27/10/2011, 12:09 AM
|
 | محرر أخبار رابطة ميلان | | تاريخ التسجيل: 05/08/2010 المكان: san siro
مشاركات: 5,056
| |
 مشكلة الفريق اللي مايتعامل غير هاتريك للاعب في كل مباراة  مبروك الفوز لنا فوز مستحق لكن بالنظر للمستوى هذا مهو مستوانا الحقيقي لكن بارضى عن الفوز لاني مقدر ظرف فريقي , الميلان يلعب بدون فان بوميل , يلعب بدون نيستا طبعاً الاثنين غيابهم إحترازي نوعاً ما فنيستا غائب حتى لايتلقى إنذار يجعله يغيب عن مباراة روما السبت , وبوميل ريحه اليغري عشان يكون في الفورمة السبت في الاولمبيكو , نرجع لمباراة اليوم الميلان قدر يكتم بارما من البداية وإخفاء خطورة الخصم " جوفينكو " منذ البداية هذا يعني إنك فرضت أسلوب لعبك على خصمك و هذا مهو شيء سهل ولا يقدر يسويه أي نادي , الحد من خطورة جوفينكو ساعدنا كثيراً في حسم المباراة , ثانياً الميلان عانى في هذه المباراة من البطئ في بعض الهجمات عند بناءها , بناء الهجمة كان من المفترض أن يكون أسرع من كذا وشفنا شلون تغير بناء الهجمة عندنا لماٌ دخل روبينهو لان دخول لاعب يملك السرعة طبيعي يكون بناء الهجمة عند فريقك سريع هذا شيء عانينا منه واتمنى تدراكه من الماكس بأي وسيلة كانت  , ثالثاً الحمد لله على كل شيء وعلى وجود تياغو خلف امبروسيني بكامل المباراة اتسائل لو تياغو مهو موجود ورى وش كان راح يجينا من ورى النكبة امبروسيني ! لاعب خدم الميلان كثير وله كامل التقدير والإحترام ولكن إنك تخرب النهاية هذا شيء مهو جيد لا له ولا لنا كمشجعين , المشكلة إنه كابتن للفريق انظر للكباتن السابقة من هم ومن قدموا في بدايتهم ونهايتهم الكروية لعلي اختصر الذكر ببـاريزي  ومالديني , خل نترك امبروسيني ونخش في شيء غيره ..  إياك وإياك ان تثق في نفسك فوق اللزوم لاتخلي ثقتك المفرطة توديك في ستين داهية اذا سجلت هاتريك فهناك غيرك يستطيع فعل ذلك , برنس اليوم كان مستواه شبه جيد وهذا مايرضي أحد من لاعب مثالي كبواتينج حنا نطمع بمستوى أكثر من جيد وإن شاء الله يراجع حساباته .. اليوم الميلان كان أكبر المستفيدين من الجولة هذي مع اليوفي بكل تأكيد , الميلان اصبح بالمركز الخامس يفرقه عن المتصدر نقطتين فقط , الكالتشيو مولع هـ العام  وأتمنى اذا حافظ الميلان على لقبه مايجيني واحد مطفي النور ويقول بسبب ضعف المنافسين .  مجنون فيك وماني بعاقل  خل العقل للي يلوموني مبروك الفوز لجميع الميلانية ثاني مرة  يقولون ميركل صنع هدف الفوز على روما  مشكلة هـ الولد يبي يساعد الميلان بأي طريقة , الاولمبيكو بإنتظار الجولة الجاية لنعلن صدارتنا للكالتشيو في ارضيتك كما أعلنا الموسم الماضي اننا أبطال للكالتشيو على ارضيتك |
امبروسيني لا تمركز صحيح ولا استلام صحيح وتمريرات تجيب
, بالنسبة لتايو أكثر من جيد حتى في الكالتشيو 
الوضع المتطور
