13/08/2011, 10:34 PM
|
| زعيــم مميــز | | تاريخ التسجيل: 01/05/2005 المكان: CIBELES MADRID
مشاركات: 2,252
| |
الكلاسيكو من جديد , ريال مدريد هذي المره اكثر جاهزيه , برشلونه اكثر تماسك واكثر تفاهم
لكن الريال استعداده افضل وتشكيلته شبه كامله , عن نفسي اتمنى يلعب بيبي و خضيره مع ألونسو
في المحور بما ان راموس عاد من الاصابه , نحتاج نضرب برشلونه ونستغل نقطة ضعفهم الحاليه
وهي القوه البدنيه واللياقه , بوجود خضيره و بيبي في المحور وباندفاعهم البدني بنتفوق عليهم في النص بإذن الله
اتمنى برشلونه يركز على لعب كرة القدم ويترك التمثيل و الاعتراضات وتشويش الحكم , تشافي لاعبهم اعترف
بطرق التحايل اللي يستخدمونها واعتبرها ذكاء وحق مشروع لهم ! , برشلونه فريق قوي وما اظن يحتاج هالطرق
الملتويه خصوصا انهم يدّعون انهم فريق المتعه , في مباراة طرد بيبي كانت خطة برشلونه واضحه بالتمثيل
(بوسكيتش - بيدرو - الفيس - ماسكيرانو) والاعتراضات واخراج لاعبي الريال من طور كرة القدم . .
برشلونه في مباراة نهائي الكاس في الشوط الاول بالتحديد كان سيء والريال تفوق عليه لان البرشا كان يحاول
يبادر بالهجوم لكن تفاجىء بتكتيك الريال والاندفاع القوي والضغط الرهيب على حامل الكوره , في مباراة دوري
الابطال في البرنابيو بيب انتبه لها النقطه وما اندفع كثير وشفنا كثير لاعبي برشلونه يتناقلون الكوره في الخلف
ويلعبون على اخطاء الريال هذا غير اسلوب التمثيل واخراج المباراة من طور كرة القدم , كل هذي الاشياء خلت
برشلونه يتفوق على ارض الملعب بالمستوى , مورينهو حاول يصحح في الشوط الثاني وكان فيه بوادر تحسين
صار الريال يضغط اكثر في مناطق برشلونه , لكن الطرد الظالم افسد كل شيء . .
المتوقع الان برشلونه بيلعب بنفس اسلوبه في مباراة الابطال , لذلك اتمنى الريال يكثف ضغطه في مناطق برشلونه
اتمنى اشوف الهجوم + المحاور يضغطون من اول ثلث في الملعب على حامل الكوره , عشان كذا لازم يلعب بيبي محور
لانه افضل لاعب يضغط على لاعبي برشلونه بالاندفاع وبالقوه . .
تشافي مادري عن جاهزيته وهل بيشارك او لا , لكن اتمنى الثلاثي تشافي و ميسي و انييستا ماياخذون راحتهم
في الاستلام والتسليم اذا كانوا جمب بعض , لازم مورينهو يعمل خطه على افساد اي ثلاثيات بينهم , ولو اضطر
الفريق للفاولات الاحترافيه والضرب اللي مايسبب كروت . .
بالتوفيق لـ ريال مدريد وان شاء الله تكون بداية تفاؤل لموسم ناجح بإذن الله . .
حكيم كالعاده بطل |