مالذي ينقص المشعل

ضارب راس رائع
كنترول اروع
تسديد من جميع الزوايا

سريع البديهه

سريع التفاهم مع غيره من اللاعبين

مواصفة عالميه
مراوغه جميلة

كل مميزات المهاجم موجوده

وانا ارى انه حاليا افضل مهاجم سعودي

ومن افضل خمسة مهاجمين مرواعلى الكرة السعودية






ملاحظة سامي الجابر حاليا لاعب وسط وليس مهاجم

والله انك صادق اخوي الكاسر يعني هذا اللاعب اظن ان الاداره الاهلاويه ليست متخليه عنه ابدا ولو بمليار

صراحة (طلال المشعل) من أفضل الاعيبة وله مستقبل كبيرجدآ ولكل يتمناة مع نادية(يارب)...

وعن سامي فهو المهاجم الاول وسيبقى الاول...

عزيزي الكاسر 888
لا احد يشك في مهارات لاعب الاهلي طلال المشعل وانا اتوقع انه صفقة رابحه ولكن اذا لم يتجاوز سعره حدود المعقول يعني 2.5 - 3 مليون على الاكثر

وفي اعتقادي ان نادي الاهلي ما صدقوا على الله يجيهم مهاجم ممتاز بعد حسام ابو داوود عشان كذا ما اتوقع انهم بيفرطون فيه ابداً .

وتقبل تحياتي

نحن إش نبغى بالمشعل أنا معاك في كل إلي قلته عنه لكن ما تلاحظ إنو هالموسم مع الأهلي سيء للغايه فلم يسجل أي هدف وكل إبداعه مع المنتخب
والهلال ترى في غنى عنه الهلال يمتلك أربعه بدل الواحد
والمشعل بينو وبين الأهلي عقد لمدة أربع سنوات
والأهلاويين مستحيل يفرطوا فيه ومهما كان الثمن

عزيزي الغالي
كلامك على العين و الراس لاكن نجوم الازرق فيهم الخير و البركة وأظن ان نادينا الحبيب ليس في حاجت اي احد في الوقت الحاضر ماشاء الله منبع نجوم و المشعل الله يهني نادية فية ماحنا في حاجتة
واذا قدر الله و جانا حياة الله وراح يشوف الفرق الكبير في العالمي الموج الازرق

والله انك اعجبتني يالكاسر888 مهوب علشانك مدحت طلال ( وهو يستحق وزياده ) ولكن لانك ركدت اللي طايرين في العجه - قال فلان ان اللاعب الفلاني مهوب زين قالوا معه مهوب زين - ياناس خلوا لكم رأي مستقل ونظره منفرده بعيد عن اي تأثيرات في هالموضوع ولا غيره.

بعدين الاخوان اللي يقولون مانبيه في الهلال، من جاب طاري انه يجي للهلال لاتربطون بين هالموضوع اللي يتحدث عن استقلالية الرأي وموضوع الاخ صالح السليمان بعنوان( اثقلوا شوي ) ، ركزوا في الرد شوي لو سمحتوا مهوب اسم اني كتبت موضوع او رد وبس.

وشكرا على موضوعك يالكاسر مره ثانيه.

وسلامتكم،،،،،،،،،،

طلال المشعل وعبد الله الشيحان أفضل مهاجمين في الملاعب السعودية حالياً ولكن الأول يبدو أنه غير مرتاح في ناديه والثاني يعاني من إصابة مزمنة وأتمنى أن أراهما في الهلال في أقرب فرصة .

ولكن أخي الكاسر أشعر أنك قسوت على بعض الأعضاء في أسلوبك في تقديم رأيك فلكل رأي ولا تحكم على من يدلي برأيه بأنه يطير بالعجة إلا إذا أدلى برأيين متناقضين كما حصل واستعجل البعض في الحكم على حسين علي .

السلام عليكم اولا ..

للأسف الشديد تحس ان بعض الجماهير الهلالية تحس بالنقص !! فتحاول ان تعاند ( وتعابط ) !! ... فيغيبون ولا يحظرون الا عند حضور ( الكبار ) !! يتتبعون ظل ( الكبار ) ..

