إقتباس الرسالة الأصلية كتبت بواسطة Night$Wolf خسرنا ثلاث نقاط وصار الفارق بينا وبين برشلونة نقطة ماعلي من بيتيس وفالنسيا لأنهم موب كفو مازلنا نقدر ناخذ الدوري بيدنا ودام ان الاحتمالية هذه مستمرة فالدوري مازال في الملعب لين الحين ابو تولين

لاوالله اختلف معك كلياً يابوتولين .. برشلونة هو المنافس الوحيد لك بهالدوري .. بتشوف وش بيسوون بالمستايا .. وعلى ضوء ذيك المباراة بنبارك لهم الدوري بدري بدري .. او بنقول لسه باقي
برشلونة مايخسر نقاط بسهولة .. ومخلّي له هيبة , انت وش يمنعك تسوّي زيه وتضرب بكل ماأوتيت من قوة من بدري خصوصاً عشان الفرق تهابك , لكن شغلك امس بيخلي سانتاندير يقول وش فرقي عن ليفانتي وانا متعادل معه .. اقدر افوز زيهم او ع الأقل اطلع بتعادل
لكن الفرق الثانية مهيب قايلة هالشي عن برشلونة .. بيقولون تكفينا 4 مانبي ناخذ ثمانية زي اوساسونا .. اضررب الفرق من بدري واجلدهم جلد .. ولاتحترمهم زيادة عن اللزوم .. أجيب لك مثال بسيط .. اللي اعجبتني في خطة برشلونة قدام اوساسونا .. ان بيب لاعب 3-4-3 فعلياً .. لان الفيس نازل زي الجناح تقريباً .. مهيب استهانة في الفريق اللي قدامه قد ماهي ثقة في لاعبينه .. والمحصّلة 8 زي براّد ابو اربعة ..ليش انت ماتضرب بدري ليش تحترم الفريق اللي قدامك بزيادة ؟ زي ماقلت قبل .. مين ليفانتي عشان تلعب معه بمحورين ؟؟
الفريق كذا بيخلي الفرق الثانية تتجرأ قدامه وتستذبح لأنها قادرة تتعادل او حتى تخطف الفوز منه زي ماسووا ليفانتي البارح .. في حين العكس قدام برشلونة لانه مايرحم ولايعطيه فرصة يتجرأ


عموماً هارد لك مرة ثانية ياعيال والعوض بالجاي ان شاء الله

خفافيش .. دبرونا تكفون


قفلة :

الله يسعدك يابوأصيل ويزرقك الجنّة ووالديك وكل مسلم .. خبر جميل جداً خبر نيمار .. لكن السؤال هل تتوقع ان مورينيو في حالة خسارته لـ اللقب وعدم الفوز بالتشامبيونز بيستمر معانا ؟ لان جيّة نيمار مع مدرب غير موري ماراح تكون بنفس الفايدة لو جاء مع موري لذلك انا اشوف ان جيته في يناير بتكون افضل لنا وله .. عن جيّته في الصيف
الله يستر

ديفنسا سنترال: الحكم يفوز 1- 0 على ريال مدريد



ريال مدريد عانى مرة اخرى من التحكيم في الدوري الاسباني.

الحكم طرد خضيره ظلماً ولم يحتسب ركلة جزاء واضحه للريال ولم يطرد لاعب ليفانتي عندما تدخل وبقوة على رونالدو .

