إقتباس الرسالة الأصلية كتبت بواسطة ThE_TiGeR مشكورة يالغاليه على موضوعك.. لكن و الله كافي مواضيع عن فقاعة ياسر.. الآن لا مكان لياسر في الهلال في الوقت الحالي.. و الإعارة هي الحل الأفضل لاستعادة مستواه.. و الدوري الأماراتي هو اللي يناسب امكانياتة المتواضعة الحالية و الحل الأنسب له.. فلذلك يالغالية انظري بنظرة لمصلحة الكيان و ليش كعشق للاعب.. الاعب الادارة حاولت بكل ما تستطيع من قوة انها تدعمه.. و عطته على كل هدف يسجله مع الهلال مبلغ مالي مجزي.. هذي ما قد صارت الا له.. لكن عجز يرجع من بعد اللي صار له.. 4 سنوات و حنا ندعمه و نقول الموسم الجاي راح يتغير.. و مع ذاك ما شفنا شيء منه.. اذا لعب اساسي صار الهلال يلعب بـ10.. و اذا لعب كبديل انقلبت الاية على الهلال.. يالغالية ياسر تشبع من الفلوس و الكوره.. ياسر اصبح شخص غير مبالي و لا يهتم للجمهور.. اجل (( اللي في المدرج يتفرج )).. من حضرته يقولها..!! سامي الاسطورة يوم غاب عن التهديف اعتذر للجمهور.. و فوقها وعدهم انه يحاول قد ما يقدر يغير من نفسه.. و اللي يثبت عدم مبالات ياسر المستمره.. ارجعي للمبارة الاخير اللي لعبها الهلال.. اللي فاز فيها 3 لاستعدادات الموسم.. شوفي كيف نفذ ركلة الجزاء.. يالغالية كافي تطبيل لياسر و دافع عنه.. تحبينه كلاعب ما لنا اي دخل فيك.. لكن تفضلينه على كيان اسمحي لي.. حنا يا الجمهور ملينا من الصبر.. اجل لاعب مهاجم في افضل الاندية الاسيوية يعجز عن اخذ الهداف.. اول كنا نقول ياسر الشاطر الماهر الهداف.. و بعدها صرنا نقول ياسر الشاطر الماهر صانع الاهداف.. و بعدها صرنا نقول ياسر الماهر الشاطر مرعب الدفاعات.. يعني كل موسم يتضاءل املنا فيه و نصنع له الاعذار.. لكنه غير مبالي حسبي الله عليه.. خلي عنك الكلام اللي فيه تطبيل له.. لأن ياسر انتهى..!! و مستحيل تشوفين ياسر 2007.. و مستحيل تشوفين ياسر يحاول ارضاء الجمهور.. ما دام فيه مثلك يطبلون له و يدعمونه في موقفه.. تاكدي انه ما راح تتغير الامور.. و انا عن نفسي اتمنى يعيرونه للدوري الصومالي.. مهب للدوري الامارتي اللي اشوفه اكبر من امكانياته الحين..

لن أزيد على كلام أخوي كفى ووفى وقال اللي بصدري

كلام كبير منك 100%
يعطيك العافية

وانا اوافقك الكلام

قرات موضوعك ولكن من تقصد بأنه رضى بالجلوس على مقاعد البدلاء ؟؟

يعني عيسى ما رضى ,, وطلب الانتقال ..!!

على العموم ..

بالتوفيق للنجمين عيسى .. ياسر

ياسر ومستواه نازل يبقى افضل مهاجم سعودي ..

اتمنى يعود ياسر وبالنسبه لموضوع اعارته اتفق معاك 100% الدوري الاماراتي مثل دوري الدرجه الاولى السعوديَ.. *فنيآ*

إقتباس باديء ذي بدء .. ياسر القحطاني ثروه وطنيه يجب المحافظه عليها ياسمو الأمير

<< هو كذلك ثروة وطنية يجب المُحافظة عليها

إقتباس ياسر الذي تمسّك بالهلال ورضى بالجلوس فيه برغم التعاقد مع مهاجمين أجانب مما يعني جلوسه بالدكه ، وفي هذا دليل واضح على عقده العزم للعوده وقبوله للتحدي وثقته بقدراته ، فهو لم يفكر بالرحيل لتضائل فرصة لعبه أساسي !!

تمسك متى
المهاجمين تو وصلونا
ما خبرت لاعب انطق في الدكه مثل حسونه
لم يفكر بالرحيل بلا مهناش عروض

إقتباس وأعتقد عدم إحترافهم في دوريات أقوى من الدوري المحلي كان سبب رئيسي في إنخفاض مستوياتهم ، فما بالك بذهاب ياسر لدوري ضعيف !! مع فريق ضعيف !!

يعني الآن لو احترفوا بالدوري الاسباني والا الانجليزي والا الايطالي هقوتس ماراح يتكون بالاحتياط
سببك ذا أول مره أسمعه .
في مسألة الدوري الاماراتي ضعيف أخالفك
الدوري الاماراتي فقط لا يقارن في اثارته في نفس اثارة دورينا وإلا عندهم لاعبين قمة وهالدوري الضعيف ترى انديته دوم تفوز على الهلال، وبعدين لنفرض ان الدوري ضعيف بالعكس يصير تمام عشان على طول ياسر يستعيد مستواه عشان الدوري ضعيف ويصير الهداف ويرجع السنة الجاية
دام الحين على قولتك وهو في أسواء حالاته هداف الهلال ، على كذا هناك بيصير الهداف

إقتباس ياسر سيعود من خلال الدكّه ، ولن يعود من خلال إعارته لنادي العين !!

