الإحترام أكثر من اللازم هو اللي جاب بنا الطعّة
كاني مانيب واهم قريت تصريح ان مدرب الروفرز بين الشوطين امس في مباراته مع الأرسنال قال للاعبين " تراكم احترمتوهم اكثر من اللازم "
الشوط الثاني انملدوا القنرز
![sad](images/smilies/sad.gif)
![Biggrin](images/smilies/biggrin.gif)
مين ليفانتي عشان تلعب قدامه بمحورين ؟ .. ومين المحور الثاني " خضيرة " ؟
طيب آمنا بالله ان خضيرة قوي دفاعياً وكويس هجومياً .. المتوقع ان ليفانتي بيقمط وبيلعب ع المرتدات شي طبيعي .. ليش خضيرة ابي اقتنع .. مو عشانه انطرد لاوالله , بس اللاعب دفاعياً افضل منه هجومياً .. ليش يلعب هو ؟ خلي لاس , خلي قرانيرو , كوينتراو ليش جناح ؟ ليش مالعب بمكانه الماتشين اللي راحوا
موري خنبق خنبق بهالماتش بطريقة مش ممكنة
بدايتها بالتشكيلة الغلط , فريقك منهار بدنياً من مباراة زغرب .. وواضح الإرهاق ع الفريق بكارفالهو .. اللاعب مرهق.. صحيح انه ماانضغط كثير في الشوط الأول لكن الشوط الثاني وضّح هالشي بشكل كبير " وين فاران " وانت جايبه ليش من الاساس ؟ الفريق اللي قدامك معروف انه بيدافع , فاران كويس وسريع وقوي في الاحتكاكات , ليش مايلعب زي هالماتش منها تريح كارا للأسبوعين الجاية ومنها تستفيد من هاللاعب .. نفس الكلام عن أربيلوا وراموس
كوينتراو وش كانت الفكرة منه كـ جناح وانت عندك جناح تقليدي من ابناء النادي واللي عنده روح وحب للفريق ماهي موجودة في معيض هو وسنونه الصفر .. كلنا شفنا فرحته في الهدف الملغي حق بنزيما .. " كالخيون " السريع واللي كان بيكون حل لك في هالمباراة .. اللاعب هو أكثر لاعب أُرتكبت اخطاء ضده العام الماضي في اوروبا على مااعتقد .. الاخطاء حل من الحلول لما تقفل قدامك حلول الإختراق .. غير سرعته واختراقاته ومهاراته .. وغير ان عليه رجل مالها حل
نقطة الاخطاء ذي .. الى متى كريس هو اللي يشوت الفاولات ؟ .. الى متى الفريق ماعاد يستفيد من الاخطاء الثابته ؟ لاركنيات يعرفون يرفعون .. والفاولات كريس يمزّع الجمهور بخمس كور ووحدة تجي بالباب .. وين اوزيل والونسو ؟ ليش مايصير تناوب بتنفيذ الركلات الحرة ؟
أخطأ خضيرة وجاب العيد .. ومن الكوميديا في هالموقف الوصخ ان ديماريا يمثّل واللي ينطرد خضيرة
لكن يبدأ الشوط الثاني وتطلّع بنزيما ؟؟؟؟ .. هذي والله اللي مالها مطار ابد .. اللاعب يعرف يتصرف بالكورة بين رجليه .. يعرف يوقف صح .. يشوت ومهاري يقدر يعدي من واحد واثنين , تروح تطلعه ؟؟
والمصيبة انه عدّل خطاه بتغييرين .. واضطر يلعب هيجواين ويرجع كريس لمركزه
موري امس تعامل مع المباراة بشكل سيء جداً وهالشي كلفنا 3 نقاط
برشلونة ماهو سهل انه يفقد نقاط .. لذلك نقاط زي كذا ممكن تضيع لك الدوري
انا الحمد لله ماانضغط من فريقي لما مايؤدي بشكل كويس .. ويكون يستحق الخسارة او التعادل .. والبارح حقيقة استحقينا الخسارة بشكل كبير
