|
ياليت نقدر ننسخ من العربي 4 نسخ...و3 منهم يلعبون وسط..الزوري برى السلام عليكم ورحمة الله وبركاته اول شي مبروك الفوز بمستوى سيء جدا مع ان كان فيه سيطره كامله العربي هو الوحيد اللي يعتبر لعب بامتياز بهالمباراه بجانب القرني...وسط الهلال سيء جدا جدا جدا...الشلهوب للمره الثالثه يلعب مباراه لا تعليق ويلعبها كامله الفريدي لازم احد يكلمه...مب معقول فيه انسان يلعب بهالبرود ...العربي نص المباراه يرجع ويصنع الاهداف بنفسه الزوري انا ما اعرف وش اقول والله...اول مره اشوف ظهير يوقف يتفرج اكثر من ما يركض....الاظهره نعرفهم يراكضون هذا واقف يتفرج....حتى نامي على كل عيوبه على الاقل مجتهد ويركض 1- الشلهوب لازم يمسك الاحتياط من المباراه الجايه لو نلعب ب 3 محاور 2- انا من اشد المعجبين بالفريدي...بس سالفه مباراه مبدع ومباراه بارد لابعد حدود ما ينفع...انا كمدرب كيف اعتمد عليه ؟ 3- حسام الحارثي مشروع لاعب محور ممتاز يارب ينتبه لنفسه 4- دفاع الهلال للمره المليون يحط نفسه بمواقف محرجه كثيره...ولو فريق التعاون فيه عناصر كويسه كان جابو اكثر من هدف 5- اخر هجمه للهلال عليها 20 علامه استفهام..عرونه غير طبيعيه...6 لاعبين قدامهم حارس وشوفو كيف نفذوها 6- العربي والله انه كل مباراه يكبر بعيني اكثر...والله نجم غير طبيعي اذا ماصار انسجام زياده بيصير لاعب مرعب 7- اللاعب الكوري غريب كيف تغير اسلوب لعبه...كل المبارايات قبل الدوري كان يركض ما يوقف يذبح الدفاع...تغير طريقه لعبه 180 درجه مع بدايه الدوري وصار اكثر المباره واقف...وخاصه لمى نشوف العربي اللي يعتبر ثقيل يسوي كل هذا والكوري مع كل مجهوده واقف شي غريب صراحه 8- افضل صناعه لعب بالمباراه كانت جميعها من صنع العربي...افضل 3 كور بنظري بالمباراه الثلاثه كلها كانت بصناعه العربي...لا تعليق على وسطنا 9- فرحه الهدف على اللاعبين والمدرب تدعو للضحك...صرنا نفرح كل هالفرحه علشان هدف على التعاون ؟ العربي الافضل...بعده القرني...بعدهم لا يوجد اي لاعب قدم اي شي يذكر |
مدري ليش انرفع الموضوع بالله انت شفت المباراة .. مستوى وربي 100 ع 100 هجمات ضائعة او انت بس تعتمد على النتيجةة |
كلام سليم .. مع اني اختلف معك في بعض النقاط ... تحيآتي .. |
عطني رقمك عشان أضبطك مع الجهاز الإداري حق النآدي وش رآيك ؟؟ ياخوي لايكون انت شايف اعادة لمباراة الشباب الظاهر ؟ اليوم الفريق لعب وأدى أداء مميز ( في وجهة نظري ) لكن سوء الحظ وحارس التعاون الممتاز هم كانو المؤثرين لمباراة اليوم .. .. لكن والله مع أحترامي ... مثل نوعيتك هذي مايعجبهم العجب ولا الصيام في رجب .. تحياتي .. |
إقتباس:
|
اتق الله في نفسك على باب واحد ومستوى سئ وش تبيهم يعملون اجل |
اخوي انت متاكد انت شايف المبارة اليوم اسوء من لعب العربي ما يتقتل الهجمات الا العربي ويليت نعطي سلمان الفرج حقه اليوم بدع مع انه لعب قبل يومين مع المنتخب |
للاسف ، العربي من اسوء الاعبين بالمباراه . بصرآحة نتكلم بكل واقعية . كورة ما يعرف يثبت ، 70% نفس زياية بس زياية عطه كورة صح ، يجيبها بالراس ، ويدخل بخشونة نفس العربي ، بس العربي جته فرصة شوف وين حطها ؟ الله يستر من الجاي بس |
