السلام عليكم
شلونكم شخباركم شعب [ مدريد ]

هاردلك خسارة المو وكريستيانو في الالقاب الفرديه , وكذلك مبروكين الفوز على غرناطه ولو انه متأخره لكن تخبرون الاختبارات شالتنا شيل خخخ المهم بشرو كيف فريقكم في هالمباراة عساهـ مستعد احسن استعداد ؟؟!! ترا انا معكم مافيه حملة هياط شين نبي ننظم خخخ المهم كلنا صوت واحد يوم الاربعاء [ هلــآ مدريــد ] << ينتظر مباراة الدور القادم على احر من الجمر

بالتوفيق لكم قدام [ ملقا ]

واااااااااااااااااااهـ بس يازين الرقم وقسم بالله روعه يعطيك العافيه ادور على الصوره من زماااان
شخبارك وهب عساك طيب ؟؟ بخصوص الجائزة الذهبيه كم مره قلتها وراح ارددها الجائزه مالها معايير ابداًُ , وانما تعتمد على اصوات المدربين والكباتنه , واذكر صحيفة الماركا كشفت عن الاصوات التي وزعها الحارس ( ايكر كاسياس ) وكانت 3 اصوات للدون رونالدو , وصوتين لاوزيل , وصوت لميسي , ويوضح لنا الحين ان الجائزة مالها معايير تماماً ومثل ماقال واحد من الاعضاء انها مطابقه تماماً لجائزة ( شاعر المليون ) والتي تعتمد على لجنة التحكيم .. !!
ويكون في علمك يالغالي ترا ميسي السنه هذي سجل ( 55 ) هدف اوروبي و ( 57 ) هدف في العالم وهو هداف العالم وكذلك هداف اوروبا , طبعاً بغض النظر عن البطولات التي حققها في الموسم المنصرم , وكذلك التمريرات الحاسمه التي اهدى بها المهاجمين مناصفه مع اوزيل .. من الظلم القول بأن ميسي لايستحق هذه الجائزة , وبصراحه هو اللاعب الوحيد الذي من الممكن ان يحسم لك مباراة من هجمه ميته .. والشاهد على كلامي هدفه الثاني بمرمى كاسياس في الابطال .. بالله عليك من يتوقع ان يسجل هذه الكره .. وبعد هذه الكره اعتقد انحسم التأهل للبرشا + حسم المباراة ..

تعادلنا مع ( اسبانيول ) خخخخ بالله شفت المهازل ؟؟!! لاعبهم سنتر على الكره ذكرني بسواريز بكأس العالم خخخ على العموم ما نلوم التحكيم ولكن اللوم على بيدرو هو الله موسعه له حطه بالجهه اليمنى ضاقت تحطها بجهة اللاعبين خخخ , الدوري طويل وتبقى جولات كثيييره اي تعثر لكم من اي فريق وفوزنا في مباراة الكامب نو سـ يحسم لنا اللقب ..

حبيب قلبي وهب يالله ماطوله عليكم , بالتوفيق لكم الليله .. والوعد يوم الاربعاء القادم في معقل البرنابيو ..

تفضل هذا لك ولاعضاء الرابطه :