ويلهامسون فقد 50% من قوته وإيمانا يمتلك القوة الكاملة 100% - صفحة رقم 2 - نادي الهلال السعودي - شبكة الزعيم

زعيم الزعماء العالمي · #16 30/07/2011, 11:00 AM

إقتباس

الرسالة الأصلية كتبت بواسطة نــــــــآيف


	لزم يرحل ويلي مانقوول انه فاشل الا مبدع بس نبي صانع لعب خلف المهاجمين

أنا معك في الفكرة ... وزي ما عرفت .. أن دول ما يركز على جهه محدده وإنما يلعب وينوع الهجوم ... مره يمين ومره يسار ومرة من العمق ... يعني ما يركز على لاعب محدد ... كورة شامله

يفرق هنا اللاعب الذي عنده قدرات متعدده ويلي ممتاز في الهجوم ضعيف في الدفاع ... سريع ولكنه ضعيف في الإلتحامات ... نجح ويلي لأنه في الهلال ومن وراه لاعبين مميزين ...

ويلي ممتاز ولكن عمره كبير ويجب التغيير ... والهلال صار مثل الأندية الأوروبية التي تحضر لاعبين غالين ولكن في عمر مبكر وممتاز يفرق معك ..

ممكن كان ويلي بيستمر لوكان عمره 28 أو 29 سنة ....

teva4ever · #17 30/07/2011, 11:20 AM

ياعمي الهلال من عرفناه ... وقوته في الاختراق من العمق وليس اللعب ع الاجناب

كل رموز الهلال وتاريخه المشرّف ... لنجوم صنعوا الفرق في الهجوم من العمق

سامي ماهو اللاعب اللي هداف بالراس ... بالعكس

نواف التمياط .. ماهو جناح .. بل صانع العاب من العمق

يوسف الثنيان

عبدالله الجمعان

خالد التيماوي

نجوم الزعيم اللي جابوا 6 بطولات اسيويه ... يعتمدون على صناعة اللعب من العمق

ايمانا اقوى تأثير من ويليهامسون بالفعل

حنا مو الاتحاد !!

الاتحاد هو اللي يعتمد ع العرضيات وهذا اسلوب لعبه من زمان

زعيم الزعماء العالمي · #18 30/07/2011, 11:31 AM

إقتباس

الرسالة الأصلية كتبت بواسطة teva4ever


	ياعمي الهلال من عرفناه ... وقوته في الاختراق من العمق وليس اللعب ع الاجناب كل رموز الهلال وتاريخه المشرّف ... لنجوم صنعوا الفرق في الهجوم من العمق سامي ماهو اللاعب اللي هداف بالراس ... بالعكس نواف التمياط .. ماهو جناح .. بل صانع العاب من العمق يوسف الثنيان عبدالله الجمعان خالد التيماوي نجوم الزعيم اللي جابوا 6 بطولات اسيويه ... يعتمدون على صناعة اللعب من العمق ايمانا اقوى تأثير من ويليهامسون بالفعل حنا مو الاتحاد !! الاتحاد هو اللي يعتمد ع العرضيات وهذا اسلوب لعبه من زمان

كلام صحيح وعلى فكرة الفرق الأقوى في العالم والتي تعتبر من فرق الصف الأول تهاجم من العمق بنسبة 80% لأنهم مهره وعندهم تسليم واستلام عالي ...

اللعب من الأطراف هي من تكتيكات الفرق الضعيفه وهي حلول قديمة تستخدمها الفرق المتوسطه الستوى ...

التنويع هو المهم .... 70% من العمق و30% من الأطراف ......

الهلال مع ويلي 70% من الأطراف ومن طرف واحد اليمين !!!!!!!!!!!!!!!!!!!!!!!!!!!

الهلال أكبر من كذا بكثير الحقيقة

الكايفf2008 · #19 30/07/2011, 12:13 PM

معاك بكل كلمة قلتها
ولي مرة كويس مرة لا

زعيم من حارتنا · #20 30/07/2011, 01:11 PM

بالتوفيق لـ إيمانا
متفائلين فيه كثير وان شاء الله مايخيب الضن فيه

يعطيك العافيه

زعيم الزعماء العالمي · #21 30/07/2011, 01:31 PM

نشكر الإخوان على التفاعل ... وإن شاء الله يتمم على خير

FARIS.1997 · #22 30/07/2011, 01:42 PM

بالتوفيق لـ إيمانا
متفائلين فيه كثير وان شاء الله مايخيب الضن فيه

يعطيك العافيه

fai9al222 · #23 30/07/2011, 01:44 PM

صرآحه الملاحظه اللي ذكرتها جدا جميلة وفي الوضع الراهن يبيلنا صانع العاب بقوة ايمانا مع اني مب مره مقتنع فيه يعني فيه الافضل بكثيير
كل التوفيق للهلال والله يعطيك العافييه