إقتباس الرسالة الأصلية كتبت بواسطة فتى الجلاكتيكوس لماذا لم يلعب بالتشكيل الاساسي من البدايه ليفانتي ليس بذاك الفريق القوي ؟ طيب العب من البدايه بمهاجمين وانهنا من الشوط الاول وريح راسك وريحنا وريح الجماهير وريح الكل واذا عندك لاعبين مرهقين ياخي ليه يلعبون ، الدكه موجوده ليش ما تعتمد سياسه [ الاجهز يلعب ] زي مايسوي السير شفنا اليوم اكلو تشيلسي بالثلاثه وبمستوى راقي وبلاعبين عاديين جداً ماعدا روني واشلي يونغ ويمكن ناني بس وبدون فيديتش و فيرديناند وبدون محور دفاعي لديه كاريك لكنه بدا بـ اندرسون .. ثانيا ليه مايتم تفعيل الاطراف بشكل قوي زي اللي نشوفه ببرشلونه ليه مايصير مارسيلو رابع المهاجمين زي مايسوي الفيس ليه ماصرنا نشوف دخول راموس لمنطقه الجزاء والاستفاده من العرضيات ليش عصبيتنا نقطه ضعفنا الواضحه جداً وليش دايم الخصوم يستغلونها وينجحون فيها 100% يعني يا افوز يا اخرب .. !!

هلا يا فتى الجلاكيتكوس

لم يلعب بالتشكيلة الأساسية ... الدون مصاب وجازف به لما شاف إن الفريق يحتاجه ... حتى لو كان يلعب قدم واحده ... الرجل حب يريح البعض لدينا لانك راح تلعب 6 مباريات في إسبوعين ... راح منها ثلاث وبقي ثلاث قادمة ... أشياء كثيره يفكر فيها المدرب ... ومعاه حق يريحهم لكن من الأفضل أن يبدأ بهم ... وبعد ما يطمن على النتيجة يريحهم ... !!

على أساس كذا المو يتحمل مسؤولية خسارة المباراة ... من قبل لا نلعب وبوادر الهزيمة واضحة .... وأصبحنا نجزم بذلك بعد تخبط خضيره وكرته الأحمر ... لعب بمهاجم واحد مع فريق متكتل دفاعياً .. وليس حتى من الفرق المتوسطة في الدوري ... الإصرار على خضيره وهو دفاعياً جيد هجومياً ما يفيد نهائياً ... !!

نتيجة إدارج خضيرة منذو البداية ... ولعب الينز بمفرده وغياب الدون المؤثر ... في الخط الامامي مع أوزيل ... وكاكا وما أدراك ما كاكا ... قسم بالله قلتها مليون مره انا لا احبذ ان أرى كاكا يلعب أساسي .. حتى لو كان لياقتة 100 في المية .... !!

كاكا لم يصل لتلك الدرجة التي من خلالها يمطئن أي مشجع مدريدي على المباراة وهو يلعب ... يفتقد للسرعه للمرونه ليس كاكا الرشيق أيام زمان ... ممكن يعطيك الآن في الوقت الحاضر ... فقد 30 دقيقه او اقل بشكل ممتاز ... بعدها يطفي نهائياً ولم يعد يفيدك داخل الملعب ... !!

مشكلتنا البارح كانت في الخطوط الأمامية للفريق ... لاس كان أفضل من خضيره وأسرع في حال إنك مصر يا المو تلعب بمحورين ... كاليخون يا ليته لعب من البداية مع البنز ... على الأقل الدفاعات راح تتفكك ... ويتحرر الأطراف ودي ماريا يلقى مساحة ... ولاعبي الوسط الدفاعي لي ليفانتي راح يتغربلون .. ونستطيع التسدديد من خارج منطقة الجزاء ... تخيل معي ولا تسديدة البارح الشوط الأول من خارج المنطقه ... إصرار غريب على العمق رغم التكتل ... طيب أنت تشوف إن العمق مقفل ... يا المو ما يبيلها إزرع مهاجم ثاني ... وخاصة إن مهاجمك ليس بالطويل الذي تعتمد عليه بضربات الرأس من خلال الكرات الطويلة العالية ... مثل الخال أدبيور قبل .... !!!

جاك ذا الثور خضيره وجاب العيد ... وكرت أحمر ويهاوش بعد ومعترض ... على إيش ياعم خضيره معترض ... على كرت احمر مستحق ... اجل لو مو مستحق إيش راح تعمل ... راح تتوطى بحوض بطن الحكم ولاعبي الخصم ... !!

