ابدعت ياعزووز وجبتها عالجرح والله ..
افكارك حلوه واعجبتني وليتهم يسووونها اما من ناحية المشرفين فـ انا معهم وضدهم ..
تقولون كيف ؟ شوفوا انا معهم في ناحية اذا كانو رآح يرجعون لنشآطهم وتحفيز الأعضاء وووالخ في القسم ..
فـآهلا وسهلا بهم ..
اما اذا كانو بـيضلون بسـباتهم العميق فـعذرا حنا مانحتاجهم ..
تسلللم عزيز عالموووضوع ومااقصرررت ..
شطحه لـسلطان هو ورده اللي اطول مني : اخووي ومن قالك الأعضاء اللي لازم يتفاعلون عشان يرجعون القسم لنشاطه الطبيعي ! ..
بالعكسس الاعضاء لاشافو تفاعلهم مب فايدهم ابد وشوله يشاركون فيه منتديات افضضل ..
والله جد فيه اكثر من منتدى الآن اللي اذا تفاعلت اعطوك وسام ولا بطاقة شحن ولا ولا ولا الخ ..
واذا تعبت على موضوع مايجيك المشرف شآطح ويقول منزله من منتدى ثآني ويصككه في وجهك وانت تاعب عليه 3 ساعات زي ماحصلت مع بعض العيال ..
**بدون ذكر أسماء ..
انا مع احترآمي لولا معزتكم وقدركم عندي كآآن ساحب على الشبكه من زمان ..
شطحه بس هالمررره لعزيز : ماتحس ان مكان الموضوع غلط المفرووض حاطه في قسم الألعاب الرئيسي مب الرياضي لأن المشكله في كل الأقسام
انهيها بهالورده للمشرفين بس واقوول ارججعوا زي قبل يرحم والديكم

محد فهم انا وش قلت .
ما قلت نرفع المشرفين , الفعاليه على قولتك بتسجل باسم اللي منظم الفعاليه مو باسم المشرف
اذا مالقيت تجاوب من المشرف , في حال اني بسوي بطوله , بسويها من دون اذنه
واللي اشوفه يستاهل الاشراف حاليا , هم اثنين , او ثلاثه , فانتاستيك صالح, عزوز , ايتيكيت
ولا قصور في الباقي

إقتباس الرسالة الأصلية كتبت بواسطة ĸɪиɢ ѕυĺταи انا عندي الحل الامثل لو فرضنا ان المشرفين موجودين , هل (قسم الالعاب ) بيجيه نشاط , بدون الاعضاء , ؟؟ واجبنا كـ اعضاء متواجدين باستمرار في هذا القسم , ان حنا نقوم بالعمل على ارجاع القسم كما كان مثلا .. سلطان الصولي , ماشاء الله عليه , هو المسؤول تقريبا عن مجلة الالعاب , ليه حنا كـ اعضاء ما نساعده ونعطيه افكار ونوقف معه , ونشوف وش تتطلب المجله من افكار جديده ,,, خلونا نقول مثلا ,, جات لـ عزوز فكرة للقسم , تزيد من نشاطه , اللي لازم يسويه عزوز , انه يطرح الفكره على كذا عضو , يشوف انهم بيطورون من فكرته , ويقدمونها للاعضاء , مثل مسابقه او غيرها ,,,, وعزوز ماقصر , وضع افكار حلوه , ومفيده للقسم ,, ليه مايكون هالوقت هو وقتنا , عزوز طرح كذا فكره , ليه مايكون هناك كذا عضو بعد يتبنى الفكره ,, كييف ؟! انا اقولكم مثلا المسابقه الرمضانيه , ,, يجي عزوز يقول انا بسوي هالمسابقه او افضل الاهداف يجي فابري يقول افضل الاهداف انا بختارها , واشوف الافضل يجي فانتاستيك يقول انا لي تنظيم البطولات , وغيرها يعني يصير كل شخص مسؤول عن شي , وخصوصا حنا في اجازه حاليا , الى متى بنعتمد على المشرفين وخصوصا ان حمودي , على مااعتقد يمر بظروف , وبدر عذره معه واجبنا كـ اعضاء ان حنا نرفع من القسم ونخليه من افضل الاقسام , وكل هذا بتعاونكم هذا اللي عندي

