23/07/2011, 06:00 AM
|
| زعيــم فعــال | | تاريخ التسجيل: 24/05/2004
مشاركات: 306
| |
|
معليش سمو الأمير.... ممكن سامي تعال
بسم الله الرحمن الرحيم
السلام عليكم ورحمة الله وبركاته,,,
أول شئ أحب أشكر سمو الأمير عبدالرحمن بن مساعد والعقل الأستثماري سمو الأمير عبدالله بن مساعد وجميع أعضاء مجلس الإدارة على كل هالجهود التي بذلت من تعاقد مع مدرب توماس دول واللاعبين عادل هرماش ويوسف العربي و يو بيينغ سو الكوري إذا اجتاز الفحص ان شاء الله انهم يكونون دعامه قويه للفريق
والشئ المهم أتمنى إن هالكلام يوصل للأمير عبدالرحمن ابو فيصل و لـ سامي الجابر سمعنا أن ولهامسون بيروح لنادي اماراتي او قطري وانه فيه فريق ايفان الفرنسي يفاوض ولي وان الإدارة تفاوض لاعب افريقي مركزه صانع ألعاب من وجهة نظري المتواضعة أشوف أنه أكبر خطأ اننا نفرط بولهامسون لأنه جبهه هجومية كامله لاعب يشيل لك الجهة اليمنى لحاله لاعب سريع ومهاري ويكفي أنه أكثر لاعب صنع أهداف بالموسمين الأخيرين بفريق كبير زي الهلال على الرغم من التواضع الهجمومي للفريق ومع ذلك الرجال يحب الفريق ومرتاح نفسياً ومتجانس مع الفريق واللي يقول ولي انعرف لعبه هذي اسطوانه مشروخه اذا انعرف لعبه ليش ما أحد قدر يوقفه .... بكل بساطه
أما بخصوص مركز صانع الألعاب أنا أشوف أن الهلال محتاج صانع ألعاب وصانع الألعاب موجود بالفريق وقادر أنه يشيل صناعة اللعب .... زمان أيام ماكان سامي الجابر يلعب نزل مستوى سامي ولما يلعب تكون الرقابه عليه شديدة فكان سامي يرجع وراء ويصنع اللعب اللي ابي اقوله عندنا ياسر القحطاني ليش مايكون صانع لعب
ياسر باصه حلو ودقيق ومهارته ممتازة وكنتروله افضل كنترول ويكون بعيد عن الضغط يعني بدل مايكون ياسر احتياط ونخسر نجم ليش مايتم تدريبه ويكون صانع لعب حقيقي خصوصا انه مهاجم ويفهم المهاجمين واتوقع لو يأخذ فرصة لو بالمباريات الودية وإذا مانجح يجلس احتياط الله لايهينه وفيه الشلهوب والعابد والفريدي وفترة التسجيل الثانية يختار المدرب يايبقى ولهامسون او يروح ونجيب صانع العاب
ونصير كسبنا ولهامسون موجود معانا ومركز جديد لياسر
نقـــاطــــــ
# أتمنى وجود مستشار فني للمدرب وللاعبين يعني ينبه المدرب عن شغالات فنية ينبه مثلاً احد اللاعبين عن تحركاته من دون كوره داخل الملعب يعني يطور من مستوى اللاعبين من بعيد لبعيد
# أتمنى ياسمو الأمير أن تتعامل مع جميع اللاعبين والمدرب بنظام النقاط والتقييم عشان يكون حكمك بالأرقام زي ماهو متبع ببعض الدول الأوربية يعني الفريق فاز وبمستوى ونتيجة المدرب يستحق 10 من 10 وكذا كل مباراة تقيمه ويكون التقييم هو الدافع للمكافآت وغيره ونفس الكلام اللاعبين الاجانب والمحليين يكون المستشار الفني يقيمهم عشان اي نجم ينزل مستواه يجلس احتياط والله لو هو سامي الجابر بعزه 
# الظهير اليمين مشكلة كبيرة وأتمنى اشوف اي لاعب ماعدا محمد نامي مع احترامي له مايستحق ان يكون ضمن تشكيلة الهلال الاساسية اتمنى اشوف سلطان البيشي او حسن خيرات او عبداللطيف الغنام او اي اسم من الاولمبي.
# أتمنى تفهمون اللاعبين انه بكل مباراة نبغى نشوف روح الفريق.
# اتمنى ان موسمنا يكون ناجح بكل المقاييس والله مقدرين تعبك يابو فيصل انت ومجلس الادارة كامل. |
الوضع الشجري
