إقتباس اجل تقول لي سمو الأمير بخيل !!!!!!!!! احنا كل ما انهزمنا في مباراة قلنا مشكلتنا اللاعبين ما عندهم روح ،، ولا يلعبون للشعار ومن هالكلام .. الحين تبغانا نجيب لاعب لعب للإتفاق وبعدين راح للإتحاد ،، بعدين رفضه الإتحاد علشان الإتفاق يبغى في مبلغ كبير ، والإتفاق عارضه للبيع ،، وتبغاه يكون عنده روح واخلاص لشعار الفريق !!!!!؟؟؟؟؟؟؟؟

انت قريت الموضوع كله؟

انا قلت ندفع للاجانب الي بالهجوم الملاليين... وبيوم جينا باضعف مركز صرنا بخيلين
ركز بكلامي

إقتباس صدق سمو الأمير .. حسن معاذ و شهيل ............. وأضيف عليه ( الطريدي ) وإلا .. فـ نامي أفضل

الطريدي لاعب متواضع وشيب الرجال خلاص

مع ذلك الطريدي افضل من نامي

إقتباس خيــــــر وسيله للدفاااااااااااااع هو الهجووووووووم جيبوووووووا بس ايماااااااانا خلف العربي والكووووووري وخلوااااا احد يتجرأ وويطووووووط عند دفاعنا تلقوووووووووون ابو نااااااامي يسرح ويمرح ماااااااااااعنده احد جيبووووووووا بس هالاسمرااااااااااني اللي يلمع وشوفووووووووووا ؟؟؟؟

صحبح كلامك

الاتحاد حقق اسيا مرتين ورا بعض ودفاعه الصقري وفلاته

بس مب نغفل الدفاع لهذي الدرجه

إقتباس وين راح ياسر الشهراني يلعب ضهير ايمن وايسر

الشهراني لاعب مطيرينه بالعجه وسعره اغلى من سعر الرهيب

إقتباس انا ماقارنت ولا يوجد في كلامي مايدل على ذلك .! عبدالعزيز الدوسري لاعب وسط ويلعب في مركز يلعب فيه اكثر من لاعب افضل منه ومع ذلك لعب اساسي وغاب بسبب الاصابه لفتره طويله لكن سلطان البيشي يلعب في مركز الظهير وهو ما جعلك تكتب هذا الموضوع مركز نعاني منه ونريد جلب لاعب في هذا المركز ومن ضمن الاسماء التي يطالب بها الجمهور ( ياسر الشهراني) وهو لاعب مميز لكنه لاعب شاب !!! البيشي لاعب لايختلف احد على موهبته ويلعب اساسي في المنتخب الاولمبي اعتقد ان زمن (اللاعب باقي صغير) انتهى الان نحن في زمن الاحتراف والموهبه وجميع دول العالم تتيح الفرصه للشباب ولايوجد اي لاعب بدأ وهو كبير المسئله ومافيها متى ما اعطيتني فرصه سأثبت لك اني كفؤ وسأحجز لي مكاناً اساسياً بالتوفيق للهلال ولك ..

البيشي جايه رباط مرتين ورا بعض... حنا نعرف الاعب اذا جاه رباط خلاص يكون انتهى الا من رحم ربي
هذا رباط مرتين ورا بعض
وش تتوقع منه؟

إقتباس تقولي اجل نتقي الله لآن قلنا نامي مقارب لمستوى الرهيب و انا اقولك اتقي الله في نفسك و لا تنزل مواضيع ما تقدم و لا تآخر جاي تقولي الرهيب اجل هذا لاعب ما يستاهل يلعب في الهلال و مثل ما قالو الآخوان مستواه في تراجع معع كل موسم و بعدين اخلاقه زفت و ما يشرف الهلال لآن اللاعب اخلاق قبل ما يكون موهبه و بعدين خف على الآخوان جالس تتهجمهم يعني لا تزعل من ردي هذا لآن نفس اسلوبك محبتي الشـــــآادي

اخوي الرهيب كان ماسك خانته بالاتحاد صح
واتذكر ايام نهاىي اسيا الاتحاد وبوهانج
الجماهير الاتحاديه ارجعت الخساره بسبب ان الرهيب غايب . دليل انه لاعب مقدم مستوى.. ولك في كاس الخليج الي راحت. كيف كان مستواه؟

بعدين انا متاكد 100% ان اكثر جماهير الهلال ماتبي الرهيب بسبب مشكلته مع ياسر
يااناس الحين اذا لاعبهم تطاق مع لاعبنا يصير فاشل!