إقتباس:
الف الف الف مبروك على الفوز ولاعزاء للمندسين |
الحمدلله على الفوز ثم أختلف معاك في العربي والكوري بالعكس اليوم العربي ماسوى شي فالمباراة أناني لدرجه كبيره الكوري فاضي ماحوله أحد ويحب التسحيب والكوري سوى شغل فالمقدمه . |
انا ما اتفق معك بكل الكلام اللي قلته بس شيء واحد اللي هو تضييع الفرص |
إقتباس:
عارضتين او أكثر .. انفرادات تسحيبات .. شكلك شايف الاعادة للشباب مثل ماقالوا الإخوان |
يعطيك العافيه اخوي بالنسبه للفريق لا تعليق صراحه والله يستر من الي جاي فضيحة الهلال بتكون هالموسم بكل صراحه وتحدث الاداره الهلاليه هو مجرد انهم يهدون هالجماهير لكن الفريق واضح وما يبيلها كلام ولا نقدر نضحك على بعض في مشاكل كبيره بالفرق ومشاكل اكبر بالاداره فريقنا كان تمام التمام لكن واضح ان بن مساعد التفت للتجاره وفكروا فيها صح وبتلقون معي حق والله يستر من الي جاي |
إقتباس:
واللي يسمع مدحك للعربي يقول سجل هاتريك اليوم ؟؟ هجوم الهلال سلبي ولا احد منهم يقدر يصنع الفارق او الحسم سواءا العربي او الكوري . متعاقدين مع مهاجمين وهدف الفوز يجي من مجهود فردي من ظهـير . |
شي غريب اللحين لان نقول راينا صرنا مندسين...صارت فيه حاله نفسيه بالمنتدى لازم نمدح 24 ساعه ولا صرنا مندسين اللحين قبل هدف الهلال اتحدى لو احد مدح مستوى الهلال...الكوره طول المباراه مع الهلال بدون فايده ارجعو شوفو موضوع النقل المباشر وشوفو تعليقاتكم...اللحين صار مستوى الهلال ممتاز ؟ الله يعين من الاهلي بس |
شوط اول عادي شوط ثاني خورافي بس ناقصنا ( انسجام -تفاهم - تركيز) الزعيم اليوم لعب افضل مبارة هالموسم شكلك شايف مبارة ثانيه |
إقتباس:
صدق اللي مو هلالي اسلوبه مكشوف الا اذا كنتم لم تشوفون المباراه ونقل لكم كلام غلط بدال ماتحمدون الله على المستوى خصوصا ظل الهزيمه ومشكلة ايمانا |
بالنسبه للي يتكلمون ان الفريق كان 100 ب 100 بقولك حبيبي لا تضحك على نفسك وبسألك سؤال وانت جاوب عليه وانا متاكد ان جوابك بيكون لا وبحسره بعد هذا الهلال الي تعرفه ؟؟؟؟؟؟؟؟؟؟؟؟؟؟؟؟؟؟؟؟ |
يا اخوي وين مستوى سيء والله الهلال ما قصرت مسيطر على المباراة كلها وهجمات ضائعة الله ما وفق المهاجمين فيها الفريق ناقص العابد والدوسري وايمانا ان شاء الله المباراة الجايه نشوفهم ويكمل الفريق قولي الحين كم هجمه للتعاون في المباراة ؟ |
أقول ذاكــــــــــــــرت!!!!!!!!!!!!!!!!!!! |
كلامك سليم والله مافيه وسط الشلهوب مررررره ضايع مادري ويش فيه . من عقب ماكنى تحتفل بلخمسات قمنى نفرح فهدف ياساتر |
والله العربي فااااااااااااااااشل مايعرف يلعب يمكن محمد نامي افضل منه نبغا ولي وبس او يااااسر ياسر فااشل مع العين اما مع الهلال اخس واخس بس بالتوفيق للزعيم |
مستوى تووب التوووب ابداع لاعبين الهلال بس الحظ وحارس التعاون واقفين ضدنا ولا كانت تاريخيه تحياتي لك لعب طرب اتقان هذا هلال زمان :ba: ونقول وين الاهلي وييييين :d |
كورة على الخط ابعدها المدافع التعاوني في الشوط الأول عارضه .. هجمات بس عشان النتيجة تسجيل خروج بس |
