صباح الخير ...


ياأخوان انا شايف كثير من الجمهور ينتقدون الادارة وانهم ما عندهم شفافيه مع الجمهور وغير واضحين
وان الادارة تشتت الجمهور وما تعلمهم بالي يصير ...




يا جماعة الخير هذا شي طبيعي وشي صحيح ان الادارة ما تكون واضحه بالصفقات وما تصرح بشي لين ما يوقعون مع اللاعب وينتهي امره


انتم ناسين ان فيه فرق آخرى تنافس الهلال وناسين ان فيه انديه يحاولون الاطاحه بالهلال ؟؟!




لو كنت رئيس الهلال مستحيل اصرح او اعلن شي لان لو صرح رئيس الهلال بالمنتدى او بجريدة
راح ينتقل الخبر للجماهير الاخرى وتبدا الاتصالات و المراسلات للاعبين وان الهلال فيه وما فيه ..




فأنــا مع الادارة وما ابي اعرف شي ولا يصرحون شي وابيهم يشتتون وكل شوي يقولون اسم لاعب جديد

لأني واثق بالنهاية ان الادارة تدور الشي الممتاااز للنادي ..




يا جمهورالزعيم ادارة ابن مساعد تعاقدت مع :-
ويلهامسون -- رادوي -- نيفيز -- لي يونق -- العربي -- هرماش



كل هاللاعبين ما كنا ندري عنهم إلا وهم موقعين معنــــا ولم يذكرهم الاعلام


لكن ندوي وغيرهم وردت اسماء وبالنهاية فيه من يخرب


اي لاعب ينذكر اسمه للاعلام لن يتم التعاقد معه .. فالكتمااان هو اسلوب الادارة وهذا هو الافضل












ابن مساعـــــد اسلوبــــــك صحيح والله يوفقـــك

معك باللي قلته

بعض الجمهور الله يهديه يبغى الامير عبدالرحمن بن مساعد يدق عليه ويشاوره يقوله وش رايك في الاعب الفلاني

يعني بالعقل والمنطق الاداره احترافيه ولاهي في حاجة راي المشجع

لأن ولا هو قصور في المشجع الاغلبيه مايفهم بالامور هذي وتحتاج شخص متمكن

لذا ناخذها من قاصرها علينا نشجع ونحمس الاعبين ونفرح بإذن الله بالطولات

والاعبين والتعاقدات وامور النادي كلها للإداره

دمت بود

ابن مساعد ماراح يسمع للجمهور الا بلي يفيد النادي فقط


يعطيك العافيه

الادارة الهلالية جمعت بين الشفافية وبين (اقضوا حوائجكم بالكتمان)

فأنا اهني ابو فيصل على اللي يقوم فيه هو وباقي الإدارة الهلالية


اول ما طلع اسم ندوي خربت الصفقة ولما طلع اسم ايمانا بدت تخرب والله يقدم اللي فيه الخير


فانا اقول لابن مساعد ، نصيحة
لا تتابع المنتدى واشتغل حسب خبرتك وخبرة اللي معك في الإدارة لان من جد عندك هنا جمهور يرفع الضغط ويحبط اللي ما ينحبط
وحتى التويتر يا ليت يبتعد عنه او انه ما يقرا التعليقات اللي تجي على صفحته


بعد كل اللي سواه للنادي وسواه لنا كجماهير صار انسان مجامل وصار رئيس لا يفقه في الرئاسة .. وإلخ من السلبيات


الله يوفقه يا رب في رئاسة النادي وفي حياته الشخصية


وألف شكر لك على موضوعك

كلااااااااااااااااام سليييييييييييم …

تقبل مروري

انا معك صح
لاكن موضوع ايمانا جلسنا اسبوعين وكل واحد يقول مصادري
ولا طلع اي مسؤل رسمي يعلق ويوضح

الله يعطيك العافيه

والله هاذاالكلام السليم بس عندنا بعض الجماهير يبون يعرفون كل شي قبل ما يصير كأنهم دافعين شي من جيوبهم

كلامك صحيح ليت كل الصفقات انتهت بكتمان زي اندوي وايمانا

الله يعطيك العافيه على المووضوع الرائع

لا خلا ولا عدم

شكرا لكم مروركم وردودكم ........

كلاامممممممك سليم .

كلامك صحيح
الإداره مو لازم كل ما فاوضت لاعب تصرح بإسمه وحتى لو أعلنت انها ما تفاوض لاعب وهي في الحقيقه تفاوضه هذا شي طبيعي ونشوفها في كل الأنديه العالميه
كثييير من الأنديه العالميه ما تسمع أخبار مفاوضاتها مع اللاعبين إلا من الجرائد والأسماء الصحيحه تكون قليله والأنديه العالميه تعلن عن تعاقداتها في حال تم انهائها
الله يعين الإداره في الحقيقه لأنها دائما تنتقد الإداره على الرغم من الجهود الكبيره إلي تبذلها الإداره

والإدارة ترى أصلا ما أعلنت عن صفقاتها وإنما تسريب من الإعلام