السلام عليكم ورحمة الله وبركاته

هاردلك الخسارة يا شباب وإن شاء الله الجايات أحسن..

حبيت أشارك ببعض النقاط مع إن أغلب الشباب غطوها وكفّو،،

تشكيلة المباراة أشوفها عادية جدا ولا فيها أي خطأ كبير ،

وأنا من أول الناس اللي شافت إن عدم دخول كرستيانو هو الصواب بعينه

اللاعب مصاب والفريق ما وقف عليه، دكة الريال الكل يتمناها، والدون من الأفضل له إنه يريح أو يدخل بالدقيقة سبعين أو خمسة وسبعين

طيب نجي للكرت: الحكم عليه ملاحظات كثيرة وما ودنا نكثر الكلام عنه، بس أنا عتبي على دي ماريا،
اللي أحمله سبب الخسارة وما أحمل خضيرة إلا جزء بسيط، وما ينلام المسكين؛ منفعل وتصير لأي شخص طبيعي

دي ماريا كل يوم عن يوم يخنبق زيادة، من سالفة زودوا راتبي والرجال صواميله مهب مشدودة،
اللعب والتصرفات وكل شي فيه مقلق، ياخي لاعب كسرك وما حسبها الحكم، لا تروح تطلع حرّتك
على اللاعب الثاني وتسبب مشكلة للفريق كله، ولنتب بملعبك عشان تتصرف كذا

طيب خطأ وصار، حاولت أدور تفسير منطقي للطيحة والتمثيل اللي ماله داعي أبدا أبدا،
مع إحترامي له؛ بس إنه تصرف أطفال، ألحين مهب اللاعبين طلعوا بعد المباراة مع الحوثيين
وقالوا إنهم يدنسون الكرة بالتصرفات هذي ومن هالكلام؟! (( أتأمرون الناس بالبر وتنسون أنفسكم ))

صح إن ذولا يطيحون وأنت ما لمستهم أصلا؛ بس أتوقع المغزى من الكلام وصل للجميع

ثمن يالله، صار أغرب شي بالمباراة وهو تبديلات مدربنا اللي ما تعودنا منه تبديلات بالشكل هذا،
يوم سيء والله يعوض، الشباب كفو ووفوا بشرح النقطة ذي

الهدف ما أدري بس أتوقع الدفاع يتحمل، بس بالتحديد أشوف إن كارفالهو يتحمل جزء كبير،
اللاعب اللي كان بالطرف كان معه واحد، رح غط واحد ثاني بدال ما يصير إثنين على واحد،
خطأ قريب من هذا صار بالكامب نو وبالتحديد الهدف الثالث لما قعد بالنص والمفروض
إنه كان مع ميسي رجل برجل

غدي الحلاق يرجع بسرعة عشان نحلله ههههه، لا تشرهون تراي قصمنجي ،
وبالسلامة لكوينتراو وبيبي، وأشوف إن كوينتراو جت إصابته بوقتها، خله يريح ويركز ذهنيا،
من يوم جأ وهو ما غير يراكض، وجاي مندفع وبحماس بعض الأحيان زيادة عن اللزوم

ومبروك الفرخ اللي أول ما يجي بيحلق إن شاء الله، أنا مهب قاهرن إلا شعره

أشكر جميع الأعضاء على التفاعل والمترجمين على الترجمة، الجميع ما قصر، ونأمل بالمزيد

نهاية الموجز إلى اللقاء
أخوكم: علي