الشلهوب !! بين الحقيقة والعاطفة . - صفحة رقم 3 - نادي الهلال السعودي - شبكة الزعيم

سعودالسالم · #31 15/08/2011, 10:04 PM

1- هل الشلهوب من الناحية البدنية صالح لخدمة النادي أم لا؟
أه أه أه على بعض الجماهيرالحين صارالشلهوب موعاجبك؟؟؟؟؟؟؟؟
2- هل من الممكن أن يتبع طريق ياسر القحطاني (من ناحية الاعارة)؟!
الله لايقوله يطلع حبيبنا أبو بندرمن الزعيم.
3- رأيكـ بالشلهوب؟؟
أفضل من يخدم الزعيم لمواسم قادمه.
الله يهديكم بس الموسم مابعد بدا وشانين هجوم على المحترفين وعلى لاعبينا الكبار. بالله عليكم أرحمواعقولنا شوي
تقبل مروري

أحبك يا(زعيم) · #32 15/08/2011, 10:50 PM

بسم الله الرحمن الرحيم

كيفك اخوي

مآبكثر كلام

اعتقد انك تتكلم قبل بدآيه الموسم وهذآ اكبر غلط نسويه في اللاعبين

انت تقول الشلهوب مستوآهـ مآيخآرج انه يلعب اسآسي

بس بقولك اذآ كنت تتكلم لمصلحه النآدي وقبل مآيبدآ الموسم

اضن البآرح شفت الكوري كيف ضيع ...؟ كورهـ سهله وضآعت

بتجي بتقول الكوري هدآف فريقه ومن الكلام دآ

بس بذكرك الشلهوب ايش سوآ في الاسويه

اما بنيدكور صنع لك اكتر من 5 اهدآف + الفاول اللي في العارضه

الشلهوب نجم يديك كورهـ انت وضميرك ... بس مآحصل هجوم في الهلال ...

ننتظر ونحكم على جميع اللاعبين ادا آبتدآ الموسم

مع اني غآسل يدي منكم يآهالجمهور .. يكفي اللي سويتوهـ في ولي

عشآن مبآرآهـ وآحدهـ

ونسيتوآ ولي العهد صنع وسجل ..لين طفش

وانتوآ قلتو فآشل ولي ...ليييييه عشان مبآرآهـ الاتحآد

مع احترآمي لكم

آنتم لايعجبكم العجب ولا الصيآم برجب ..

مآرجع لردودي الخآص موجود

وآعتذر ع الاطآله

سلوم 10 · #33 15/08/2011, 11:20 PM

انا من شفت اسمك دريت انك مع الخيل ياشقرا ولا تدري هي بك ولا بطاسه
ياحبيبي كيف تدني مستوى الشلهوب في المباريات الاخيره ؟؟؟ اي مباراه تقصد انت
الشلهوب لاعب عنده الخبره وفي لمسه يخلص لك مباراه ومستواه ممتاز في الموسمين الماضين
واما البنيه الجسمانيه فيه لاعبين عالمين مثل جسم الشلهوب واصغر وأولهم تشافي

موضوعك غريب اتمنى مره ثانيه اذا كنت فاضي لاتكتب مواضيع في هذا المنتدى
وشكرا

سلوم 10 · #34 15/08/2011, 11:27 PM

والله مشكله صار عضو توه تارك الرضاعه يتكلم عن الشلهوب الي يخدم الهلال يومك بظهر ابوك

روح نام ارحم والديك مابي اشوفك تكتب مواضيع مره ثانيه

ابو عثمان111 · #35 16/08/2011, 01:16 AM

اعتقد بأن

أحمد الفريدي

ونواف العابد

وعبدالعزيز الدوسري

ومبارك البيشي

ومحمد القرني

وعادل هرماش

يقومون بأدوار أفضل مما يقوم به محمد الشلهوب

ومن الأفضل أن يلعب الشلهوب شوط واحد

مع حبي وتقديري لمحمد الشلهوب

لكن الآسيوية ما تبي لها مجاملات

رقو10 · #36 16/08/2011, 01:29 AM

مادري وش تبغونة يقدم اكثر مماقدم !!!!!!!!!!!!!!!!!!!
فديتة يلعب بروحه قبل قدمة

ابو احمد الرياض · #37 16/08/2011, 01:32 AM

الاستعداد للموسم بيدا بمباريات بسيطة والفرق الذكي اللي يتدرج مستواة مع الموسم وهذا ينطبق على اللاعب استناء على محمد الشلهوب وراح تشوف مايسرك ان شاءالله

مجنونة ولد رومان · #38 16/08/2011, 01:34 AM

يعطيييييييييييييك ألف عاااااااااااافيه

اخوي الشهلوب من لمسه يحسم لك المباراه

ولا تطالع المباريات الوديه وتحكم على الشلهوب

لأن يوسف ماقدم مستويات في المبارايات الوديه

ومع ذلك اساسي

الشلهوب مهم وجوده في الفريق

سالم الصفردي · #39 16/08/2011, 01:41 AM

الظاهر الا خ لم يعلم ان الشلهوب من ابناء النادي

وانه خدم الهلال طيلة السنوات الماضيه

اصح ياصاح انت تتكلم عن الشلهوب

faisal الهلالي · #40 16/08/2011, 01:54 AM

!!!

اذا انتهى الموسم باجاوبك !!

شبح15 · #41 16/08/2011, 02:02 AM

الشلهوب صانع لعب بحت يلعب بمخه قبل رجله وبستغل الذكاء في هدوء الحارس او تقدم الحارس او الضربات الثابته

لاعب له ثقله في النص واللاعب انسان يجي هبوط او خمول للمستوى اما اصابه او ارهاق عادي

والقادم مذهل مع الشلهوب

sheva_7_22 · #42 16/08/2011, 02:09 AM

الموسم ما بدأ وهذه بطولة وديه

وانت جاي تعمل مشكلة من لا شيء

العيد عليك مبارك

الشـادي · #43 16/08/2011, 02:14 AM

يا ليل المدربين الي يطلعون على وقت الصيام

تصدق بالله انا متحسف اني دخلت الموضوع و ضيعت وقتي على واحد يبغى يزيد مشاركاته

اجل الشلهوب نازل مستواهـ !! حكمت عليه من شوط واحد ؟؟

اقول خليك من الآجهاد الي ما له داعي و لا تتعب يدينك و انت تطقطق على الكيبورد عشان تنزل موضوع

محبتي الشآاي

بدر _ 10 · #44 16/08/2011, 02:27 AM

بعض الناس ما ودك ينزلون مواضيع

Dr.Diet · #45 16/08/2011, 04:03 AM

كان المفروض تقول نطالب الكابتنيه للشلهوب ...تجي تقول مستواه متواضع .. احترم رائيك لكن نهائياٌ لااتفق معك ..

وجود الشلهوب داخل الوسط الهلالي مهم جدا ...