وضع الدوري السعودي خدمك ياكوزمين + لاتنسى باب المقلط يا سمو الأمير - نادي الهلال السعودي - شبكة الزعيم

تيكت إيزي ياعزيزي · #1 09/08/2011, 06:06 AM

بسم الله الرحمن الرحيم

صبحكم / مسآكم الله بالخير

وكل عام وأنتم بخير وأسأل الله أن يجعلنا وإياكم من عتقاء النار << الناس تفصّل للعيد يالحبيب

في البداية أنا لست ممن يشجعون اللاعبين بل كيااااان الهلال هو الأهم

خلونا نقلب الحتسي عامي ونعيّن من الله خير

لكن بصراحة هز وجداني رحيل اللاعب الكبير ياسر القحطاني وأنا معكم إن وضعه بالثلاث مواسم الأخيرة ماااااش

وحسبي الله على من كان السبب !!!!

أنا تكيفنن مباراة الغرافة الشهيرة عن دوري أسيا والدوري وكاس الملك وولي العهد انهارت اعصابي بالمباراة

وبعد هدف ياسر (( لبى قلبه

)) شلت التلفزيون 50 بوصة وحبيت الشاشة <<< قولوا ماشاء الله

بالتوفيق لياسر في مرحلة احترافه الجديدة وإن شاء الله انطلاقة قوية إلى ياسر 2007

كوزمين آآآآه وش بقيت لنا ياكوزمين !!! :

لفت نخاعي العصبي كوزمين دعم فريقة بأفضل لاعبين لدى الزعيم ((( ياسر ورادوي ))) مع إنه عرض عليه

أسماء كبيرة بخانة الهجوم والمحور ورفض ألا ياسر ورادوي

وبصراحة أقولها أشكر وضع الدوري السعودي المتكهرب ياكوزمين وجماهير الأندية (( المعفنة )) وانتم بكرامة

حااااااااااااربوا ياسر الكاسر بالأهزوجة المعروفة << ياعارض الماء على العطشان !!

وحااااااااااربوا رادوي ويقولون جزار ويعرض صليبه بملاعبنا !!!

الله أكبر يعني ألتون وفيجاروا وفكتور سيموس وتفاريس وباولو جورج ووووو حمامات مسجد ومايفارقون روض المسجد !!!!

لكن لازم نربط ديننا بكل أمورنا وحتى الرياضة ونحسن الظن بالله سبحانه وتعالى

ونقول : الخيرة فيما أختاره الله

وكلنا ثقة بشبيه الريح هذا المحب للكيان حتى لو يبيع كل اللعيبة ويخلي نامي لحالة يلعب الدوري << قووووية

شطحة 180 درجة :

تخيلوا يوفق الهجوم النااااري بالتهديف الموسم الجاي (( إن شاء الله ))ويجيبون بالدرازن 12 أو 13 هدف

وش نقول ؟؟؟!!!

سرى الليل يابو ثنعش

همسة لك ياسمو الأمير :

جبت لنا مهاجمين من طراز عالي عشان ندخل مقطهم ونآآآآآآكل عشاهم بس ماجبت مدافعين مساندة لأسامة والمرشدي

نوقفهم على باب مقلطنا لايآآآآآآآكلون عشانا

ولازم تكون لنا عبرة بالموسم الماضي ونشوف كيف أُرهق أسامة والمرشدي .<< انتهى

اللهم وفق هلالنا في كل زمان

دمتم بود

تيكت إيزي ياعزيزي · #2 09/08/2011, 06:10 AM

أتمنى الرفع يامشرفينا الأعزاء

mes0 · #3 09/08/2011, 06:17 AM

سرى الليل يابو ثنعش

رهيييبة خخخخخخخخخخخخخخخخخخخخخخخ

هلالي غير..! · #4 09/08/2011, 06:21 AM

اقول
شكل الامور ماتطمن خير

فيه شي صاير حنا ماندري عنه ’

تقول لي ليه ..
اقول لك نستيو ان اوسامه ناوي يحترف ؟!

تخيل لو راح اسامه بعد

عز الله راحت علينا ,

قلم ذهب أزرق · #5 09/08/2011, 06:33 AM

تخيل يروح ولهامسون وأسامة ....
بعد ماراح نيفيز و رادوي وياسر !!

تبوكي فله · #6 09/08/2011, 06:33 AM

يعطيك العافيه < .......؟..؟

ومازال للمجد بقية · #7 09/08/2011, 06:52 AM

اللهم وفق هلالنا في كل زمان

آمين يارب

ع ـبود الودعاني · #8 09/08/2011, 07:13 AM

ياسر خله يروح الاعاره افضل له
وعيسى راح يثبت وجوده لانه راح يجد الفرصه بعد رحيل المجامل ؟؟
واهم شيء لاعب قلب دفاااع والله المرشدي ما يعتمد عليه ولا خيرات

الزعيم الازرف · #9 09/08/2011, 07:17 AM

اللهم وفق هلالنا في كل زمان

آمين يارب