إقتباس:
وبعدين وش هاالرائ اللي الكل مختلف معك الفريق على باب واحد |
شكلك متأثر بحمد الدبيخي ماناقص الا الشلهوب احتياط انت مدري اي مبارة شايفها |
إقتباس:
انا جالس اعبر عن رأيي وما يحتاج ابرهن لك هلاليتي الفريق سيىء وهذا شي واضح وترانا نلعب مع التعاون وفايزين بالعافيه ولا لعب ولا تكتيك يعني لو كان فريق قوي كان طلعت انت وقلت نفس هالكلام وبرهان على الفرق المباراة الجايه اتوقع انها مع الاهلي بجيك على الخاص وبقولك ها اقتنعت وارجع اقولك ما يحتاج ابرهن هلاليتي وكل واحد وله رأيه وبالنهايه الي بيقرأ بيختار الرأي المشابه لرأيه تحياتي لك الاختلاف بالرأي لا يفسد للود قضيه |
السلام عليكم اخي العزيز أي مباراة تتحدث عنها ، الحمد لله اليوم الفريق لعب مباراة جميلة لكن لاننتقص المستوى الذي قدمه حارس التعاون الثنيان ، وإن شاء الله إلى الافضل في المباراة القادمة ، فقط ينقص الفريق التعاون والتجانس في المناطق الأمامية . اليوم القرني كان له شخصيه في مركز الارتكاز مع زميله الفرج. الشلهوب حتى الآن لم يقدم 40 في المائه من مستواه الفريدي لاعب كبير. فقط التوفيق ، الكوري والعربي بدري عليهم لكن البوادر تبشر بالخير. أما فرحة المدرب والجهاز الفني فهذا يدل على الجدية لدى الجهاز الفني وهذا هو الصح يجب أن تتعامل مع الفرق بمنظور واحد ورسالة إلى اللاعبين أن الفوز هو الأهم هنا شخصية الفريق الذي يبحث عن البطولة . بالتوفيق للزعيم. |
مع نفسسك حبيبي رح نم بسس ازين لك .. ومثل ماقلنا يتسسدحوون واذا انتهت كل واحد يألف موضوع بالغصب سق امهااا يَ رجآل .. |
العربي والله انه كل مباراه يكبر بعيني اكثر...والله نجم غير طبيعي اذا ماصار انسجام زياده بيصير لاعب مرعب |
انتصار ولعب على باب واحد وهجمات اشكال وانواع ابدع حارس التعاون في التعامل معها ومازالت جماهير الهلال غاضبه والهلال الى الان لم يكتمل .. يعني فوز بدون مستوى امام هجر نغضب ونخسر امام الشباب نغضب نفوز على التعاون والمباراه باب واحد نغضب ؟؟؟؟ كان الله في عونك يازعيم من انصارك قبل خصومك |
آلشلهوب سيئ؟ :D آلشلهوب كآن آلمآيسترو...~ |
دامكم راضيين على هالمستوى والي قاعد يصير هذا اجل علينا العوض انا جالس اتكلم من الحين لاني خايف بقوه من الي جاي وما نبي نتكلم بعد ما يطيح الفاس بالراس وبعد ما نلعب مع الانديه الكبيره ونخسر منها بيصير الكل يتكلم وبنصير كلنا مؤيدين لبعض الفريق بمأزق كبير |
والله اني ماكملت قراءة موضوعك هذاا اذا اسميه موضوع ,, انا احترم وجهة نظرك . بس مو تفرضها على الغير , وجهة نظرك عكسسسية تماما بما حدث اليوم , بلعكس الشلهوب مايقصر , ويسسوي الي عليه , وتقريبا هم نقطة قوة في الوسط مع الفرريدي , بسس الحمدلله اني ماكملت موضوعك علشان مانصدم اكثر ياليت تشوف التحاليل الفنية وتترقى بتفكيرك الكروي اكثر |
إقتباس:
|
سعوديه تابعي آراء المحللين بعدين تعالي تكلمي صح ولا تصيرين اندفاعيه زياده عن اللزوم وتراه التعاون يا اهل الباب الواحد |
إقتباس:
|
