. .

بسم الله الرحمن الرحيم ..

السلام عليكم
\\
الف الف مبروك الدرع والالقاب لأهلها مانشستر حمراء الى الابد

لاصوت يعلو فوق صوت اليونايتد.. رروح اليونايتد حضرت فغابت ملايين فريق الضل .!!

ببساطة انك في اليونايتد. ..

\\

بتــكلم عن المباراة شوي واترك لكم المجال ..||

|| الشوط الاول.!

في الشوط الاول تقريبا الغائب عن الفريق كان الحماس.! وتدني مستوى بعض الاعبين التشكيلة الي بدأ فيها السير كانت مثالية جداً لكن هناك بعض الاعبين خذلو السير والمشجعين معهم ايضاً وأولهم مايكل كاريك .!! بصراحة لاعب يبدع متى مايبي!! لاعب مزاجي وغير عن كذا الاعب مستواه في الارض .!! منذ الموسم الماضي وان شاء الله يتدارك السير الامور ويركنه على الدكة لين يستقيم ولا سندرلاند يحترونه في يناير وآنت تشوفه تقول مغصوب على اللعب .!! فيه اكثر من كورة كان من الممكن انه يسدد على المرمى ونشوف رعونة كبيرة ويرجع للخلف .!! طبعاً خلصت من كاريك نرجع للفريق بشكل عام .. اول ربع ساعة كان الفريق توب ومسيطر على اللعب وكان الستي ضايع ولكنا ما استغلينا الفرصة وايضاً ماكانت فيه خطورة على مرماهم. ومافيه لاعب يخلص الكورة اذا جت له في المرمى ويلباك كان يرجع كثير ويلعب بالاطراف ويصير العمق فاضي روني الشوط الاول كان يصنع فرص لكن مافيه لاعب ينهي لك كورة صح افتقدنا تشيشاريتو ايضاً اشلي يونغ كان مرتبك على خايف في الشوط الاول اي كورة تجيه مانشوف انطلاقات واختراقاته المعروفة اي كورة تمر عنده على طول يمرر لأقرب واحد عنده , ناني الشوط الاول كان الابرز في الفريق تحركاته واضحة تمريرات استخلاص كرات بشكل رائع كان الابرز يعني .. بعد الدقيقة 20 شفنا تراخي من بعض الاعبين وشفنا الستي بدأ يتقدم اكثر واكثر وشفنا اغلاط من الدفاع قرب خط الـ18 كادت ان تودي بالفريق لكن ربي ستر . واستمرت محاولات الستي في التسجيل .الى ان اتى الهدف الاول لهم برأسية ليسكوت الي اشوف انه غير مراقب تماماً ومافيه اي مضايقات عليه ضربة رأسية وهدف زاد من معنويات الستي وحطم معنويات بعض لاعبين اليونايتد.. قبل نهاية الشوط الاول كانت هناك هجمات غير مستفاد منها من اليونايتد. ومن كرة لاهي في البال ولا في الحسبان هدف ثاني للستي كان مفاجئ تقريباً.! تسديدة من بعيد مرت على خيا بسهولة ..عقبها انا تحطت وفكرت اني اسحب على الشوط الثاني لكن ماقدرت

الشوط الثاني .||

بداية قوية من اليونايتد وتبديلات ناجحة بكل انواع المقاييس خرج الاعبين الكبار ودخل الاعبين الشباب ذو الحماس منقطع النظير.. في الشوط الثاني سيطرة مانشستراوية بحته طول عرض افضلية لليونايتد..لاعبين الستي تقريباً ماكانوا متوقعين ان اليونايتد بيقلب الامور رأس على عقب لكن هيهات هيهات.. اتى الهدف الاول زادت معنويات الاعبين وخصوصاً الشبان والجدد. وبعدها سجل الفريق هدف ثاني من اروع مايكون تبادل كرات بين كليفرلي وناني وروني ونتج عنها هدف راائع من لاعب اروع.بعدها السبيكة مانشيني طلع مهاجم ونزل محور والنتيجة تعادل والمانيو في اوج عطائه اختفت بعدها محاولات الستي تقريباً الا في كورة وحدة . سيطرة مانشستراوية يتبعها هدف الفوز من الموسيقار لويس ناني رجل المباراة مع سمولينق ماشاء الله عليهم ابداع منقطع النظير . ايضا ماننسى جوني ايفانز الي قدم شوط خورافي بحت ورجعنا لـ2010 وإن شاء الله يستمر على هالمنوال وافضل يارب . . كليفرلي ضبط ايقاع خط الوسط يوم دخل انا ماشفت له تمريرة خاطئة ماشاء الله كرات متقنه وغير عن كذا كرات غير عن الاعبين فيها عبقرية ومهارة من العبقري القادم توم لكنه كان متسرع في الشوتين الي طيرها فوق لو هدا الوضع كان شفناها اقوال سمولينق وش اوقول وش اخلي سرعة لياقة مهارة حماس مبدع هالولد فيه لقطة خطف الكورة وانطلق ومرر لناني ون تو مع ناني وبعدها سحب بكولاروف سحبة على وجهة ومررها لناني على احسن مايكون وشاتها ناني في الدفاع.. ايفرا اليوم بعد مبدع ماشاء الله اشلي يونغ الشوط الثاني ابدع وكان عكس الشوط الاول 130 مرة . دي خيا الشوط الثاني ما اختبر الا في كرتين وابدع فيها وان شاء الله دوم ياخيا. الشوط الاول كان مرتبك وانفعلت عليه وانا ما انلام بعد .. ومن جديد الف مبروك للكل المانشستراوية . .

\\

شباب فيه لقطة في الدقيقة 80:40 ثانية ماني متأكد بس كانت لقطة على الجمهور وفيه واحد رافع لوحة اتمنى لو يجيبها
احد في صورة متحركة..

\\


آول الغيث قطرة

\\