|| ديربي ميلانو في الصين || ميلان الشوط الثاني فـ عش الطير .. بالسوبر الايطالي يطير || تقديم ومتابعة || - صفحة رقم 3 - نادي الهلال السعودي - شبكة الزعيم

الكونكورد شيفا · #1 05/08/2011, 08:18 PM

بإذن الله الفوز لميلان

مستوى ونتيجة

T.silva33 · #2 05/08/2011, 09:17 PM

التدريبات الاخيرة قبل موقعة الديربي .

المؤتمر الصحفي قبل نهائي السوبر .

IL Diavolo · #3 05/08/2011, 09:19 PM

يعطيكم العافية ع التقديم المميز

.. ~
بصراحة مباراة من وجهة نظري متكآفئة بين الطرفين بالرغم من تفوق الميلان في بعض الأمور ، الأ أن هالتفوق ما يغير شيء من تكافؤ الفريقين ، لكن الي رآح يحسم الموضوع في هالمباراة من وجهة نظري هو خط الوسط ، والفريق الي يقدر يسيطر على خط الوسط هو الي رآح يطلع بالمباراة ، و وسط ميلان الكل شافه في بطولة أودي كيف كان بطيء جداً جداً ، خصوصاً لا لعب غاتوزو وامبروسيني وسيدورف معهم مع ان المدرب ما رآح يلعب بكذا ، لأن بوميل رآح يلعب أساسي ، بس إلى الآن والفريق محتاج من يعوض غياب بيرلو ، خصوصاً أن اللاعبين الموجودين غير قآدرين على تعويضه ، أمامن ناحية الهجوم ابرا وباتو جاهزين وخصوصاً أبرا الي مسجل 5 أهداف في المبارايات الودية الي لعبها الفريق ، وهذا دليل على جهوزية اللاعب ، باتو إن شاء الله ما يكون أرهق من بطولة الكوبا ، لأن لاعبيننا الي لعبوا في هالبطولة رجعوا بدري عكس الفرق الثانية ، والدفاع ما عليه كلام ، بس خوفك من الاظهرة ، لأن الحين اباتي مدري عن وضعيته بالرغم من أنه شارك في تدريب أمس بالكامل ، وعندي أحساس أنه رآح يكون متواجد ، اما من ناحية الظهير الأيسر ، إن شاء الله زامبوا هو الي يلعب بلا انتونيني بلا هم ، موب ناقصين سبآكة في هالمنطقة ، والحرآسة ماعليها كلام ابياتي مقدم مستوى مميز في المباريات الودية ، لكن كل خوفي من التشكيلة الي رآح يدخل فيها ألليغري ، أمنية انه يلعب بخط وسط أكثر حيوية وفآعلية ، وسرعة في نقل الكورة والتغطية في حآلة المرتدة .
وان شاء الله يدخل بهالتشكيلة الي أتوقع أنها راح تفرق مع الفريق :
ابياتي في الحراسة
و زامبوا / وسيلفا / ونيستا / واباتي
بوميل / رينو / بواتينغ
روبينهو / باتو / ابرا
بأعتقآدي أن هالتشكيلة هي الأنسب ، لأن مثل ما قلت اللاعبين الي في الوسط الموجودين " كلارنس ، ماكس ، رينو " بطيئن لدرجة كبيرة ، ما فيه تقريباً الأ بوميل ، وفلاميني مصاب ، وسيدورف الكل يعرف سيدورف ونفس الشيء بالنسبة ل رينو وامبروسيني ، كلهم ثقآل في تغطيتهم في الهجمات المرتدة ، عشان كذا يلعب ب رينو محور مع بوميل ويخلي الشق الهجومي من خط الوسط ل روبينهو و البرنس ، مع نزول أحد المهاجمين لخط الوسط لزيادة العدد والضغط على الخصم ، وتمركز ابرا في منطقة الجزاء .
لكن المتوقع انه رآح يلعب بهالتشكيلة :
ابياتي / انتونيني / سيلفا / نيستا / اباتي
امبروسيني / بوميل / رينو
بواتينغ / روبينهو / ابرا
و من وجهة نظري هالتشكيلة مميته لخط الوسط ، بكذا الفريق رآح يكون بطيء في نقل وتحركات لاعبين خط الوسط ، ,الكل شاف كيف مستوى رينو وامبروسيني ، مع احترامي لهم لاعبين الله يعيننا عليهم هالموسم فيهم بطء شديد ، ما عدا بوميل الي شايل هالخط فوق تحت . ع العموم بالتوفيق للأحمر والأسود ، وعقبال ما نفرح بأول بطولة لنا هالسيزون ، ونرجع لميلانو وحنا مستانسين .
يعطيكم العافية ، وسوري ع الإطالة .
وبالتوفيق لكم ، وبالتوفيق لميلان

.. ~
..................

:: я ỡ 7 i :: · #4 05/08/2011, 09:51 PM

مشوآر أكتب رد جديد وقروشه ..
فـ قلت أنزل نقآش الرآبطه وأرتآح ..

- توقعاتك لـ تشكيلة المباراة ؟!

أتوقعهآ وأتمنآهآ ..

أبيآتي
زآمبروتآ سيلفآ نيستآ أبآتي
بوآتينغ بوميل غآتوزو
روبينهو(كآسآنو)
بآتو إبرآ

- هل تتوقع ان الميلان قادر على تجاوز الانتر مثل الديربيات السابقة ؟!

