السلام عليكم

خسرنا أجل

فيه كم نقطة حآب أشاركم بها وأطرحها وان شاء الله أشوف تعليقاتكم عليها

أولا وقبل كل شي بصراحه كنت زيي زيكم متحمس ومهايط على العالم من قبل المباراه

لكن أول مادخل الفريق الملعب صابتني أول طعنه بوجود كوينتراو كـ ظهير أيمن وأكيد
أنكم تكلمتم عنها وعن هالغلط الغريب في التشكيل وكان بالاولى يكون لاسانا ظهير ايمن وكوينتراو محور لاننا وبأختصار شفناهم يلعبون قبل كذا بـ هالمراكز !

بعد هدفنا الاول بصراحة زاد حماسي وهياطي لكن اللي كان يشوف طريقة لعب ريال مدريد والضغط الهائل على برشلونه اللي كان يصادف وجود بنزيما جمب فالديز بالضبط ودي ماريا جمب ابيدال ورونالدو جمب الفيس .. ومع ذلك كان برشلونه مستمتع جدا بطريقة الريال في الضغط وكان يمرر كثير للمدافعين حتى بوجود هالضغط القوي عليهم لدرجة اننا شفنا فادليز ينكب بهدف من الدقايق الاولى وبعدها يستمر بنفس الحركه ويناول !

يعني مدريد بالضغط اللي كان يسويه على دفاعهم ترك أهم خط قوي في برشلونه وهو النص لانه كان يضغط بثلاث لاعبين والكوره تتمرر بكل هدوء للوسط والوسط يكون خالي الا من ألونسو اللي يجابه قدامه فابريغاس وانيستا وبوسكيس وتشافي

يعني مورينهو ماغلط بس بـ الاسماء اللي بالتشكيله بنظري بل حتى بالطريقه !

دائما أقول وأكرر الطريقه الوحيده للفوز على برشلونه هي اعدام خط النص وكيف تعدم خط النص عندهم لازم يكون عندك ثلاث محاور !

يقولون عنك مدرب دفاعي مدرب هزيل مدرب خايف يقولون اللي يقولون المهم تفوز زي مافزت عليهم بنفس هالتشكيل مع الانتر وكنا نشوف ايتو يوصل الين الظهير الايمن وبانديف الين الظهير الايسر ويدافعون

لكن مورينهو نفسه مدري ليه ( خنبق ) هل الدوري يخلي اي مدرب منخدع في مستوى فريقه لان بصراحه الدوري في كوم ومدريد وبرشلونه بكوم ثاني !

أو ان مورينهو مازال يعيش ضغط عاشه قبله من المدربين مثل كابيلو لمن طلع راؤول وقال الجمهور يبي المتعه + الفوز وليس الفوز فقط وشفنا بعدها كابيلو خارج نطاق البارنابيو !

نجي للاعبين كـ أسماء في الملعب نبدأ من كاسياس لاني شفت كم واحد يهاجمه وأنا بصراحه مستغرب مو عشانه كابتن مو عشانه أسطورتنا لا عشان مستواه !

معقوله كاسياس احتياط كاسياس نكبه كاسياس تجي عليه اهداف سهله بس عشان مباراه وحده !

مع العلم أن الكلام اعلاه خطأ كاسياس صد في ذيك المباراه اهداف محققه وكان يصرخ بعد كل صده يصدها لكن لا حياة لمن تنادي !

راموس ! بصراحة أعتقد أن مورينهو حطه قلب دفاع لانه مغصوب ومافي أحد مو عشان راموس بطل في قلب الدفاع .. والكل يعلم ان البيول مو مقتنع فيه مورينهو وبات خروجه من مدريد مجرد وقت !

وفاران لاعب صغير وحرام ارميه للنار من الحين ولا يملك أي خبره .. كارفالهو اصاباته كثرة واعتقد وصلت لمورينهو القناعه أن اللاعب انتهى من ناحية العمر اكثر منها ناحية فنيه يعني بتكون اصاباته كثيره و و و و الخ !

فأجبر على راموس في خط الدفاع بصراحه لو فيه لاعب مكان راموس وراموس في مكانه المعتاد كـ ظهير ايمن اعتقد كان الوضع احسن بكثير خصوصا دفاعيا !

وشفنا كيف راموس في لقطه كان راح يودينا في ستين داهيه لمن زلق ولحد يقولي بسبب الملعب لكن لانه يحتفظ بالكوره بشكل كبير وهذا شي خطأ بالنسبه لـ لاعب يلعب بـ قلب الدفاع !

