الصبر زين ياجماعة الخير - نادي الهلال السعودي - شبكة الزعيم

أبـ خالد ـــو · #1 16/09/2011, 01:14 AM

بسم الله الرحمن الرحيم

السلام عليكم ورحمة الله وبركاته

اللهم صلي وسلم على نبينا محمد اللهم صلي وسلم عليه

اول شي هارد لنا على الخساره وان شاءالله انها اخر الخسائر

ثاني شي ياجماعة الخير تونا في بداية الموسم وهذي ثاني مباراه في الدوري والفريق اغلبه عناصر جديده وعندنا

لاعب

اجنبي مهم في التشكيله غائب بداعي الاصابه يعني فيه كذا مشكله متراكمه على الفريق يعني ان شاءالله مع مرور

الوقت والتجانس راح يرجع الزعيم لمستواه المعهود هذي اول نقطه بتكلم عنها

اما ثاني نقطه انا من وجهة نظري البسيطه انه الاداره غلطت غلط كبير انها مشت الكوري لي ينوق بيو وعدم جلب

بديل له سواء اجنبي او محلي يعني اللاعب كان مغطي خانته على اكمل وجه ومشوا كذلك ولي لانه في المواسم

الثلاثه الاخيره كانت الجهه اليمنى في الهلال هي منطلق الهجمات الهلاليه والدفاعيه كانت ممتازه بقيادة لي يونق

ومساندة ولي له والعكس صحيح في الهجوم

يعني على اقل شي دام انك ناوي تمشي لي يونق ليش يمشون ولي لانه لو ولي موجود كان الظهير الايسر والجناح

الايسر لــ اي فريق يواجه الهلال يكونون مشغولين بــ ولي اما الحين الجهه الايمنى للهلال صارت جهه ضعيفه وهي

نقطه الضعف سبحان مغير الاحوال عقب ماكانت الجهه القويه في الهلال صارت الجهه الاضعف

ثالث شي بتكلم عنه الا وهو ماجد المرشدي ومحمد نامي والزوري

اول شي محمد نامي اللاعب هذا مستحيل يتطور مستواه صبرنا عليه بما فيه الكفايه وغلطت الاداره انه خلتنا نعتمد

عليه لابد من وضع حل للجهه اليمنى سواء بــ اعطى الفرصه لــ سلطان البيشي لانه هذا الحل الوحيد حاليا وفي فترة

الانتقالات الشتويه لابد من جلب ظهير ايمن محلي

ثاني شي ماجد المرشدي يعني لاعب دائما ما يضيع جهد زملائه يعني من بعد ما اخذ افضل لاعب في كأس الخليج

ومستواه في انحدار مستمر الا ماندر يطلع في مباراه او مبارتين مستواه كويس

ثالث لاعب الي هو عبدالله الزوري استغرب الهجوم الكبير من الرقم الصعب عليه يعني لاعب ياما وياما كنا نتغنا

بمستواه الثابت وكل لاعب لازم يمر بالمرحله هذي يعني الصبر الصبر عليه وان شاءالله راح يرجع للمستواه

ياما صبرنا على لاعبين في الهلال مستوياتهم نازله للمواسم طويله اصبرو على الزوري وان شاءالله يرجع للمستواه

اخر نقطه بتكلم عنها هو المدرب

المدرب والله العالم انه ضعيف فنيا وقرائته للمباراه غلط في غلط بس نقول ان شاءالله انه وجهة نظري خاطئه وراح

يتغير مع مرور الوقت اذا عرف كل اللاعبين وعرف مستوياتهم

هذا كل الي عندي

والسلام عليكم ورحمة الله وبركاته

الله يوفق الهلال فوق كل ارض وتحت اي سماء

اللهم امين

أبـ خالد ـــو · #2 16/09/2011, 02:10 AM

مشكورين يامشرفين الشبكه على الموافقه على موضوعي

الجنرال الهلالي911 · #3 16/09/2011, 02:14 AM

بالتوفيق لزعيم في مسيرة الدوري وان شالله خسارة مبارة الشباب بداية التصحيح

Fahad ALHilali · #4 16/09/2011, 02:18 AM

لازم بديل لنامي والمرشدي والا القادم ادهى وامر تعبنا وحنا نتكلم بس محد حولك

كاريرا · #5 16/09/2011, 02:21 AM

نامي محد يمدحه غير قرايبه الي بالمنتدى ولا هو الكوره يمين وهو يسار

الزوري بدع اول موسم ومن بعدها وهو عاله على الفريق لدرجه ان غريتس

لما كان مدرب الهلال قالها علانيه لو يوجد بديل لزوري لغيرته

المرشدي افضل الموجودين بعد هوساوي او تبون النكبه خيرات يلعب

روونالدو9 · #6 16/09/2011, 02:22 AM

الله يكتب الي فيـه الخير لـ الزعيم
وإن شاءالله تكون هـ المبآرآة خيرة لنآ

هلالي ريدوآي · #7 16/09/2011, 02:27 AM

يعطيك العافيه

ولاكن سؤال فاقعن مرارتي

ليه المدرب كذا مهزوومين وماسكتن معه يلعب بهجوم واحد

وش عقبه يوم قضى الوقت طببت الكوري !!!!!!!!!!!!!!!!!!!!!!!!!

شوفوله حل يإدراه أو طيروه

أجل مع التعاون وش يبي يسوون فينا إذا لعبوا بروح ؟؟؟؟؟؟؟؟؟؟؟

أبـ خالد ـــو · #8 16/09/2011, 02:35 AM

مشكورين على مروكم واتحفتوني بــ ارائكم المميزه

أبو دلفين · #9 16/09/2011, 02:36 AM

شباب مشكلتنا في الاعيبه المحليين والله والله وعلى ما أقول شهيد أني اللعب ظهير أيمن أحسن من نامي نفسي إدارتنا تجي المدينه لتشوف اللعب على اصول في الحواري فيه لاعب حواري كل بطوله يأخذ نجم المباراه يدعى عبدالله الركابي كتبت كلامي لحبي لزعيم الحقيقي وليس لتسويق لنفسي لاني أعتقطع على شان الزعيم

مشعل الظفيري · #10 16/09/2011, 02:43 AM

اخوي كلامك منطقي

نبي ظهير ايمن ومحور فقط

وتنحل المشاكل

أبـ خالد ـــو · #11 16/09/2011, 03:04 AM

إقتباس

الرسالة الأصلية كتبت بواسطة مشعل الظفيري


	اخوي كلامك منطقي نبي ظهير ايمن ومحور فقط وتنحل المشاكل

مشكلة المحور مؤقته ان شاءالله اذا رجع هرماش من الاصابه تنحل مشكلة المحور بس المشكله الكبيره هي مشكلة

الظهير الايمن

زيزو___1 · #12 16/09/2011, 03:30 AM

صـدقت أخووي تونآ في بدآيـة الدوري وأككبر دليل 2008 انهزمنآ من نجرآن في الجولة الثانية

2007 او 2006 أنهزمنآ من الوحدة في الجولة الثآنيه وبـآذن الله تومآس دول يصحح الأخطآء

Deem .. | · #13 16/09/2011, 04:32 AM

الله يكتب اللي فية الخير لـ هلاآلنآ ..

والحمدلله على كل حآل هذي حآل الكورة

وماراح نحس بطعم الفوز الا لاذقنا الهزيمة

وعسآها اخر هزيمة إن شاء الله

دمت بود

Deem .. | · #14 16/09/2011, 04:47 AM

الله يكتب اللي فية الخير لـ هلاآلنآ ..

والحمدلله على كل حآل هذي حآل الكورة

وماراح نحس بطعم الفوز الا لاذقنا الهزيمة

وعسآها اخر هزيمة إن شاء الله

دمت بود

عبدالرحمن بن آل قناص · #15 16/09/2011, 05:29 AM

يخوي ندرررري ندرررري انه تونا لكن اللاعبين ما قدموا اي لمسه تدل عل خبرتهم ولا اي تمركز ايمانا الي يحرث لحاله في كل مركز