كان يقول هالكلام الكثير وكان جواب الغير ياسر مايجلس في الدكه
ويوم جاء المهاجمين قالوا لا يجلس حول الحمى ولا يبعد

ياسر على مستواه في الفتره الاخيره خلاص باح مثله مثل مالك وسعد

انا اشووف ان الدوري الاماراتي مناسب له

أتمنى ما يكون للإعجاب مكان في كلامك عن ياسر و للعاطفة فكلنا لنا أعين و نرى بها
بكم و بعقلياتكم لن يعود ياسر بسببكم ياسر لا يصدق أن مستواه منحدر بل يظن أنه أفضل
مهاجم على كلامكم الواقع يقول أن ياسر قد لا يعود أما بالنسبة لكلامك عن الدوري الإماراتي
و أنه ضعيف وإذا كان بالفعل ضعيف فهو يليق بلاعب ضعيف أن يلعب فيه ياسر جامله النادي و الجمهور كثيرا على حساب مصلحة النادي ... سامي الجابر وهو في قمة عطائاته كان الهلال يحضر مهاجمين أجانب وكان سامي يلزم الدكة لعدة مباريات مع فارق التشبيه بين سامي و ياسر
بل من القهر أن يذهب عيسى و يجلس ياسر ... عيسى يسعى لإثبات نفسه بينما ياسر متشبع و مكتفي كرويا وماليا و إعلاميا

ولازال مسلسل التطبيل مستمر

الكيان الهلالي هو من يصنع النجوم


وياسر اخذ فرصته واكثر ما يحلم احد بفرصته. قدم اللي عنده وكثر الله خيره يشوف نادي ثاني

الله كبر انا يهمني الهلال وليس ياسر اريد ان استفيد اقل شي من مبلغه على اساس اجيب لاعبين يلعبون صح في الملعب مو يتدلع وياله يركض الهلال يوجد به عك كروي واضح ولازم ابرز هالنقطه عشان الفريق يسير على مستوى واحد ،وش فرق ياسر عن حسن العتيبي اللي هو ابن النادي وراح القادسيه اعاره ورجع بطل كما عهدناه ،ياسر كان يحب التظاهر ويجي بملابس ماركه عشان العالم تطيح فيه تصوير ويعيش جوء المعجب مره بسكسكه ومره بدقن ومره كدش هو حر بنفسه بس مايبرز نفسه في الصور وفي الملعب جالس يتمشى ويتسدح انا ماعندي مشكله مع ياسر والكلام اللي فوق مايغير شي بس انا قاعد اتكلم عن مصلحه الهلال وليس مصلحه ياسر وعلى طاري ياسر فضل الهلال وتمسك فيه على انديه اخرى اي لاعب يتمنى الهلال وشرف له ان يلبس طقمه ويسجل باسم الهلال وليس باسم ياسر... واللاعب اللي ماله قيمه في الملعب ولا استفدت منه ليش يقعد في الفريق دام اني دفعت عليه 2 مليون يورو، الانديه تدور مصلحتها وليس مصلحت ياسر ياجمهور ياسر.

انا اتمنى اعارة ياسر وبقى عيسى

عيسى افضل من ياسر

ع طاري الهداف شي طبيعي المهاجم يسجل دام عندك لاعبين وسط ممتازين.

وجهة نظري تقول :
أن ياسر إذا رحل .. فلن يعود للهلال , حتى على سبيل الاعارة!
قد يتوهّج وينقتل لنادي آخر بمبلغ ضخم .. أو يعود لنادي سعودي بصفقة مدوية
والشيء الذي يستحق النقاش هو "التعاون" اللا مبرر مع الهتافات التي تتعرّض لعرضه!

ياسر صحيح أنه لم يعد يحسم أمام المرمى وتفرّغ لأمور جانبية , لكن تبقى قيمة ياسر
أنا عن نفسي أتمنى ابقاءه .. ولو يعشق الهلال فعلا فلن تضره الدكة لإفادة الهلال بأي طريقة

إقتباس الرسالة الأصلية كتبت بواسطة زعيمه حايليه السلام عليكم ورحمة الله وبركاته باديء ذي بدء .. ياسر القحطاني ثروه وطنيه يجب المحافظه عليها ياسمو الأمير ~

ليته صدق يعتبرونه ثروه وطنيه وينزلون مناقصه فيه ويسرقونه ههه

بادئ ذي بدئ التطبيل من بدايته فقع اذني يا اختاه ..

أنا بختصر لك وبقول .. الهلال أولاً وعيسى وياسر ثانياً ..

عندك عرضين .. كلهم بسبعه مليون .. بس الفرق إن واحد إعاره لياسر القحطاني والثاني شراء عقد لعيسى المحياني .. ايهم بتوافقين عليه ؟؟

اكيد الإعاره .. لأن اللاعب بيروح سنه لفريق ثاني .. وليش مانقول إن هالإعاره هي إلي بترجع مستوى ياسر في 2007 .. ؟؟

أما تطبيلك وتزميرك يا اختاه .. مهوب مرجع ياسر إلا يمكن بعد سنتين والعلم عند الله بتنسينه إنتي بكبرك .. وبتدورين لواحد مزيون ثاني قصدي لاعب ثاني .. وتبدا موضه جديده و دوره حياة جديده للاعب وسلسلة معجبيه ومطبليه

خلاصة الكلام .. الإداره ابخص ..

إن قعد ياسر وإلا عيسى .. حنّا مؤيدين ..