ادارة الهلال تبي تجيب لاعبين محليين مميزين

مثل شهيل و معاذ

اما الرهيب فهو اقل من شهيل و معاذ بكثير

فـ اتمنى ان لا تجلبه الادارة الهـلاليه

حتى لا يكون زي صفقات الموووسم الماضي الغير موفقه

انا مو مقتنع بالررهيب

عز الله انه صدق ابن مساعد صدقوووني مافية الا معاذ وشهيل اما الرهيب ماقدر اقول الا لاتعليق وربي يوفقة بعيد عن الهلال

بالله ممكن تعلموني وش لاقين بالرهيب

ياجماعة الخير لاأوفرات زي العالم ولاتغطية ممتازة

أنا أشوف إن الفريق الموسم القادم بتكون عنده قوة هجومية نار ياحبيبي نار

بالنسبة للأظهرة ماأتمنى إلا إن كان شهيل أو معاذ مع إني أفضل شهيل

غيرهم راح يكون مجرد صفقات فاشلة زي ( العنقري - العصفور - الياس - مسفر - العبدالسلام )

إقتباس اتمنى يكون في الظهير الايمن (عبدالمطلب الطريدي) لاعب الاتفاق افضل من الرهيب باكثيررررررررررررررررر

ما اعتقد انه افضل من الرهيب
الطريدي كل يوم له نادي ومستواياته متواضعه

إقتباس والله اني منقهر والله ان فيه لاعبين بالحواري افضل من معاذ وشهيل ! بس وين اللي يفهم ..! شكراً لك ..

جميع لاعبين الانديه كانوا من الحواري

نتمنى نشوف احد الكشافه يدور لنا بالحواري ويجيب لاعبين صح

إقتباس يالبيه يا شهيل مجنون ايمن ايسر الي تبي اووف وربي لاعب كبير

شهيل لاعب كبير ما انكرنا ذا الشيئ. وصعبه يجي للهلال بحكم تمسك اداره ناديه فيه, وترا كل شي بالفلوس يمشي

إقتباس في رأيي الشخصي نامي أفضل من الرهيب

وجهت نظرك... واشوف انها غير صحيحه

إقتباس وشلون مافيه الا شهيل وحسن معاذ ..؟؟ ياسر الشهراني ليه مآتم جلـبه .. وهو راح يغطي الخانه ويخدم الهلال لـ كم سنه قدآم ..

الشهراني لو انه يفت كان ممكن نقول نلوم اداره النادي
بس لاعب فاشل بكل ماتحمله الكلمه من معاني
وسعره الان دبل سعره الحقيقي 5 مرات

إقتباس شكل تبون اللاعب يجي بغمضه عين بعض الناس ماتقدر جهود عبد الرحمن بن مساعد ونعطي الفرصه لـ نامي وسلطان البيشي لبى قلبك ياعبد الرحمن

يابن الحلال نقدر جهوده وعلى العين والراس
نامي له 3 سنوات فرصه . سلامات اي فرصه ذي
والبيشي رباط صليبي مرتين ورا بعض

إقتباس كلآمك عين آلصصوآب .. معقوله رآح نصبر على نآمي !!

لا والي يقهرك يقولون نبي نعطيه فرصه
فرصه 3 سنوات ... لاتعليق

إقتباس مادري سالفة متشعبة انا صراحة أشوف رايي من راي سمو الامير الرهيب ما اضنه ينفع

اجل نامي ينفع!

إقتباس كلام ابو فيصل صحيح اذا ماجابو شهيل ولاحسن يلعبون نامي والبيشي مع اني اشوف ان البيشي له مستقبل بالجهه اليمنى

