باكو غونزاليس لكوب : " نيمار وافق ووقع لريال مدريد . سيكون في مدريدفي يناير "

إقتباس الرسالة الأصلية كتبت بواسطة Night$Wolf السلام عليكم ورحمة الله وبركاته كيف حال الملوك اعذرونا الانقطاع السابق والانقطاع القادم لظروف السفر على السريع ابو ظافر تكفى لا عاد تعطي امثلة من يوم سالفة السادات وشارلي شابلن وانا غاسلن يدي منك وزين انك اتفقت مع زعيم المعارضة على الهدنة المؤقتة نقطة كاتبنا الكبير أبو تحويلة في اسمه خذها مني المو لو ماجاب شيء الموسم هذا وأقصد الدوري أو الأبطال فغنيله بودعك من الحين والا وداعية يا آخر ليلة تجمعنا اولا مورينهو الموسم هذا كل شيء بيده وخلينا نقول تحديدا من قبل إقالة فالدانو الرسمية وكان كل شيء بيده الانتقالات كانت بيده اللاعبين المغادرين بيده كل شيء في مدريد الحين بيده

واخيرا تحركتوا ! .. يعني لازم نشخط فيكم ! ..

إقتباس الرسالة الأصلية كتبت بواسطة a_m_t . السلام عليكم ... beckham 0723 سعود على ما أظن ... اتفق معك في كثير من النقاط ، لكن ، اختلف معك في نقطة تفضيلك عدم تحقيق الفريق لشئ هالموسم في سبيل بقاء المو !! أولاً البطولات مهمة جداً للفريق بالمرحلة هذي بالذات ، و عدم تحقيقها بيكون سلبي على الفريق ككل "ادارة ، جهاز فني ، لاعبين" و بيدل إن الفريق ماشي غلط !!! مثل ما بيكون تحقيقها دليل على اننا ماشين صح !!

كلام كبير يابو داحم ..
مع اني شوي اختلف معك في موضوع اننا ماشين غلط ( لانه ممكن نكون ماشين صح بس البرسا له فتره اطول بالطريق ذا ! .. ومنطقيا مابتكون انسب من الي له سنين ماشي بالطريق الصح ! )

لكن في باقي ردك اتفق معك واتفق كمان مع ابوتولين ! ..

مشكلتنا كلها في الضغوط ! .. وفي الاجواء الاسبانيه السيئه والابو كلب ! ..

الفكره كعموم اصلا ! .. ان فريقك حتى في السنه الثانيه يبقى حديث ! ..
ومنطقيا صعب انك تطالبه انه يتفوق ع اكثر الفرق انسجاما ! ..

لكن كلنا نعرف ان المنطق مايمشي مع الاسبان ولا مع فكر الريال ووضعه ! ..

مورينيو السنه الماضيه رغم انه كان في سنته الاولى ! .. وصل لمرحله من الدوري وقال لابد علينا اننا نحقق شيء عشان الفريق مايشعر بالضغط والاحباط للسنه القادمه ! ..

نفس الموضوع السنه ذي ! ..

زياده ع الضغوط ! .. في حاجه اسمها موضوع ثقه بالنفس وابعاد الاحباط ! ..

لو اني مثلا لاعب في مدريد ! .. اقدم موسم كامل جميل وجيد ومميز ! .. واوصل عند البرسا منافسي وانلقم منه مره واثنين وثلاثه واطلع خالي الوفاض او بدون اي بطوله كبيره ! ..
بتحطم ! .. وبشك بقدرات نفسي ! ..

زيد عليها كمان اني بشوف ان الفرق بيني وبين البرسا كبيييييييير ! .. ومهما فعلت يبقى بعيد عني بسنوات ضوئيه ! ..

تحقيق بطوله كبيره السنه ذي ! .. الدوري او الابطال مطلب لوضع الفريق قبل وضع مورينيو ! ..

الثقه ! .. لازم يكتسبها فريقك ! .. لازم يحس انه مابينه وبين البرسا فرق ! ..
حتى الغريم ! .. يوم يشوفك محقق بطوله كبيره ! .. ثقته بنفسه تقل ويحسبلك الف حساب ! ..

انت تحتاج بطوله ! .. عشان تمشي بسلاسه بمشروعك ! ..

