[ يوميات العيد "3" ] العضو الإستشاري فيلسوف زمانه : يوميات كلها فرفرة وكلام واجد .. ومطعم العود .!؟ وشو .!؟ - نادي الهلال السعودي - شبكة الزعيم

المنتدى الاستشاري · #1 02/09/2011, 02:52 AM

بسم الله الرحمن الرحيم

فكرة : 5jel
تصميم وإعداد : فَيْلَـسُــ زَمَانَهُ ـــوفْ

السلام عليكم ورحمة الله وبركاته ..
كل عام وانتم بخير ..
واطال الله بأعماركم على الطاعة ..

~|>( يوميات العيد )<|~
❤
هي سلسلة مكونة من ثلاث حلقات لأول ثلاثة ايام ..
نسلط الضوء فيها على اعضاء مميزين ..
ونعيش وإياهم تفاصيل يومهم بالعيد ..
ونرى الأجواء واختلاف العادات والتقاليد ..
❤

أهلا وسهلا بكم اعزائنا الكرام ..
دعونا نرحب سوية بضيفنا لليوم الثالث والأخير ..
عضو اللجنة الإستشارية للمجلس العام :..
..❤{ فَيْلَـسُــ زَمَانَهُ ـــوفْ }❤..

السلام عليكم ورحمة الله وبركاته

يالله إنك تحي الأعضاء نفر نفر ونفره نفره

واقول لكم كلكم كل عام وانتم بخير بما فيكم حتى نفسي

.

تراي اليوم راعي طويلة .

الموضوع يحتوي على حوالي 44 صورة

وينم عن رواقة تامة ..

وفي يدي كوب من الشآي احتسيه مع صوت البدر الرنان

اولا .. يومي العيدي بدآ من بعد صلاة الفجر

كان فيه المعيد الأخير لأهل حارة جدي القديمة

هذي بداية التجمع حوالي السآعة 6 ونص

وهنا تظهر صحون الرز والمرقوق والجريش والمطازيز والقرصان ايضا يزاحمهم

صورة اخرى مع التحية لكل مجموعة إنسان

بعد ما وضحت الرؤية للعيان

وهنا بداية الإلتمام حول هذي الصحون لأنهم شعروا انها بدأت تبرد فأرادو تدفئتها ..

....

وخلص هالعيد حوالي السآعة 8 او 8 ونص ..

طبعا يوم خلصت ماكل الحمد لله

وتلفت شفت مافيه احد على صحنا

شلته وهجيت بكل ماأوتيت من سرعه

ورجعت البيت وعليها ..سواليف بين فورم ومسن

مع إنه الأخوة سآحبين علي بالمسن

من كريم إلى محمد

بس تكلمنا عن بعض القضآيآ السيآسية البحتة ..

وكيف ان سوق الكليجا يؤثر في سوق النفط العالمي ..

والدكتاتورية التي هوت بالرؤساء إلى القآع ..

وبعدها اذن الظهر ونمت للساعة المغرب

>> ساعة جديدة هذي

قمت وكان عندنا إستراحة إجتماع العائلة الكبير .!!

من كل حدب وصوب هناك تجد بزران ورجال

ويدينك تتكسر من صب القهوة ومد الفنجال .!!

وتقهو لا تقهوى

هذي صورة النار شآبينها اول ماوصلت

>> نار بالحر .!!

وهذي صورة قبل مآيجتمع القوم .!!

صورة أخرى

ثآنية ويظهر كم نفر

صورة مقربة

بدأ مطر البشر ينهمر

زاوية أخرى إحترافية

بدأ تشكيل الأحزاب السواليفية التي لاتحتوي على دستور .!!

ولا مكفول .!!

لحضة ماقالو حيآكم الله على العشى

صورة للعشآ قبل الهجوم بالعآفية عليهم

بدأت تتسلل بعض الأحزاب الخآرجية التي اتخذت الشآرع مركز لها

>> لاتخقون مع ظلي

الساعة تشير إلى الـ 10 مساءا

وصورة تبين التفاف الناس حول الصحون المغلوب على أمرها

....

