يوسف العربي .. ليل العيد تبان من عصاريها .. نعم ايمانا .. الا وليهامسون - صفحة رقم 2 - نادي الهلال السعودي - شبكة الزعيم

سوبر الازرق · #1 06/08/2011, 10:30 PM

اولا مستحيل تحكم على لاعب من مبارتين ياشباب نسيتو كماتشو جالس مع الهلال الدور الاول ماقدم شي وكان كل العالم يقولون الغو عقده وبعدين جاء الدور الثاني وصار لاعب خرافي اصبرو على الاعب مستحيل الادارة تدفع هالمبلغ الا الاعب يستاهل انا مع بيع وليهامسون اولا لانه باقي سنة وينتهي عقدهويروح وماستفاد النادي من المبلغ وثالثا وليهامسون الحين عمره 31 سنة يعني اذا ماستفدنا من بيعه الحين راح ينتقل السنة الجايه ببلاش

ومازال للمجد بقية · #2 06/08/2011, 10:33 PM

الله يعطيه الصحة والعافية

صعبه الابقاء على المحياني واعارة العربي

والله أشوف حنا محتاجين لصانع لعب قوي مثل ايمانا

الادارة تقول لا إعارة القحطاني للعين

ملوك آسياااا · #3 06/08/2011, 11:19 PM

إذا هذا رأي جمهورنا في 3 هدافي الدوري الفرنسي فعز الله دجينا ,, أجل تبي تعير اللاعب عشان كنتروله ما أعجبك من أول مباراه وديه

أجل لو أخذنا برأيكم كان قشعنا ولهامسون ونيفيز من أول شهر لأنهم حتى في أول 8 جولات في الدوري كان مستواهم داج ....

ما أقول غير الله يرحم مزنه بس ,,,ننتظر بداية المسابقات الرسميه ونشوف بعدين أراء جماهير العاطفه كيف تتغير وكأن شيئا لم يكن.

ياجمهور الزعيم الله يرضى عليكم,,,أعطوا الخباز خبزه ولو أكل نصفه وبلاش تنظير وتحليل خنفشاري...

يارب ياكريم وفق الزعيم

Blue.MaN · #4 07/08/2011, 03:46 AM

اخوي هذا الكلام المفروض يكون قبل التعاقد مع العربي

الحين صعبة شوي

وبصراحة صعب نخاطر ونعتمد على ياسر والمحياني !!! اعتمدنا عليهم الموسم اللي راح وماشفنا منهم المستوى اللي نبيه !!!

المدرب يبي مهاجمين

aloooi · #5 07/08/2011, 05:00 AM

إقتباس

الرسالة الأصلية كتبت بواسطة Blue.MaN


	اخوي هذا الكلام المفروض يكون قبل التعاقد مع العربي الحين صعبة شوي وبصراحة صعب نخاطر ونعتمد على ياسر والمحياني !!! اعتمدنا عليهم الموسم اللي راح وماشفنا منهم المستوى اللي نبيه !!! المدرب يبي مهاجمين

قصدك آعتمدنآ على يآسسر ومآشفنى منه شي

آمآ عيسى مظلوم ولآ آخذ حقه ومآ آعتمد عليه

azoooz20 · #6 07/08/2011, 06:04 AM

أول شئ اللاعب موهبة صغير في السن مهاري وكنتروله رائع جدا ودوبة ما ما لعب ؟؟

والله انتم يا الجمهور لا يعجبكم العجب و لا الصيام في رجب

غيـَث · #7 07/08/2011, 06:30 AM

يالغالي ، الهلال ما يحتاج لاعبين وسط ولا اجنحه الهلال جميع لاعبين
الوسط فيه دوليين وشباب

حرام احصر النجوم اللي عندي على خانه وحده اذا فرضنا ان ويلي وايمانا
وهرماش موجودين اساسيين وهذا المفروض في حالة وجودهم جميعاً

صح ان ويلي مهم ، ولكن وجود العربي والكوري في الهجوم وهي الخانه
الوحيده اللي عانا منها الهلال كثير امر مهم

وبالنسبه لـ العربي ، انا شفت لقطات من المباراة الثانيه ، اللي قبل هذي
وكان هو افضل لاعب في الهلال فيها ، ولمساته وتحركاته وصناعته افضل
هذا وهو توه جاي وهذيك كانت 3 مباراة له مع الهلال وفي ظرف اسبوع فقط !