السنه ذي اشوفها محك كبير بوضع الفريق ! ..
ياننا نستمر بالتعديل ونمشي بالطريق الصحيح وزيد عليها نكون بجانب الغريم ياننا نرجع ثاني للضياع ونبتعد اكثر عنه ! ..



ياذا البزر ههه ! .. مدري كيف بس ماني مقتنع انه بيصير زي ابوه ! ..

ماني متقنع بموضوع ان ابوك لاعيب لازم انك تصير زيه ! ..

مع اني اتمنى يصير افضل منه ! ..



موضوع نيمار ..
اولا نشكر ابو اصيل ع الحصريه .. والاخت ملاك ع الترجمه ..

بس
الفرخ ذا يبيله نتف ريش ! ..

فاقعلي قلبي من بدري ! .. مع انه لعيب وكلش واشوف انه بيناسب فريقنا بس برضو ماني بطايقه كشخص ! ..

يحب الاعلام ! .. وكل يوم طالع بتصريح ! ..
يعني مدامك موقع عقد مع مدريد ! ..
ليه ماتنطق وتسكت ! .. بدل ماتمدح بالبرسا وترفع فيهم وتحمسهم خخخ ! .. وتسوي بلبله بالاعلام ! ..
خلاص اسكت وقول انا لاعب في سانتوس وماني بطالع وبس .. لازم الاكشن ذا ! ..

مدري ياجماعه ! .. والله خايف يكون مقلب ! .. ونكع فوق ال 45 مليون وبعدين نبيعه ب 6 مليون وبأعاره مع خيار الشراء كمان ! ..

همسه :

الشباب الي تحمسوا بالبدايه .. تحيتي لكم والله .. استجابوا النداء سريع ! ..

مستر مدريد ( عبود ) .. انا اضيع اجل ! ..
الى الجحيم ياراعي الهارلي ! ..

إقتباس ياذا البزر ههه ! .. مدري كيف بس ماني مقتنع انه بيصير زي ابوه ! .. ماني متقنع بموضوع ان ابوك لاعيب لازم انك تصير زيه ! .. مع اني اتمنى يصير افضل منه ! ..

المهم أن ننسى انه ابن زيدان اللاعب العبقري لكي لا نظلمه
ونعطيه الفرصه لـ يخطيء ويتعلم ويقاتل ويصبر ويتطور وينضج وبعدها نحكم عليه من دون خلفيات سابقه أو مقارنه بـ أحدالولد قد يكون عنده إمكانيات كبيرة وتقتل بسبب المقارنة والضغط .

صراحه أنا مـا قد تابعه ومـا أدري فين يلعب لكني أكره الحكم على الشخص من خلال مقارنته والضغط عليه بـ شخص آخر حتى لو يكون والده

ولن أحكم عليه حتى يلعب بـ شكل منتظم مع فريق الكبـار

إقتباس الرسالة الأصلية كتبت بواسطة M R . M A D R I D رونالدو: مستعد أن أوقع لـ عشر سنوات مع الريال كريستيانو رونالدو سعيد في مدريد ولا يستبعد فكرة عودته للـ بريمر

يالبيـه يُ CR.7 إن شاء الله تكمل معانا ..

إقتباس الرسالة الأصلية كتبت بواسطة مورينهو السعودية المهم أن ننسى انه ابن زيدان اللاعب العبقري لكي لا نظلمه ونعطيه الفرصه لـ يخطيء ويتعلم ويقاتل ويصبر ويتطور وينضج وبعدها نحكم عليه من دون خلفيات سابقه أو مقارنه بـ أحدالولد قد يكون عنده إمكانيات كبيرة وتقتل بسبب المقارنة والضغط . صراحه أنا مـا قد تابعه ومـا أدري فين يلعب لكني أكره الحكم على الشخص من خلال مقارنته والضغط عليه بـ شخص آخر حتى لو يكون والده ولن أحكم عليه حتى يلعب بـ شكل منتظم مع فريق الكبـار

هو مأخذ الصيط ذا الا لانه ابن زيدان ! .. ومهما عمل بيرجع يتقارن مع ابوه ! ..

هذا شيء مفروغ منه ! ..