ماراح أعلق إلا ع الفرحة فزت طبيعي تفرح سواء على كبير ولا صغير والمدرب والأجانب توهم جدد وهالنقاط بتزيد ثقتهم بنفسهم ومن حقهم يفرحون حتى على الفرحة تحاسبونهم !!! يعطيك العافية |
انا اشووووووووووووووف الكل لعبوا بس الزوري فاشل والفريدي لو يترك الانانيه يكون احسن |
مع احترامي لك .... انت كيف شفت المباراة ... انا لا أوافقك الرأي في كثير من النقاط اللي ذكرتها الشلهوب عمل كل شي الفريدي رائع الحظ لم يحالفنا فقط اوافق في مسألة الدفاع الغير جيد ياخي انت تطلب الهلال يفوز بعشرة اهداف اهم شي 3 نقاط ... المستوى كان جيد الى حد ما |
اتق الله يا رجل !! افضل ما في الموضوع العنوان .. و الباقي .. كلام واحد عنده نظره قصيره .. و حكم مستعجل .. .. اتمنى تحتفظ بنقدك .. لنفسك بالمرات الجاية اخوي .. لانه صدقني مجرد مضيعة للوقت و انت قاعد تكتبه .. .. اللعب اليوم على مرمى واحد .. ما اقول انه فيه اخطاء ،، فيه .. بس من كلامك حسيت انك تحلل مباراة التعاون .. .. |
اليوم الهلال قدم مستوى حلو لاكن ماقدم مستوى ممتاز وأن شاءالله المستوى الممتازيجي مع أنسجام اللعيبه مع بعض. |
وين وين ؟؟؟؟؟؟؟ يالاخو!!! فريق يلعب ضد حارس مرمى طوال التسعين دقيقه وجاي تقول هالكلام؟؟؟ فقط نحن بحاجه إلا تعامل جدي مع هذا الكم الهائل من الفرص يعني ماكل مره تسلم الجره.. بالتوفيق لزعيمنا........ |
:ba1: وجهة نظرك ونحترمهاَ ، ولكن من وجهة نظري إلهلالَ كآن ممتازَ إليومَ والدليل إننا نلعب علىَ بآب التعآون طول المبآرآهـ ، ولكن صحيح فيه بعض الرعونهَ امام المرمى وعدم استغلال الفرص لكن حراَم عليك تلغي مجهود الفريق كاملَ لانك تنظر لـ إلنتيجه فقط ! .. وُدي لكمَ .. :ba: |
انت متأكد انك شفت المباراه .؟!!! الشلهوب احتياط من جدك انت |
مستوى الهلال جيد لكن الى الآن ما اقتنعت بالآداء |
مستوى مايطمن قدام الاهلي طلعت ارواحنا على هدف وقدام التعاون والعربي رهيب بس الحارس والشلهوب روعه والفريدي ملينا واحنا ننتظر متى يروق |
إقتباس:
اليوم الهلال 200% اي لا تنصدم تقول هذا مستوى الهلال (( انا برد عليك ))<< كيف تبي اللاعبين يتغيرون والمستوى نفسه ؟؟؟؟؟!! اخوي اليوم كل لاعب ادى اللي عليه واكثر تقول لي هجمات ضايعة اقول لك الحارس اغلبهم والعارضة يعني وش ذنب المهاجمين يعني قليل تشوف كورة من مهاجم برا المرمى ,, لازم يصدها الحارس التعاوني اخوي انت شفت مباراة الهلال والتعاون والا مباراة غيرها ,, يمكن اعادة مباراة الشباب ؟؟ ع العموم وجهة نظرك احترمها بس صراحة الاغلبية يعارضون وجهة نضرك لان الهلال اليوم من جد روعة تذكر اخي ( هرماش _ ايمانا _ العابد والدوسري ) وين هذولي اللاعبين ؟ لو رجع هرماش بس شوف وش بيصير بالهلال كيف لو رجعوا كلهم ؟؟ |
مع احترامي لك ، هذه النوعية من المشجعين لا نريدها ، ينتقد لمجرد الانتقاد . بعلق فقط على نقطتك الأخيرة التي تدعو للضحك ، كيف تقول أن فرحتهم غريبة الغريب والله تعليقك ، من حقهم يفرحون حتى لو كانت المباراة ودية . لو فرحتهم عادية كان جيت وقلت ن ليش ما فرحوا بصراحة شيء ما يطاق ! |
الحمدلله على الفوز ........................ |
