خسارة والله.. كان ودنا في هالوقت بالذات انتابع أخبار الهلال عبر قناة الزعيم اللي راح تفكنا من عوار الراس اللي حنا فيه.. مو من حقنا ولا لا؟؟ - نادي الهلال السعودي - شبكة الزعيم

E×××p_Ert · #1 25/07/2011, 06:24 PM

بصراحة مدري لي متى وحنا نقعد اندور في هالمواقع..

شي صادق وشي كذاب.. وشي يدور الصعود على أكتاف الهلال.. وفيه اللي يدور لهف جماهير الزعيم ورى ناديها..

ولا إنتظار بعض البرامج الصيفية.. اللي تذكرني ببعض بيوت الشباب الصيفية من أول.. تفتح يوم وباقي الإسبوع إجازة.. واذا قلت لهم ليش؟؟ قالوا لك حر ياشيخ.. طبعا والوضع تغير كثير الحين في بيوت الشباب الحين..

ولكن وضع نادينا مع قناة الزعيم للحين ما تغير.. للحين إنتظار.. يعني بصراحة لو كانت للهلال قناة خاصة فيه.. تنقل أخبارهـ أول بأول..

العاجل يكتب عليه عاجل.. والحصري يحطون عليه خبر حصري.. ناهيكم عن متابعة معكسر الفريق اللي هالأيام هذي توهـ يبدا.. ووين بألمانيا..

يعني بس لو تنقلنا القناة صور خارجية للفندق اللي يسكنه الفريق.. والله تسوى كثير..

قولوا لي انا صح ولا غلط في كلامي؟؟ سمعنا كثير عن قناتنا.. ولكن للأسف.. ما استجد شي غير الإنتظار..

والله الأهلي المصري موب زايد عن الهلال في شي.. بصراحة شي يقهر الهلال أول نادي عربي تنشأ له قناة خاصة..

وآخرتها يقلبونها تعارف وغزل.. وفي الأخير صفت لباقي الأندية كلها..

متى يا إدارة الهلال.. متى ياحكيم الهلال.. متى نشوف قناة خاصة بالهلال وبس..

أخبار الهلال.. عاجل الهلال.. تدريبات الهلال.. إنجازات الهلال.. نجوم الهلال.. رؤساء الهلال.. تعاقدات الهلال..

تكفون جمعوها كلها وحطوها لنا في قناة وحدة.. مانشوف غيرها.. عجلوا علينا الله يخليكم..

فلكل مقام مقال..