الريال محتاج قلب دفاع + ظهير أيمن .. عشان يكون فيه أمكانيات بالدفاع وتعديد مهاك كبير

طيب نجي لـ ألونسو وأدري يمكن تهفوني

هذا اللاعب بـ أختصار من افضل لاعبين النص بالعالم

بل افضلهم تمريرا طويلا في العالم تقدر تعطيه القاب كثيره العامود الفقري تقدر تقول عنه الموزع تقدر تقول محرك اللعب !

نجي للذم الكل يدري أن ألونسو نقطة قوته الكلية في أنه يمسك الكوره ويتحرك بشكل بطيء عشان يفكر ويشوف الملعب ( الرؤية ) !

وهذا الشي مسسستحيل يتسوى مع برشلونه وكان نعيب لاسانا فيه قبل كم كلاسيكو لانه كان يحتفظ بالكوره في النص مع فارق الامكانيات طبعا والتشبيه بين لاسانا والوسنو

اللي أبي اوصله أن ألونسو قدام البارشا بس أتكلم اذا كان مورينهو يلعب بمحورين ارتكاز فقط فـ ألونسو ماينفع ابدا فقط في هالمباره لحد يشطح

وشفنا كيف ألونسو اللي معروف عنه دقة التمرير كم مره مرر بشكل خاطئ !

لكن لو كان بـ ثلاث لاعبين ارتكاز فـ راح تكون المباراه مباراته لانه مهام التغطيه بتكون اسهل عليه منها كـ لاعبين و بيرتاح اكثر في الرؤيه .. مجرد رأي !

دي ماريا بصراحة على قد انتقادي له خصوصا في هالمباراه لانه كان يلعب بفردية تامه الا أنه ماكان يقدر يسوي الا كذا !

اوزيل بـ صراحة هاللاعب هو ورونالدو لهم وجهين وجه يشوفه كل اندية العالم ووجه بس قدام برشلونه !

هل لانه صغير هل لانه ضعيف من الناحية البدنية ومن ناحية الاحتكاك أو المشكلة فقط أنه يقابل افضل وسط بالعالم !

اعتقد أنه الاخير بصراحه لا اوزيل ولا كاكا يقدرون يجابهون وسط برشلونه هذي هي المشكله

نجي لـ أكبر لغز في العالم رونالدو !

هذا يبيله موضوع بس أسمه رونالدو vs برشلونة

في البداية انا بالوسط بين اللي يقول كيف لاعب بـ 95 مليون مايقدر يسوي شي قدام برشلونه احنا دافعين هالمبلغ لانه مميز ولازم يبين في المباريات المميزه

وبالوسط بين اللي يقولون رونالدو عنده مشكلة نفسيه ضد برشلونه وليست فنيه

الدفاع هذا تقريبا نفسه + حارس افضل من فالديز وهو كاسياس رونالدو مرمطهم في مباراة بين البرتغال واسبانيا وكان بيكون من افضل اهداف العالم لكن يالله ان تلعن ناني !

رونالدو على فكره حتى بنهائي الكأس ولمن جاب قول وفوزنا كان في اسوء حالاته يعني ماكان جيد وقدر يسوي شي غير الهدف

والكثير ينكر ان رونالدو عنده مشكلة ضد برشلونه مدري هو تكبر والا حياء

لكن الصراحه تقول ان رونالدو عنده مشكلة وكبير جدا ومب من الحين من ايام المانشستر اللي كان متابع له قدام برشلونه بيفهم كلامي زين !

والمصيبه ان فيرغسون ماقدر يضبط اموره قدام برشلونه الله يعين مورينهو

لازم نفك الضغط اول شي عن رونالدو بأنه انت الافضل وانت الكل بالكل في هالمباراه ونلعب على راحتنا وعلى امكانياتنا

نجي للبنز ياعالم هاللاعب من طينة الكبار بشخصيته بأسلوبه بلمسته للكوره قسسسم أن فيه من رونالدو ابو قرعه بس محدن يركز

اللي كنا دايم ننتقده في البنز شخصيته البارده في الملعب بصراحه هالحين انا بمدح هالشخصيه البارده لانها تفيد كثير مع برشلونه وتفيد كثير في المباريات الكبيره اللاعب يلعب و واثق من نفسه .. أـمنى يستمر على هالمستوى .. بصراحة مهمى أتيحت الفرص لهيقوين لكن البنز افضل بفارق شاسع ومو معناتها هيقوين سيء لكن نظرية كويس وأكوس !

نقطة بالنهاية مخوفتني حبتين .. تصريحات مورينهو في المؤتمر الصحفي اقرب ماتكون لتصريحات خبيلان ... وكفى !

أسف جدا على الاطالة .. دمتم