ع فكرة .. هدفهم يتحمله مارسيلو 100% .. شوفوا تغطيته في الهدف كيف .. اللعبة واضحة انها بنتلعب ع الجناح اليمين .. مافي احد يقدر يلخمك فيها الا تشافي وميسي ومنت تلعب قدامهم .. لذلك رح ياكدشي الجميل وغطي الجناح اللي دازّ من اليمين لأنك ظهير منتب قلب وبلاش تضم للعمق الله يمحقك كيف انك حومت تسبدي
هاردلك ياعيال .. معوضين ان شاء الله مع اني مااظنه
![Frown](images/smilies/frown.gif)
الرد برعاية بوركيه
![Biggrin](images/smilies/biggrin.gif)
![](images/misc/quotes/quot-top-left.gif) | إقتباس | ![](images/misc/quotes/quot-top-right.gif) | | | ![](images/misc/quotes/quot-by-left.gif) |
الرسالة الأصلية كتبت بواسطة Night$Wolf | ![](images/misc/quotes/quot-by-right.gif) | | | | | | | خسرنا ثلاث نقاط وصار الفارق بينا وبين برشلونة نقطة ماعلي من بيتيس وفالنسيا لأنهم موب كفو مازلنا نقدر ناخذ الدوري بيدنا ودام ان الاحتمالية هذه مستمرة فالدوري مازال في الملعب لين الحين ابو تولين | | ![](images/misc/quotes/quot-bot-left.gif) | | ![](images/misc/quotes/quot-bot-right.gif) | |
لاوالله اختلف معك كلياً يابوتولين .. برشلونة هو المنافس الوحيد لك بهالدوري .. بتشوف وش بيسوون بالمستايا .. وعلى ضوء ذيك المباراة بنبارك لهم الدوري بدري بدري .. او بنقول لسه باقي
برشلونة مايخسر نقاط بسهولة .. ومخلّي له هيبة , انت وش يمنعك تسوّي زيه وتضرب بكل ماأوتيت من قوة من بدري خصوصاً عشان الفرق تهابك , لكن شغلك امس بيخلي سانتاندير يقول وش فرقي عن ليفانتي وانا متعادل معه .. اقدر افوز زيهم او ع الأقل اطلع بتعادل
لكن الفرق الثانية مهيب قايلة هالشي عن برشلونة .. بيقولون تكفينا 4 مانبي ناخذ ثمانية زي اوساسونا .. اضررب الفرق من بدري واجلدهم جلد .. ولاتحترمهم زيادة عن اللزوم .. أجيب لك مثال بسيط .. اللي اعجبتني في خطة برشلونة قدام اوساسونا .. ان بيب لاعب 3-4-3 فعلياً .. لان الفيس نازل زي الجناح تقريباً .. مهيب استهانة في الفريق اللي قدامه قد ماهي ثقة في لاعبينه .. والمحصّلة 8 زي براّد ابو اربعة ..ليش انت ماتضرب بدري ليش تحترم الفريق اللي قدامك بزيادة ؟ زي ماقلت قبل .. مين ليفانتي عشان تلعب معه بمحورين ؟؟
الفريق كذا بيخلي الفرق الثانية تتجرأ قدامه وتستذبح لأنها قادرة تتعادل او حتى تخطف الفوز منه زي ماسووا ليفانتي البارح .. في حين العكس قدام برشلونة لانه مايرحم ولايعطيه فرصة يتجرأ
عموماً هارد لك مرة ثانية ياعيال والعوض بالجاي ان شاء الله
خفافيش .. دبرونا تكفون
![Smilie47](images/smilies/smilie47.gif)
قفلة :
الله يسعدك يابوأصيل ويزرقك الجنّة ووالديك وكل مسلم .. خبر جميل جداً خبر نيمار .. لكن السؤال هل تتوقع ان مورينيو في حالة خسارته لـ اللقب وعدم الفوز بالتشامبيونز بيستمر معانا ؟ لان جيّة نيمار مع مدرب غير موري ماراح تكون بنفس الفايدة لو جاء مع موري
![sad](images/smilies/sad.gif)
لذلك انا اشوف ان جيته في يناير بتكون افضل لنا وله .. عن جيّته في الصيف
الله يستر