إقتباس الرسالة الأصلية كتبت بواسطة هلالي موت باعلى صوت20 موضوعك جميل ووووومتفق معك في كل شي بس مستغرب انك ماتدري ان في مندسين هنا مايصدقون انهم يشوفون انتقادات ويشعلونها

لا ياحبيب قلبي ادري ان فيه مندسين

بس المشكله احيان هالكلام يجي من ناس نعرف هلاليتهم ومتاكدين منها واحيان من ناس تعرفهم من الاصدقاء

وشكرا

انا معك في كل ماقلته بياسر
وبصراحه انا ودي ياسر يروح للعين
مو عشان مابيه
بل عشان احس ان حنا مانستحقه كجمهور
جمهور ناكر جاحد ( اتكلم عن البعض وليس الكل)

اوافقك الرئي في كل ما ذكرت

ويسعدني ان يكون اول رد لي في موضوعك الرائع

إقتباس الرسالة الأصلية كتبت بواسطة رايه الزعيم اوافقك الرئي في كل ما ذكرت ويسعدني ان يكون اول رد لي في موضوعك الرائع

حياك الله وانا الي سعيد بان يكون اول رد لك في موضوعي وعقبال ماترد للمره رقم 10000 ويكون بموضوعي بعد

وان شاءالله ان فال خير على الهلال وعلى شبكة الزعيم

ياسر علي الراس والعين
بس يارب يروح العين

الله يعطيك العافيه اتفق معك بجميع ما ذكرت وخصوصآ نقطة ياسر

كلامك صحيح لا هنت الى الامام الى الامام لا رجووووووووووووع

والله ياسر بأسوأ مستوياته افضل مهاجم سعودي ولايجي واحد ويقول مطبلين لغة الارقام تتكلم مو احنا
بالاوفيق لياسر في نادي العين وبإذن الله لايرد عليكم وتشوفون ابداعاته سير ياياسر وحنا معاك والله لادعي لأدعي لك في سجودي وبإذن الله ياياسر انها خيره لك ولاايهمك كلاام الحاسدين
مافيه لاعب بالدنيا بكبرها واجه ربع ماواجه ياسر من ظروف وضل صامد
وقفت صامدا لانك كبيرلانك موهوب وسيندمون على التفريط بك ومجرد التفكير بإعارتك

إقتباس المحور الثالث ياسر القحطاني والله اني حزين لوضع ياسر دخلت احد المواضيع الي تتكلم عن عرض العين لياسر في احدى المنتديات الهلاليه وشفت اول 15 ردود واحزنتني كثير يمكن واحد الي دافع عن ياسر والبقيه تتكلم وكان ياسر عامل مصيبه بالهلال او هو سبب هبوط الفريق للدرجه الثالثه صدقوني اقول هالكلام بلا مبالغه بتاتا الي يقول اذا راح لك مني عشا ياصاحب الخبر والي يقول الله يسمع منك بهالشهر الفضيل والي يقول ابرك ساعه متى يجي اليوم الي يفارقنا فيه والي يقول خل نستفيد على الاقل منه لو مليون ريال والي يقول قهر ماودي يروح ودي اشوفه وهو مرزوع بالدكه والله اني استغرب ان هالاشخاص فعلا يشجعون الهلال معقوله فيه ناس قليلة خاتمه للدرجه هذي ..؟ على فكره انا مع اعاره ياسر 100% ومع الابقاء على عيسى المحياني بس اخلاقي ماتسمح اني اتكلم عن شخص ضحى بما لايقل عن 5 مليون ريال سوف تاتيه من البلوي من اجل الهلال ووقتها هو صغير والماده كانت تمثل له شيء كبير صعب اتكلم عن شخص ضحى بمليون ريال من قيمة عقده البالغه 6 ملايين ياخذها من الهلال وقال مليون لنادي القادسيه حيث كان الاختلاف بين الهلال والقادسيه على المليون الاخير حيث ان الهلال قال انه لن يدفع اكثر من 21 مليون وخمس مية الف وقال ياسر خلاص هالمليون اخصموه من عقدي بس خلوني العب للهلال اخلاقي ماتسمح اني اهين او اقلل من شخص ياما فرحني واسعدني سواء بالهلال او المنتخب اخلاقي ماتسمحلي اني اهين شخص حسملي اكثر من بطوله ولو مالياسر حسنه سوا هدفه بالاتحاد الي بشعره يكفيني ان احترمه واقدره واحطه على راسي وحتى وهو في اسواء مستوى له تحبونه اذا سجل واذا اخفق تخفسون فيه سابع ارض..؟ هذي هي تربيتكم وهذي هي مبادئكم الي تربيتوا عليها .؟ ارحموا عزيز قوماً ذل ياسر نسبة تاثره من الاعلام المضاد اقل بكثيييير من تاثره بحملة الهلالين عليه ارحمو ياسر فهو بحاجتكم سواء رحل للعين او بقا ياسر يبقى دائماً الهلال المخلص رفقاً به

+1

يعطيك العافية
والله صدق ياسر اتمنى واريد ان لا ينتقل الى العين

إقتباس الرسالة الأصلية كتبت بواسطة صاروخ ريفالينو وعليكم السلام أخوي الكريم أوافقك في بعض مضمون موضوعك لكن تضايقت من عنوان موضوعك وياليت تطلب من المشرفين تغييره وخاصة لما كتبت "مع إيمانا سيتحقق الإعجاز !!!!!!! أي إعجاز وأي انجاز تراها كورة أكره المبالغة في الفرح أو النقد احترامي لك

هو احدى امرين يا انك بس شفت العنوان ودخلت ترد بدون ماتقرى الموضوع

او انك شفت وقريت الموضوع بس مافهمت شي

يا قلبي هذا العنوان انا حاطه اذا قريت الموضوع تفهم ان قصدي الي يسمع كلام الجمهور عن ايمانا يقول انه بيسوي معجزه وكانه لاعب من كوكب اخر

بينما ايمانا لاعب كبير وكويس بس لايضخمون الموضوع

ياليت انك فهمتني

صح لسانك اتفق معك في كل كلمه قلتها

يعطيك الف عافيه والله انا معك بكل كلمه كتبتها

الف تحيه

اخوي اتمنى من فتره او مع نهاية الموسم الماضي قدوم صانع لعب بديل ويلي

ويلي ماعنده الا كرات عرضيه وسهل ايقافه

اتمنى ايمانا يكون صانع لعب انت وضميرك