نامي لاعب متواضع كم مره قلناها
والبيشي رباط صليبي ومافيه خبره

إقتباس ليه نجيب الرهيب وعندنا شافي الدوسري ليش ما يلعب في اليمين مثل شهيل

نجيب الرهيب ويكون احتياطه شافي الين ماينضج
شافي بدري الى الان يعتبر من الاولمبي

إقتباس الحين تصف رجل صرف (23 مليوم يورو ) على التعاقدات فقط بالبخل وتقول انا ماغلطت هذا نقد اجل لو بتغلط عليه وش بتصفه فيه !!!! الفرق بين عقلية ابن مساعد وبين بعض الجمهور انه مايبي يدفع في شي مايستاهل افهمواااا يعني لاعب ماتسوى قيمة مليونين ادفع فيه خمس طعش مليون وين العقل ترا الرجل مو لاقي فلوسه بالشارع واعضاء الشرف اللي قاعد تتكلم عنهم وين دعمهم ؟؟ اذا استثنينا فهد بن محمد والناقور وعبدالله ابن مساعد الباقي نايمين بالعسل بندر بن محمد الي كلنا نحبه ونفخر فيه لكن شوف عمله بالفئات السنيه قد سمعنا عن مدرب عليه القيمه تعاقد معه !! نادي زي الهلال يمكلك جماهيريه طاغيه المفروض مايحتاج يجيب لاعبين من انديه ثانيه ( لو ) عنده قاعده تعمل صح وبعدين الرهيب اللي تتكلم عنه مدامه الى هالدرجه لاعب فلته ليه ماجدد معه الاتحاد اذا كان يستاهل !! لو فيه خير ماعافه الطير بتقولي علشان المبلغ بقولك الاتحاد نادي غني ويقدر يدفع ضعف المبلغ بس لأن الرهيب فعلاً مايستاهل هذا غير ان الاعب مشهور عنه انه مدخن شره ( وهذا معروف انه مايعطيك كثير في المستقبل ) غير امور كثير عن شخصيته ماتناسب الهلال الاعب عادي جداً جداً ومطلوب فيه مبلغ خيالي بالنسبه لمستواه واي احد يفكر بعقل مايتعاقد معه الحل هو العوده لابناء الفريق فقط ليش ماياخذون فرصه لا تقول صغار مو كلام مقنع لأن العمر الصغير في كرة القدم يعطي افضل كل ماينقصهم الخبره وعمرها ماراح تجي وهم بالدكه ملاحظه انا ماراح ارد على وصفك لي بالسماجه ولا بقلة العقل اذا شبيه الريح ماسلم منك حنا بنسلم

ياخي وش تحسبه انت
اي فكر تفكر فيه

الي يسمعك يقول عبدالرحمن بن مساعد نبي من الانبياء لحد يتكلم عليه. ولا ملك من الملائكه
تراه بشر مثلي مثلك زي ماله ايجابيات له سلبيات. واحد سلبياته انه يدفع الملايين للاجانب, وبالمحلي يبدا شغل البخل
هذا الواقع ..

وانت كل موضوع تدخله شوي وتصيح ليه يتكلمون على عبدالرحمن الرجال سوا وسوا...الخ
دارين يخوك انه قدم للهلال ماقدمه ولا رئيس من قبله
بس حنا نشوف الي قدامنا ونناقشه

المره الجايه بنزل موضوع عن شبيه الريح وبقعد امدح فيه الين قبل عشان ترضى حبيبي
فكر ساذج!

الاسطا كويس والرهيب كويس بس الاسسسسسسسطا يطرب الي ما يطرب تكفون نبغى الاسسسسسسطا

انا ااوافق سمو الامير
انو نعطي فرصه لـ لنامي وسلطان البيشي وفهد السبيعي
وان شاء الله يثبتون انفسهم
لا تستعجل وانا اخوك
الله يوفقهم ان شاءالله ويوفق الزعيم
كل الشكر لك اخي الكريم

إقتباس مشكور اخوي على طرحك بس ماتحس انك مطفي النور مادري وش تحس فيه بعد كل الي سوته الاداره في طرحك و بعض التعليقات الي طالب الرهيب الرهيب والله انه اقل من امكانيات نامي اتمنا لهم الشفاء العاجل يارب والله ماقول الا الله يكون بعون الادارة عليهم

ياشباب طيب الاداره سوت الشيئ الكثير ماقلنا شي
ومافيه احد كامل ,, فيه اخطاء لازم تتعالج

إقتباس عز الله انه صدق ابن مساعد صدقوووني مافية الا معاذ وشهيل اما الرهيب ماقدر اقول الا لاتعليق وربي يوفقة بعيد عن الهلال

الرهيب افضل من الموجودين حاليا عندنا

إقتباس بالله ممكن تعلموني وش لاقين بالرهيب ياجماعة الخير لاأوفرات زي العالم ولاتغطية ممتازة أنا أشوف إن الفريق الموسم القادم بتكون عنده قوة هجومية نار ياحبيبي نار بالنسبة للأظهرة ماأتمنى إلا إن كان شهيل أو معاذ مع إني أفضل شهيل غيرهم راح يكون مجرد صفقات فاشلة زي ( العنقري - العصفور - الياس - مسفر - العبدالسلام )

اكيد الموسم الجاي راح يكون غير على الهلالليين باذن الله

والي ذكرتهم الاظهره , عندك الياس+ مسفر القحطاني
جميعهم كانوا مقدمين مستوى ومدري ليه الهلال تركهم

اما الباقين كانت فاشله

إقتباس انا ااوافق سمو الامير انو نعطي فرصه لـ لنامي وسلطان البيشي وفهد السبيعي وان شاء الله يثبتون انفسهم لا تستعجل وانا اخوك الله يوفقهم ان شاءالله ويوفق الزعيم كل الشكر لك اخي الكريم

نامي معطينه فرصته لمده 3 سنوات وكل سنه يثبت فشله
والبيشي رباط صليبي سنتين ورا بعض.. والسبيعي لاعب بدرجه الاولمبي وربي بدري عليه بكثير
الوحيد الي يمكن انه يمسك الخانه بعد الرهيب هو شافي لكن فيه تحفظ عليه بحكم عمره وقله الخبره

الرهيب معليش عندنا لاعبين افضل منه ,, لاعب اقل من عادي
سلطان البيشي مع نامي كلام ثاني وراح تشوفون باذن الله

معليش إذا ماجبنا معاذ او شهيل مانبي احد ثاني
الرهيب اقل من طمووح الهلال وافضل اننا نعطي نامي وشافي فرصة
ولا نشتري شهيييل
وكلام شبيه الريح في محله