وبعدين رحت المجلس اشوف فيه احد ماقلط ولا شي

لقيت هالبزير نآيم يآحول

وهبلت فيه

شوفو عيوونه وشلون

إلى ان جاء ابي ونهرني بلهجة شديدة وقلت صورة طيب

هذولا المعازيب يوم طلعت خليتهم يصبون

اخوي وولد عمي واخوي الصغير الي قآل صورني وماصبر جآي مسرع يبي يشوف الصورة

وقفت بالبآب وصورتهم

ولا واحد انتبه كلهم مشغولين ..

بعد ماطلعوا رحت اتفقد لايصير احد جاه شي ولا شيآت

وطبعا النظام كل عائلة يجيبون عشاهم معهم

وانا ماتعشيت قلت أروح لم خوال ابوي مع عمي

ببريدة مشوار

بعد العشآ على طول مآفيه بالمجلس إلا شيبان .. والأحزاب عادت للعمل

..

وبعدها مشينا لبريدة وصلنا حوالي 11 ونص وكانت استرآحتهم بين بريدة وعنيزة

>>> اقطع ام تخطيييمك

طبعا ما امون عليهم فكآن التصوير على استحيآء

كان يوجه خطاب رسمي للأبن ولا اعلم حقيقة مادار بينهما

هنا كان حزب الأكل .. وواضح الفيشآرات والبطاطس والعصيرات

ولا اعلم اين ذهب كل هذآ

ركزو بالشخص الي يكلم ..

هذا هو بعد ماخلص مكالمة

واضح غنه المكالمة اثارت عواطفة واكاد اجزم إنها من ام العيآل

حيث أراه هائم في الأحلام .. وكأنه على مرسى شاطئ جزر القمر

.....

وبعدها طلعنا انا وعمي وطبعا ماتعشينا

إتجهنا للعاصمة ..

وبالتحديد النخيل مول

دخلنا من البآب الخلفي الي هو باب هايبر بندة

وقمنا نفرفر ببندة واخذنا توست نخالة بس

وهذي كم صورة ..

..

...

...
عمي انقهر من تصويري

قآلي وش عندك شغآل صحفي من اليوم تصور

قلت له عندي يوميات العيد تبي اصورك .!؟ وانزلها بالمنتدى

قآل ايه بس لاتعلم ام ريم

>>> المعزبة

وهذي صورته مرتز مع إبتسامة

وطلعنا من بندة

ورحنا للمول

وباليآلة صورت حتى إني نصبت نصبة اليمة

قآلي الأمن ليه تصور .!؟ ترى فيه مشاكل وكذا

قلت له انا من صحيفة الجزيرة نسوي احصآئية ..
لتوافد الناس للأسواق في ايام العيد ومدى رفاهية الشعب ..

قآلي الله يعينكم ويوفقكم

ومشى .!!

صرآحة رحمته ومادري من وين جتني هالفكرة بس يالله

المدخل وقدام على اليسار هآيبر بندة

وانا مدحدر للمول

وكنت انتظر لمى تخف الكائنات السوداء
الذي يسمين إنثى عشان اصور

هذا الركن السويسري رحت لمه قلت عندك ذرة

قآلي لا ..

قلت له وشوله فآتح

ومشيت وخليته

والزحمة على ستي ماكس .!!

...

بعدها طلعنا من المول وحان وقت العشآء

قمنا نفرفر

فأردنا العشآء في مطعم ..

( العود )وفي رواية ( الشايب )

صورة خارجية لمطعم ( العود ) وفي رواية ( الشآيب )

ويوم دخلت نسيت الجوال لما طلعنا

وقلنا نبي لنا نظبط المزاج

فرحنا مقهى رآيق قدا

هذا هو شوفو فوق على اليسآر

المصعد المؤدي إليه ويظهر عمي في عجلة من أمرة

بعد ماطلعنا من المصعد يظهر في الصورة عمي وهو يقول اخلص علينا

لكن للأسف كان مليآن .!!

