لاحول ولا قوة الا بالله
العلى العظيم

ياخي خاف الله ياخوي يابدر نامي مفلس

الى هالدرجه نامي طايح من عينك

ياخي نامي لونه في فريق ثاني كان

شفت الانديه تتسابق عليه

الاعب مستواه في تصاعد ملحوض

والبيشي لاعب واعد ليش التحطيم في

العيبه صدقني انا اشوف نامي افضل

ظهير أيمن في السعوديه في الوقت الحالي


(صدقوني نامي يشبه ربرتو كارلوس شكلأ ولعبأ)

صح كلامي ولا لا
بس عطوه ثقه وبلاش تحطيم مبالغ فيه

أستغرب من بعض الاخوان اللي يقولون اللاعب مستواه متطور
يعني عشانه لعب مباراة كويسه خلاص صار مستواه متطور
كم لنا وأحنا نعاني منه
أتمنى عدم التعاقد معه

لنا تقريباً 4 او 5 سنوات وحنا نقول عطو نامي فرصه وكلنا متأكدين انه لآعب مفلس هو عمره الحين 27 تقريباً قل بيقعد على قلوبنا
5 سنوات بعد التجديد والبيشي عمره 23 الحين يعني بعد فشل نامي المتوقع على مدار خمس سنوات بيفكرون يعطون البيشي فرصه
وقتها عمره راح يكون 28 !!! خلآص معاد منه فايده متى بيتاقلم ومتى بيعطي الا عمره واصل 32 ويعتزل بعدها مع احترامي للاداره
اذا جددت لنامي راح يكون من أكبر أخطائها حنا مانقسى على نامي لاعب مجتهد ووده يخدم الهلال باللي يقدر عليه لكن مانضغط عليه
هذي امكانياته وش يسوي ّّ!!

اتمنى التجديد معه والله لاعب يقدم اللي عليه وبيض الله وجهه يكفي انضباطه بالتدريب

اما انك تمسك غلطات نامي وتحسبها له حتى لما تقول ابدع في مباراه او مبارتين احس انك مالك خلق خير شر تفكر بحسناته كل تفكيرك بسيئات فقط لاغير

الاعب متطور مستواه وعنده روح وسرعه ولياقه واتمنى يستمر نامي وكمان يلعب اساسي ان شاء الله


فتمنى من اي شخص اذا بينتقد ينتقد اخطاه اللاعب ويعطي حلول لعلاجها اما تجمع الغلطات وتقول مع السلامه

بعطيك مثال صار السنه هذه للاعب نامي
كل الاهداف جت عن طريقه لكن مايتحمل ولا واحد بالميه منهن لان ماكان في تكتيك من المدرب مخلي نامي لوحده مع 3 لاعبين من شباب ومستحيل تحمل نامي غلطات تكتيك المدرب لو انك عدو نامي ماراح تقدر تحمله نسبة واحد بالميه

جت مباراه التعاون وابدع نامي وسجل هدف غالي لان صار في تكتيك من المدرب في مساعدة نامي بالتغطيه من المحاور

وقلتو هذه مباراه مع فريق متوسط او فريق اقل من المتوسط كمان
وجت مباراه الاهلي وكان فيه تكتيك وابدع نامي للمره ثانيه على توالي ولا تنسى انه واجهه منصور الحربي وتيسير الجاسم ومع هذا كان نامي مبدع والله

اتمنى اذا بننتقد ننتقد مع وضع الحلول اما مجرد ننتقد ونسب بدون ان نضع اي حل فهذا اكبر خطا والله

اتمنى من نامي والزوري يطورون الاوفر وبعدها بتحصل اظهره الهلال ناااااااااااار لانهم يوصلون هالاعبين كثير ثلث ملعب الفريق المقابل

اقسم بالله العظيم ان نامي من اكثر اللعيبة اخلاصا للفريق وراح تشوفون كيف مستواه لمن يرجع هرماش لمركزه

مع احترامي لك المفلس فنيا عقلك ياحبيبي ماهو نامي
لاقدرت انت ومن هم على شاكلتك ارتداء شعار الهلال زي مافعل نامي
ذاك الوقت تكلم .. وبعدين ياحلو هات لي عشره بالسعوديه يلعبون افضل من ناامي بالظهير
ولاتحاول تخدع نفسك باسماء من عندك ..
نامي افضل شخص عندك وكل الاندية تحاربك وهذي سياسة الاعلام الاخر في تدمير لاعبك
لانه ماعندك لاعب يسد الثغره الا نامي ويحاولون الاعلام المضاد انه ينشأ ويزرع فكرة نامي اسوء لاعب ويجب تسريحه وهذا اللي حاصل مع العقول الضعيفه المفلسه فنيا مثلك
ومثل غيرك كيف تبي اللاعب يسرحونه وهو اخر مباراة مع التعاون ماجاب هدفك الا هو
لا اجنبي اللي دافع فيه اكثر من خمسين مليون ولا غيره
احترم عقلك قبل كل شي

إقتباس الرسالة الأصلية كتبت بواسطة دوست دارم. مع احترامي لك المفلس فنيا عقلك ياحبيبي ماهو نامي لاقدرت انت ومن هم على شاكلتك ارتداء شعار الهلال زي مافعل نامي ذاك الوقت تكلم .. وبعدين ياحلو هات لي عشره بالسعوديه يلعبون افضل من ناامي بالظهير ولاتحاول تخدع نفسك باسماء من عندك .. نامي افضل شخص عندك وكل الاندية تحاربك وهذي سياسة الاعلام الاخر في تدمير لاعبك لانه ماعندك لاعب يسد الثغره الا نامي ويحاولون الاعلام المضاد انه ينشأ ويزرع فكرة نامي اسوء لاعب ويجب تسريحه وهذا اللي حاصل مع العقول الضعيفه المفلسه فنيا مثلك ومثل غيرك كيف تبي اللاعب يسرحونه وهو اخر مباراة مع التعاون ماجاب هدفك الا هو لا اجنبي اللي دافع فيه اكثر من خمسين مليون ولا غيره احترم عقلك قبل كل شي

كلامك سليم يااخي بس احنى لازم نعذرهم لانهم صغار في السن متاثرين من جماهير بعض الانديه الاخرى وللاسف يتاثرون من كلامهم ويجون المنتدى يهايطون على نامي ونسو المرشدي والزوري ونكباتهم من سنتين ومالقو الا نامي

اللي يطالب بإبعاد نامي هل تعلم أن نامي هو أفضل ظهير يلعب أوفرات في الهلال حاليا

ولا مقتنع بمستوى الزوري اللي الاوفرات عنده صفر ... نامي يوم بعد يوم يرد على الجماهير بمستواه الممتاز (إذا تمت مساندته ) لذلك مستحيل تجد أي ظهير يبدع إذا لم يجد مسانده .
،،،،تحياتي،،،،