28/07/2011, 10:20 PM
|
| زعيــم مميــز | | تاريخ التسجيل: 01/05/2005 المكان: CIBELES MADRID
مشاركات: 2,252
| |
السلام عليكم
مبروك افتتاح الرابطه الجديده والله يعين الرئيس والنائب على مهمة ادارة الرابطه وان شاء الله يكون موسم افراح
بعد المباريات الوديه عندي ملاحظات مبدأيه على الفريق وسطنا كونتراو مجتهد وعاجبني لكن اشوفه صعبه يكون
شريك لألونسو , ابدا غير مناسب لها المركز بإنتظار الحلاق شاهين بأسرع وقت متحمس كثير له ومتأكد بيحجز مركزه اساسي
كونتراو ممكن يكون مبدع اكثر في خطة 4 - 3 - 3 اعجبني فيه قدرته على اللعب في الطرفين بالاضافه لمركز الظهير
يلعب وسط ثالث برضه ممكن لكن كمحور ثاني واضح من تحركاته ماعنده فطرة اللاعب المحور ومايقرأ اللعب زين . .
كاليخون مازال ما اظهر اللي عنده , الى الان في الوديات يعتبر لاعب كلاسيكي جداً
في مباراته ضدنا مع اسبانيول ترك انطباع حلو عندي , لاعب مراوغ وقلق وكثير حركه ومزعج لأي دفاع
و يعمل جبهه في الجهه اليمين لحاله , لكن الى الان مع الريال ماشفت منه هالشيء , مجرد لاعب كلاسيكي تكتيكي
ان شاء الله مع الوقت يظهر اللي عنده ويكون صفقه ناجحه . .
للأسف كاكا مازال غير مقنع لكن نقول لعّل وعسى يقدم شيء يخلي الصحافه والجمهور يرجع يوقف معه من جديد
بدل من التصاريح اللي ماتفيد باقي للريال اكثر من مباراة تحضيريه لازم يسوي شيء يدعمه لـ بداية موسم جيد
عودة كاكا الحقيقي كاكا ميلان كاكا السوبر مستحيله لكن كل اللي اطلبه من كاكا هو انّه يكون لاعب مفيد فقط لا أكثر . .
هيجوايين و بنزيما نحسد عليهم ومثل ماقالوا الشباب اقويرو مايختلف عنهم , هجوم بطل بإنتظار تطور اكثر منهم هالموسم , توهم صغار في السن
وكل موسم المفروض يكون افضل , بنزيما لمسته على الكوره ساحره تفاهمه مع رونالدو رهيب كريم على اسمه
و متعاون مع الفريق , كنت اشوف في كريم ضعف كبير من ناحية الجرأه . .
كريم ينقصه الجرأه والثقه في نفسه , لكن الموسم الماضي من مباراة ليون الى الكلاسيكوهات قدم مباريات
كبيره , صحيح المحك الحقيقي غاب عنه او ما وثق فيه مورينهو وركنه في الدكه لكن المفروض يكون الرد
من بنزيما هذا الموسم , وهو يعتبر افضل موهبه في فرنسا حاليا و افضل مهاجم موعود في المستقبل . .
هيجوايين فيه ميزه الجرأه عكس بنزيما لكن احيانا يكون اناني بـ زياده , الانانيه مطلوبه في المهاجم لكن المفروض
ماتتعارض مع التعاون , يعني هيجوايين احيانا يستلم الكوره ومعه 2 من زملائه ضد 3 مدافعين
هيجوايين في هالحاله يحاول يناول زميله بطريقه تخليه يرجع الكوره له عشان هو يسجل مع انه يقدر
يمرر تمريره تخلي زميله في مكان مناسب للتسجيل < اتمنى وضحت الفكره واكيد شفتوها فيه . .
المهاجم الاضافي اللي المفروض يكون مختلف عن بنزيما و هيجوايين بعد ماطار خيار اقويرو < الحمدلله
اتمنى يكون دروقبا او لاعب مشابه له (فورلان) لاعب خبير و مهاجم تقليدي , الاديب صحيح مكانه الغابه
وافضّل الاعتماد على الكونترانو موراتا عليه لكن اذا مورينهو يشوف فيه مواصفات خاصه ممكن تفيده
في بعض المباريات الخاصه (مثل مباراة توتنهام) مالنا الا نتمنى التوفيق له . .
تحياتي للجميع . |