قلت طيب بصور لهم الجلسة وشلون حلوة

وبعدها رجعنا للمذنب .. وجلست على الكرسي ..
وفتحت لابتوبي وبدأت انقل الصور وانسقها ..
وهاهي بين يدكم

وفي الختام نكون إنتهينا من الموضوع على بركة الله

استغرق من الجهد ساعتين متواصلة

واشكر الجميع وخصوصا نفسي على إتاحة الفرصة لنفسي أن اكون ويآكم

واعلموا اني إذا اصبت فمن الله .. وإن اخطأت فمن نفسي والشيطان ..

ولا يوجد إنسان كامل .. فالكمال لله عز وجل ..

فالخطأ وارد في كل مكان ..

والإنسان دوما محط النسيآن .. ومهما سهى .. ونسى .. فأنتم هنا لتذكرونا ..

وتنتقدونا .. لنصحح من مسيرتنا ..

والسلام خير الختام ..

اتمنى إني ماثقلت عليكم ..

وفي الختام :~
نقول لكم وصلنا إلى مسك النهاية ..
في ثلاث حلقات إستمتعنا .. بها ..
ونقول إن شآء الله وامد في أعمارنا ..
نلقآكم في اعياد أخرى ..

S.SAM · #2 02/09/2011, 03:04 AM

دقايق.. ض1

..........ز

وعليكم السلام ورحمة الله وبركاته..

حيا الله عبود.. الحين الموعد 6.30 م وانت معنى الا ما بعد 6.. ذذ ض1

وش جوك تصور والناس تاكل..ذذ ض1

اهم شي الـ 37.95 مكلفين نفسهم على الخمس هللات.. خخخخخخخ ض1..

الا هذا ابو مرام ولا.. ق1 ض1

وشسمه... ض1 وش عندك يالمنحرف لم بنده والمول. ذذ ض1

شكرا جزيلا عبود كفيت ووفيت.. ق1

بالتوفيق لك يا رب.. ق1

والى اللقاء بالعيد القادم.. ق1 ض1

هلالي كايدكم · #3 02/09/2011, 03:14 AM

عبدالله

أول مرة أشوف شخص يستضيف نفسه

..
زي ما تقول : ( مع نفسك )
عيدية جميلة كجمال روحك ..
وكل عام وأنت بخير

سعودي أصيل · #4 02/09/2011, 03:15 AM

هههههههههههههههههه ابصم بالعششره تكتب الموضوع وانت فاصل

اقولك ،،، شف الصورة الخامسسسه باللهي ،،،، كم أعطيك وتخليني اجلس جنب النويره لييييله بس ؟؟
ماشاء الله عليييييك والله عيشتنا احلى اجواء للعيد ،،،

ايه هذي الاعياد صح ، هذي اللي ليا جابوا طاري العيد تخيلنا ذي الاجواء ، يالبى بسسسس ،،، الله يسسعدكم وان شاء الله تتواصل افراحنا وافراحكم ،،،

نشكر الفريق كامل على الموضوع الحلو <<<< والله لحالك فريق ماشاء الله عليك

hollz · #5 02/09/2011, 03:17 AM

هههههههههههههههههههههههههه

الله يقطع بليسسسسسك

5jel · #6 02/09/2011, 03:31 AM

آهلآ فيلسوف

كل عآم وآنت بخير

وآلله يً كثر آلصور

بس كآنت تغطيه كآمله

آلحين كل وآحد يجيب معه عشآء

وهم كل العآئله

شنو يكفيهم هذولي !!
يً زين الولد آللي نآيم شكله يقول متى نرجع للبيت بس

بس ودي آفهم رحت آلآسترآحه وطلعت منى السآعه 10 ورحت للعزيمه الثآنيه !!
يعني بيوم وآحد ولآ هذآ اليوم آلثآني ...!!
عيدكم رآيق ومخطط له مو آعيآدنآ

وشكرآ على التغطيه الكآمله وآحلآ تصير بصور

مسّتريح البال · #7 02/09/2011, 03:41 AM

أجزم إن اللي صورت بها كاميرا

وعليكم السلام ورحمة الله وبركاته
وكل عام وأنت بخير وصحة وسلامة

الحين بعد كم سنة يوم تكبر وتصير أب لدستة أشرار عفوا ً أطفال بتذكر السنه هذي بسنة التصوير