مثل ماستفاد من اسم ابوه وصار مشهور قبل مايصير لاعب حتى ! .. مثل مالاعلام بيظلمه وبيحطه تحت المقارنه بزيدان طوال مسيرته ! ..

زيه زي بعض الاعبين الي دايم يتقارنوا بالاساطير ! .. زي الارجنتين تقريبا خخخ كل ماطلع واحد قالوا خليفه ماردونا ! ..

عموما لسسسسسسسسسسه بدري نتكلم عن انزو ! .. خله او شيء يدق الكوره قدامنا وبعدين خير

لك ..

مستر جيجو

بخصوص انزو فمورينهو داهيه محنك ابن سته وستين ملعون
هو يعرف انه ابن زيدان الاسطورة وعارف قيمة الهالة الاعلامية اللي بتعصف فيه فالحل انه يتعود على هالضغط وهو بسن صغيرة حتى يكتسب خبرة التحمل وتقديم الافضل تحت الضغوطات و خصوصا انه يمتلك افضل مدرس خصوصي زيدان
وشوف اختيار توقيته ليكون انزو موجود مع الفريق مع عودة كريس و بدون علم ابوه علشان يبعده عن اي ضغط خارجي ويتركه في الضغط البدني مع الفريق الاول
اعتقد بان مورينهو كان ذكي جدا بهالتصرف
وبخصوص اداء انزو ابيه يعطينا ربع ما سوى ابوه وانا اضمن يصير افضل لاعب بالعالم

…

بخصوص نيمار

سانتوس واللاعب مستحيل يعلنون شي استباقيا ليش ؟؟

بعطيك ثلاث اسباب واختار منها ما طاب لذوقك الخايس عادة

1- سانتوس يحاول الاستفادة قدر المستطاع تسويقيا من لعبهم لكأس العالم للاندية فيحاولون الحصول على عقود تسويقية طويلة الامد .. لو اعلن سانتوس التخلي عن نجمه تفتكر فيه شركات بتوقع لاجل طويل الكل بيعرف ان الفريق بيطيح بعد نيمار ويصير مسوق خسران لفريق خسران

2- انتخابات سانتوس في شهر ديسمبر لو اعلن النادي تخليه عن نيمار هل بتكون فيه ثقة بالرئيس من قبل الاعضاء بل يا عزيزي سيصبح مضرب المثل من قبل منافسيه بالتخلي عن النجوم ومحاولة الاطاحة بالفريق

3- لو اعلن الانتقال وسانتوس خسر بشكل مذل في كاس اندية العالم كل اللوم بيكون على نيمار لانه بيكون يفكر بمستقبله مع الريال وتناسى فريقه الام


طبعا هنالك الكثير من الاسباب بس هذي ابرز ثلاثه

لك بيق مقص شجر

إقتباس الرسالة الأصلية كتبت بواسطة Night$Wolf المو لو ماجاب شيء الموسم هذا وأقصد الدوري أو الأبطال فغنيله بودعك من الحين والا وداعية يا آخر ليلة تجمعنا اولا مورينهو الموسم هذا كل شيء بيده وخلينا نقول تحديدا من قبل إقالة فالدانو الرسمية وكان كل شيء بيده الانتقالات كانت بيده اللاعبين المغادرين بيده كل شيء في مدريد الحين بيده فنهاية الموسم لو فشلنا في تحقيق أي شيء يبقى المو هو الملام الوحيد وصعب الجمهور وبيريز وقبلهم الإعلام يلقى له عذر او يدور كبش فداء غيره خاصة مع الصرفيات اللي قاعد يصرفها بيريز ويكمل سنته الثالثة بدون تحقيق أي شيء

أهلين ابوتولين ..