عطفا على اوضاع الفريق من اصابات ومحترفين جدد وغيابات لاعبي المنتخب الاولمبي وقبل ذلك كله لا زلنا في بداية الموسم......... أرى بأنه مستوى مقنع وبالتأكيد ليس المستوى المأمول اذا ما تذكرنا الخمسات :) اتمنى عدم المبالغه بمستوى العربي لأننا نطمع بالكثير منه هو والكوري ولكن نلتمس لهما العذر لذات السبب المذكور أعلاه بداية الموسم والاجواء جديده وما البدايات المتواضعه لطيب الذكر ويلهامسون ببعيده وبنفس الوقت أتمنى عدم ظلم الشلهوب لأنه فرد ضمن مجموعه لا زلنا نتحدث عن بداياتها وبالتالي يعتبر مستوى مقنع بل وأكثر من مقنع الفريدي أفضل لاعب سعودي في الوقت الحالي من وجهة نظري المتواضعه هو من لسع التعاون بتمريرة الهدف الخبيثه كرويا ولا تطلب منه مستوى ثابت لأنه من طينة اللاعبين الذين قد يغيبون طوال فترة المباراة ويظهرون بلسعه واحده تصيب الخصم في مقتل وهو المطلوب لا أعني بهذا الرد البحث عن الأعذار فهذه ليست من شيم الزعماء ولكن في مثل هذه الظروف يجب أن يكون للعقلانيه والمنطقيه دورهما في الرؤيه البعيده وتحليل الأمور وأن لا نستعجل بالأحكام فالتريث والتفاؤل مطلوبين وباذن الله القادم أحلى |
والله الهلال بهذا المستوى ما يطمن لا إنسجام بين المهاجمين ولا تحس إن فيه تكتيك معين يلعبون فيه لكن لازم نصبر للجولات القادمة عسى الوضع يتغير الله يوفق الهلال |
العربي سيئ جدا مقارنه بالمبلغ المدفوع له اغلى لاعب في الدوري السعودي ولم يسجل الا هدفين فقط حتى الان احدهم باليد ؟؟؟؟؟؟؟ سلم لي على فكتور سيموس ووالوعد المباراه الجايه مع الاهلي |
إقتباس:
والله من جد انت نكته يابوي طير افضل لاعب تحس انه متحرك اليوم العربي ولي يقول ان الهلال مستواه سئ يعذرني انه ماشاف المبارة ماسكين المبارة من اولها لين نهايته وتقول مستوى سيء اجل خلهم اهم يضغطون علينا ونسجل قول وذيك الساعة نقول مستوى ممتاز :s5s: |
مستوى سئ جداً ومع احترامي لبعض صغار السن ليست السيطرة مقياس لأداء الفريق |
إقتباس:
|
الزوري اتمنى ركه على الدكه وشافي موجود الفريدي مهلك لنا كمتابعين الكوري باقي ماتاقلم التعاون فريق قوي اخوي وارجع لمبارياته مع الكبار وشوف |
اول شيء مبروك الفوز والثلاث نقاط مستوى الهلال بصراحة مو مقنع او بالاحرى سيئى الهجوم ضايع بوجود العربي والكوري واللي يقول انه الهلال 100% اقوله هذا المستوى ما ينفع ضد الاهلي ضد التعاون وهجر والانصار ممكن لكن ضد الاهلي الاتفاق والاتحاد ماياكل عيش هذ |
استهدو بالله ياجماعة الخير الهلال اليوم ماقصر والمستوى ممتاز وهذا واحنا ناقصين ايمانا وهرماش ووو...) المهم ياشباب فكرو ترى وراكم مباراه صعبه صعبه والله ياهذا الاهلي شغال شغل غير طبيعي لا ويلعب بمهاجمين خطيييييييييرين من جد سيموس وعماد وحلها المرشدي والزوري لا وازيد كماتشو وتيسير ومحور والله لعيب مدري شسمه نسيته الله يستر الله يستر |
انا مارفع ظغطي الا العربي ياشباب مايرفع راسه مايناول او يمرر كوره صحيح انه يرجع للوسط ويخلص كوره بس هذا يقلل فايدته الهجوميه >>>>ولي هامسون مافيه زيه |
| الوقت المعتمد في المنتدى بتوقيت جرينتش +3.
الوقت الان » 01:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd