|
بدء تشييد ملعب الهلال [ ملعب المؤسس ] ، الحلم - أصبح حقيقة السـلام عليكم ورحمه الله وبركــاته مسـائكم & صباحكم / زعامه [ بدء تشييد ملعب الهلال - ملعب المؤسس ] عبـاره أصبحت حلم الجميع .. كل هلالي يريد ان يكون هناك نادي خاص لزعيم أسيا كغيره من الأنديه [ القطريه والأماراتيه والأوربيه ] خطتي هي تحويل [ حلم بناء ملعب خاص بالهلال ] الى حقيقه .. قبل أبداء .. سمعت ان موبايلي راح تتكفل بالمصاريف ولكن ليس هناك عمل جاد ، ولو كان هناك عمل جاد انا واثق تمام الثقه لن يكون في عهد شبيه الريح ، لنفترض ان الملعب 3 سنوات وينتهي تشييده اذا بداء العمل في هذا اليوم بيني وبينكم ( الملعب راح ياخذ اكثر من 5 الى 7 سنوات وربما اكثر اذا كان في عهدة موبايلي ) لاننسى يازعماء ان الملعب راح يدُر الملايين على شركة موبايلي ، مقابل التكفل بالجزء الأكبر للملعب ببناءه لو حدث هذا الأمر راح يكون طامه ..صراحه ، المُهم ، خطتي هي ... تكاتف جميع من له شأن بالنادي من اعضاء شرف وداعمين وأعضاء مجلس أداره مع العلم ان الهلال ولله الحمد يملك اعضاء شرف بيدهم الدعم ولكن قلة من يدعم ، ربما لقناعتهم بأن النادي متكفيء ولا يحتاج الى زيادة رصيد [ التجوري ] لو نفترض ان شخص واحد من الأعضاء المهمين او الأداريين ( يعقد اجتماع مع جميع اعضاء الشرف & الداعمين ، ومن لم يحضر لضروف وانا واثق ان فيه اكثر من 50 عضو شرف لا يعلم عن النادي شيء ، وهو مجرد عضو رمزي او فخري ) لازم يستفيد النادي منهم - والدخل راح يعود للنادي - ولو تكاتف جميع الاعضاء وانا واثق ان عددهم يقارب الميـه واغلبهم تجار وبناء النادي مشروع تجاري اكيد نجي الحين لـ لغة الأرقام : لو قلنا فيه 100 عضو شرف هلالي .. وكل عضو يدفع 7 مليون .. الحصيله 700 مليون .. لو قلنا بخزينه النادي 50 مليون الحصيله 750 مليون طيب لو قلنا ان 750ماتكفي تبني ملعب !! باللحظه هذي راح الجماهير تساعد لان الجزء الأكبر للملعب اكيد بيكون مكان الجماهير الهلاليه اقترح بهذي اللحظه فتح حساب خاص وراح نجمع بقية مبلغ التشييد ، وبعدها مباريات الهلال للموسم الواحد .. لو قلنا فيه 60 مباراه للهلال ولو قلنا 30 منها بتكون بملعب الهلال ولكل وحده مثلا 40 الف من الجمهور ( طبعا هالرقم قليل تدرون ليه ؟ لان جماهير الهلال اكثر ولا يغّركم رقم الجماهير بأستاد الملك فهد لان اكثر من النص ينط من فوق السور لعدم توفر تذاكر ، وراح يكون بوابة الكترونيه يعني الجمهور اقل شيء 40 الف بإذن الله ) 40000 × 20 = 800000 ألف في المباراة الواحده ( من غير الأكل والمحلات اللي داخل والاعلانات والرعاة ) 800000 × 30 مباراة = 24000000 ( أربعه وعشرين مليون ) ولاتنسون من غير الخدمات & الرعاة & الاعلانات & جمهور الفرق المنافسه & المحلات والمطاعم الداخليه والبيوفيهات المتنقله & القنوات يعني 24 مليون لكل مبـاراة علىى أقل تقدير ( طبعا الحسابات بأقل تقدير ) وهذا اقل شيء ممكن نحصله وهو 24 مليون ياســـــــــــــلاام صدقوني هذي المبالغ راح تعود لخزينة النادي ونجيب لاعبين اقوى واقوى .. وصدقوني الهلال راح ينافس الفرق بالقارات الأوربيه " باذن الله " بالنهايه هذا رآيي قد يحتمل الخطا وايضا قد يحتمل الصواب واذا ابدعت فهو من الله ومني .. واذا اخطات فهو من الشيطان .. العذر على الأطاله للذكرى : تركي البذالي الاحد 11 سبتمبر 2011 سكن طلاب أرامكو - راس تنوره بداية كتابة الموضوع 5:24 عصرًا :ba: :rose: :ba1: |
