وانا اتصفح تغريدات عبدالرحمن بن مساعد
شدني سؤال من احد عشاق الكيان

إقتباس يعطيك العافية على التعاقدات وماقصرت بالعكس صفقات ناجحه أن شاء الله.. بالنسبة على الظهير الأيمن بتجيبون لاعب محلي في هالخانة

سؤال في محله خاصه ان هذا خانه الظهير هي حديث الشارع الهلالي


رد الامير

إقتباس @althunayan1 سنعطي الفرصة لنامي وسلطان البيشي وفهد السبيعي،وانا لا ارى اظهرة يمين محليين افضل الا معاذ وشهيل

اول شي رد الامير يتألف من شقين
1- انه راح يعطي فرصه للاعبين الشباب لملأ هاذي الخانه
2- انه ماراح يحضر ظهير محلي الا شهيل او معاذ لكن الشباب متمسك فيهم

طبعا انا برد عليك ياسمو الامير بوجهت نظري الشخصيه
شهيل ومعاذ طبيعي محد ينكر انهم لاعبين كبار في خانه الظهير
ووجهت نظر سموك ان مافي غيرهم بالدوري,,

طيب وين راح الرهيب
اداره الاتفاق صرحت بانها راح تبيع الرهيب اذا كان السعر موازي لامكانيات الاعب
يعني حنا نخسر الملايين على الاجانب في الهجوم, واذا جينا بأضعف مركز لدينا نبدا بشغل البخل, من سنتين والهلال خانه الظهير نقطه واضحه برحيل الدوخي الى ان اتى طيب الذكر لي يونق ليسد الفراغ مؤقتا
الحين لي يونق راح. من تتوقعون يسد الظهير؟ نامي مثلا

لاعبين الشباب اشوف انه بدري انهم يمسكون الخانه. الاولمبي مكانهم
قليلين خبره+ ارتباك+ راح يطيرون بالعجه ويكبر راسهم زي اي لاعب شاب ظهر بالنجوميه بسرعه واختفى
كل هاذي العوامل تأثر بلاعبين الشباب

الرهيب ماسك الخانه+ بديله الاعب الشاب شافي الدوسري ( يلعب بكلتا القدمين)
اول كنت اقول شافي راح يمسك الخانه بحكم مافي اي لاعب محلي يمسك الظهير بحكم ان انديتهم متمسكه فيهم
بس اداره الاتفاق قالت الرهيب بيترك النادي, صحيح ان عرض الرهيب مبالغ فيه. لكن مافيه الا هو عاد وش نسوي,, بنقعد طول الموسم على نامي... وشافي لاعب شاب زي ماقلت بدري عليه

فريقنا مكتمل عناصريا ماعدا الظهير الايمن وقلوب الدفاع( فيه تحفظ على الاخير)
اذا بغينا فريق هيبه طال عمرك لازم يكون مكتمل من جميع النواحي



اتمنى اداره بن مساعد تفكر بالرهيب ولاتغلق الموضوع بمجرد ان سعره غالي
واعضاء الشرف ماراح يقصرون بدعمهم للاداره
والله يوفق هلالنا باستمراره بحصد البطولات كل موسم


وهذا تويتر شبيه الريح يمديكم تطرحون الاسئله عليه كل يوم اربعاء وفيه تساؤلات كثيره تلقون لها اجابات في هذه الصفحه


Twitter








وعلى درب البطولات نلتقي




...

شكرا على الرفع

......

انااا اتمنى يعطووون الجممييع فررصه ووبس ؟


يعطيك العاافيه

ادارة الهلال تبي تجيب لاعبين محليين مميزين

مثل شهيل و معاذ

اما الرهيب فهو اقل من شهيل و معاذ بكثير

فـ اتمنى ان لا تجلبه الادارة الهـلاليه

حتى لا يكون زي صفقات الموووسم الماضي الغير موفقه

انا مو مقتنع بالررهيب

مادري سالفة متشعبة انا صراحة أشوف رايي من راي سمو الامير

الرهيب ما اضنه ينفع

تبي الصدق والله الامير معه حق .......مابقى الا الرهيب يلعب في نادي القرن

فيه اللاعب عبد الله الأسطا ..
منسقينه الشباب

.


من وجهة نظري يوجد غير معاذ وشهيل امثال :

الطريدي . الشهراني . الرهيب ..

وان شاء الله يتم جلب احد هالمذكورين ..

والله يكتب اللي فيه الخير

الرهيب؟
مع احترامي له اخطائه كثير ويخدمه بالاتحاد وجوود باولو جورج امامه دائما

عزيزي صاحب الموضوع

شهيل ومعاذ هم الافضل في هذا المركز
والرهيب لاعب جيد لكنني مع اعطاء الفرصه لسلطان البيشي
بتقول للحين وباقي صغير!
هو من قبل موسمين موجود ولعب الموسم اللي قبل اللي فات في كذا مباراه مع الاول
متى تبيه يآخذ فرصه .!!

