^^^

لا هنت جب مقطع فيديو للقطه

أظن انها راجعه من لاعب ستوك عشان كذا حتى لو هو بموقف تسلل ما تحسب

سيناريو مُمتع بالنسبه لـ مشاهد المُباراة .. لكن كـ مشّجع لـ ليفربول شيء يرفع الضغط ويلعب بأعصابك لين نهاية المُباراة .. صحيح ليفربول فاز وشكّل خطوره بس تبقى أنت تلعب على أرضك وبين جماهيرك وخصمك مهوب ذاك الزود ومهوب كفو يكون خطير بالأنفيلد ! .. الأخطاء كثير ومن السهل إنّك تطلعها بعد المُباراة .. لكن هي الأخطاء سلسلة من أخطاء المُباريات الماضية يكررها دالغليش بنفسه .. مثل هالفرق وعلى ملعبك بتفوز وهو المطلوب لكن تكون نسبت فوز 60% لين نهاية المُباراة هنا أقول لا .. الجانب الدفاعي ضعيف جداً بتواجد ( كارا - سكيرتل ) فيه ثغرات كبيره راح توضح بشكل كبير إذا قابلت فريق سريع ومنظم .. تباعد فـ الخطوط بين لاعبين الوسط والدفاع والهجوم .. يبقى الحل الفردي والإبتكار فالمناوله التعجيزيّه هو اللي ينشّط هجمة ليفربول .. نفقد اللعب السهل المُمتنع - تقارب الخطوط .. فوضى تكتيكّه فالنّص الصراحة .. رجعنا لسالفة تضارب فـ أدوار تشارلي ولوكاس .. المشكلة إن هالثنائي متى ماكانت الكوره في جهه تحركوا الثنين لـ الكوره وتركوا مساحة الوسط وراهم فالجهه الثانيه .. غير كذا أي كورة عرضيّه مصدر خطوره على الليفر رُغم إن عناصر الدفاع مهيب قصيره بالعكس نملك قامات طويلة بالدفاع .. بإمكانه التخليص لكن الإشكاليّه تكمن فـ التمركز والتغطية المثاليّه .. الدفاع هش جداً .. وبيبقى هش في ظل تواجد ( كارا ) .. من وجهة نظري .. المعدل اللياقي منخفض إذا أحد لاحظ ركوعه في بعض الهجمات اللي علينا .. مسبب أزمه فـ الدفاع .. والخطأ الثاني يبقى خطأ دالغليش سلسلة الخسائر ليت المشكلة وضحت له إصرار غريب على ثنائيّة ( سواريز - كارول ) .. رغم إن مافيه شيء يربطهم بالخطّه ومافيه أدوار واضحه .. مافيه شيء ثابت بالرجوع والإستلام من الوسط .. بالتناوب - الأقرب - يرجع يستلم ! هندرسون على الجناح وسوء مستواه ومازال الإصرار من الملك على إصراره ودخول هندرسون بالتشكيلة وفي مركز محتاج مجهود لياقي كبير أو يعوضه بالسرعه ( بيلامي - كاوت ) أو حتّى ( ماكسي ) .. من أجود الأجنحة المتوفره والحلول بالجناح الأيمن .. ما أدري وين المانع فـ إنّه ينزل بـ أحدههم أساسي .. مازلت أشوف ليفربول يلعب على الحل الفردي لحد اللحين .. خطورتنا تجي من ( دوانينق - سواريز ) .. مافيه حل مثالي و إنتشار سريع من الفريق يساعد تبني هجمه .. يعني تشكيلة بطيئه خامله فـ الإنتشار و فـ التحرّك ! ، يبقى فوز مهم ومعنوي وإنتشال الفريق بعد خسارتين فـ البريمر .. التغيير مطلب أساسي فالتشكيلة والإبتعاد عن بعض القناعات الغريبه أمر مهم







لاعب مهم ، الأبرز بـ الليفر فالآونه الأخيره .. بس مايبرر إنّك تطلع بهالنرفزه وتعترض على التبديل ، تبقى أنت أحد أوراق الملك إستفاد ومنك وسحبك على الدكّه .. مالك أي أحقيّه تعترض وتتنرفز وتطلع بهالصوره .. لاعب محترف مر بعدّة أندية .. هالأمور غريبه تصير يعني عليك ؟ صح أبدع وتحرّك وعامل شغل وكارول سيّء وفرق بالمستوى بهالمباراة .. بس مسألة إعتراضك المتكرر على أي شيء ، شيء سلبي عليك ..