وماعليش ياخوي يمكن اني تحمست شوي , مع اني ماغلطت على حد في الردود السابقه

إقتباس بعض الردود شر البليه مايضحك !! اللي يقول تصلح من جهه وتخرب من جهه واللي يقول انطر الين يجيك الربيع خير ياشباب الى هالدرجه ماتستحون ع وجيهكم الرجال يدفع بالملاين باليور ويطامر من ديره لديره والشباب تاكين ورا اجهزه ويبربرون يعمي اطلع من مخي بسس

اخوي الموضوع نقاشي
مب اطلع من مخي وسواليف مدري شتبي

الرجال صحيح يدفع ملايين وخسر كثير بس ماننسى انه فرط بملايين كانت بالجيب
الكعبي والبرقان تركهم ببلاش.. اي منطق هذا؟

البرقان السنه الي فاتت راح ببلاش(هديه) للاتفاق بنظام الاعاره. والسنه ذي تركوه ببلاش نفس الطريقه
يعني كانت معه فلوس بالجيب وضيعها.. ماننكر قدم للهلال الشيئ الكثير بس ماننسى انه فرط بفلوس بعد

حسن معاذ راح يجي اذا مو الحين

وقت دخوله الـ 6 شهور

الرهيب فاشل وشوفوا نكبة المنتخب بكاس الخليج ومع الاتحاد كان معاه المولد يغطي عيوبه

بالعكس أنا اتفق مع الأمير عبد الرحمن بن مساعد ,, إذا ما قدرنا نجيب معاذ أو شهيل
فـ الأفضل أننا نعتمد على شباب النادي ,, ما راح نلقى أفضل منهم ..!

مشكور

الرهيييييييييب ؟؟ ماادري كيف انتوا مقتنعين فيه !!!

الـصـرآآحه اللآعبييين الممتازيـن في خانة الظهير في المملكه ينعدون بالأصابع

مشكور


الله يعطيك العافيـه مآ قصرت كفيت ووفيت



لا خلا ولا عدم

ادارة الهلال تبي تجيب لاعبين محليين مميزين

مثل شهيل و معاذ

اما الرهيب فهو اقل من شهيل و معاذ بكثير

فـ اتمنى ان لا تجلبه الادارة الهـلاليه

حتى لا يكون زي صفقات الموووسم الماضي الغير موفقه

انا مو مقتنع بالررهيب

عزيزي الاخ الخالدي مانبي معاذ وشهيل لانه ماراح يفرط فيهم اي فريق لكن يعطونا صالح القميزي ظهير ايمن منتخب الشباب وعليه مبلغ وبالعافيه عليهم المحياني ليش نجيب مهاجم بدل مهاجم تقبل اختلافي

مانبغى شهيل ومعاذ


بس فيه عبدالمطلب الطريدي مبدددددددددددددع وصغير بالسن وعندك ابراهيم شراحيلي وسهل يأتي بحكم العلاقة الجيدة مع الرائد

ترى معطين الرهيب اكبر من حجمه ولا ننسى تصريحه قبل موسمين (الهلال لا يرضي طموحاتي) والسنه الي فاتت (اريد ان اعتزل في العميد) الاعب ما يبيبنا

إقتباس يعطييك آلعآفيةة آلصرآحة آنآ آخآلفك آلرآي , آلرهيب وشو يسوي لك آشوف شآفي آفضل منه بنوآحي

طيب ناخذ برايك .. الرهيب اساسي وشافي احتياط
لان شافي مازال مستواه في تطور اذا بنشركه بهالوقت راح نقتله

إقتباس عبدالرحمن بن مساعد والله يبي يروح كل تعبك وتعاقداتك مع الاعبين الاجانب بسبب( نامي) ووالله ياشبيه الريح لاتضيع عليناء اذا طموحك اسياء لازم يجينا لاعب محلي ضهير يمين لو تدفع كل الي وراك ودونك لانه هي نقطه ضعف الهلال

لا ان شاء الله مب ضايعه
احد اعضاء الشرف يتكفل بصفقه نامي ونكون له من الشاكرين
واعضاء الشرف مب مقصرين

وزي ماقلت انت الظهير الايمن هي نقطه ضعف الهلال حاليا

إقتباس اخوي عبد الله الاسطا ظهير ايسر بالنسبة للموضوع الهلال لاخوف عليه باذن الله دعوا ل ابو فيصل القياده واستمتعوا بالرحله مشكور اخوي على النقل

الهلال لاخوف عليه باذن الله بوجود رجال ماسكينه.. لكن لو تفكر اخوي لي يونق كان مغطي الخانه مؤقتا والان من يغطيها
شبيه الريح يقول بنعطي للشباب فرصه
اي فرصه ياطويل العمر وانت بتقتل موهبتهم بدري+ مستواهم مازال في تطور وماوصلوا قد الطموح

إقتباس حسن معاذ راح يجي اذا مو الحين وقت دخوله الـ 6 شهور الرهيب فاشل وشوفوا نكبة المنتخب بكاس الخليج ومع الاتحاد كان معاه المولد يغطي عيوبه

كلامك عار من الصحه
الرهيب افضل لاعب بكاس الخليج من ناحيه المستوى وحتى الحماس تشوفه يتقطع بالملعب
ومع الاتحاد مقدم افضل مستوياته والدليل انه استمر لعامين متتالين ولولا سعره الباهض كان استمر للسنه الثالثه

إقتباس اول شيء اخي الخالدي ..انا اوافقك ان الامير عبدالرحمن اخطأ في اعتقاده انه ليس هناك الا شهيل ومعاذ مستحيل يكون في بلد كبير كالمملكة العربية السعودية لايوجد بها اظهره يسدون ! لكن لفت نضري قولك شافي الدوسري .. طبعا انت تعرف ان الظهير يجب ان يجيد الدفاع والهجوم ..ويساعد الوسط .. هل رئيت لعب شافي ورئيت قدراته الهجومية جيدا ..وكم مره يهجم وهل له مهارات ممكن يقوي جهة الظهير ... الذي نريده لاعب متكامل يحي الاطراف هجوميا ودفاعيا يحييها ... انا راقبت شافي ووجدت فيه انه ضعيف هجوميا ..يعني لايملك قدرات كبيره هجومية يستطيع ان تستفيد منه في الظهير ...ورئيته يشد ( اكثر من مره ) في تجاوز فردي من خصم لم يكن بذاك الصعوبة ...وخذها مني ان رئيت مدافع يكثر المسك ( يكثر المسك ) ( ولايقطع كور كثيره ) فعرف دايركت انه لايصلح ان يكون مدافع يعني بيورطك كثييير خاصة في المباريات الصعبة .. وعليك بالنسب في مسئلة القطع والمسك عشان تقرر مدى تواضعه الفني .. يعطيك الف عافيه على الموضوع الي حقيقة يناقش مشكله كبيره في ابن مساعد لم يلحضها كثير من النقاد ..وهو انه يعتمد على ( ارآء ) اشخاص لا اعرف من هم قتلو الترميم المحلي في الهلال قتلوه : بقولهم لايوجد لاعبين محليين في مستوى الهلال ؟؟!! ....لنا ثلاث سنوات ونحن اقل الاندية جلبا للمحليين ..يقول الامير عبدالرحمن : ساهتم ان اجعل للهلال صفين لايختلف الاول عن الىخر في المستوى ..اين يمكن ان نأتي بفريق آخر مثل الاساسي مادمنا نعتمد على قاعده مهترئه كما صرح الامير عبدالله ولمح الامير عبدالرحمن بنفسيهما بذلك ... ثم لا نجلب محليين لنا ثلاث سنوات ؟؟؟ كيف ؟؟ المشكله كلها تقع في ضعف القدرة على التقييم ولهذا يخافون من الفشل

حياك اخوي المجهر

الاعب الكبير يظهر في المباريات الكبيره
انت شف مباره الاتحاد بالدوري الي انتهت بالتعادل السلبي
شفت كيف قطع كور؟ شفت كيف يسلم ويستلم

ولاتنسى ان الاعب مازال في تطور ويلعب للاولمبي

اما بخصوص كلامك شبيه الريح ياخذ اراء ناس اشوف انها طريقه صائبه.. تماشيا مع المقل ( ماخاب من استشار)
لكن مب اي واحد يسال... صحيح فيه ناس عبوا راسه قالوا ان الهلال جميع عناصره المحليه الافضل بالدوري وهذا غير صحيح

إقتباس اخوي انت تحسب الامير تنكب عليه الملآييين !! بعدين الرهيب من يبي ، يبي له 20 مليون !! وماتوقع انه يستاهل هالسعر لو اقل انا اول من يقول تعال !! بس ليه 20 مليون اعطي فرصه لـ لاعبين الشباب الي عندي ومشكور ع الموضوع :$

الامير طاقته محدوده انا اتفق معك
لكن بامكانه يكلم اعضاء الشرف... وارجع لردودي السابقه وتقتنع,, الامير يفرط بفلوس بالجيب يعطي الانديه الثانيه لاعبينا بلاش ( يقالك عشان رابط الاخوه والترابط بين الناديين)
واذا 20 مليون غاليه بوجهت نظرك... شف سعر الاعبين الاجانب الاغلى بالخليج وباسيا

إقتباس بالعكس أنا اتفق مع الأمير عبد الرحمن بن مساعد ,, إذا ما قدرنا نجيب معاذ أو شهيل فـ الأفضل أننا نعتمد على شباب النادي ,, ما راح نلقى أفضل منهم ..! مشكور

انت نفس كلام الامير
الرهيب وكامل المر وكامل الموسى جميعهم افضل من الي عندنا.. بس نظام مهايط ماراح يفيدنا ياخوي فكر بعقلك قبل عاطفتك

إقتباس وش المششششكله ؟ تعتبر وجهة نظر الأمير وتحترم

مافيه اي مشكله وجهت نظره قابله للصواب والخطا
وانا رديت عليه بوجهت نظري القابله للصواب والخطأ ايضا

بالاخير هو نقاش لايفسد للود قضيه

إقتباس اللي يقول نامي أفضل من الرهيب أو إن نامي موهبة أو مقتنع بنامي و يقول عطوه الثقة .. ما أدري يمزح و إلا يتكلم من جد .. و إلا المسألة عناد بس .. نامي و البيشي و السبيعي ما راح يسدون الخانة .. معاذ و شهيل و الرهيب هم أفضل الأظهرة .. و لا في أي ظهير أيمن غيرهم يستطيع إنه يسد الخانة في فريق كبير زي الهلال .. واحد منهم متاح اللي هو الرهيب .. معناها المفروض نستغل الفرصة الذهبية و نخطف اللاعب و نرتاح .. شاكر لك أخوي كاتب الموضوع .. أنا تعبت من كثر ما تكلمت عن الظهير اليمين .. بس فيه ناس ما تبي إلا معاذ أو يجلسون على نامي .. خلهم يستمتعون بنامي إذا لعب .. بس لا أشوف واحد منهم يطالب بالآسيوية ..

+1

لو ترجع للمواضيع بعد مباره اتحاد الثلاثيه الاخيره
جميع المواضيع تطالب بظهير خاصه بعد تاكد رحيل لي يونق
والان انقلبت الايه!