هلا والله اخوي سلطان

شف سلطان الصولي وشلون تبيه يسوي والمشرفين موب فيه ولا عنده احد بعد غياب المشرفين وكيف تبي العضو يبدع ويتفاعل لان التفاعل راح يكون بالبطولات واذا يبي يستاذن مايلقى رد ولا اجابة من المشرفين وياليت انهم معطين الصلاحية للجنة التطوير في القسم

إقتباس الرسالة الأصلية كتبت بواسطة حمود. انا معاك صراحه .. ولابد حل جذري .. لاني شايف اكثر من قسم يشتكي .. والحل الجذري في توفير كفاءات قادره على أستلام زمام الامور وتحمل المسؤولية في إنتشال القسم .. من الهاوية الى الواجهة مره اخرى أشكرك على غيرتك على قسمك ومنتداك المفضل. . وهذا إن دل على شيء دل على حرصك ومحبتك لهذا المنتدى الكبير . هنيئاً لهم بك .. موفق يارب

هلا ياشباب

نقاشكم حلو.. فقط حبيت اوضح معلومة بخصوص المشرف احمد

احمد معتذر عن الاشراف من فترة طويلة ( تقريباً 3 شهور ) ورافع طلب اعتذاره لإدارة الموقع ولم تتم المو افقة على طلبه حتى الآن

إقتباس الرسالة الأصلية كتبت بواسطة aB6aL 1 . يعطيك العافية اخوي عزوز الموضوع جاء بوقته الحقيقة .. انا اشوف ان اخواني المشرفين Chicharito.14, hmooode_4 مآ قصروا الحقيقة قدموا اللي عليهم و زود , يعطيهم العافية ومشكورين على كل شي عملوه للشبكة لكن , ألآحظ من فترة والقسم " ميت " والسبب الرئيسي هو خمول المشرفين .. وعدم تجاوبهم مع الاعضاء وتواجدهم بالقسم قلّ جدآ .. ويوجد عندك هنا بالقسم نخبة من الأخوان اللي الحقيقة يستطيعون ارجاع القسم كما كان سآبقا وأفضل وأكرر , نشكر اخواني المشرفين على اللي عملوه ما قصرتوا بيض الله وجيهكم

الله يعافيك يا ابطل ..
والصراحه انا شفت القسم حالته سيئه جداَ خلني انزل موضوع نشوف افكار الاعضاء
, لـ تطوير القسم ..
المشرفين ابدعوا في البداية , وكانت هناك مسابقات رائعه لكن حاليا يوجد خمول منهم أو يمكن منشغلين ولا مسافرين وعذرهم معهم

حياك ابطل

إقتباس الرسالة الأصلية كتبت بواسطة الـصـخـرة هلا ياشباب نقاشكم حلو.. فقط حبيت اوضح معلومة بخصوص المشرف احمد احمد معتذر عن الاشراف من فترة طويلة ( تقريباً 3 شهور ) ورافع طلب اعتذاره لإدارة الموقع ولم تتم المو افقة على طلبه حتى الآن

هلا والله اخوي الصخرة
طيب هو رفع طلبه ليش ماقبلوه وعينوا مشرف ثاني افضل والمشرف بدر هل راح يتم تغييره؟

إقتباس الرسالة الأصلية كتبت بواسطة البارجة الزرقاء يا شيخ اكره شيء بذا القسم الاشراف <<<داري اني بتوقف وانا عن نفسي قلت الصراحة يجب تغيير المشرفين كلهم فقط حمودي هو الي لا يغيرونه صراحة مشرف رائع

المشرفين ما قصروا في البداية
يمكن منشغلين , افضل وقت لتغيير المشرفين حالياَ أو يرجعون زي ما كانو

حمود مسافر حالياَ وهو قال لي انه بيترك الاشراف والصراحه حمودي قدم كل ما عنده لـ تطوير القسم , احب اشكره بهالموضوع على ما قدمه