آخ .. هيبه بـ وسط الملعب .. إستلم وإنطلق وحاول .. يقلّب المواجع .. الشيء الجميل بعد الفوز إنّنا قدرنا نشوفه في أكثر من مناسبة وتهديد على الخصم .. من ناحية الإنطلاق .. إستلام كورة من نص الملعب والتوزيع فـ آخر ثلث فـ الملعب شيء جميل ويطرب فعلاً .. في كم كورة مامشت معه .. تسديته من خارج الـ 18 خلّتني آخذ لفّه على اليوتوب واتأمّل .. ياخذ فرصته أكبر ودقائق أكثر .. شوفته ضد المانيو أمر طيّب كـ أساسي ..



مبروك سكاوزيّه / تشلساويه / مانشستراويه / أرسناليّه .. و عشاق السيتي

إقتباس الرسالة الأصلية كتبت بواسطة THEO WALCOTT ^^^ اسئل خالد و منصور على التويتر وش قايل لهم لا تظلمن تكفى خخخ .. أصلن اللقطه تسلل

إقتباس الزاد البشري عندكم أفضل و الكواليتي بعد فريقكم اللي أشوفه أنا انه كان مرهق بالنص ساعه الأخيره دايم تتكلمون عن الغيابات و انتم عندكم فريقين فلتشر و أنديرسون < نفس اللي لعبوا قدام تشيلسي و فزتوا فيرديناند < لعب بدال سمالينغ بيرباتوف < هداف الدوري لعب بدال روني باقي شيء

abo-dalglish

متأكد شايف الليفر والولفز ؟

كارول قد يكون أسوأ لاعب في المباراة

إقتباس الرسالة الأصلية كتبت بواسطة Sir.M93b أظن انها راجعه من لاعب ستوك عشان كذا حتى لو هو بموقف تسلل ما تحسب

إذا الكرة رجعت بدون قصد من المدافع تحتسب تسلل

لكن اللاعب مب متسلل من الأصل



والأمر الاخر هدف بيرسي الأول تسلل

ميهو ..

حرام عليك !

كارول هذي ازين مباراة لعبها له هـ الموسم بـ العاده مايلمس الكوره

هو آخر هجمه استلكع فيها صحيح

لكن قدم مباراة كبير للأمانه

إقتباس الرسالة الأصلية كتبت بواسطة THEO WALCOTT هاردلك ستوك متخيلين ان ماثيو و بلاسيوس ما لعبوا و جيروم ما دخل الا الدقيقه 89 و جونز مصاب

ما ادري هل انت شايف مباراة غير اللي شفناها والا كيف؟
هجماتنا اللي على المرمى 9 وهم 8
والفريق كان مقدم لكن ما توفق ..

وعلى سالفة كراوتش
انت متخيل ان جيجز لاعب الوسط اللي دخل الدقيقة 70 ضيع هدفين سهلة؟ هاتريك الا شوي
كيفني وانا اقلدك يابو حميد؟

السالفة سالفة انسجام .. ممكن تعلمني كم مرة لعبوا اوين وبربا مع بعض؟
هل بربا يملك سرعة روني وتحركاته وتمريراته الطويلة؟
هذا غير اصابة هيرنانديز بغض النظر عن الطرد والبلنتي تشيتشاريتو كان بيفرق معنا كثييير بالمباراة!