الشـادي · #24 30/07/2011, 02:08 PM

الله يستر من طيرتكم في ايمانا كثير من الجماهير ترفع له اتمنى لو جا يكون قد المستوى

اما بالنسبه لويلي فعلاً صار لعبه محفوظ لكن انك تقول اللاعب ما عنده موهبه انما هو حفظ الي علموه بالآكاديميات هذا كلام مو معقول

و انك تقول ان الآجنحه ما عاد تنفع هذا كلام مو منطقي يا صاحبي هذا يكون على حسب الفريق الي يقابلك و هذا ما ميز جيرتس انه يقرأ الفريق الخصم

و زي ما انت عارف كل الفرق تلعب قدامنا دفاع ما عدا الاتحاد و الشباب عشان كذا حنا محتاجبين جناحين طائرين

و بالتوفيق لويلي ان بقى و ايمان ان جا

و لا تعذربون بويلي عشان لاعب ثاني بيجي لا زال ويلي من افضل المحترفين في الدوري السعودي

محبتي الشآادي

ومازال للمجد بقية · #25 30/07/2011, 02:25 PM

الله يكتب اللي فيه الخير لزعيم

أنا مع ذهاب ولي
....

@عاشق يسوري@ · #26 30/07/2011, 02:51 PM

بصراحة انا مع رحيل ويلي لان ويلي اصبح في المباريات الهامة يختفي واذا الادارة عاقبته على تأخير او اي شي يتسهتر في الملعب ويأخذ كروت حمراء لذا افضل قدوم الاسد الكاميروني

Rossi 999 · #27 30/07/2011, 03:02 PM

الهـلال في نظري بحاجة الى لاعب يمتلك الحلول و يبتكرها على مستوى صناعة اللعب
يعني بإمكانه صناعة اللعب من العمق و من الطرف بالاضافة الى المهارة و السرعة و
المراوغة و استغلال البنية الجسمانية و التسديد من بعيد و جميع هالمقومات متواجدة في
ايـمانا زي ما شفنا .. بالاضافة الى الروح العالية و الشخصية القيادية اللي يتمتع فيهــا
الكاميروني المجنون .

عكس ويلهامسون اللي ما يبتكر لك اي حلول و طريقة لعبه تقتصر على الجناح فقط
و لاعب ضعيف بدنيا .. يخسر في الالتحامات و يتحاشاها احيانا . و اللاعب اشوفه
يفتقد للشخصية القيادية اللي لابد تكُون موجودة عند اي اجنبي يتعاقد معاه الفريق ..

تحية كوستونائية طيبة لك خيُو ..

فصاد · #28 30/07/2011, 03:06 PM

بعض المشاركات يكفي منها الموضوع

وموضوعك أخي يكفي عن مضمون كامل

ومع ذلك قرأت المضمون وبصراحة استمتعت بتعمقك الفني,الذي يدل غالبا على تمرسك بممارسة

كرة القدم.

لك كل التقدير واذهب إلى ماذهبت إليه بنسبة 100%

ابتسامة خجلان · #29 30/07/2011, 03:39 PM

خلاص نبي هالكاميروني نبي نجدد الدماء ويلهامسون ماقصر بس بصراحه مافادنا بالبطوله اللي نبيها والمباريات القويه نادرا مانشوف يبدع ، يعني الدوري وكاس ولي العهد اجانب كثيرين مروا على الزعيم وحققوها مع ان مستوى البعض منهم اقل من المطلوب لذلك نريد اجانب يجيبون غير هالبطوله يكون لهم دور بارز مثل الكاميروني محتاجين تسديد وقوه جسمانيه ماعندنا بالوسط قوه جسمانيه لو تلاحظون -الدوسري-العابد- الشلهوب- مايلتحمون بقوه لازم يجي الكاميروني وبعدين ويلهامسون بيصير يتعذر ببنته وزوجته خلاص واضح من اخر الموسم كيف انه طفش ويبي يغير وغير كذا الكروت اللي مالها داعي لازم تغيير الكامل عشان اسيا تبي اجانب مايخافون مهاريين جميع الصفات فيهم ،، تكفوون خلاص معاد نبي مواضيع عن ويلهامسون ان شاء الله يروح ماقصر سوى اللي عليه بس مافادنا بالبطوله اللي نبيها اسياااا ، كاس الملك والدوري خذيناها وشبعنا وبأجانب كثير ، بالتوفيق للزعيم

حساافهه النهدي · #30 30/07/2011, 06:26 PM

والله انك صادق اتفق معك في كل الي معك