آدآن

مآرسيلو ،، راموس ،، فاران ،، التنتوب

شاهين ،، خضيرة

رونآلدو ،، اوزيل ،، كاكا

هقوآين

مدري اذا المو نآوي يلعب راموس ظهير فأحس انها مشكلة وتشتيت للاعب !
ياليت نشوف توقعاتكم للتشكيله ؟
الوآحد ماله نفس يتكلم عن المباريات الجايه لكن ان شاء الله نشوف شي حلو من الفريق يرد الرووح
ولا يكون فيه ضغط نفسي ع الفريق ،،،

4 - 0

رونالدو 1
كاكا 1
هقوآين 2




نبض مدريدي

إقتباس الرسالة الأصلية كتبت بواسطة آلــدوَنُ7 ^ ^ والله كاسياس هو الي بيضيع الريال لما لاعبين يتحمسون ويقدمون مستوى يجيك كاسياس وايا راسه ويخبع شوفوا هدف تشافي كاميرة الاتقطت ردت فعل كريستيانو رونالدو انا لو مكانهم بطلع من ملعب اجي اتعب والعب واخر شي الحارس يخطئ اخطاء الحارس المبتدى مايغلطها مشكلة الي رافع ضغطي كاسياس حارس الاول في اسبانيا ع ايش اقسم بالله حرام. الحين مافي حارس في ريال غير كاسياس ؟