اشكرك على مجهودك وحرصك والله يكتب الي فيه الخير |
لو قلنا ان العنوان مخالف للموضوع هذي 7 مليون |
اكره مالي اذا لعب احد علي وحط عنوان غير الموضوع على العموم الف شكر لك اخوي ويارب يتحقق هذا الحلم لان فيه فائد للهلال كبيره ولكنا ثقه بعيال مساعد |
يعـطيك العـآفيــة على اهتمــآمك ْ بسس آعتقد مو مسسآلة دفـع لن اعضآء الشرف فيهم الخير والبركة ، وآبو فيصل مايقصر المشكلة في التنفـيذ و والموقع ،، مافيـه اي خبـر عن هـ المعلومتيــن ُ |
احلم ......................................................................... |
يعجبني طموحك الحقيقه وأنا كنت أتمنى ذلك لكن للأسف الأمير عبدالرحمن قال قبل شهرين في التويتر بأننا سوف نقسم الملعب إلى 3 ملاعب بالعرض , بحيث يكون ملعب لشباب الهلال , ولأولمبي الهلال , وللفريق الأول . |
اتوقع المشكله مو في الدفع المشكله ان الانديه مو متخصصه تابعين للاتحاد السعودي |
. . يحترم فيك حماسك والموضوع عند الأمير عبدالله بن مساعد وان شاء الله ينقل لنا أخر المستجدات في تشييد ملعب للنادي ودي . . |
ها الملعب اصبح يراود كل هلالي والله تمنى ان يبنى ملعب للهلال االهلال زعيم اسياء وماله ملعب والله حررااااااااااااااااااااااااااااااااام تعرفون وش معنى حرررام يا خي انقهرنا والله الله المعين |
سبحان الله كيف أطش 7 مليون في حاجه مالي فيها لزوم !! :to: صعبه حتى لو تاجر .. وأنا معهم حلالهم عرق جبينهم يحطه في كوره ! لو تجيني 7 مليون نسيت طاري الهلال براسه ..:to: :s3s: |
إقتباس:
ههههههههههههههههههههه:s2::s2: |
أتفق معك بكل كلمة كتبتها بس أزيد ع كلامك يعني كل عضو شرف يدفع سبع مليون أدارة الهلال ترجع المبلغ لعضو الشرف + مبلغ مليونين من خزينة النادي مستقبلا يعطيك العافيه يالغالي بس أتمنى يكون العنوان فكرة عن مابداخل الموضوع |
والله هالملعب بديت احسه حلم صعب يتحقق يعني فرضنا انهم بدو فيه أتوقع بيكون فيه مماطلة يعني ماراح يخلص الا بعد سنواات |
..# نتمنى جميعاَ ملعبَ هلاليَ إو بإسم مؤسس إلهلال يليق بـ مكانة إلزعيمَ ، ولكن صدقني إن إدآرة شبيه الريحَ فكرت بهذإ إلموضوعَ قبل إن نُفكر بهَ ، ولكن إلموضوع مو سهلَ وإلموضوع مو فقطَ موآرد مإليه لـ مشروع بنآء إلأستآدَ !! ولكنَ هنآكَ جوآنب إخرىَ منهاَ إين هذي إلأرضَ التي سـ تستوعبَ هذإ إلأستآدَ وهنآك التصريح إلخآص بـ إلنآدي وهنآك الشركه الراعيه لـ هذإ إلمشروع وإمور إخرىَ .. ولكن موضوعك إيجآبيَ ، كل إلتحآيا لكَ :) |
مع كل إحترامي لك..... أنت جاي تسولف ولا جاي من ورى قناعة إنه فكرتك ممكن تحصل؟؟ كل عضو يدفع 7 مليون أجل؟ فيه أعضاء مو قادرين على 200 ألف بهالوقت في الأزمة الإقتصادية تبيهم يجيبون 7 مليون؟ و 40,000 متفرج على كل مباراة؟ و نسيت التنظيف للمدرجات بعد كل مباراة, و العناية بالعشب, و الحفاظ على أمن المكان.. هذي كلها لها ثقلها على الميزانية في أي استاد كان. خليك واقعي شوي. |