أنا أتفق معك ان مورينهو هو الملام الأول والأخير بأي فشل يصير للنادي
لكن جمهورنا بدأ يؤمن إن ما فيه مدرب يقدر يكسر هيمنة برشلونه غيره خصوصًا بعد فشل فيرغسون الذريع
العام وأخر شيء أتوقعه ان بيجي يوم من الأيام ويطالبون الجمهور بإقالة مورينهو .. أولاً لأنه أفضل مدرب
بالعالم حالياً ، ثانيًا لو يقال مورينهو تتوقع فيه مدرب كبير بيجي للريّال وهو عارف إنه لو فشل بأول أو ثاني
موسم بيقيلونه مثله مثل كابيلو ومورينهو وديل بوسكي .. وفوق كذا خصمه بيكون برشلونه الأفضل بالعالم ما
أظن ان بيريز بيجازف بهالشيء ويرجع يشوه سمعة النادي و سياسته بعد ما تعدلت مع المو ، العاشره يبي لها
وقت وشغل جبار مثل الي يسويه مورينهو مافيه نادي بالعالم حقق الأبطال بدون مايوصل النهائي وهو منهلك من
الشغل والضغوط ! .. فريقنا الان يحتاج بس يفوز على برشلونه فقط وما راح يوقف ضده أحد لأن حاليا محد يقدر
يهزمنا غير الصلب لو نفوز عليه الأبطال بالمخبأة


بالنسبة لكاكا ، نظلمه ونظلم أوزيل لو نخليه بديل للألماني .. اوزيل يعتبر من أساسيات تكتيك
مورينهو و 70% من المباريات العام لعبها أساسي ومتفاهم مع البنز كثيير ، لو يلعب كاكا بمكان
دي ماريا بنشوف سرعة بالمرتدات وصناعة لعب أدق يعني بيكون عندنا 3 صناع لعب بالتشكيله
الونسو واوزيل وكاكا لكن كل واحد له مكانه الونسو محور واوزيل يميل للاطراف ويفضي الوسط
ل كاكا بيكون عندنا قووة ضاربه وحلول أكثر من وجود دي ماريا بصرف النظر عن اداءه الدفاعي
فائدة كاكا أكثر منه بكثير ! .. مستوى كاكا على شوي شوي بدأ يرجع وتصاريح مورينهو تطمئن
إن كاكا راجع لا محالة مسئلة وقت بس

إقتباس الرسالة الأصلية كتبت بواسطة M R . M A D R I D ريال مدريد قد يعاقب من قبل الفيفا ريال مدريد قد وقع بـ الفعل عقد مع نيمار لـ مدة خمس أو ست سنوات بـ راتب سنوي يبلغ الخمسة ملايين يورو, توقيع العقد هذا قد يؤدي إلى فرض عقوبات على نادي ريال مدريد تمنعه من التفاوض مع لأعبين لـ مدة سنة ونصف إذا تقدم نادي سانتوس بشكوى للأتحاد الفيفا بسبب مخالفة الريال لـ قانون توقيع العقد مع لأعب ما زال عقده ساري مع ناديه, المحامي القانوني والخبير الرياضي خافيير هارفيس يقول : " شرعية توقيع العقود تتوقف على حسب المدة المتبقية في عقد الأعب فإن تبقى 6 أشهر على انتهى عقد الأعب فـ يعتبر لاعباً حراً, وإن كانت اكثرمن 6 أشهر فـ هي تعتبر مخالفة ومخاطرة من قبل الأندية " , نادي سانتوس بإمكانه رفع شكوى على نادي ريال مدريد للجنة التأديبية في الفيفا , في حادثة مشابهة للقضية في عام 2009 عُوقب نادي تشيلسي بسبب تحريضه للأعب كاكوتا على كسر عقده مع نادي لنس الفرنسي , الفيفا منع النادي اللندني من التوقيع مع أي لاعب لـ مدة سنة ونصف نادي تشيلسي استئناف القرار لدى المحكمة الرياضية وتم تقليص المدة للـ فترة الأنتقالات الشتوية ودفع غرامة مقدارها 680.000 للأتحاد كورة القدم و 114.000 لـ نادي لنس الفرنسي وحرمان كاكوتا من الأعب لـ مدة 4 أشهر في جميع المسابقات. Marca

حسبي علمي ان الريال وقع مع نيمار وسانتوس فسخ عقده ((مهب معقول انه ينتقل لنا وال45 مليون كلها له ولاياخذ شي سانتوس )) ,,
لاكن اذا بنتقل بعد ما ينتهي عقده الحالي مع سانتوس بعد ال6 شهور فـ أتوقع ان بيريز والاداره ماراح تروح عن بالهم او بمعنى اخر مهب دبش