تتكلم من جدك انت ؟؟؟؟؟

انت شكللك ماتتفرج الا مباريات الكلاسيكو

في تصريح لمورينهو اليوم عجبني

قال مازلنا بالصداره و في الابطال تاهلنا بجدار وسننافس علي الكاس

واغلب الدرود هنا تشائم ليه مدري

اذا انت كل تفكيرك تفوز علي برشلونه اوك مع حق

بس انا اشوف ننهزم من برشا وناخذ الدوري افضل من اننا نفوز عليهم

الحين لو ان شاء الله فزنا علي اشبيليه بنصير المركز الاول

وعادتا الي يكون في الصداره في النصف الاول من الدوري ياخذ الدوري في النهايه

إقتباس الرسالة الأصلية كتبت بواسطة Night$Wolf هلا بك ياغالي شوي شوي علي وانا اخوك لياقتي ماعادها زي اول في الكتابة وبجيك حبة حبة ارجع لردي الأول بعد المباراة وبتلقاني قلت نفس كلامك اللي فوق سبب الخسارة ضياع الفرص مستوى دي ماريا وكريس وتشكيلة المو في البداية واللي كانت خاطئة وتغييراته كانت صحيحة وإن جت متأخرة لكني عقبت على عدم تغييره لمراكز دي ماريا مع كريس في الشوط الثاني تحديدا وكلامي مافي اي عاطفية اطلاقا ولو تعرفني زين بتلقاني ماحلل نهائيا بناء على العافطة ومابقى في الريال احد الا وانتقدته وقت مايخطأ وهذا شيء طبيعي ومعقول دام إنك تنتقد وقت الخطأ فقط وماتعمم ارجع لكلامك مرة ثانية مادري كيف فهمت من كلامي إني ماحملت المو مسؤولية الخسارة لكني ماحمله كل الخسارة بعض اللاعبين فعلا خذلوه وخذلونا في المباراة هذه وتحديدا كريس ودي ماريا واوزيل وقلت تخيل فرص كريس تسجلت وبالذات الأولى كان محد جاب طاري تشكيلة المو ووضع كونتيراو في الظهير الأيمن وعلى فكرة كونتيراو رغم إنه ثاني مرة يكون ظهير ايمن ويتحمل جزء من الهدف الأول لأنه كشف التسلل وجزء من الثالث مع مارسيلو لكنه أدى اداء دفاعي يشكر عليه وانييستا افضل لاعبين البارسا ماقدر يتخطاه إلا في كورتين وحدة منهم آخر المباراة غيرها الرجال ماقصر معنى كلامي باختصار لو فزنا ماكان احد جاب طاري اخطاء المو وكانت عدت مرور الكرام زي ماسوى قدام خيخون في ردي الأخير انا تطرقت لمؤتمر المو والكلام اللي قاله واللي اشوفه من وجهة نظري منطقي فعلا الفريق ضاع بعد هدف اكزافي الثاني بشكل غريب وكان صاير تايه والمو قال الحظ قتلنا في المباراة هذه وهو صادق ارجع للفرص المحققة بتلقانا فايزين بنتيجة المباراة بالنهاية تعقيبي كان على كلامه في المؤتمر وليس على المباراة اللي تكلمت عنها في ردي الأول بعد الهزيمة اولا ودي ترجع لمباراة ليفانتي خضيرة كان افضل لاعبين الريال قبل الطرد خضيرة اللاعب الوحيد من محاورنا إذا حطيته جمب الونسو تحس فريقك متوازن وواقف صح ماعنده طفاقة لاس (انا اتكلم في العموم والا لاس كان من نجوم المباراة مع البنز) ولا عنده دوران جرانيرو وتأخيره للعب لاعب تكتيكي درجة أولى ينفذ المطلوب منه بالحرف ويلعب دائما على المضمون خضيرة في كلاسيكوات العام الماضي بإستثناء كلاسيكو الخمسة كان منسينا شيء اسمه انييستا وبعد إصابته في مباراة الكأس ضاع وسطنا قدام البارسا رغم إننا لعبنا بثلاث محاور في المباراة الأولى ومباراتين السوبر الموسم هذا شارك وهو توه راجع من إصابة وماكان بكامل لياقته الغريب إن ناس كثير تتكلم عن بطء خضيرة ومادري على اي اساس حكموا بالشيء هذا رغم إن فيه احصائيات ودلائل كثير تأكد عكس هذا الشيء خضيرة دخل بديل ل لاس لأن الفرنسي معاه كرت اصفر ومهدد بالطرد مسك الوسط مع الونسو ولعب دوره المعتاد في حفظ توازن الوسط ، وماكان مطلوب منه يجيب التعادل بنفسه لأن هذا ماهو دوره في الملعب اذا انت مو مقتنع فيه كلاعب هذا رأيك وماقدر اطالبك بتغييره لكن ارجع لمباريات الريال في العموم وقبل ماتشوف مين اللي سجل هدف ومرر شوف مين اللي كان السبب في قطع الكورة بالنسبة لآخر ردك هذا عاد يبيله قعدة إذا انت شايف إن مباراة الريال مع البارسا هي مجرد كورة قدم فأنت ياصديقي العزيز غلطااااااااااااااااااااااااااااااااااااااااااااااااااان بتدخل بالنظام والفكر هذا بتاكل خمسة زي العام وانت تضحك بتشوف لاعبين البارسا يذبحون نفسهم في الملعب ويتجمعون حول الحكم وبيذبحون كريس عشان مده يده على بيب من غير مايتدخل أي واحد من لاعبين الريال!! البارسا والريال صراع تاريخي عنصري واقعي ماني جايبه من عندي والا مخترعه عشان ابرر هزيمة فريقي وقائع مذكورة تاريخية وقائع لاحظتها اما زرت اسبانيا وبرشلونة خاصة وقائع عرفتها من اسبان تعاملت واشتغلت معاهم اسبانيا ياصديقي العزيز تموج بالعنصرية ومو بس اقليم كتالونيا حتى اقليم الباسك في الشمال يكفي إنك تشوف إن فريق مثل بلباو مايلعب فيه أي لعب خارج اقليم الباسك!! انت يالكتالوني اما تفوز على ريال مدريد مو بس تفوز في كورة القدم إلا انك تفوز وتنتصر لقيمك ومبادئك تفوز لأنك ظلمت من الحكم الملكي في اسبانيا طبعا على حد تعبيرهم والأمثلة كثير فيه لاعب قبل سنوات يلعب مدافع مع البارسا اسمه اوليغير تدري إنه رفض ينضم لمنتخب اسبانيا وقال انا مايشرفني العب لهذا المنتخب وابي العب لمنتخب كتالونيا تعرف وش قال بيكيه العام بعد كلاسيكو الدوري وقبل كلاسيكو الكأس لراموس واربيولا خذنا دوريكم وبناخذ كأس ملكم الموضوع ماهو لازم يكون فيه عرب وخليج صدقني التعصب اللي في اوروبا وفي اسبانيا تحديدا شيء لا يصدقه عقل أو منطق وضحت صورة العقليات اللي هناك, والا؟ فيه فرق كبيرررررر بين إني ابرر لكريس وبين إني احاول افهم مشكلة كريس ارجع واقول كريس اول واحد انتقدته في ردي الأول ولو الموضوع تبرير وتمجيد كان قلت زلق قبل مايسدد والا ابيدال كان مغطي عليه والا كورة الرأس كانت عرضية سريعة من الونسو وراموس لخبطه شوي واقول والله كريس سوى اللي عليه وماقصر انا ماقلت هذا كله قلت خليني ادخل في راس كريس واشوف وش مشكلته ليه قدام البارسا تحديدا يكون كذا لأن المشكلة ماهي مشكلة فريق كبير وبس لأننا شفناه ابدع قدام الميلان وتوتنهام وغيرهم لكن مع البارسا يختلف يعني متصور اقول مايعرف يسحب والا فنياته على قده هذا كريس وعارفينه طيب وش اللي بلاه النقطتين اللي ذكرتهم في الاختلاف بينه وبين ميسي انا مازلت مصر عليها كيف تبي تقارن واحد لعب 8 كلاسيكوات بواحد لعب وتربى على الكلاسيكوات منطقيا ماتجي وحتى الكلاسيكوات اللي لعبها كريس مو كلها مستواه فيها سيء مستواه فيها متذبذب يكون عادي لكن مع تسجيله لهدف او مساهمته بشكل كبير في هدف يرجع كريس اللي نعرفه استشهادك بالبنز غريب وماهو في محله اطلاقا الحين العالم والدنيا تقارن ميسي بكريس والا البنز؟ 94 مليون مدفوعة في كريس والا البنز؟ مين مسلط عليه الضوء اكثر في المباراة؟ كريس والا البنز؟ صدقني ماهو تبرير قد ماهو محاولة فهم الحالة اللي يمر فيها كريس في مباريات الكلاسيكو ودامك جبت طاري النصر والرهان اللي حطوه الهلاليين على سعد الحارثي وجيته للهلال والرهان اللي حطوه الهلاليين على ياسر القحطاني في تغييره لأجواء السعودية هذه الرهانات مبنية على ايش؟ شف لو كريس كان سيء قدام العالم كلهم اقول أي ماعنده سالفة ولا يركض ولا يتحرك ولا الخرابيط هذه كلها لكنه يكون في معظم الأحيان سيء فقط قدام البارسا يعني اللعب ضد البارسا تحديدا فيه مشكلة عند كريس والمشكلة نفسية بحـــــــتة وحلها عند المو والمو فقط لك احلى ابو عابد يسلمو على التكريم والله يعينك على الهياط وحملاته