وعليكم السلام ورحمة الله وبركاته اخوي تروك أشكر لك جهدك وطموحك الكبير لكن وبما أننا نتبع للرعاية العامة لرعاية الشباب فأقول ( افلقني ) ان شميت ريحة الملعب ليه : أنا اقولك ليه .. لأننا اندية غير مخصصه يعني لامجال للتجارة في هذا المجال لان النصيب الاكبر للرعاية وما اعتقد ان أبناء مساعد أو أي عضو شرف هلالي راح يتخسر واخر شي يطلع بخفي حنين يعني تخيلت تبني بيت بحر مالك وآخر شي تطلع منه لكن لو خصصت الانديه راح يكون فيه عقود واكاديميات ومدارس وقبل كل شي ملعب يرضي طموح كل مشجع بس راح تاكلها الاندية الصغيره |
من اللي بيدفع سبعه مليون الحلم زين لكن لو تقول موبايلي تتكفل فيها مع أحد البنوك ويسمون الملعب بإسمهم بموجب عقد لمدة عشر سنوات مثلاُ كان أفضل مشكور |
كل وجهة نظر احترمها ولكن حاب اوضح شيء [ ان اعضاء الشرف مايدفعوا 7 مليون بالهواء ، هذا مشروع وراح يكون لهم نصيب من الدخل اكيد !! ] |
اتمنى ان يبنا ملعب يليق باسم الهلالاتمنى اتمنى اتمنى اتمنى اتمنى اتمنى اتمنى اتمنى اتمنى اتمنى اتمنى اتمنى اتمنى اتمنى اتمنى |
شفت برنامج خواطر شفت احمد الشقيري ايش قال عن الجسر اللي سواه اردوفان رئيس وزراء تركيا كيف خلى العالم تساهم فيه ورجع لهم اسهمهم وتحقق الحلم بدون خساير ياشيخ غير ان ملعب الهلال يتسوى بطريقه عبقريه او شركه مساهمه يساهم فيها جمهور الهلال ولا انسى الموضوع بعدين مين قال لك الملعب يكلف 750 مليون الملعب زي ملعب اليوفي يكلف تقريبا 200 مليون تقريبا يعني يابلاشش لكن مين يفهم |
اشكــــــــرك على الطـرح ................. |
يرجال اعضاء الشرف ماوقفو يوم صفقة الشهراني تبيهم يدفعون سبعة ملاين هاذي بالاحلام |
اسمح لي أقتبس ردك وارد عليك بالأحمر إقتباس:
|
بعيييييييييييييده عن شواربك على قولة السوريين فكره من نسج الخيال |
انا لم أقف فقط عند التنظيف.... أنت من وقف عند التنظيف و جحدت الباقي... العناية باستاد مكلفة جدا جدا. 40 ألف رقم جدا مبالغ على كل مباراة. و أعتقد (مو متأكد من هذي المعلومة) أنه أعضاء الشرف لا يمكن أن يتكسبوا ماليا من دعمهم لأنديتهم.. إذا في أحد يعرف في قانونية هذا الموضوع بالله يفيدنا. و أخي لم أقصد الإساءة لك, و أعتذر إذا ضربت أوتار حساسة. |
الله يعطيك العافية على المجهود الرائع وان شاء نبدا نشتغل فييه لاهنت اخوي |
بالتوفيق للهلال ونتمنى الحلم يصبح حقيقة ويارب نشوف الملعب يصبح حقيقة شكرا لك على الموضوع الرائع |
إقتباس:
هههههههههههههههههههههههههههه لايك |
يا حبيبي انت بالغت بزيااااااده في الارقام ......؟؟ |
امنية نتمنى ان تتحق وفي الوقت الحالي نستطيع لكن اين من يبدا بالتطبيق بأنتظار اعضاء الشرف وموبايلي وادراة الهلال |
:ba1: والله العظيم حساباتك سببتلي صدآع خخ :s5s: إن شاء الله بس إذا كانت بعد سبع سنوآت ..:s2::s2: فاذكرووني بالخيير هع :ap: ععوآفـي ~ |
الحين الموضوع ندري انه بيد الامير عبدالله بن مساعد... وكثير مواضيع تكلمت عن حلم التحقيق وعن التصاميم وعن اشياء تخص الملعب لكن لم اجد احد يكتب موضوع له عنوان مثل العنوان الموجود في موضوعك ,, انا ارى ان العنوان اساء كثيرا الى فكرة الموضوع واتمنى منك اخوي احترام عقول الجمهاهير.. |
