنا الا جته اصابه في التمرين بسبب اشتراكه مع احد اللاعبين .. ومن بعد الاصابه وهو ما يلعب الا بآخر الدقايق !
اللاعب ما جاب هداف الدوري الكوري عبث ! وخذا الهداف وهو مع فريق متوسط المستوى ومو من اندية المقدمه في كوريا ..
شخصياً تابعته في الدوره الوديه وكان مستواه رائع واذكر كلام اغلب الجمهور كان معجب فيه واستبشر خير بوجود مثل هاللاعب .. وحتى اخونا هلالي وافتخر دايم يشيد فيه وبتحركاته بالتدريبات .. سرعه وتمركز وتحركات وتهديف ورجل قويه وتميز بالعرضيات .. مهاجم آسيوي مميز جداً واعتبره لؤطه صراحه .. فأستغرب من اللي يطالب بتغييره وهو حتى ما أخذ فرصته كامله .. اللاعب راح يكون له شأن كبير مستقبلاً ان شاء الله بس اصبروا عليه !
شي يغبن لما تشوف لاعب تحس انه بيشكل خطوره مع العربي يتم تجاهله وتحطيمه وركنه بالدكه ! هالثنائي هجوم مرعب لأي فريق .. والدليل كتمنا الاهلي بسبب وجودهم سوا .. لكن الشكوى لله وين اللي يفهم !
بعد مباراة النصر يخرج سامي للاعلام وينتقد الكوري بسبب تضييعه لهجمتين ويقول ان اللاعب محترف المفروض ما يضيع كلام مضحك رغم انها اول مباراه للاعب بعد الاصابه وما شارك الا بآخر دقايق المباراه ! مثل ما ترقعون لدول وتتعذرونله وتطالبون بالصبر عليه المفروض حتى هو تلتمسون له العذر وتطالبون الجمهور بالصبر عليه ..
بعد مباراة الانصار يخرج علينا دول بالمؤتمر وهو معصب من يونج ويقول انه ما يلتزم بتعليماتي واذا ما أدى المطلوب منه فيه غيره يحتاج فرصه يعني يا توماس بتقنعني ان كل لاعبينك يلتزمون بتعليماتك ؟ الشي الثاني عادة دول قبل ما ينتقد أي لاعب يقعد يمدحه قبل ويقول انه لاعب كبير وامكانياته مميزه لكنه كذا كذا ويبدا ينتقد .. لكن الكوري ما اذكر له تصريح يمدح امكانياته !
زبدة الكلام وش السالفه ؟ وش سر التهميش من سامي ودول لهاللاعب ؟ وش سر الانتقادات العلنيه للاعلام على لاعب توه راجع من اصابه وما اخذ فرصته الكامله مثل غيره ؟ |
الوضع العادي