ابو تولين حبيبي

على فكره أنا على ردك هذا ... بالذات ولو راجعته أنت مليون مره ... تأكد إنه يحتاج لرد
مثل ردي ... لأني لا اريد تقع في التناقض ... والسبب كلام المو في المؤتمر الصحفي ... إللي أنت عارف إن المو دائماً يشيل الخساره ... من عاتقه وعاتق لاعبيه ... لكي يحافظ على نفسياتهم ... ويرميها على الحظ وغيره ... ( منطقياً المدرب معاه حق ) لكن بينه وبين نفس عليه الإعتراف
بأخطائه ... وأخطاء لعيبته بطريقته الخاصة ... و لانه ( السبيشل ون )
سيفعلها وسيعدل الامور بمشيئة الله .... !!

( أن تقول لاعبي البرشه ) يلعبون بحماس وقوه مضاعفه ... لأنهم فاهمين الكلاسيكو بحذافيره ... خارج الملعب قبل داخله ... والدليل يوم الخمسه كادت أن تتقطع أجسادهم ...
من المجهود إللي بذلوه ... متتفق معك أن العوامل تلك لها تأثير للحماس داخل الملعب ... !!
لكن أين تذهب روح الفوز وعدم الخساره في داخل كل لاعب مدريدي ... بعيداً عن تلك الاجواء الصاخبه العنصرية ... انا أبي أفوز أبي أحقق ذلك على افضل فريق في العالم ... أليست هذه محفزه بشكل أكبر ... من العنصريه ... لأانها مرتبطة بكرة القدم أكثر من العنصريه ... !!

( وهب يقول ) داخل المستطيل الأخضر ... ينتهي كل شي وتبدأ تطبق نظرية التيكي تاكا ... وكرة القدم وكل مايخصها ... ومهارة ميسي وكريس ... وصناعة دي ماريا وتشابي ... ومن يقدم مجهود أكبر ... ويستغل الفرص ينهي النتيجة لصالحة ... المباراة لو تحدث أمامها مجازر بسبب العنصريه ... في الأخير هي كرة قدم ... والصراع يحسم في المستطيل الأخضر ... بأفكار مدربين وبعقول لاعبين ... !!

على فكره من قبل فزنا ... وصاحبك وهب إنتقد المو ... أمام ( أتلتيكو مدريد ) بعد الطرد ... كنت أريد المو يلعب بمهاجمين وليس مهاجم واحد ... وهذا هو الصحيح والمبدأ يقول كذا ... حتى ظروف المباراة ساعدت على ذلك ... وقلت لو أتي هدف للملكي الشوط الثاني ... بيكون من جهة الدون وحصل ذلك ... ولم يلعب بمهاجمين إلا في الاخير ... سياسة النقد حتى في حال الفوز موجوده
يعني تأكد حتى لو فزنا وتعادلنا أمام البرشه ... بنذكر النقاط
السلبيه لا تخاف ... !!

خضيره .. أتفق معك فيما قلته في المحاور إللي ذكرتهم ... لكن خضيره لن أغير نظرتي فيه ... إلا بعد ما يقنعني بأداء اكبر ... أعلم بانه ليس مطالب في مباراة البرنابيو ... عندما أشركه المو بأن يسجل ... لان إللي أفضل منه في العالم لم يفعلها ... وهو بنفسه لا يفعلها حتى لو كان مواجه للمرمى ... راجع لقاء إياب الدوري ... مباراة الواحد واحد العام الماضي ... حقيقه ( لاس ) ظهر مرتين هذه امام البرشه بمستوى مميز ... جعلني أضعه بجانب ( ألنسو ) ومن ثم خضيره خيار
ثالث للمدرب ... !!

أعلم من قبل تلك الصراعات العنصريه ... بين الريال والبرشه وأعلم مدى حقارتها وتعصبها وتأثيرها ( لكن تأثيرها لا يعد كونها محفز للحماس فقط ) ... لكن إللي بوصله إن فكرة الشحن ... وكل مشاهد الاكشن إللي تشوفها ... إيجابيه على فريقهم سلبيه على فريقنا ... هم يستخدمونها جيداً في لغة كرة القدم ... داخل المستطيل الأخضر في المتعه أكثر ( صحيح فيهم تمثيل ولا فناني هوليود ) ... لكن لاعبينا لا يضعونها بمبدأ الفوز والحماس والروح القتاليه ... شاهد إنبراشات لاعبينا في مبارايات البرشه ... وانت تعلم أن الهفوات وتهور ماله لازم ... التأثير على الحكم وخلافه ... موجود في كرة القدم كلها ... وبين أي فريقين يتنافسون على أي كلاسيكو أو ديربي كبير ... ( تذكر هدف المشعل الملغي امام
الهلال ) صار بلاوي يا بو تولين وغيرها وغيرها ...