ماني احاول ابرر لاني قايل قبل المباراة اني متوقع التعثر حتى قبل ما اعرف ان روني ما راح يلعب
لكن ما ارضى انك تقعد تهك علينا يابو حميد

كرواتش لعب 13 مباراة أمام مانشستر يونايتد ولأول مرة يسجل

الصراحة اللاعب مفصل لفريق الركبي

^^
من جد

هآردلك عشآق آلمآنيو
بصرآحة الحكم سيء جداً , ما آدري كم ضربة جزآء للمانيو ما احتسبها ؟

,,

ليفربول + ارسنال , في هالجولة استفادوا من التحكيم , والمآنيو تضرر
وما اشوف اي احد تكلم عن التحكيم , خصوصاً من اللي قروشونا الجولة اللي رآحت !؟

السلام عليكم
الف مبرووك للريدزاويه الــ3 نقاط وكويس على الاقل شفنا ليفربول يختلف عن لقاء توتنهام لاني اعتبرها مباراة للنسيان كنت اتوقع الخسارة تأثر على الليفر لكن توقعي كان خاطىء وفوز الليفر كان لمصلحة الدوري بشكل عام
بالنسبة لكارول في نظري انه زيادة عدد مايعرف يمسك الكورة وضيع اخر هجمه في المباراة تفلسف فيها,,



سعيد بعودة جيرارد صحيح انه دخل قبل نهاية المباراة بقليل لكن لمساته استلامه للكورة تسديته من خارج الـ18 اعجبتني يعني ممكن اقول ان تواجد جيرارد راح يخوف المانيو وبوجود ادم..موعودين بمباراة مثيره بين الفريقين وايضا ماانسى الاسبوع الجاي ديربي ليفربول


صراحه ماشفت المباراة ماشفت الا اول 10 دقايق وشدني سقوط هيرنانديز وعدم احتساب ضربة الجزاء صعب الحكم فيها لكن اللي اشوفه لايوجد ركلة جزاء ودخول المدافع كان على الكرة
تعادل المانيو ماتعني انها نهاية المطاف لكن تعادله امس ممكن فاجىء جمهورهم بعد المستويات المميزة اللي قدمها في الجولات السابقة واعجبني كلام الاخ هلالي الملكي الاسبوع الماضي قال من الممكن تضخيمكم لناديكم يسبب لكم صدمة مع اول هزيمة ..
في دوري الابطال او الدوري الانجليزي (البريمير ليغ) ..واللي يتكلم عن الحكم كان سيء اتذكر كنتوا تقولون لجمهور تشيلسي ان الحكم عذركم في خسارتهم ومثل ماقلنا كل فريق راح يتضرر ويستفيد من الحكم اذا فزتوا قلتوا مانبي نتكلم في التحكيم واذا خسرتوا تكلمتوا عن التحكيم


الف مبرووك لكم ياالارسناليه فوز الارسنال ريح فينجر نفسيا بعد الفشل في الجولات السابقة والمستويات اللي لم ترضي جمهورهم لكن فوز ارسنال ماتعني عودته ربما في المباراة القادمة يرجع ارسنال لعادته

في النهاية ابارك للتشلساويه والمانشستراويه ويعطيكم العافية على التقديم الرائع

مباراة جميلة بـ شوطها الثاني فقط ، وإن شاء الله نشوف الأرسنال دائماً يقدم مثل ما
قدم بالشوط الثاني، وبـ إذن الله هذي المباراة تكون مباراة العودة للقنرز ، ولكن ما زلنا
بـ حاجة لـ إستغلال الفرص بـ شكل أكبر وأقوى ، يعني مو معقولة تطلع من مباراة بـ ثلاثة
وأنت كنت قادر تجيب سته أو سبعه ، او أكثر بعد
يعني بـ إختصار ما نبي نعيش مباراة نيوكاسل مره ثاني ، ومباراة بلاكبيرن الأخيرة مره ثانيه



أرتيتا لبى قلبه بدأ بالإندماج مع الفريق وكلها كم مباراة زيادة بعد إن شاء الله
عشان يندمج تماماً وينسينا فابري ، ولمساته بالأمس كانت ممتازة ، وبـ إذن الله
نشوف أكثر بـ المباريات القادمه.



