السلام عليكم اخوي تركي

انا من بداية موضوعك اتابعه لاكن عضويتي تفعلت اليوم وهذي فرصتي ارد بموضوعك

مجلس جمهور الهلال قدم الشيء الكثير والكبير ماننكر ابداعاتكم

المشكله مو بالمدرج الهلالي المشكله بأمن الملاعب

والله العظيم المويه مانقدر ندخلها ياخي الشالات المكتوب عليها ياخذونهآ

انا من هوات حضور المباريات خصوصا لاني قريب من استاد الملك فهد بس ماعليش الملاعب عندنآ ماتسمح لك تسوي شي

انا اتمنى تطبيق الالتراس الهلالي لانه افضل من الرابطه

ورابطتنآ قدمت كل مالديهآ شكراً لهم تعبوا معنآ بس لازم نغيرهم

او تطبيق فكرة اخونا الي قال 9 روابط ويتفقون مع بعض من خلال جهاز لاسلكي بهذي الحاله بنكون مولعين الملعب


ومشكور اخوي تركي

إقتباس الرسالة الأصلية كتبت بواسطة جهاد الفيصل انا بس ابي اسأل سؤال واتمنى مجلس الجمهور ممثلا بتركي الهديب او احد اعضائه ان يجاوبوني ليش مجلس الجمهور الهلالي يتهرب من الامساك بالالتراس والدعوى كلها تنظيم في تنظيم ليش المجلس يتخلى عن الالتراس وعضو مجلس الاداره حسن الناقور راح يتكفل بكل شي فيها من الامور المالية والادوات وخلافها ليش نكثر المجالس بالمدرج مجلس الجمهور الهلالي والرابطة واعضاء الالتراس ليش مايكون رئيس مجلس الجمهور الهلالي اللي هو تركي الهديب هو مسئول عن دور المجلس ودور الالتراس وإن كان لا يستطيع اتمنى ان يوضح لماذا ؟؟؟ وماهي الصعوبات اللي تواجهه ؟؟؟ ومافائدة تشتت الجمهور ناس بمجلس الجمهور وناس باعضاء الالتراس ؟؟ اسئلة بريئة جدا نحتاج ان نسمع الاجابه عنها للرقي بالمدرج مع كل تقديري واحترامي لدور وجهد الاستاذ تركي وعمله الواضح في وضع المدرج في ابهى حله تحياتي

مهم نعرف الجواب

مشكور اخوي تركي


.............................

الله يعطيكم العافيه على الطرح الرائع

بالنسبه لي ولله الحمد مافي مباراة للزعيم

بأي مكان بالمملكه إلا أحضرها لدرجة أن رجال

الأمن صارو يعرفوني من كثر مايشوفوني ^_^

بس للأمانه هناك عنصريه من قبل رجال الأمن

لابغينا نشجع ونهتف للاعبين يقول اجلس ولا بطلعك

ويضايقنا بالخروج أيضاً زي اللي يدورون الزله بس

الواحد يمسك أعصابه كل هذا حباً في الهلال وغيره

وفوق هذا كله مانبي نشتبك مع أحد عشان النادي

ماتقع عليه غرامه ماليه وحرمان الجماهير من الحضور

وتبي الصدق أنا مع الرابطه دائماً مايتحمسون إلا الجماهير

اللي عند الرابطه أما الجماهير اللي بالواجهه ماعندك احد

ورئيس الرابطه للأمانه خلقه ضيق لاشاف ماحد يردد غيرنا

يسكت ويجلس ويهمل التشجيع رغم أنه المتعارف عليه أنه

المفروض يأدي واجبه على أكمل وجه ويوجه الجماهير ويطلق

شعارات تزيد من حماس الجماهير الصمت ليس وسيلة رائعه

وأنا عموماً سجلت الآن وبحضر بإذن الله جميع المباريات وأتمنى

من الجماهير الغفيره الحضور والمؤازرة والحماس طوال مجريات

المباراة اللاعب يريد وقود ووقود اللاعب الحقيقي هو الجمهور

وكل شي يهون لعيون الزعيم الآسيوي نادي الهلال السعودي

تقديري لكم

بحث عن طريقة لتفعيل تفاعل كل الجمهور مع التشجيع وليس فقط الرابطة تغني وعشره يتراقصون امام الرابطة وعشرون يرددون معها

لو يرجع ابراهيم حقوي

يرجع تفائل الرابطه

قبل لاتحددون مكان الرابطـة ،
نتمنى تغيير طاقهمآ كاملاً ،

ياليت تشوفون حل للجمهور الحاضر الغائب
نبغى رابطه جديده تشعل مدرجات الملاعب
لان والله حرام نشوف فرق تملك قله من المشجعين تشتعل مدرجاتهم من التشجيع
ونحن في الهلال نملك اكبر جماهيريه في المملكه بدون فاعليه
يعطيكم العافيه

انا اتفق مع الشباب لابد من تغيير الرابطه وكافة طاقمها يا اخي اليوم اللي جت فيه الرابطه البحرينه في مباراة باختاكور حركة الملعب كامل نبي رابطه مثلها تحرك المدرج بأكمله كفاية كل سنه نسمع نفس الاهازيج نبي شئ يشد الجمهور مو ينومهم

انا عن نفسي احب التشجيع الجماعي ..
عاجبني جدا مشجعين فيتنام وطريقتهم ..
شوفوها في مباراة السعوديه وفيتنام في فيتنام << اجل بالرياض 

[ شكرا اخوي تركي على الموضوع واتمنى من الجميع المشاركه سواء في الالتراس او مجلس الجمهور ليتضاعف العدد والاستفاده من الجمهور بشكل اكبر والله ولي التوفيق

اتمنى تغيير الرابطه

بالتوفيق للهلال

مشكوووور اخوي تركي ع الموضووع المهم
الرابطة لابد من تغييرها
احنا معاكم لاجل الزعيم
الالتراس ضروري وجوده