رحمة الله على الشيخ عبدالرحمن .. آخر مره جمعت فيها مبالغ كبيره من اعضاء الشرف اعتقد في بداية رئاسة محمد بن فيصل "اعتقد"حينما دعم الوليد بـ16 مليوم على دفعتين- ماني متذكر بالضبط بعهد مين لكن كانت قبل عقود الاتصالات أعتقد زمن التبرعات والجمع قد ولى ولايمكن جمع هذا المبلغ اطلاقاً 700 مليون !! - بعيداً عن العواطف عضوا الشرف لن يدعم بمبلغ كبير الا اذا كان رئيس نادي أو عضو في مجلس الإدارة .. النقطة الأخيرة تسمية الملعب لن تكون بإسم المؤسس -رحمة الله عليه- لو تكفلت موبايلي بإنشاء الملعب سيكون بإسم موبايلي "فكرهم تجاري بعيداً عن عواطفنا كمشجعين- وهذا حق لهم -" ،، و أي شركة آخرى بتسميه بإسمها .. |
750 مليون كثيرة الله يهديك ملاعب قطر لم تتجاوز 200 مليون لبعض الملاعب وعندك ملعب الفريق الاماراتي بــــ 200 مليون أما عندنا الملاعب للأسف متهالكة واذا شيد واحد كما يراد في جدة ترتفع القيمة الى مليارات !!! لك الله ياوطني أكلوك الحرامية :cry: كما تعلمون سعر ملعب جدة حدد بـــ 30 مليار !!! s121s أي حوالي 150 ملعب من ملاعب قطر او الجزيرة الاماراتي ؟؟؟ :to: ثم نزل السعر حسب ماسمعنا 10 مليار !!؟؟ تخبرون أحيانا في خصومات بالصيف :s2: ويمكن ينزل بعد .....!!!! بس مو مهم المهم : انها تكون ملاعب على طراز عالي وجودة ... ومكتملة المرافق من بوابات حديثة ومدرجات وأرضيات وأسسواق ومطاعم وكراسي ومواقف سيارات وباصات .... الخ مو متهالكة كعادة متعهدي المشاريع الحكومية |
ارقامك وحساباتك كلها مبالغ فيها بقووووووووووووووووووووووه اجل 700 مليون هههههههههههههه اعضاء الشرف لو دفعو 70 مليون باعتبرها معجززززززه كل الانديه اعالميه تبني ملاعبها شركات مو من النادي واتمنى طيران الامارات يبني ملعبنا زي الارسنال ويوقع الهلال معهم عقد لمدة 15 سنه |
يعطيك العافيه وع حرصك ومجهودك اخوي الواضح والله يكتب الي فيه خير للزعيم |
امنيتي وربي لو نساعد الادارة الهلاليه مافيها أي شئ لاكن أهم شئ يكون في ملعب خآص بالهلال وجماهيره يارب |
عزيزي اجل 40 الف الحضور في كل مباراة .. يارجال زين اذا وصلو 10 الاف في كل مباراة ماعدا المباريات الكبيره .. |
هذا حلم او سيناريو مسلسل !! يامسهل الكلام و( لو ) |
الموضوع عند الأمير عبدالله بن مساعد وان شاء الله ينقل لنا أخر المستجدات في تشييد ملعب للنادي قريب |
و أنت ع بالك 7 مليون شوي ؟ + ليه نكلف حالنا بكل هالتفاصيل , المسألة أسهل , بالإمكان التعاقد مع شركة تمول المشروع مقابل أن يحمل الملعب اسمها لمدة معينة , أيا كان الوضع الأمير عبد الله تكلم برمضان و قال إن الأمور من النواحي المادية جاهزة و حتى من ناحية الأرض باقي بعض الأشياء البسيطة , و إن شاء الله تحل ,, عوافي أخوي ,, |
أحسب عندك سالفه قلت بس الملعب جاهز وباقي الجمهور يحضر |
ب آقولكم شي على فكره كلنآ نسمع آرقآم خيآليه جدآ جدآ جدآ .. يعني وش 750 مليون .. ترآ برآ ف قطر بخصآئص مهبوله سوو آكثر من ملعب بمبآلغ م تتجآوز قيمتك اللي حآطهآ :( يعني ترآ مآ يبيله الخرآفيه الحسآبيه |
من جدك أنت 750 مليون عشان ملعب :s5s: :to: 750 مليون تطور قطر مع البحرين وانت تقول نسوي فيها ملعب :ap: أنت تتكلم عن مليار تقريبا وتراه ملعب من طابوق واسمنت ماهو من ذهب وفضة 50 مليون مع النهب والنصب من قبل الشركة اللي بنشئ الملعب تكفي وتزيد |
الامر بيد الامير عبدالله بن مساااااااعد |
