||3 UCL|| اندية انجلترا تحقق الثلاث نقاط ، الريال برباعيه والبرسا بثنائيه ، الميلان والانتر بالصداره + تقديم اليوربا ليج بالرد #3 || تقديم + متابعه || - نادي الهلال السعودي - شبكة الزعيم

Q.Abdullah · #11 19/10/2011, 12:12 AM

مبروك مدريديه الفوز العريض
مبروك لعشاق السيتي الفوز
مبروك لعشاق الانتر الفوز والهدف الخالع من بدايته

مبروك مانشستراويه النقاط الثلاث

كمستوى الفريق ما اعجبني ابد

تقيمي لـ اللاعبين :
ليندجارد : ما اختبر اختبار حقيقي جميع التسديدات كانت ضعيفه ولكنه كان
يبي ينكبنا مع فيدا

فيدا : مستوى متوسط والطرد اشوفه ظالم ، حدها بطاقة صفراء

سمولينغ : مستوى اشوفه مميز
اندرسون : سيء للغايه
كاريك : دفاعياً ممتاز وهيبه لكن هجومياً سيء

فالنسيا : اسوء من السيء لابد هاللاعب يراجع حساباته

ناني : الارهاق واضح ياعزيزي

روني : يلعب عالواقف و واضح ان تعليمات فيرغي انه يلعب بأقل مجهود

خافيير : سبب قلق في بعض الهجمات ولكنه كالعاده مستعجل

ايفرا : شخصياً اشوفه افضل لاعب في المتش

فابيو : سيء في هالمتش بدنياً واللاعب غير حاضر ذهنياً

هناك احتمالين للمستوى السيء اللي ظهر به اليونايتد :
1- تعليمات فيرغي بالفوز بأقل مجهود وتوفيره للديربي
2- الفريق مستنزف لياقياً خصوصاً ابرز اللاعبين

فيديتش : كما قلت طرد ظالم وقد يكلفنا الكثير ، حنا ماصدقنا تنتهي سالفة
ضياع البلنتي ، تجي لنا سالفة الطرد وقبل مباراه مهمه

نفسية اللاعب
بكل تأكيد سيئه وهالامر يخليني اقول اننا ماراح نشوفه بالديربي

مبروك مره ثانيه لكل من حقق النقاط الثلاث وهاردلك لكل من تعثر