( ميسي ... كريس ) أبو تولين تلف ودور ... ووصلتنا للتربيه الله يهداك ... وانا لازلت حاصرها ... في مستطيل تلعب فيه كرة القدم ... واحد برشلوني والأخر مدريدي ... وكلهم يتدربون في انديه ... ولديهم مهارات ومدربين لياقه وأطباء ... على أعلى المستويات يعدونهم بشكل
ممتاز ... !!

ياخوي لاعبين بعدد شعر راسي وراسك ... مروا على البرشه والريال منذو ثمان عقود ... شاركوا في الكلاسيكو ومبارياته ... هل كلهم من اول ثمان مبارايات في الكلاسيكو ... كانوا لا يقدمون المأمول منهم ... وإستغرق فهم للكلاسيكو ثلاث سنوات ... ياخوي فيه لاعبين تربوا في كاتالونيا ... اتوا لاعبين من خارج أسبانيا ... في الريال وأبدعوا في الكلاسيكو ... وسجلوا وحسموا مبارايات عديده
وقدموا مبارايات لا تزال في الذاكره ... هل كلهم شربوا من كأس
العنصريه ,, لكي يبدعوا ,,,!!

المقارنه والفروقات في كرة القدم ... تكون داخل المستطيل الأخضر ... لو لعب ( الدون ) بمستواه المعهود وجلد البرشه وحقق الفوز مع بقية زملائه ... هل سيرمي كل عشاق البرشه اللوم على ميسي ... ربيناك يا ميسي في كاتالونيا وحتى الآن لم تفهم ... لغة الكلاسيكو الحقيقه أي تخاذل
هذا جعل مدريد يفوز علينا ... ( ابو تولين معليش كلامك
غير منطقي فيما يخص هذه النقطه ) !!

على فكره ( إستشهادي بالبنز ) ... على اساس أن ( البنز ) قدم مستوى مذهل ... وسجل ( هدف التقدم ) ماهو الحافز إللي خلاه يلعب بهذا الشكل ... هل هووحده فاهم الكلاسيكو أكثر من الدون ( وحماسي وقوي ومندفع وذئب جائع ... لانه عرف مدى حجم العنصريه في الكلاسيكو ) ... !!

( مستحيل الاعب ) يريد إثبات جدارته في مباراة حاسمة ... في كلاسيكو تاريخي امام أفضل فريق في العالم ... ويريد أن يظهر باشكل اللائق ... الي يشرف الشعار الذي يرتديه في كلاسيكو ( كل العالم ) أليس هذا عقلية اللاعب الذي يريد الفوز ... ألا يكفي عن أي محفزات
أخرى عنصريه ... يعني على مستوى العالم الكلاسيكو معروف أنه الأفضل في العالم ... ليس من أجل تلك العنصرية ... من أجل أن الفريقين هما ( ريال مدريد .) سيد أوروبا وزعيما و ( برشلونة ) الذي له أيضاً أمجاد كبيره ومعروف محلياً واوروبيا ... الكلاسيكو صنف الأفضل عالمياُ والأشهر ... ليس
لتلك العنصريه وخلافها ... لما يمتلك الفريقان لاعبي يعدون الأفضل
في العالم ... على مدار التاريخ ... !!

( حبيبي ابو تولين ) كلنا هنا ... إتفقنا على حالة كريس النفسيه ... في الكلاسيكو إللي خلاني ... أعتب عليك هو أن تربط ( مستوى كريس في اي كلاسيكو بالهدف الذي يسجله ) ... طيب هدف البنز وسيناريو المباراة ... أمل يخلف أجواء مجنونه في البرنابيو ... تجعل ( كريس ) يظهر ويكشر عن أنيابه ... يعني لازم يسجل عشان يبدع ... طيب ( كريس ) ذاق طعم شباك البرشه ... أكثر من مره ويعلم حلاوة الهدف فيهم ... يعني لو قلنا بأنه لم يسجل من قبل ممكن نقول أثر عليه ...!!

طيب أنت الاغلى وميسي الأفضل وليس لأغلى هو الأفضل ... إذا لم يقتنع فيها داخلياً ويكابر حتى الآن فلن يفعل
شي امام ميسي والبرشه ... لانه عليه أن يعترف بها داخلياُ ... بعد ذلك سيرى النور ... ويحقق الامجاد ويزيج ميسي من أفضليته على العالم مع البرشه سوياً ... على أن يفهم ذلك جيداً ... والمشكله بانه يصرح بالامجاد واليد الواحده ... ومع ذلك يظهر خلاف ذلك امام البرشه فقط ... !!

خلاصة القول ابو تولين ... العنصريه اعلم مدى تأثيرها ... لمن في رأيي لا يدخل في المستطيل الاخضر منها ... إلا الحماس لرفع الروح المعنويه ... لدى المو صفه أضعاف تلك العنصريه ... ترفع معدل الروح العالية للاعبين ... لكن مع إشتراكنا انت وكل المدريديين ... أن هنالك من خذلنا
من اللاعبين ... فهذا يعني ان الروح لم تكون تعمل في أجساد كل لاعبينا
بالشكل المطلوب ... او انها لم تصل للعزيمة والإصرار
لدى البعض على فعل شي ... !!