للمعلومية ملعب اليوفي الجديد كلف النادي مايقارب 150 مليون يورو وهو على اعلى مستوى يعني بالريال السعودي مايقل عن 600 مليون ريال لكن بالطبع لن نبني مثل ملعب اليوفي بمرفقاتة ومميزاته بمعنى اننا نحتاج لأقل من نصف المبلغ المدفوع في انشاء ملعب اليوفي صدقوني 300 مليون كااافية لبناء ملعب ممتاز محلياً |
ما رح اتكلم عن اختلاف الموضوع عن المضمون لان ماشاء الله عليك طرحك جدا جميل بس للاسف خانك التعبير في الموضوع في كتابة موضوع له . بالنسبة للنشيد انا غير مويد لاي نشيد ... وبالنسبه لموضوعك انا ايضا غير مويد لفكرة الملعب خصوصا انك تقول اعضاء الشرف بيدفعون ....... شبيه الريح قال اكثر من مره انا موكل امر الشهراني لله ثم لاعضاء الشرف ..... وكررها كثير ولا حياة لمن تنادي ولا احد دفع شي تبيهم يدفعون في ملعب ... صعبة اشكرك اتمنى ان تتقبلني بصدر هلالي رحب لا تقل (واذا ابدعت فهو من الله ومني ..) بل قل (واذا ابدعت فهو من الله ثم مني ..) |
حلم يتمناه الجميع مشككوووور |
العجيب انك تحسب متوسط الحضور 40 الف مشجع تمزح والا تتكلم جاد !!! اولا ومع احترامي لك وضع الحسبه عندك كله غلط في غلط وللعلم لو حسبتك هذي صح كان كل الشركات جات ونفذة المشروع لاهداف ربحيه اشكر لك مجهودك ولاكن لاتختم حساباتك بكلمة اقل احتمال انت الان وضعت حسابات في وضع التمني والاماني شكرا لك |
ها الملعب اصبح يراود كل هلالي <CENTER>والله تمنى ان يبنى ملعب للهلال االهلال زعيم اسياء وماله ملعب والله حررااااااااااااااااااااااااااااااااام تعرفون وش معنى حرررام يا خي انقهرنا والله الله المعين </CENTER> |
اشكرك على مجهودك وحرصك <CENTER>والله يكتب الي فيه الخير </CENTER> |
موضوع كذب لجلب زوار وردود استحوا والى متى التزوير:) |
كل الشكر لك أخوي ع الموضوع .. وفكرهـ جدا رائعه والله يحقق حلمنا يارب ... تحياتي وودي....... |
اطلب الله .. . . . . . . |
اول شي امسي عليك اخوي انت تتكلم عن 750 مليون ترى رقم مو سهل هذا شي الشي الثاني يعني نصرف 750 مليون ونجلس كذا ماعندنا رواتب لاعبين ومدرب وجهاز طبي واداري وتجديد عقود ومن هالقبيل عموما فيه موضوع لاحد الاعضاء كاتبه عن تجديد ملعب الامير سلمان واضافه مدرجات وراح يكلف 20 مليون اتوقع اسهل بكثير من رقمك الفلكي تقبل مروري واحترامي واحترامي |
- إن شآء الله نسسمع عن قريب بأن الملعب سيبنى |
نتمنى ملعب الهلال والله باسرع وقت وانا اتذكر عبدالله بن مساعد قال بخصوص الملعب ان كل شي جاهز بس يبيله شركه ترعاه وان شاء الله يتحقق لاتقولون حلم مافيه شي مستحيل (ملعب الهلال >لاتوقف)>برا ويارررررررررررررررب يتحقق دعواتكم اللهم وفق الهلال فوق كل ارض وتحت كل سماء يارررب |
24 مليون للمباراة الواحدة اوووووه وكذا مباراة من كاس ولي العهد وكاس الملك وكاس اسيا يعني مدخوووووووول ممتااااز جدا يفيد في تقريبا تعاقدات اللاعبين الاجانب وتجديد عقوود اللاعبين جميل جدا هذا الفكر |
تشكر على الموضوع ..مع ان العنوان كشته هع.. لكن انت تقريبآ حسبت الجمهور اربعين الف ..لكن ما اتوقع .لو بتحسب ..أكثر شيء 20 الف .. تحياتي لك |
| الوقت المعتمد في المنتدى بتوقيت جرينتش +3.
الوقت الان » 12:05 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd