إقتباس الرسالة الأصلية كتبت بواسطة zizo_md أول حاجة يعطيك العافية على الموضوع .. طيب أنا عندي اقتراح .. تشكل رابطة هلالية تتفرع الى 9 رابطات ....! تنتشر في الملعب .. يعني كل جهة في الملعب رابطة .. الهدف : كل رابطة تفعل الرابطة الثانية .. , و يكون الجمهور قريب من الرابطة , ويصير فيه تفاعل اكبر ..! ويكون فيه اتفاق بين رئيس كل رابطة والاخر عبر جهاز لاسلكي .! على اهزوجة معينة وفي حال هدأ الجمهور تعود احد الروابط بتفعيل الجمهور من جديد . حيث تكون المباراة بلا سكوووت ....

متى ما توفر العدد باذن الله راح يكون الجمهور كله رابطة لكن
الاهم الحضور للمساندة والتشجيع
وان شاء الله يكون فيه اعداد تسمح للفكرة
يعطيك العافيه

الله يوفقكم ان شاء الله ..

جهد مميز وعمل جبار طول الموسم ..

ان شاء الله اي فكرة او اقتراح سأطرحه هنا في الموضوع .

يعطيك العافيه اخوي تركي على الاهتمام
وانا لي جلسه او اتصال معكك
دمت بود ..

اهم شي اي واحد يمسك الرابطة مايقعد يجيب موالات مالها علاقة بالمباراة ولا اغاني محمد عبده ووراشد الماجد اللي مالها علاقة بالكووورة مثل لانا الله ياخالي من الشوق او يامنيتي يسنة خاطري

وفيه بعض الاهازيج اللي تجيب النوم لو يتركونها احسن مثل قدرة الله قوية ياكريم ياكريم هي ككلمات جيدة لاكن والله تجيب النوم

تغيير الرابطة هو الاهم

اما الاتراس ان شاء الله نكون اول المشاركين

إقتباس الرسالة الأصلية كتبت بواسطة مبارك الفضلي تغيير الرابطة هو الاهم اما الاتراس ان شاء الله نكون اول المشاركين

مازلنا بانتظار تشكيل قروب متكامل للالتراس
من مشرفين واعضاء
والمجلس على استعداد لتبني الموضوع مع الادارة

فائق احترامي

الله يعطيكم العافيه , ,

بس اهم شي نبغى رابطه تليق بالكيان الهلالي . .

إقتباس الرسالة الأصلية كتبت بواسطة alprince_faisal انا اتفق مع الشباب لابد من تغيير الرابطه وكافة طاقمها يا اخي اليوم اللي جت فيه الرابطه البحرينه في مباراة باختاكور حركة الملعب كامل نبي رابطه مثلها تحرك المدرج بأكمله كفاية كل سنه نسمع نفس الاهازيج نبي شئ يشد الجمهور مو ينومهم

والله الخلل في الجمهور مايبي يتفاعل

ياعالم والله فيه فئه من الجمهور تستحي تصفق

الله عليك ياتركي

هذا الي نحتاجه من زمان

بالنسبه للمقترحات لدي عدد من المقترحات وهي ع النحو الاتي :ـ

1- اصدار كتيب او ورقه تكون فيها الاهازيج التي سوف تقولها الرابطه الرابطه ويرددها الجمهور ليسهل حفظها وترديدها

2- اي شخص يكون لديه حركة معينه في المدرج مثل عمل الامواج او رفع الاوراق او عمل لوحه فنيه يكون هناك موضوع متكامل عن الاشياء التي سوف يفعلها مجلس الجمهور الهلالي قبل المبارة لكي يكون لدى الجمهور الهلالي علم
3- اتمنى ان الرابطه الهلاليه الا تبدا بعمل البروفات للاهازيج الا قبل المبارة بنصف ساعه

هذه مقترحاتي لكم

اهم شئ

تغيير الرابطة من القائد لأصغر واحد
تغيييير كامل جذري


وتعيين طاقم جديد مبدع ولديهم افكار وطموح وموهبة في الصوت والاداء والتشجيع
وتعيين شخص يتكفل بـ الكلمات والالحان الائقة بالتشجيع بدلاً عن الاهزوجة المهترئة ( ياهلال عزك عزنا )



الله الموفق

أول شي حابه اشكركم من كل قلبي على اهتمامكم بموضوع الالتراس والرابطه

اول شي بالنسبه للالتراس لازم يكون فيه رئيس عليها
وتعلمون الجمهور على انكم مستعدين لها وتحطون ايميل او اي شي للتواصل والتسجيل بالالتراس
ومثلا يكون بداية الالتراس لما يتكونون 500 عضو او اكثر يعني مايكون اقل من 500
طبعا الباقي سهل اللي هو تصميم الشعار والمكان اللي يتواجدون فيه وكذا