النقاش جميل جداً معك وممتع يا ابوتولين وصدقني حتى لو إختلفنا مع بعض فهذه أجمل مافي الحوار ... لدي آراء ولديك آراء ... لكن متفقين على حب الملكي ولاعبيه والرابطه
وكل من يشجع الملكي


وهذه لك

إقتباس الرسالة الأصلية كتبت بواسطة وهب الريس ( ميسي ... كريس ) أبو تولين تلف ودور ... ووصلتنا للتربيه الله يهداك ... وانا لازلت حاصرها ... في مستطيل تلعب فيه كرة القدم ... واحد برشلوني والأخر مدريدي ... وكلهم يتدربون في انديه ... ولديهم مهارات ومدربين لياقه وأطباء ... على أعلى المستويات يعدونهم بشكل ممتاز ... !! ( ابو تولين معليش كلامك غير منطقي فيما يخص هذه النقطه ) !!

وهب

اول اختلاف بيني وبينك إنك لازلت تشوف إن المباراة فقط جو الملعب
والشيء هذا غير صحيح وزاد تماما بعد استلام بيب تدريب البارسا
ولاحظ حرصه الدائم على خروج لاعبين فريقه من اللامسيا وعدم استقطابهم من الخارج
لأن الموضوع فكر اقليم اكثر من كونه جانب فني

يعني هل انت تشوف بالمنطق
بوسكيتش احسن من يايا توريه!!!

اوزيل كان معروض على البارسا قبل مايجي الريال وكان قادر البارسا على إنه يجيبه
بس بيب اللي رفض وقال اطلع لاعبين من اللامسيا احسن

اشرح لي ليه البارسا يلاحق ورى فابريجاس من ثلاث سنين ويقولون لاعبنا وحقنا
وبندفع فيه اللي يبي ارسنال !!

طيب خليني اقول إني قاعد الف وادور في سالفة كريس وميسي والتربية
وإن كلامي غير منطقي على قولتك

عطني سبب مقنع لتدني مستوى كريس في الكلاسيكوات؟
إما فني او نفسي مالها ثالث
فإذا ذكرت لي سبب
ياريت تشرحه لي


ارجع واقولك انا مابررت لكريس
قد ماحاولت ادخل مخ كريس واحط نفسي مكانه
واشوف تفكيره
يمكن اوصل لحل مقنع
والكلام والأسباب اللي ذكرتها لك قبل
اشوفها من وجهة نظري منطقية
إلا إذا جبت لي او احد الأخوان هنا سبب مقنع للمسألة هذه


ومرة ثانية البنز وذكره في السالفة
ماله علاقة بموضوع كريس اطلاقا
لأن ماعليه ضغط زي كريس
واللاعب اللي يلعب بضغوط اقل بيكون ابداعه اكثر

وزي مانت فكرت ليه كريس ما ابدع بعد ماشاف فريقه متقدم بهدف البنز
ليه ماتسأل نفسك عكسي وتحط نفسك مكان كريس
وهو يقول كريم ابدع واسجل وانا الحين لازم اسوي شيء واسجل وابدع لأني المفروض نجم الفريق الأول والأنظار كلها علي انا وميسي في المقام الأول

ويصير ابداع البنز وتسجيله للهدف سبب يضغط على كريس اكثر من كونه سبب يخليه يرتاح ويبدع اكثر

ارجع واقول
كلامي كله محاولة لفهم تفكير كريس
وليست محاولة لتبرير او اقتناع بصحة تفكير كريس

آخر شيء بالنسبة للتناقض اللي ذكرته في ردودي
ماشوف كان فيها كمية التناقض الكبيرة
وطبيعي جدا الواحد بعد المباراة يكتب رد يشرح فيه اسباب الخسارة
وبعدها بكم يوم يروق اكثر ويشرب ليمون ويشوف المباراة مرة ثانية ويحاول يشوف الموضوع من جوانب اخرى ويكون فيه اسباب اوضح للهزيمة
وهذا اللي صار فكرت في كلام المو اللي في المؤتمر
ووجدته كلامه منطقي
وانا على رأيي السابق يظل المو احد اسباب الهزيمة

على فكرة اختلافنا في النقاش
يسعدني كثيييير
والمودة والاحترام موجودة وماتغيرت مهما تختلف الارآء