ويمكن انك تتذكر ويلي اللي قعد معنا سنه لين ما اقتنع فيه الجمهور

اتمنى التوفيق لجميع لاعبين الهلال ، لكن اتمنى حل مشكلة خانة الظهير الأيمن
اللي هي اضعف خانه في الفريق ولدرجة السيء

معشوق الهلال خالد · #8 07/08/2011, 01:01 PM

وش رايك
نلغي عقده
ونلغي عقد الكوري
ونبيع عيسي المحياني
ونخلي ياسر القحطاني
احسن
ولااقولك
نبيع لاعيبة الهلال كلهم
مستواهم كلهم مايشفع للهلال
قاتل الله التطبيل
قايلكم
راح يهاجمون لاعيبة الاجانب بسبب وبدون سبب
والله يعين طول الموسم الجاي
انتقادات للعربي وبيونغ سو!!!!!
كله من اجل الثروه الوطنيه ياسسر!!!!!!!!

الزعيم الهامه · #9 07/08/2011, 01:29 PM

يالله صباح خير.....
بدري جدا على هالكلام ..... ياخوي تذكر (ولي) أول ماجاء وكذلك (نيفيز )
قالوا عنهم كلام كثير إنهم مقلب وكان شغل العالم ملايين ولي
وبعد ذلك وش اللي صار ؟؟؟؟؟؟؟؟؟؟

eemالزعـيـمAlza · #10 07/08/2011, 05:56 PM

إقتباس

الرسالة الأصلية كتبت بواسطة الزعيم الهامه


	يالله صباح خير..... بدري جدا على هالكلام ..... ياخوي تذكر (ولي) أول ماجاء وكذلك (نيفيز ) قالوا عنهم كلام كثير إنهم مقلب وكان شغل العالم ملايين ولي وبعد ذلك وش اللي صار ؟؟؟؟؟؟؟؟؟؟

ويلي ونيفيز من اول من مباراه لهم بمعسكر الهلال صنعوا وسجلوا وابدعوا

الادفوكاتو · #11 07/08/2011, 10:51 PM

الحين لعب ثلاث مبارايات وديه وحكمت عليه ؟؟
والحين كل ماجبنا لاعب نطيتو علينا مثل ماسويتو مع ويلي ومع نيفيز ومع غيرهم
مع احترامي الشديد لرأيك ياليت تركد شوي وتعطي اللاعب فرصه

السهلي %الهلالي · #12 06/08/2011, 10:34 PM

بدري الحكم على يوسف العربي

يكفيك انه رابع هدافين الدوري الفرنسي ب17 هدف الموسم الماضي

H.Z.S · #13 06/08/2011, 10:38 PM

الدوري الفرنسي هههههههه وخير اذا رابع هدافين الدوري الفرنسي

هات رابع هدافين الليقا الاسبانيه ...

مو معيار ... هالكلام

السهلي %الهلالي · #14 06/08/2011, 10:47 PM

إقتباس

الرسالة الأصلية كتبت بواسطة H.Z.S


	الدوري الفرنسي هههههههه وخير اذا رابع هدافين الدوري الفرنسي هات رابع هدافين الليقا الاسبانيه ... مو معيار ... هالكلام

يعني مايعجبك الا يكون من هدافين الدوري الاسباني
اجل من تفضل يجينا كرستيانو ولا ميسي ولاهيقوين

H.Z.S · #15 06/08/2011, 10:52 PM

إقتباس

الرسالة الأصلية كتبت بواسطة السهلي %الهلالي


	يعني مايعجبك الا يكون من هدافين الدوري الاسباني اجل من تفضل يجينا كرستيانو ولا ميسي ولاهيقوين

لا افضل الابقاء على وليهامسون

او بالــ 8 ملايين يورو تقدر تجيب كارلوس تيفيز ياحلووو