ما شاء الله عيدكم جمعه حلوة الله يديمها

غيرك عيده إنتهى الساعة 9 ونص وراح يرقد

إلى ساعة العصر

بعدين ترى يا عبود فيه صورة ماركزت فيها

واحد ما سك بيده صحن وإنت تصور وعكس صورتك

يوميات جميلة ماشاء الله تبارك الله

وجعل الله أيامنا كلها أعياد

FINAL10 · #8 02/09/2011, 03:45 AM

فيلسوف يا راعي الخنبقه ض1
كم طول كرشك ما غير مفاطيح خخخ
ياخي غيروا لو مره وتعشوا هرفي

الا اقول يالمنحرف وش موديك السوق بيوم العيد

يعطيك العافيه اهم شي كحلت عيوني بشوفه ظلك ؛$

بلو كادي · #9 02/09/2011, 04:02 AM

حجز ض1
.........................................
بــآآك

وعليكم السلام ورحمة الله وبركاته
انت يومياتك يبيلها شاهي منعنع

إقتباس


	واقول لكم كلكم كل عام وانتم بخير بما فيكم حتى نفسي

مافيه شي جديد هاذا سيفوه وهاذي خلاقينه من يومه صديق نفسه

<< والله مزحه

إقتباس


	ويدينك تتكسر من صب القهوة ومد الفنجال .!!

الله مير يعافيهم ويسلمهم

اهم شي مشخص وتصب قهوه وتعزم على العالم

إقتباس


	هذي صورة النار شآبينها اول ماوصلت >> نار بالحر .!!

بجد وش تحسون فيه

إقتباس


	وهبلت فيه شوفو عيوونه وشلون

ياعزتي له مسيكين

إقتباس


	وقمنا نفرفر ببندة واخذنا توست نخالة بس

اهم شي كل ذالحماس على توست نخاله

إقتباس


	واشكر الجميع وخصوصا نفسي على إتاحة الفرصة لنفسي أن اكون ويآكم

يعيش قصة هيام مع نفسه

كل الشكر للاخ فيلسوف على هاليوميات
اللي احسها من الشاقه جداً والعيار الثقيل

<<< اشوا لقيت يوميات متعبه اكثر من حقت سامي

يوم جميل ومليء بالمشاوير والفرفرة

والله يحفظ لكم لمتكم

وكل عام وانت بخير وصحة وسلامة

الغرناطي · #10 02/09/2011, 04:32 AM

هلا و الله بولد الديرة

و انا أقول ليه الإنارة ضعفت كم ساعة بالمذنب و أثرك رايح لبريدة

..
يوميات حلوه مثلك ..

أمورة الزعيم · #11 02/09/2011, 06:04 AM

كله كوم واللغة كوم .. عامية على فصحى ههههههههههههههههههههههههه

بخصوص شب النآر .. نآر وفي هالحححر

من جد وش يحسون به

يوميات ظريفة جداََ يآأخي

Ms. Star · #12 02/09/2011, 06:55 AM

إقتباس


	وتلفت شفت مافيه احد على صحنا شلته وهجيت بكل ماأوتيت من سرعه

ابوك يالسرعة

وش شعورك بعدها

إقتباس


	قآلي الأمن ليه تصور .!؟ ترى فيه مشاكل وكذا قلت له انا من صحيفة الجزيرة نسوي احصآئية .. لتوافد الناس للأسواق في ايام العيد ومدى رفاهية الشعب ..

ههههههههه قسم انك فاصل وشاون ماجاتك الضحكة

انا اشهد يا عبود انها افضل يوميات عيد

قبل النهاية لابد اشكر نفسك لأنها اتاحت الفرصة لك

احبك ياهلال 20 · #13 02/09/2011, 08:05 AM

عليكمم السسسلام
حي الله اهل ديرتي
يولد من انت
انا بيتي عقب الشجر اللي وراكـ يعني بالنخيل
وانت بالشورقية < ومارن عليكمم ليشش ماصورتن ؟؟
وش عايلتكـ يالحبيب< ?
اتوقع انك من الشايع صح ؟
برآآآيفت لكـ < مدام انكـ من ديرتي الاقربون اولى بالمعروف تعرف احد يعرف احد ابغير نكي تكفا توسطلي