لك

السلام عليكم
هاردلكم حبايبي الخسارة الغير متوقعة أبداً
والعوض إن شاء الله في الدور الثاني وأنا واثق كل الثقة في الريال
انه بيحسمها له >>>>>>> طبعاً سجلوني من الآن مهايطي كبير ..
بالنسبة لمورينهو ودخوله بطريقة هجومية .. أعتقد إن السبب الأول والأخير هو
كريستيانو رونالدو .. تذكرون بعد مباراة الذهاب العام الماضي في دوري أبطال أوروبا مع برشلونة لما انتهت المباراة على ما أعتقد 2 .. صفر لبرشلونه .. طلع كريستانو بعدها بتصريح
وقال علينا ان نختار الطريقة الأفضل .. هذا التصريح أزعل مورينهو وربما هو أحد
أهم الأسباب اللي خلت مورينهو يفكر في تغيير طريقته وتكتيكه امام برشلونه .. طبعا كريستانيو من نوعية اللاعبين اللي ما يحب انه ينحرم من الكورة أغلب فترات المباراة حتى ولو كلف الأمر هزيمة الريال وطريقة مورينهو أمام برشلونة في نهائي الكأس والدور الثاني كانت تعتمد على هذا التكتيك .. انك تخلي الكورة مع برشلونة ويستحوذ عليها لكن في داخل ملعبه فقط لا غير .. وشفنا كيف كان هذا التكتيك ايجابي مره مع الفريق .. الأولى تعادلنا والثاني طرنا بالكأس ..
ياجماعة الخير مورينهو من نوعية المدربين اللي يحب انه يفوز 1 // صفر .. أكثر من انه يفوز
3 // 1 .. مورينهو مدرب يحب يكون دائماً مرماه خالي وهذا يدل لك إنه مدرب يعشق الدفاع ..
وهذا سر نجاحه مع الفرق اللي دربها ..
صحيح ان تكتيك مورينهو الهجومي .. جاب نتايجه حلوه ومثيره ومتعه .. لكن هذا ما يعني انك
تلعب بالتكتيك نفسه قدام برشلونه .. لأن التكتيك الهجومي له ضريبه وهو انك تكشف دفاعك لـ
الخصوم .. ولأن الفرق الثانية دفاع الريال كان أقوى من هجومها كانت النتايج حلوه ومدهشه لكن
لما واجهنا هجوم أقوى من دفاعنا اللي هو متمثل ببرشلونه طلعت الفضايح ..
أتمنى من مورينهو يلعب بتكتيكه الهجومي أمام كل فرق الليجا باستثناء برشلونه يلعب معاهم بتكتيكه الدفاعي ...
آسف عالإطالة وأتمنى انكم تتقبلوا وجهة نظري ..

إقتباس الرسالة الأصلية كتبت بواسطة Night$Wolf وهب اول اختلاف بيني وبينك إنك لازلت تشوف إن المباراة فقط جو الملعب والشيء هذا غير صحيح وزاد تماما بعد استلام بيب تدريب البارسا ولاحظ حرصه الدائم على خروج لاعبين فريقه من اللامسيا وعدم استقطابهم من الخارج لأن الموضوع فكر اقليم اكثر من كونه جانب فني يعني هل انت تشوف بالمنطق بوسكيتش احسن من يايا توريه!!! اوزيل كان معروض على البارسا قبل مايجي الريال وكان قادر البارسا على إنه يجيبه بس بيب اللي رفض وقال اطلع لاعبين من اللامسيا احسن اشرح لي ليه البارسا يلاحق ورى فابريجاس من ثلاث سنين ويقولون لاعبنا وحقنا وبندفع فيه اللي يبي ارسنال !! طيب خليني اقول إني قاعد الف وادور في سالفة كريس وميسي والتربية وإن كلامي غير منطقي على قولتك عطني سبب مقنع لتدني مستوى كريس في الكلاسيكوات؟ إما فني او نفسي مالها ثالث فإذا ذكرت لي سبب ياريت تشرحه لي ارجع واقولك انا مابررت لكريس قد ماحاولت ادخل مخ كريس واحط نفسي مكانه واشوف تفكيره يمكن اوصل لحل مقنع والكلام والأسباب اللي ذكرتها لك قبل اشوفها من وجهة نظري منطقية إلا إذا جبت لي او احد الأخوان هنا سبب مقنع للمسألة هذه ومرة ثانية البنز وذكره في السالفة ماله علاقة بموضوع كريس اطلاقا لأن ماعليه ضغط زي كريس واللاعب اللي يلعب بضغوط اقل بيكون ابداعه اكثر وزي مانت فكرت ليه كريس ما ابدع بعد ماشاف فريقه متقدم بهدف البنز ليه ماتسأل نفسك عكسي وتحط نفسك مكان كريس وهو يقول كريم ابدع واسجل وانا الحين لازم اسوي شيء واسجل وابدع لأني المفروض نجم الفريق الأول والأنظار كلها علي انا وميسي في المقام الأول ويصير ابداع البنز وتسجيله للهدف سبب يضغط على كريس اكثر من كونه سبب يخليه يرتاح ويبدع اكثر ارجع واقول كلامي كله محاولة لفهم تفكير كريس وليست محاولة لتبرير او اقتناع بصحة تفكير كريس آخر شيء بالنسبة للتناقض اللي ذكرته في ردودي ماشوف كان فيها كمية التناقض الكبيرة وطبيعي جدا الواحد بعد المباراة يكتب رد يشرح فيه اسباب الخسارة وبعدها بكم يوم يروق اكثر ويشرب ليمون ويشوف المباراة مرة ثانية ويحاول يشوف الموضوع من جوانب اخرى ويكون فيه اسباب اوضح للهزيمة وهذا اللي صار فكرت في كلام المو اللي في المؤتمر ووجدته كلامه منطقي وانا على رأيي السابق يظل المو احد اسباب الهزيمة على فكرة اختلافنا في النقاش يسعدني كثيييير والمودة والاحترام موجودة وماتغيرت مهما تختلف الارآء لك

شوف بعد قلبي ابو تولين



لو تتبع الردود بيننا ... إحنا نمشي بجنب بعض على فكره ... لكن الخطوات متباعده في النظريات
لا أكثر ولا أقل ... فيما يخص مانتكلم فيه ... !!