عزيزي ... اما قرأت الموضوع الذي كلفت عمرك بوضع موضوع ( للرد ) !! عليه .. الظاهر فيه شيء اسمه اضافة رد !! والا انا غلطان ؟!!

على العموم المشعل لاعب جيد .. والكل متفق على ذلك .. ولكن نقطة الخلاف في الملايين الخيالية التي سمعنا عنها !! فهمت يا عزيزي ؟

قاعد تتندر على كاتب واستاذ كبير !!! عجبا لهذا الزمان ... ان كان لك وجهة نظر فقلها .. ولكن باحترام واترك عنك الفكاهة .. واحترم وجهات النظر ...!!

وانتبه مرة ثانية ... ترى جمهور الهلال مهوب مثل جمهور بعض الاندية الأخرى ( يعني مسلوبين الارادة على قولتك ) !! فهمت ؟

تحياتي ..

طلال المشعل لاعب جيد جدا...
ولكن اعتقد بانه الان يتعرض لمدح زائد كثيرا....
مثل ماله مزايا له عيوب
ابرز مزاياه
ضارب راس جيد والتمركز الجيد امام المرمى
والطول
ابرز عيوبه
البطء وعدم خلخلة الدفاع المقابل ومهاراتة جيده ولكنها ليست ممتازه
ختاما اعتقد انه يستاهل يكون اساسي في المنتخب
ولاانصح باحضاره للهلال ...

اسمع انت وياه اول شي سامي الجابر ازين مهاجم مر على السعودية وانشاء الله على طول ثاني شي انت وياه المشعل كل اهدافه صدف وثالث شي اغلب الكور الي جاب منها المشعل اهداف يا اما غلط مدلفع او مصلها له الذئب او الموهوب او الفتى الذهبي او الظهير العصري الدوخي وثاني شي منهي المنتخبات الي لعبنا قدامها ما اقول الا الله يهدي الي كاتب المقال وبس وسواء لعب الذئب وسط دفاع هجزم هو افضل لااعب ولاكن بعض الكتاب الي الله ياخذهم عنا مستغلين المنتدى للكتابة عن الذئب واسف على الاطالة

اخوي الكاسر ..
المشعل مايختلف على فنه اثنين .. بس تتوقع احنا فعلاً نحتاجه ؟؟ او تتوقع ان الاداره الاهلاويه تفرط فيه ؟؟ حتى لو فرطوا فيه .. الهلال مايحتاجه ..
وبصراحه صعبه ان كل لاعب مميز بنشتريه من ناديه ؟؟ على كذا لاعبينا الصغار ماراح ياخذون فرصتهم .. وانا هالكلام قلته في موضوع ثاني ..
عموماً حنا نتمنى له التوفيق مع المنتخب او مع ناديه لانه في كل الاحوال مكسب للرياضه السعوديه عموماً .. ولو حصل وجا للهلال .. ماراح تضيق صدورنا .. بالعكس .. احنا بنستفيد ..

اخلفكم في المشعل
لا تقيمونه الا الى شفتوه يلعب صح بالمبارايات المهمة ويبدع

شكرا كاسر 888

حقيقه اللاعب طلال المشعل لاعب جيد ومتمكن ولا عب يفيد الفريق اكثر من اللاعب الاجنبي لانه سيبقى مع الفريق باذن الله اكثر فتره ممكنه اذا تم شراء عقده ، دائما فيه توافق بين رغباتنا نحن جمهور الزعيم وبين رغبة الاداره وانشاء الله انهم يسعون الان لضم هذا اللاعب ، اللاعب افيد للفريق من اي لاعب اجنبي سعرة مقارب للسعر طلال المشعل او حتى ضعف سعر طلال ، هذا لا يعني انني لا ارغب في جلب لا عب اجنبي بل ما اقصده ان طلال المشعل افضل من كثير من اللاعبين الاجانب وفي نفس الوقت لايحسب علينا من الثلاثه لاعبين الاجانب
شكرا
[عدلت بواسطة الصقر التاريخ:25-02-2001 الساعة: 07:10 PM]