ضآمنهآ بـ إذن الله ..
كتيبه الديآفولو تعول بـ المقآم الأول على خشيمآن ..
حيث سجل 5 أهدآف في 3 وديآت ، معدل مميز حتى الآن ..
ميلآن في الوديآت الثلآث سجل 15 هدف ، بينمآ لم تتلقى شبآكه سوى 3 أهدآف ..
وهذي نقطة إيجآبية تحسب للميلآن غداً ..

- هل خط الوسط مطمئن للفريق ؟!

إذآ لعب بـ [بوآتينغ بوميل غآتوزو]
رآح أطمن ، وأتآبع المبآرآه وأنآ مرتآح ..

أمآ إذآ لعب بـ [آمبروزيني بوميل غآتوزو]
فـ أنآ أعتقد أن أليغري سلم المبآرآه لهم ..

- الفريق لم يقدم المستوى المأمول في المباريات الودية السابقة , هل تعتقد ان يظهر الفريق بمستوى مختلف للأفضل ؟!

قصدك بـ كآس أودي ..
كآس أودي أليغري كآن يجرب خط وسط جديد ..
ولآحظنآ بطء شديد في الوسط ، وإن شآء الله مآنشوف هذآ البطء في مآتش بكرآ ..

- الظهير الجديد تايو لن يشارك في المباراة للإيقاف , انتونيني & زامبروتا ... من الأفضل ؟!

أكيد زآمبروتآ ، محنآ نآقصين عآهآت زيآده ..

- مكان إقامة المبارة هل تعتقد ان يؤثر سلبياً على اللاعبين ؟!

وهذآ اللي مخوفني ، الأجوآء البآيخه هنآك ..
أنآ مآدري وش اللي منقزهم يلعبون بـ الصين ..
قلّت الملآعب بـ إيطآليآ !؟ ..

- توقعاتك لنجم المباراة و الفريق البطل ؟!

نجم المبآرآه ، أتوقعهآ لـ سيدورف ..
والمبآرآه بـ إذن الله ميلآنيه ، بـ 4-0 ..

- توقيت المباراة خايس ماله داعي نناقشة

أكيد ، الله يعيننآ ..

شآكر لكم لجنتنآ ..

لكم ..

Royal Lover · #5 05/08/2011, 10:59 PM

،

ستانكوفيتش و كوردوبا يخوضان حصتهما التدريبية منفردين

أجرى الفريق النيرآزوري أخر حصة تدريبية له عشية اليوم على أرضية ملعب الووركرز ستاديوم ، قاد فيها المدرب
جاسبريني فريقه للقيام بعمل حول حيازة الكرة تلتها سلسلة من التمارين التكتيكية. اختتمها بمقابلة مصغرة على نصف
الملعب ، في حين خضع كل من إيفان كوردوبا و دايان ستانكوفيتش لحصص فردية متخصصة، وفقا للاحتياجات الفردية
لكل منهما .

فهد2006 · #6 06/08/2011, 01:16 AM

تقديم رائع... شكرا ... forza_JUVE10 - Royal Lover

بداية موسم نارية
الفوز يعني الكثير لانه يعطي ثقة ... وأي ثقه ... ثقة الفوز بدربي ميلانو

المهم نشوف مباراة حلوه من الفريقين

واتوقعها انتراويه

:: я ỡ 7 i :: · #7 06/08/2011, 01:44 AM

حكم المبآرآة ، هو نيكولآ ريزولي ..
هو اللي حكم أول ديربي لنآ الموسم اللي رآح ..
اللي أنتهى 1-0 لنآ بـ هدف أبو خليل ..
طبعاً الحبيب أعلآه هو اللي طرد أبآتي ..
عشآن بآنديف طقه < ..
اللقطه [هنآ] ..

الله يستر منه ..

forza_JUVE10 · #8 06/08/2011, 03:56 AM

السلام عليكم ورحمة الله وبركاااااااتــه ,,,

الله يعطيكم العافية شباب على المتابعة للعمل اللي قدمناه أنا و الشباب
و بصراحة المباراة توقيتها خاطئ ناس تكون راجعة من الدوام و ناس يبدأ دوامها فالعصـر .. يعني المباراة فايتتني بالتأكيد :")

عموما أنا قلت رأي في التحليل الفني للمباراة و أعذروني يالإنتراوية تحديدا ما تابعت الفريق بالتالي وضحت نقطة ممكن تكون ردة الفعل مع المدرب الجديد بحضور الكابيتانو زانيتي، إما إيجابية أو سلبية بالإضافة لذلك ميلان بيكون أكثر توازن و إستقرار بالتالي بيكون وضعه أكثر أولوية للظهور بشكل إيجابي أكثر.. و من ضمن تصريحات المدرب ذو الطموح الكبير أليغري أنه هدفه الكأس عشان يدخل الدوري و هو منتعش ببطولة مثل ما كان عليه الحال عندما أنهى الموسم بالحصول على الإسكوديتو..

أتمنى أشوف المباراة لكن للأسف و بشكل عام و الله وحشنا الكالتشيو و ما يعرف قيمة الكالتشيو إلا نحن عشاقة بحلوه و بمــره.. بالآخير بشوفها إعادة

لي عودة إن شاء الله

مشكورين شباب