أنا مانفيت إن تلك العنصريه لها أهميه ... وألغيتها من الوجود تماماً ... لكني صغرت دورها وتأثيرها ... وحصرته في الجانب النفسي والتأثير ... على اللاعبين من ناحية المعنويات والروح ... لأننا في كرة قدم ... ومايحدث داخل المستطيل الأخضر ...
يتحكم فيه اللاعبين وخطط المدربين ... !!

أتفق معك أستطيع أحفز لعيبتي ... بالعنصريه وأخلطها مع كرة القدم ... لكن العنصريه ما تتحكم في كل شي في المباراة ... في أمور فنيه ولا عبين يحدثون الفارق ... وعدت عوامل لا تغفل عنها
كونك رياضي محنك ... !!

ابو تولين لا تفسر إني رمية ... عليك تهمة التناقص إنها ملتصقه فيك ... لا يأخي العزيز أنا بنيت كلامي ... على ردك بعد تصريح المو ... فقط لاغير التبرير من حقك ... والتناقص موجود في أي كاتب مهما كان حجمه ... سواء رياضي أو سياسي عاد تناقضات الرياضة
والسياسة حدث ولا حرج ...

أتمنى منك تقحم العوامل الفنيه ... قبل تلك العوامل العنصريه ... إلا أشوفها اقل تأثير ... ( فابريغاس ) أن تعلم بأنه يفيد بيب ... اكثر من أي لاعب آخر ... لانه من الأكاديمية يعني فنياً ماراح يأخذ وقت ويتأقلم ... فاهم الكفت كله ... ( سانشيز ) التشيلي ... شف كيف دقة الإختيار
بيب ... بدون عنصريه فنياً يناسب فكري وطريقة
لعب البرشه ... !!

( كريس ) يا ابو تولين ... ماراح نتفلسف على بعض كثير ... واضح معاناته النفسيه أمام البرشه ... التي تؤثر عليه من الناحية الذهنيه والبدنيه ... قلتها من قبل لكن ماركزت في الرد السابق ( عليه أن يعي بأنه الأغلى في العالم وليس الأفضل ) ... ويضع له هدف معين فقط ... هو إحراز الألقاب مع الملكي هذه السنة لكي يكون الأفض ... يحفز نفسه بشي واحد ( الوحيد القادر على إزاحة ميسي من الأفضلية الفرديه
على العالم ) ... !!

قبل هذا كله عليه ... أن يعمل يتغلب على نفسه يخرج من صومعة الإحباط التي يبدو عليها ... ويعيشها في أي لقاء للبرشه ... كلنا نعرف كريس يستطيع التحرك عن عشرة لاعبين ... المشكلة وإللي يلف راسي وراسك وراس كل مدريدي ... كل شي توب قبل المباراة ... مع البرشه يسجل ويصنع ويبهر ويمتع ... والبنز يجعل الريال في المقدمه ... ( سجل البنز أو غيره المهم أن نفوز وأساعد فريقي .. حتى لو لم أصنع ولا أسجل ) بجهدي وتحركاتي وزعزعتي لدفاع البرشه ... مما يسهل
مأمورية زملائي في التسجيل ... !!

( مستعد أكون طبيب نفسي له ) بس أخلصه من ذا العقده ... إلا هو من الداخل مكبرها ... ومعطي الأمور اكبر من حجمها ... حتى والامور في صالحه ... والله يبو تولين يبيلها جلسه
مشكلته النفسية ... خلينا نروح لأسبانيا ونضبطه ... ويجيب خمسه
فيهم في الكامب نو

ابو تولين للمره الثانيه ... أنا ربطت البنز وكمان دي ماريا ... لانهم إشتغلوا صح من البداية ... وقلت هم فاهمين الكلاسيكو صح والبقيه لا ... بناء على رد سابق لك ... لا أكثر ولا أقل
إستشهاد مني فقط ... بناء على ما كتبت .... !!

أما مسألة الضغط ... فهو يختلف بحسب حجم اللاعب هذا مؤكد في أي نلاعب مؤثر في فريق أو منتخب ... والدليل معاناة ميسي مع المنتخب ... مشابهه لحال كريس مع الريال أمام البرشه ... لكن ليست نسخة كربونيه ... لكنها تشابهها لانها
تندرج في الجانب النفسي ... !!

يوم تقول البنز يوم يسجل يضغط على كريس .... أجل لو بيجيب هاتريك في البرشهة البنز ... بينشل كريس في الملعب من الضغط ... لانه ما سجل صدقني ابو تولين ... مسألة كريس في جانبين ( العقلية لديه والنفسيه معاً وطريقة تفكيره خاطئه ) يعني يحتاج دكتور نفساني مافيه
كلااااااااااااااااااااااااام ... !!

وصباحك سكر ياحلو

متشائم من الفترة القادمة

اشبيلية فريق ممكن يخلينا نفقد فارق الـثلاث نقاط

الله يستر بس !!