فان بيرسي بـ هالمباراة بعد قدم أداء كبير ، ومبروك
الـ 100 هدف لبى قلبه ، وعقبال الـ 200 ، وإن شاء الله هذي مباراة عودة
فان بيرسي الموسم الماضي .



سونق قدام أداء خورافي بـ معنى الكلمه ، آآخ بس لو يستمر على هالأداء والله يفك أزمات ،
خاصتاً بالبينات الرائعة إلي لعبها لـ بيرسي و والكوت.



مبرتساكر هو بعد بدأ بالإندماج مع الفريق
وبـ إذن الله كلها مباراتين أو ثلاث بالكثير ويبدأ يبهرنا ويكون ثنائي ممتاز مع كوسليني
أو مع فيرمالين ، وتخيب شطحة نواف


راامزي أمس يواصل مشوار الفشل والعك إلي يقدمه هذا الموسم
والله إشتقنا يا ويلشير ، كان ممكن يسوي فارق كبييير بالمباريات الماضيه ، وإن شاء الله
بعد عودة ويلشير ، أو بن عيون ، يحس رامزي بالمنافسه ويشد حيله ويرجع لنا رامزي الأول



فهاوه ، غباء ، دلاخه ، كلها تجتمع بهاللاعب أمس
أنواع التضييع الغريب وإلى الحين واللمسة الأخيرة عنده سيئه جداً ، و لازم يركز عليها ويطورها .
وأتوقع لو طورها راح يتغير كثير ، وإن شاء الله يتحسن بعد ما يتكي إحتياط لـ الحلو الجديد تشامبرلين .





من زمان وأنا أنتظر هاللقطة ، إحساس جميل أن تشوفها على أحمر جديد ، يله عاد لا تقاطعونا لبى قلوبكم
نبي فزعتكم في باقي الموسم عاد

--



يالبى هاللاعب ، والله مبدع وقائد بالهجوم ، ما يجي حبه ثانيه منه مع فان بيرسي قدام .

إقتباس الرسالة الأصلية كتبت بواسطة شبيه بيرلو ^^ من جد هآردلك عشآق آلمآنيو بصرآحة الحكم سيء جداً , ما آدري كم ضربة جزآء للمانيو ما احتسبها ؟ ,, ليفربول + ارسنال , في هالجولة استفادوا من التحكيم , والمآنيو تضرر وما اشوف اي احد تكلم عن التحكيم , خصوصاً من اللي قروشونا الجولة اللي رآحت !؟

رجاءً بدون إعتراض ، هذولي حكام ولازم نقدرهم ونحترمهم إذا غلطوا، وتراكم أزعجتونا بالتحكيم
طيب ياخي وإذا إستفدنا، ياخي أغلاط وش فيك أنت أغلاط عادي حتى لو تتكرر كل جولة
لـ مدة ثمان مواسم ورا بعض وأكثر ، أغلاط ياخي ، تراهم أودام يغلطون ،وبعدين لا تقعد تسوي فيها
مظلوم تراكم أنتم تستفيدون بعد ، تذكر هذيك المباراة قبل سبع سنين يوم لاعبكم
يدف لاعبنا والحكم ما عطاه إلا كرت أصفر، تذكر وإلا أجيب اللقطة؟< مستفيد من التحكيم وغيري متضرر ،لازم نعيش الدور بكامل جوانبه


مبروك لجماهير الأرسنال والليفر وتوتنهام وتشيلسي
وهاردلك لـ جماهير مانيو

وبالتوفيق للقنرز وبقية أنيدة إنجلترا ، بـ دوري الأبطال.

وبالتوفيق لقنرز أمام توتنهام الإسبوع الجاي