عذرا الرهيب سيكون احتياطيا في الهلال
لانه لا يستحق ان يكون اساسي في الهلال ولا حتى مع الاحتياط
انا أؤيد ابن مساعد في كلامه
لا يوجد من هم افضل من اضهره الهلال ما عدا شهيل ومعاذ
وحرام ندفع في الرهيب ريال واحد

صدق شبيه الريح شهيل ومعاذ هم الافضل

لكن الرهيب كان مستواه افضل ايام لعبه في الاتفاق قبل الاتحاد لكن عندما لعب مع الاتحاد هبط مستواه بشكل واضح

انا معاك ان عندنامشكله بالظهير الايمن
وانا اظم صوتي لصوت شبيه الريح
من وجهة نظري ما اشوف ظهير ايمن محلي افضل من الاعبين اللي بالهلال الا معاذ وشهيل

لكن تقولي الرهيب اقولك معليش والله لو نجيب اي لاعب واعد ممكن يخدمنا بعد موسم او اقل اذا اعطي الفرصه

وبعدين انا اشوف ان المفروظ نوقف مع جميع الاعبين اللي يحملون شعار الزعيم حاليا
ونقف بجانبهم ونازرهم

وما يدريك يمكن المدرب الجديد يلقى حل للمشكله

موضووع رائع فعلا ..

من وجهة نظري اذا البلطان مو راضي يفك الشهيل او معاذ ..

وانا سمعت فيه مفاوضات مع محمد مسعد ظهير الاهلي ..

مانبي نستمر بالمطالبات المبالغ فيها ونزيد الضغط على ابو فيصل ومن معه

في ظل التفاهم بين الادارتين الهلاليه والرائديه في اكثر من صفقه

واخرها المهاجم وليد الجيزاني ..

ليه ما نجيب "ابراهيم شراحيلي" ؟؟ ياما جمهور الفقر طالبوا برجوعه ولم يفعلوا

انا اطالب ابو فيصل ب شراحيلي ..

إقتباس الرهيب معليش عندنا لاعبين افضل منه ,, لاعب اقل من عادي سلطان البيشي مع نامي كلام ثاني وراح تشوفون باذن الله

منهم الاعبين الي افضل منه؟ البيشي قلنالكم رباط ونامي مافي امل يتطور

إقتباس معليش إذا ماجبنا معاذ او شهيل مانبي احد ثاني الرهيب اقل من طمووح الهلال وافضل اننا نعطي نامي وشافي فرصة ولا نشتري شهيييل وكلام شبيه الريح في محله

كل مابغينا نجيب لاعب قلتوا مو قد الطموح!
يعني نامي قد الطموح الان؟
اتركوا العاطفه وانا متاكد اكثر الي مايبون الرهيب اذا ماكانوا كلهم بسب مشكلته مع ياسر

إقتباس انا معاك ان عندنامشكله بالظهير الايمن وانا اظم صوتي لصوت شبيه الريح من وجهة نظري ما اشوف ظهير ايمن محلي افضل من الاعبين اللي بالهلال الا معاذ وشهيل لكن تقولي الرهيب اقولك معليش والله لو نجيب اي لاعب واعد ممكن يخدمنا بعد موسم او اقل اذا اعطي الفرصه وبعدين انا اشوف ان المفروظ نوقف مع جميع الاعبين اللي يحملون شعار الزعيم حاليا ونقف بجانبهم ونازرهم وما يدريك يمكن المدرب الجديد يلقى حل للمشكله

وجهت نظرك تحترم

واعتقد مالها حل الا انك تجيب ظهير محلي ومافيه غير الرهيب

إقتباس عذرا الرهيب سيكون احتياطيا في الهلال لانه لا يستحق ان يكون اساسي في الهلال ولا حتى مع الاحتياط انا أؤيد ابن مساعد في كلامه لا يوجد من هم افضل من اضهره الهلال ما عدا شهيل ومعاذ وحرام ندفع في الرهيب ريال واحد

بلاش شغل هياط يازعماء
الرهيب لاعب متمكن وكل واحد فيكم في قناعته الداخليه متاكد من هالشي بس الدعوه مكابره

إقتباس موضووع رائع فعلا .. من وجهة نظري اذا البلطان مو راضي يفك الشهيل او معاذ .. وانا سمعت فيه مفاوضات مع محمد مسعد ظهير الاهلي .. مانبي نستمر بالمطالبات المبالغ فيها ونزيد الضغط على ابو فيصل ومن معه في ظل التفاهم بين الادارتين الهلاليه والرائديه في اكثر من صفقه واخرها المهاجم وليد الجيزاني .. ليه ما نجيب "ابراهيم شراحيلي" ؟؟ ياما جمهور الفقر طالبوا برجوعه ولم يفعلوا انا اطالب ابو فيصل ب شراحيلي ..

ماعندي اي مشكله يجي ظهير . لانه مهما كان سيئ راح يكون افضل من نامي

وشراحيلي لي تحفظ عليه لكن يبقى افضل من نامي