إقتباس الرسالة الأصلية كتبت بواسطة فارس الناصر وهب اسمح لي بإنبراشة سريعة . ماراح اقولك على سالفة إنفصال الإقليم عن إسبانيا واللي من زمان هم يطالبون فيها لأن الكل عارفها لكن العام ( خوان لابورتا ) الرئيس السابق للحوثين كان حزبه مترشح لرئاسة إقليم كتالونيا فاز الحزب ورشحوا لابورتا عضو في البرلمان الكتالوني عارف إيش كان يقول وقت الإنتخابات عشان يكسب تأيد الناس ؟؟ كان مقترح : إقامة دوري آآيبيري نسبة لشبه الجزيرة آآيبيريا ( الواقعة بين البرتغال وإسبانيا ) والفرق المشاركة هي : أندية كتالونيا - أندية البرتغال - وأي نادي إسباني يرغب بالمشاركة بشرط الإنسحاب من المسابقة المحلية شوف كمية الحقد على البلد شوف كيف يغرسون في عيالهم كرهـ الوطن أنت عارف إنهم في مباراة الخمسة العام الماضي وحسب مقالات كتابهم إنهم كانوا يقدرون يسجلون اكثر من خمسة وبالراحة لكن اللاعبين إتفقوا على إهانة الريال وإذلاله بالإستعراض الكروي . فــ لاتتوقع إنها مباراة 90 دقيقة والسلام هذولا يعتبرون مباريات الريال حرب والمشكلة آخر موسمين إجتمع : ( حقدهم على الريال + حقدهم على مورينهو ) فعندهم فرصة لضرب عصفورين بحجر في كل لقاء يواجهون فيه الريال بقيادة مورينهو ولما تشوف وضع الريال إنه باقي في طور الإعداد والبناء وكل ماتحسن الريال وسيطر .. يجيء الكلاسيكو يهدم كل شيء ويعيدك للمريع الأول يعني لو هالمجموعة مع مورينهو في الدوري الإنجليزي كان إكتسح بقوة محليا وقاريا ولو مثلا بيواجه البرشا على الشامبيزليج بتكون مباراة أو مباراتين على الأكثر ويمكن غيرك يتكفل بإخراج البرشا من البطولة ولا تحتاج إنك تلعب ضده لكن الوضع في الريال معقد لأنك راح تواجهم في بطولتين على الأقل الدوري والكأس يعني بطولاتك تمر من بوابتهم . لك .

هلا بعد قلبي بو ظافر

على فكره إسمي الحقيقي ( فارس ) ... من أول يوم هنا شدني
إسمك الاول كثييييييير ... اشوفهم يقولوا ( فارس ) قلت ول عليهم كيف
عرفوني على طول ... فيه مباحث هنا

............................

متفق معاك فروسي ومع ابو تولين ... في وجود تلك العنصريه ... إلا أقل تعبير لها أنه حقيره وقذره ... لكن أنا ماعطيتها ذا الجانب الكبير ... وضخمتها أنها سبب رئيسي ... لمستوى البرشه القوي والروح القتالية امام الريال ... هي سبب ثانوي لا أكثر ولا أقل ... لاننا نتحدث عن
كرة قدم في الاخير ... !!

ثق لو تجتمع كل كاتالونيا ... ضد الريال وهم في اوج عطائهم واللاعبين في كامل مستواهم .... صدقني لن يقفوا أمامنا ... وسنهزمهم ونذلهم في ملعبهم ... تلك العنصريه ( الحماس والروح المعنويه ) ... صدقني دافعها القوي في هذه النقطة فقط ... ممكن يأخذوا منها وقود ... لكنه ليس بالأكيد سيوصلهم
لما يريدون دوماً ... !!

أحياناً الروح القتالية والحماس التي تخلق الجماعيه الواحده ... تجعلك تفوز في كرة القدم ... لكن ليس كل مره ربما لفتره وجيزه ... تذكر ( اليونان ) في اليورو إللي خسره ( فيغوا كريس ورفاقه ) ... وصدقني لو روحهم القتالية ... غير مدعومه بمهارات لاعبيهم ... ( ميسي وانيستا وتشافي وغيرهم ) ... لأصبحوا يعانون الامرين في مواجهتنا ... لكن يمتلكون أسلحة فنيه قويه ترجح كفتهم... !!

بو ظافر متى ماحضر الملكي ... بروح الملوك أقصد ( الإراده الملكية ) ... التي ليس لها مثيل في أي روح أو إراده أخرى سواء كانت كاتالونية او باسكيه ... فصدقني سنضربهم بالقاضية ... لكن مشكلتنا الحلو ما يكمل ... إثنين يشتغلون في الهجوم صح ... ومثلهم في الوسط والبقيه
دون المستوى ... !!

لكن بإذن المولى سنضحك في الأخير ... متفائل بذلك بعون الله ... يا الله أنت عليك حملة الهياط الجايه ... +3 ... إذا صارت بعون الله +6 بستلمها أنا ... وإذا وصلت +9 يستلمها
ابو تولين ونحقق حلمه وحلمنا إللي طار فيها ....

إقتباس الرسالة الأصلية كتبت بواسطة MJNT متشائم من الفترة القادمة اشبيلية فريق ممكن يخلينا نفقد فارق الـثلاث نقاط الله يستر بس !!

كل الفرق ياحلو مو اشبيليه وبس ... !!

أخوي العزيز MJNT ... نبي الآن نركز على مباراة الكأس ... وبعدها نفضى
لأشبيلية في ملعبه الصعب ... تراه من سلسلة الملاعب
إللي تنرفزني بجماهيرها ... !!

تدري إيش تذكرت الآن ... تذكرت هدف بيكهام الإسطورة فيهم ... مانساه
من فاول التفائل بإذن الله و هياط +3