لنا سنوات وهي نقطه ضعف وسدها لي يونق والان رجعت لنا مره اخرى
يعني حنا مانستفيد من اخطائنا؟

لا ان شاء الله راح نجيب الاسيويه وراح يجينا ظهير باذن الله.. اهم شي نخلي شغل المكابره ونفكر بعقولنا

إقتباس انا ابي افهم بس من حضرتك على شان تكلم شبيه الريح بهذا الاسلوب وش قدمت حضرتك من دعم جالس تبربر ورا الكيبورد بدون احترام لرجل قاعد يصرف ملايين ومضيع وقته وصحته علشان يخدم الهلال وتجي حضرتك. تتكلم عليه بهالشكل النقد له طريقته واسلوبه وانا مااشره عليك وعلى صاحب الموضوع اللي يتكلم عن (بخل ) شبيه الريح اذا كل هالملايين اللي يصرفها وهو يبخل على الزعيم اجل لو هو كريم وش بيسوي انا اشره على الاشراف المفروض المواضيع الي ماتحترم الاداره ماتنزل مع تحذير لصاحب الموضوع وايقاف عن الكتابه لفتره تحددها الاداره انا مع النقد لكل من يعمل في الزعيم حتى ابن مساعد بس باسلوب واحترام لمكانة الرجل واللي جالس يقدمه للزعيم كل التوفيق للزعيم ورجاله ولاعزاء للمندسين

اخوي مب عاجبك المووضوع اطلع محد غصبك تجي تزاعق هنا
عقليات متخلفه مع احترامي للجميع
ان لم تكن معي فانت ضدي!!

حنا انتقدنا باسلوب وجبلي كلمه اخطيت على شبيه الريح
مقدرين الي يسويه الامير على عيني وراسي لكن مافيه انسان كامل
فيه اخطاء لازم نعالجها,, سلامات تبي كل مواضيع القسم كفو شبيه الريح وتمديح فيه؟؟؟؟؟؟؟؟؟؟؟؟

زي ماقلت ان بن مساعد يدفع الملايين للاجانب واذا جينا لاضعف خانه حنا فيها بدينا بشغل البخل
ماشوف فيه انتقاص لحق الامير

يقولون ليه مانتطور وعندنا هالعقليات السامجه!

إقتباس عزيزي الاخ الخالدي مانبي معاذ وشهيل لانه ماراح يفرط فيهم اي فريق لكن يعطونا صالح القميزي ظهير ايمن منتخب الشباب وعليه مبلغ وبالعافيه عليهم المحياني ليش نجيب مهاجم بدل مهاجم تقبل اختلافي

اول شي مشكور على اخلاقك والاختلاف بالرأي لايفسد للود قضيه
مب زي الي فوقك ناس عقلها صغير حتى شي اسمه احترام ماتعرف

ثانيا
الشباب ممكن ماراح يفرط فيهم.. لكن كل شي يمشي بالفلوس طال عمرك
صالح القميزي ماقد شفت له مباره ومقدر احكم عليه

وسالفه المحياني اتفق معك فيها , لكن المحياني هو الي يريد الرحيل وهذا شي مب بيد الاداره

إقتباس مانبغى شهيل ومعاذ بس فيه عبدالمطلب الطريدي مبدددددددددددددع وصغير بالسن وعندك ابراهيم شراحيلي وسهل يأتي بحكم العلاقة الجيدة مع الرائد

عبدالمطلب الطريدي من سنه جدي يلعب؟
اذكره كان بالقادسيه من 5 سنوات بعدين راح للاتحاد
وانا ارفض فكره ابراهيم شراحيلي.. لكنه افضل من نامي

إقتباس كلامك عين العقل انا معاك في كل كلمه كتبتها نامي ما هو شين لاعب مجهود يقدم كل ما عنده بس الناس المطبلين مو عاجبهم هالولد

ياطويل العمر ارجع لاهداف الهلال الموسم ماقبل الماضي بوجود نامي كاساسي
كل النكبات من عنده,, لاعب خلقي ماقلنا شي بس مب نجامله على حساب الهلال؟

إقتباس ترى معطين الرهيب اكبر من حجمه ولا ننسى تصريحه قبل موسمين (الهلال لا يرضي طموحاتي) والسنه الي فاتت (اريد ان اعتزل في العميد) الاعب ما يبيبنا

لا ماقال كذا
قال (عرض الهلال لايرضي طموحاتي) وقتها الهلال مقدم مبلغ زهيد لاستقدامه

وكلامه اريد اعتزل بالعميد كل الناس قالوها
زيه زي هوساوي زي التايب وجميعهم والاخير رحل وهوساوي على وشك الرحيل