فيه شي ماادري ناسيه اذا انتوا قد سويتوه او لا لكن شي حلو يعني يولع المدرج ويطلع شكل خطير
هذا الدخان مدري وشو اللي ملون ماادري هو وشو بالضبط بس حلو وهذا رابط له

شوفوا هذا الرابط انا شفت بدايته وشفت الشي اللي ابيه
‫دخلة الالتراس اهلاوى فى مباراة الاهلى وسوبر سبورت‬‎ - YouTube

يكون مثله في المدرج تسع مثلا راح يكون منظره حلو





الرابطه فيه فكره هنا عجبتني اللي هي تسع رابطات في الملعب موزعه عشان يتفاعل كل الجمهور


في شي مهم اللي هو تفاعل اللاعبين مع الجمهور
يعني لما يصير هدف او شي تلقاهم رايحين يخممون بعض
طيب ليه ماتروحون للجمهور وتنططون وتتشقلبون وتفلونها عندهم مثل لاعبين الاتحاد
اول مايصير هدف على طول عند الجمهور وصراخ
بكذا يتفاعل الجمهور يعني كأن اللاعب يقول هالهدف عشانكم ويتفاعلون الجمهور معهم
انا مااشوف هالشي الا مع اهداف الشلهوب لاراح يوقف عند الجمهور
لازم يكون تواصل بين اللاعبين والجمهور


ولازم تستغلون كثرة جمهورنا بحركات يعني مثل هالمقاطع اللي بحطها
الرابطه تقدر تنظمها

‪AlHilal حركة الزلزال لجمهور الهلال AlHilal‬‏ - YouTube

‫الجمهور الهلالي يهز استاد الملك فهد هز (الموج + الزلزال)‬‎ - YouTube



شي ثاني تحطون زينه هلاليه على المدرج الهلالي يعني مايكونون اشخاص مسوينها مثل الالتراس لا
يكون نفس كذا مثلا

‫جمهور الهلال السعودي افضل جمهور20-5-2009‬‎ - YouTube


اهم شي رئيس الرابطه يكون متفاعل تسعين دقيقه مايوقف مو بس لاجا هدف
وشي ثاني ذكره في برنامج ماادري وشو فيصل ابو ثنين كان يقول التشجيع المفروض يبدا من بداية المباراة مو قبل المباراة بكم ساعه بكذا يكونون خذوا طاقة الجمهور لكن لما يبدا التفاعل من بداية المباراة يكون احسن يعني وكذا



فيه حاجات كثيره واللي يحظرون للملعب ادرى بها بما اني بنت ولا احظر فما اعرف وش اللي يحمس الجمهور اللي متواجدين
لكن ان شاء الله الاعضاء ماراح يقصرون معكم وراح يعطونكم كل اللي عندهم

الف شكر على ماتبذلوه رغم مايوجهكم من معوقات كثيره من قبل امن الملاعب وعدم تفاعل بعض الجماهير

او قلت الحضور في بعض المباريات وعندي بعض الاقتراحات لعلها تساعد في تطبيق الاتراس

- قبل كل شيء يجب ان تتعاون الاداره الهلاليه لكي تسهل عمل مجلس الجمهور والالتراس في دخول الشعارات والعلام والادخنه في الملاعب واذا لم تجدون تعاون اتمنى ان تغضون الطرف نهائيا عن الالتراس واعلان هذا

- يجب ان يكون هنالك 500 مشترك رسمي في الالتراس يساعدون في تنضيم العمل وتحفيز الجمهور

- تحديد مكان معين للالتراس في الملاعب

- التركيز على تطبيق في المباريات الجماهيريه والمهمه

- في البدايه التركيز على الحركات البسيطه والتي يستطيع الاغلبيه تطبيقها وعدم الحرج منها مثل رفع شعارات او اعلام

- يجب ان يكون هنالك دعم من اعضاء شرف او موبايلي لما تحتاجه الالتراس من مصاريف

- تخصيص موضوع للمشاركه من الجميع في اهزيج وانشيد سهله وقصيره لذلك

- الدعوه للحظور الملاعب بزي الهلال او اي زي ازرق

- الانتظار حتى تطبق الانديه الاخرى الالتراس لعل يكون هذا الامر محفز لجماهير الهلال لتطبيق الالتراس


في البدايات كل شيء صعب ويحتاج الى الامر الاهم وهو تفاعل الجمهور اولا واخير مع هذا