حيآك

إقتباس الرسالة الأصلية كتبت بواسطة سلطان الصولي - السلام عليكم قبل كُل شيء ! حالياً القسم يُعاني من من قلّة المواضيع ، ومن قلة البطُولات .. ليش ؟ لأن " خمول مُشرفين القسم " أدّا إلى ذلك المُشرفين ما قصرو ، قدمُّو كل اللي عليهم بس أتمنى يتركُو المجال حالياً لـ المُتميزين مِثل " فابري - عزوز - إيتيكيت " أشخاص يعملون ليلاً ونهاراً ، ولكنهم لـ الأسف أُحبطو بعدم تواجد المُشرفين ودعمهم الكامل ! أعيد وأكرر المُشرفينّ قدمو اللي عليهم ، وأتمنى بأن يكون هنالْك موضوع تصويت لـ إختيار المُشرف القادم لأني أعتقد بأنها أفضل طريقة .. شكراً عزوز

وعليكم السلام ..
الصراحه فكرة رآئعه تصويت لـ اختيار المشرفين .. اتمنى تجربتها ..

حيآك سلطان

إقتباس الرسالة الأصلية كتبت بواسطة Very Toxic آنا مآني مصدق .. بـ حآل هـ القسم قلت خلني آشقّر عليه .. آشوف وش التطورات لاني غآيب من زمآن .. !! الصرآحة آنصدمت .. من الوضع .. لم يتغير شيء بل آصبح القسم .. خآوياً .. وكأنه من آقسام الارشفه المشرفين مآقصرووو .. والله يجزآهم كل خير .. قدموو اللي عليهم وزيآدة .. ولا ننسى تفآعل الاعضآء .. اللي وقفو معهم وآعانوهم على إشرافهم .. وآتحفووونا بكل مآهو جديد .. !! صدقت يآعزوز .. في كل كلمة قلتها .. لازم نتكآتف ونقف مع بعض .. ونحآول إعاده القسم لوضعه الطبيعي الحل بتشكيل لجنة .. وتعيين مشرفين جدد .. بتصويت الاعضاء والاستعانه بـ لجنه لتطوير قسم الالعاب .. للعمل على تجديد القسم وعمل مسآبقات .. وبطولات .. ومواضيع جديد زآخرة ومفيدة بشكل كبير سواء لـ آلعاب جديدة .. آو لمن يبحث عن العاب .. آو لـ حلول الالعاب من كلمات سر .. آو مهام صعبة ... آو آو آو .. الخ .. !! ,, الصرآحة آنا مقصر .. وبقوة .. بحق هذا القسم وآتمنى آني آرجع اساعدكم .. ولو بشيء بسيط شدوو الهمة .. وعسآكم على القوة .. !! دمتم بحفظ الرحمن

احد المتفاعلين في عام 2010 " Very Toxic "
كنت من افضل الاعضاء تفاعلاَ في موضوع فيفا بالذات ..
وكان القسم رائع جداَ لأن المشرفين متفاعلين ..
يداَ بـ يد .. لـ تطوير قسمنا المُفضل

حيآك Very Toxic

إقتباس الرسالة الأصلية كتبت بواسطة ومازال للمجد بقية نشكر اخواني المشرفين على اللي عملوه ما قصرتوا بيض الله وجيهكم يعطيك العافية على الملاحظه

شكراَ لك ..

حيآآك

المشرفين لازم يتغيرون ، يعطيهم العافية على كل اللي بذلوه ..
بصراحة القسم تغير جدا وصار نايم بسبب خمول المششرفين للاسف .. ،،
اعضاء القسم ماقصروا ، القسم صاير مافيه تنظيم بسبب استفسارات - مواضيع منقولة - مواضيع ماهي في محلها

مافي مواضيع زي قبل ينزلون خبر ويترجمونه بنفسهم .. بصراحة فرق كبير بين القسم حاليا وسسسابقا 09 -10

يعطيك العافية ياعزوز ماقصرت .