مساكم الله بالخير ياعيال
رد ملخبط وبكتب فيه اللي ببالي بدون ترتيب
الف مبروك فوز الفريق بماتش امس .. رغم اني ماشفتها لكن شفت ملخّص
كاليخون هذا شي جميل جداً .. غير انه مدريدي من ابناء الكاستيا الا انه مميز جداً في الجناح , ويلعب كمهاجم ثاني وصغير وسريع والفينيش عنده مميز جدا
غير انه رقمياً سجل اكثر من كثير من المهاجمين لباقي الفرق الكبيرة .. 4 اهداف في حين انه بديل في غالبية المباريات شي كبير يحسب له ويحسب لموري
ننسى كل شي .. خلاص الدوري بينحسم السبت الجاي ان شاء الله
قدامك فريق لسه مازال يترنّح .. ماهو ذاك الفريق العنيف .. اللي كان زي العام الماضي مرعب ويخوّف اي فريق يقابله .. برشلونة يترنّح .. مرة فوق ومرة تحت .. عناصره قوية كـ أسماء .. لكن محاولة المتدرب انه يسوي تكتيك خاص فيه هو اللي خلى برشلونة يفقد قوته بمباريات كثيرة
هو تفلسف كثير , منها تكتيك 3-4-3 اللي مشى ببعض المباريات وبغى يلقم بسببها
محاولة صنع من سيسك جناح او مهاجم ثاني , محاولة دمج سيسك مع انييستا وتشافي بطريقة غريبة خلته يفقد اهم واقوى مميزاته سيسك اللي هي صناعة اللعب .. فيّا المرعب كـ رأس حربة خنبق كثيييييير في الجناح وبسبب المتدرب فقد الفريق رأس حربة كان يصنّف من افضل المهاجمين في العالم في ايامه مع الفالنس
فعلياً المتدرب خدموه اللاعبين اللي معاه هذا فاكت كلنا عارفينه وفاهمينه.. تكتيكياً ماسوى شي في برشلونة سوا انه حط ميسي بين المحاور والدفاع .. وميسي لو تحطه محور سوا الهوايل الله يلعنه ههههه مش عاد كمهاجم
قوّة برشلونة في 3 لاعبين فعلياً رغم وجود لاعبين ممكن يجي منهم الخطر ولو غفلنا عنهم.. لواستبعدنا فتى المختبر اللي ممكن يغيب لك المباراة كاملة ويطلع لك بلعبتين ينهي لك المباراة فيها .. يبقى لك تشافي , انييستا .. تشافي ميزته في الباصات فقط .. قفل عليه بديارا خلاص , انييستا مرعب .. لعبه السهل الممتنع , يتخلص من لاعبين ثلاثة بكل بساطة .. وجود اربيلوا , دي ماريا في جهته مهم جداً .. والاهم الضغط العالي اللي بيكون من خضيرة
حقيقة اكثر لاعب اخاف منه في برشلونة واللي ممكن يغفل عنه هو بيدرو .. بيدرو مهم هجومياً وكويس في المساندة الدفاعية .. الحوثي لياقته بنت كلب .. يركض كل المباراة ومايوقف ومهارته كويسة وحساسيته قدام الباب ممتازة جداً
الفيس ماراح يطلع من منطقته .. وجود كريس في اليمين كفيل انه يخلي الجني يقمط في مكانه
عموماً البرشا يتعب مع الفرق اللي تلعب بإندفاع بدني .. وهالشي يخليني افضل ديارا وخضيرة كـ أساسيين مع الامبراطور بنص الملعب
لكن اللي يخوّفك موضوع الاحتكاكات اللي ممكن تخليك تخسر لاعب مع بداية المباراة بسبب احتكاكات غريبة وزي مانتم عارفين ان القوانين تختلف بإختلاف الشعار للأسف !!
بالنسبة لفريقنا
الريال كـ قوة اقوى فريق في اوروبا حالياً رقمياً وبالمستوى وافضل فريق في تاريخ المجموعات في ابطال اوروبا .. 18 من 18 وبالدوري متصدر بـ +3 مع فارق مباراة
يعني لو فزنا على الصلب وفزنا بمباراتنا مع اشبيلية بيكون الفرق +9 .. كذا تقريبا الدوري حُسم بشكل شبه رسمي وممكن يصير فيها طابور في الكامب نو < مغرية صح ؟
كـ مستوى الريال من افضل مستوياته في خلال اخر 5 الى 6 سنوات .. قوة هجومية , دفاعية .. توازن في المنتصف .. عده خيارات تكتيكية .. والاهم ان السبيشل ون ع الدكة .. لما تشوف شاهين , كاكا , اوزيل , هيجواين ع الدكة .. تحس بفخامة فريقك وقوته .. برشلونة قوي .. بس عناصرياً وادارة فنيّة احنا افضل .. افضل اسيسيت بالدوري دي ماريا .. لاعبين من الريال من هدافين الدوري الثلاثة الأوائل .. نفسياً احنا افضل .. بكل شي احنا افضل .. ان مالقمّناهم هالمرة محنب فايزين ابد ههههههههههه بدأ الإحباط
اتمنى موري يلعب بتشكيلة واقعية .. اوكي الهياط بقيادة ابوتولين شي جميل .. لكن الواقعية هي اللي تكسب ..
كاسياس
مارسيلو , راموس , بيبي , اربيلوا < اهم لاعب لانه يعرف لحركات الصلب
خضيرة , تشابي
ديارا
كريس , ديماريا
البنز
افضل تشكيلة يلعب فيها الريال تعطيك توازن بالنص .. تعطيك خيارات الهجوم والدفاع على حسب معطيات المباراة
وجود راموس كـ قلب دفاع يطمّن كثير .. الولد في القلب من زمان ثقة وقوي ويطمنّك .. اللي تستغربه انه هو وبيبي مطافيق .. مع ذلك كل واحد يرّكد الثاني هههههه
هجومياً ما ابي من اربيلوا اي مساندة .. ابي يتكي في الظهير ويحجّر
دي ماريا كافي ان شاء الله انه يمسك الجهة اليمين زي الحلاوة ويصنع لك اكثر من فرصة .. المهم الجماعية .. والاهم استغلال الفرص .. ماراح تجيك فرص كثير في المباراة .. لكن لو استغليت اول هجمة او هجمتين وسجلت فيهم ؟ .. بتصير تاريخية
سالفة ان برشلونة ماراح يسّجل .. انسى .. هم بيسجلون .. بس المهم انهم مايسجّلون اول
برشلونة يضيع مدة 5 الى 10 دقايق بعد اي هدف يجي فيهم .. هالشغلة لازم تنحط في البال ونحاول نسجل بدري وان سجلنا نستغل حالة الضياع اللي دايم تصيبهم بعد الهدف عليهم ونعطيهم ثاني .. بعدها البرشا بيندفع .. واذا اندفع .. خلي الباقي ع كريس وبنزيما ودي ماريا
كاكا .. حل جبّار .. واحساسي انه بيكون نجم الماتش لو دخل الشوط الثاني متفائل فيه كثييييير
هذا اللي ببالي الحين .. والعذر الرد ملخبط وحوسة .. المهم تفائلوا بنجلد الصلب .. وهالمرة بنرد دين الـ 6 في ملعبنا ان شاء الله .. ثم نروح نعطيهم الباقي في ملعبهم مع الطابور ان شاء الله
الجزئية الأخيرة اهداء للعيال في التويتر ههههههههههه قلعتكم
لي عودة ان شاء الله
استعجلوا علينا نبي موضوع التقديم نبي نهايط
سلام