وجهة نظري تقول :
أن ياسر إذا رحل .. فلن يعود للهلال , حتى على سبيل الاعارة!
قد يتوهّج وينقتل لنادي آخر بمبلغ ضخم .. أو يعود لنادي سعودي بصفقة مدوية
والشيء الذي يستحق النقاش هو "التعاون" اللا مبرر مع الهتافات التي تتعرّض لعرضه!

ياسر صحيح أنه لم يعد يحسم أمام المرمى وتفرّغ لأمور جانبية , لكن تبقى قيمة ياسر
أنا عن نفسي أتمنى ابقاءه .. ولو يعشق الهلال فعلا فلن تضره الدكة لإفادة الهلال بأي طريقة

إقتباس الرسالة الأصلية كتبت بواسطة زعيمه حايليه السلام عليكم ورحمة الله وبركاته باديء ذي بدء .. ياسر القحطاني ثروه وطنيه يجب المحافظه عليها ياسمو الأمير ~

ليته صدق يعتبرونه ثروه وطنيه وينزلون مناقصه فيه ويسرقونه ههه

بادئ ذي بدئ التطبيل من بدايته فقع اذني يا اختاه ..

أنا بختصر لك وبقول .. الهلال أولاً وعيسى وياسر ثانياً ..

عندك عرضين .. كلهم بسبعه مليون .. بس الفرق إن واحد إعاره لياسر القحطاني والثاني شراء عقد لعيسى المحياني .. ايهم بتوافقين عليه ؟؟

اكيد الإعاره .. لأن اللاعب بيروح سنه لفريق ثاني .. وليش مانقول إن هالإعاره هي إلي بترجع مستوى ياسر في 2007 .. ؟؟

أما تطبيلك وتزميرك يا اختاه .. مهوب مرجع ياسر إلا يمكن بعد سنتين والعلم عند الله بتنسينه إنتي بكبرك .. وبتدورين لواحد مزيون ثاني قصدي لاعب ثاني .. وتبدا موضه جديده و دوره حياة جديده للاعب وسلسلة معجبيه ومطبليه

خلاصة الكلام .. الإداره ابخص ..

إن قعد ياسر وإلا عيسى .. حنّا مؤيدين ..

لا بالعكس انا اشوف باعارة ياسر راحه نفسيه له

وعن الاهازج اللي ضد ياسر حتى بالسعوديه نسوها

اللي يعانيه ياسر ضغوط نفسيه لازم يريح لو ست شهور واتمنى انه يروح ويرجع لك ياسر اللي الكل يعرفه


مشكور والله يعافيك

إقتباس سأتكلم عن ثلاث نجوم سعوديين برزوا بشكل لافت في خط المقدمه ( ياسر - سعد - مالك ) وكانت مستوياتهم متصاعده وتوقفوا عند حد معيّن "قمّة مستوياتهم 2007" ، ثم بدأت مستوياتهم بالإنخفاض

الفرق بين سعد ومالك ويااسر هو ، ان سسعد ومالك جلسسوا بالدكهة لانهم ما يقدموا مسستويات مرضياا ،
لـ عششاق الفريق ، اماا ياسسر لا جلسسوه بالدكهة ولا شيء كأنة ياسر هو ياسر 2007 ،
حنا بزمن اسمه زمن المجاملات والواسطاات < فـ علي بالسسكوت وارضى بأمر الواقع ..


واناا بالنسسبة لي آتمنى ياسسر يروح آعارة سسنة ويرجع للهلال مو خسران شيء راح يفيد نفسة ،
ويفيد النادي مبلغ كبير ، وان جلس ياسر فأتمنى له العودة لـ مسستوياات المعهودا ،
ويعطيك العافية ع الطرح ، وبالتوفيق للهلال ان شاء الله ..

الا ياسر
ياخي في نجوم جماهيريه لها وزنها في الملعب يكفي اسم ياسر يجذب الجمهور للحضور

إقتباس الرسالة الأصلية كتبت بواسطة sajjad الا ياسر ياخي في نجوم جماهيريه لها وزنها في الملعب يكفي اسم ياسر يجذب الجمهور للحضور

يجذب الجمهور بالعك الكروي ولا بتوزيع الابتسامات


مدري حسيت في لحظة إنك تتكلم عن ميسي او رونالدو


ياسر للعين وعيسى باقي

صدقيني اختي --اذا ياسر الحين مااعاروه لاي نادي --راح يروح مستقبلو الكروي كلو ---لكن في الاعاره افاده لو

علشان يعيد مستواه اللي راح ---يعني اشوفها اعراه منطقيه --


عوافي يالغلا --لا عدمناكـ

اخر سنه لعب فيها ياسر صح مع الهلال عام 2007

2008

2009

2010

2011

اربع سنوات ياسر كان فيها مزهرية بالهجوم الهلالي

يعني بيرجع هالسنه .. خلوا العاطفه على جنب وفكروا في مصلحة الهلال

الا ياسر يجلس في الهلا ولانبيه يروح ولاحد يقول مطبل اكثر سنه سجل فيها هذه السنه الا ياسر

الله يعطيك العافيه وبأذن الله ياسر راح يبقى

أشكرك على طرحك

وأتفق معك بأن إعارة ياسر لا تساعده أبداً في العودة لمستواه


وأستغرب كثيراً الهجوم من البعض والمطالبة بإبعاده وكأنهم يذكروني بالمطالبات قبل سنتين بإعارة الشلهوب !!

عاد الشلهوب لمستواه وأفضل بفضل الدكة والمدرب الناجح ..
يستحق ياسر فرصة البقاء في الدكة والمنافسة للعودة لمستواه نظير تضحياته التي لا ينساها الأوفياء

ولا يمكن أن يعود من خلال دوري ضعيف وفريق ضعيف لينافس على لقبه السابق ( أفضل لاعب آسيوي )

إعارة ياسر ضرورية جدا
وانا مع الاعارة

ياسر يتعرض لضغوط جماهيرية كبيرة سواء من جماهير النادي أوجماهير الاندية المنافسة
وخروجه لمصلحته , ولمصلحة النادي بقاء المحياني وإعطائه الفرصة

تذكرووووون المقابلة التلفزيونية لياسر في اسيا 2006 يوم سألوه عن صحة احترافه في الدوري القطري ورد على المذيع بإستهتار وقاااال: ( يمكن .. بس بعد سن الثلاثين)!!!
والله ودااارت الأياام ياياسر ,, وبتروح لدوري اضعف من الدوري القطري وأنت عمرك 29 سنه!!
... ياسر لم يعد بالإمكان أن يستعيد مستواااه ,, لأنه مو مقتنع بهالشي عشان يحاول يرجع لمستواه , والدليل حركة هدفه قدام الإتفاق.
ياسر ماتعلم من سامي ,,, سامي كان يرد ف الملعب وياسر في الاعلام.
موضوعك جيد ومقنع لكنه تأخررر كثيييير ,, لأن ادارة الهلال تأخرت في موضوع ياسر.
أول كنا نطالب بأن يكون ياسر ع الدكه ,,, أما الحين لااا ,, عيسى أجدر من ياسر بشعار الهلال

الله يكتب مافيه الخير للهلال

وأعتقد عدم إحترافهم في دوريات أقوى من الدوري المحلي كان سبب رئيسي في إنخفاض مستوياتهم ، فما بالك بذهاب ياسر لدوري ضعيف !! مع فريق ضعيف !!