إقتباس الرسالة الأصلية كتبت بواسطة lBRA والله ماندري عنك ياعبدالرحمن بن مساعد تصلح من هينا وتخرب من هينا ولا بالعقل المحياني يستبدل بالسلطان هذا الشي اللي ماينبلع ولا تمشششششششي كفايه عمر الغامدي لا واللي يقهرك لمى سئلو عبدالرحمن بن مساعد ليه ماتفاوض حسن معاذ ولا شهيل يقول يعني بالعقل البلطان بيفرط فيهم ياسمو الامير ، افعل ماكان يفعله بندر بن محمد ادخل مع الابواب الضيقه والمغلقه والكل فاهمني وش اقصد خشم الريال يخلي البلطان وغيره يفرط في لاعيبته مثل ما انت حاليا بتفرط فالمحياني بكل سهوله

اول شي الامير عبدالرحمن قال في موضوع المحياني
سنتحدث معه في مسئلة تجديد عقده ونحن حريصين على اللاعب
واذا رفض ورغب في الذهاب ليلعب اساسي في نادي آخر
سنبحث عن العرض الافضل للنادي وللاعب لانه بعد 6 اشهر يحق له الانتقال بدون الرجوع لناديه ويخسر الهلال وقتها !!
وبعدين قال ان فيه عرض مقدم له ( مبلغ مالي + لاعب ) وقالوا ان المبلغ 6 مليون
تقدر تقول اللاعب هذا جاي ببلاش !
يعني مو بس مقايضه مع لاعب استوعبت حبيبي !!!

,

بن مساعد اخطأت طال عمرك ..!
اجل ماتبي إلأ شهيل ومعاذ آنطر لين يجيك الربيع ..!
بأذن الله آبوفيصل يبحث عن الأفضل ..~

إقتباس طيب وين راح الرهيب اداره الاتفاق صرحت بانها راح تبيع الرهيب اذا كان السعر موازي لامكانيات الاعب يعني حنا نخسر الملايين على الاجانب في الهجوم, واذا جينا بأضعف مركز لدينا نبدا بشغل البخل, من سنتين والهلال خانه الظهير نقطه واضحه برحيل الدوخي الى ان اتى طيب الذكر لي يونق ليسد الفراغ مؤقتا الحين لي يونق راح. من تتوقعون يسد الظهير؟ نامي مثلا

اجل تقول لي سمو الأمير بخيل !!!!!!!!!

احنا كل ما انهزمنا في مباراة قلنا مشكلتنا اللاعبين ما عندهم روح ،، ولا يلعبون للشعار ومن هالكلام ..

الحين تبغانا نجيب لاعب لعب للإتفاق وبعدين راح للإتحاد ،، بعدين رفضه الإتحاد علشان الإتفاق يبغى في مبلغ كبير ، والإتفاق عارضه للبيع ،، وتبغاه يكون عنده روح واخلاص لشعار الفريق !!!!!؟؟؟؟؟؟؟؟

إقتباس والله ماندري عنك ياعبدالرحمن بن مساعد تصلح من هينا وتخرب من هينا ولا بالعقل المحياني يستبدل بالسلطان هذا الشي اللي ماينبلع ولا تمشششششششي كفايه عمر الغامدي لا واللي يقهرك لمى سئلو عبدالرحمن بن مساعد ليه ماتفاوض حسن معاذ ولا شهيل يقول يعني بالعقل البلطان بيفرط فيهم ياسمو الامير ، افعل ماكان يفعله بندر بن محمد ادخل مع الابواب الضيقه والمغلقه والكل فاهمني وش اقصد خشم الريال يخلي البلطان وغيره يفرط في لاعيبته مثل ما انت حاليا بتفرط فالمحياني بكل سهوله

احس انك تتكلم عن اخوك الصغير،،،،،،،،،، مو عن سمو الأمير عبدالرحمن بن مساعد ،، اللي قدم وقته وجهده وماله وتفكيره لخدمة الكيان الهلالي ...

ياخي شوية احساس باللي قاعد يسويه هالرجال ،،، وشوية تقدير له ،، ما نطلب منكم كثيييييييييييير ...

الرجال اجتهد وسوا اللي يشوفه فيه الخير والمصلحه للهلال ،،،،، وما قصر ولا اتوقع ان جهوده كانت نتائجها سلبية ...

الله يعطيك العافيه
والله يكتب اللي فيه الخير للزعيم يارب