هلا ابو صالح سلامة الاسفار
يا حلو هاك الديار .. طبيعة و جو رايق وناس تعاملهم محترم
بس اشين شي تروح هناك وتجي فلو تفكك جوّك

طلبات السفارة يبو صالح طبيعية ترى ومن شي يشوفونه ومن حقهم .. هي تعتبر كتأمينات فقط وان الواحد ضامن وضعه مايبون يبتلشون بالخلق هناك وانا صراحة اشد على ايدهم .. وترى الشنغن تهون عند الفيزا البريطانية هذي اللي صدق تعقيد شوي .. عموماً اذا انت عجاز ترى فيه مكاتب يخلصون لك كلش وانت متكي .. انا اللي تعبني لما كنت على عقد قبل سنة التعريف الانجليزي .. لازم تسويه بالرياض وتصديق وقله حيا .. المشكلة لا جحدت الغرفة التجارية الشركة اللي تشتغل معها وش تسوي بس اشوا مشت بالفيزتين بريطانية وشنغن

التعاونية رهيبين ابد وانت واقف يخلصون امورك .. بالنسبة للخطوط طيران الخليج جربتهم مرتين ولا يُعلى عليهم .. عموماً اهم شي الواحد يهج عن الخطوط السعودية .. اسعار نار على قل سنع !

إقتباس احذر بعد وصولك من المطار ان تركب مع سائق تاكسي عربي وبالذات ( مصري )

خل عنك والله مافي اطلق من التمشي وان انزنقت الله يخلي الباصات .. والا استأجر لك موتر وخل معك القارمن وامورك محلولة .. التكاسي غالية عندهم .. اعتقد بكل اوروبا كذا !

إقتباس اللي بيروح احسن له ياخذ معه كرتون بيبسي من هنا

اسكت ترى بعض ربعنا يسوونها هناك .. ياخذ له كرتونين ببسي ويبيع

إقتباس قبل السفر للنمسا جهز نفسك بملابس شتوية ثقيلة

وانشهد

إقتباس دائماً حاول تترك اثر طيب لك ولأهل بلدك ودينك.. ابتسم للجميع وخلك بشوش

إقتباس نظف أي مكان بعدك سواء في مطعم او غيره انت هناك تمثل شعب بأكمله ولا تمثل نفسك في نظرهم

الحمدلله على السلامة مرة ثانية .. رحلة ممتعة بس قصيرة
المرة الجايه انصحك بأنترلاكن سويسرا