سلوكيات لاعبي الملكي لم تعد تعجبني خصوصاً أن الوضع متكرر في أكثر من مباراة ... الآن صرت أخاف أي واحد منهم يتنرفز ياخذ أحمر ... وأولهم بيبي والدون والكدش وخضيرة ... حتى دي ماريا صار مثلهم عصبي ... الهدوء ليلة البارحة كان نصف نتيجة المباراة بالنسبة لنا ... كنا ماشين للتعادل وخطف نقطة أو خطف هدف في أي لحظة ... فجأة خضيره أحمر بعدها الفريق أغلبه عصبوا وفقدوا التركيز وإندفعوا بشكل هيستيري ... شوف هدف ليفانتي دليل على كلامي ... أربعه من دفاع الملكي ضد ثلاثه ... وسجل ليفانتي الهدف والسبب عدم التركيز إندفعوا على اللاعب إللي معاه كورة ... وسجل لاعب ليفانتي وهو مرتاح ...
دون مضايقة من أي لاعب مدريدي ... !!

والله يا فتى شي محير العصبية ... راح تفقدنا بطولات لو إستمرت بهذا الشكل ... نتمنى أن الإدارة والجهازي الفني ... ياخذون نفسيات اللاعبين في عين الإعتبار .. والعصبية الزائدة في المباراة الحماسية أفقدنا بطولات وأحرجتنا ... لازل يلقوا محاضره للاعبين بهذا الشأن ... !!

ماقول غير الله يستر مباراتنا القادمة ... مهمه جداً من خلالها نستطيع النهوض مجدداً ... وترتيب الاوراق وبعدها نرتاح ... ونلعب على ارضنا مباراتين في الدوري ودوري الأبطال ... أحسن شي إنا تعرقلنا منذو البداية ... وأسوء شي إننا نفقد ثلاث نقاط من فريق لا يستحق أن نفقد أمامه نقطتين .. فما بالك بثلاث ... جعلتنا خلف فالنسيا والبرشه ... !!

تعادل البرشه وفالنسيا وفوزنا على الراسينغ ... كفيل بإذن الله أن يعود الفريق للتوازن .. ومن ثم الإنطلاقة بثبات ... مجدداً في الدوري الطويل إللي ياما حنشوف فيه إللي يفرحنا
ويزعلنا .. لأن هذا حال كرة القدم ... !!

أرق التحايا للجميع

راموس:"جميعنا نتحمل الخسارة"



قال سيرجو راموس بعد مباراة ريال مدريد وليفانتي التي انتهت بفوز الاخير 1-0:"لقد كانت مباراة صعبة للغايه,ليس من الجيد ان نخسر 3 نقاط خارج ملعبنا".

واضاف":نحن خلقنا العديد من الفرص لكن لم يحالفنا الحظ,نحن جميعاً نتحمل الخسارة اليوم".

تقييم الحكم من الماركا


Turienzo Alvarez

امس اتضح أن مجموعة المو ليست على ما يرام اقصد اللاعبين ليس في هذه المبارة فقط
الذين يصنعون الفارق في الفريق ( البنز - كريس - اوزيل - كونتراو - الونسو - بيبي - كاسياس ) الثلاثي الأول للتفاهم والتناغم الكبير بينهم
اتمنى أن يمنح المو الفرصة لكالخون >> ما ادري الاسم مضبوط وإلا لك عليه . بدلا من ديا ماريا
خضيرة - راموس - مارسلو لاعبين ثقالين يجيبون العيد والبقية في تفاوت ولا يمكن المراهنه عليهم

تبرير الهزيمة بالحكم والأرضية غير معقول إلى متى التبرير ، أعتقد الحكم اخطا بعدم طرد كونتراو بدخوله العنيف اخر الدقائق ليش تفقد اعصابك وهل هذا حل .

خسارة مش مقبوله من مورينهو

هاردلك على كل حال

وليفانتي لعب بواقعيه عكس مورينهو !!