مُقبليّن على موسم طوييل و صعب و الضغوط عليه أكبر من سابقه نظراً لـ تصاريح الموّ الليّ لُخصّت بـ ( الموسم الثاني " موسمنا " ) .. انا عن نفسي ما كنت انتظر اي شي الموسم الماضي و كنتّ اقول هذي فرصة لموري عشان يبني فريق جبّار و يجهزّه ليقارع الجميع كبيرهم قبل صغيرهم .. الموسم هذا ابي العاشرة ! الموسم الماضي ما طلّعنا إلاّ الأمور الغير خارجة عن ارادتنا و الكل عارفها .. الموسم هذا بدينا بداية قويّة في السوبر و مستوانا كان افضل من الصلب في معظم اوقات المتشيين بس ما الله كتّب و التحكيم برضوا ما قصّر هههههههههه ! لعنبوه تحكيّم حتى في السوبر الاوربي ما يقصّر هههههه !! برشلونة قوّي على عيني و راسي بس ما نبي نشوف قلّة حياء في التحكيم .. نرجع لمستوانا , الفريق كان رتمه عالي زي ما قلت في مُعظم الأوقات و كانت السيطرة لنا هههههه بس ما توفقنا في هجماتنا خصوصاً في السنتياجو اللي ضاعت البطولة فيه .. خلال السنوات القليلة الماضية , ما شفت مدريد يقدّر يجاري برشلونة بهالشكل خصوصاً في الكامب نو ! مورينهو بعد الخمسة تعلّم درس كبييير ! صح النتايج مهيب ايجابية بس المحصّلة : فوزين للبرسا و فوز لنا و تعادليين .. الفريق تحسّن حالة عن أول و هالشي ملاحظ .. مورينهو يطمّن , جالس يتعلّم من اخطائه و يصححها خطوة بخطوة و ان شاء الله بنلاحظ تقدّم و تطور في الفريق هالموسم .. بنافس على 3 جبّهات , موب صحيح اذا قلت الدوري هو الكلاسيكو , ما طيّر علينا الليجا الموسم الماضي الكلاسيكو ! ما طيّره إلاّ خسارتنا في ( ملعبنا ) قدام خيخون و سرقسطة !! فقدنا 6 نقاط قدام فرق متعوّد تلزّخها بنتايج كبيرة في ملعبك بس هالموسم حرمتّك من الدوري ! شي يغبن والله .. اهم شي الفريق يحاول انه ما يخسر نقاط كثير و يرجّع لسجله النظيف في ملعبه .. موري لعب و شاف و عرّف الاندية و طريقة لعبها .. الموسم الأول قلنا موري جديد على الليجا بانديّتها .. بس هالموسم خلاص ما عنده عذر و ما نبي نشوف اخطاء تتكرر و ان شاء الله ما راح نشوفها .. //
الشباب اللي فوق , على الورق و كـ أسماء حلويين صراحة و اشوفه ميركاتو حليّو .. بس فعلياً الوضع يختلف كثيير ! ما اشوف فيه استفادة كبيرة منهم صراحة !! فاران مستواه اللي يقدمه و الثقة الحلوة اللي عنده مقارنةٍ مع عمره , تبشّر بخير .. التيتنوب و شاهين , الأول ما أملّت عليه كثير صراحة و من يوم ما جاء ما ارتحت لصفقته و الايام جالسة تثبت لي .. شاهين ! من جد هو الصدمة ! قلنا اصابة مهيب مشكلة بس اهم شي جاهزيّته قبل بداية الموسم الفعليّ و في النهاية اصابة ثانية لشهرين قدام !! احس اننا انزرفنا فيه صراحة , اللاعب مستحيل اقلل من قيمته بس اصاباته الكثيرة تخوّف و و تحسسّك بفقدان الثقة و احتماليّة فقدان اللاعب و غيابه في أيّ وقت من الموسم .. انا صعب احكم من الحين , بس ان شاء الله تكون آخر الاصابات و الله يستر ما يكون روبين ثاني .. كاليخون معجبني من يومه في إسبانيول , الولد عمرّه مناسب عشان ينتقل لنادي كبير زي مدريد .. نضج و تطوّر كثير مع اسبانيول و كان من ركائز الفريق و مصدر لخطورتهم .. ستايل اللاعب يعجبني , سريع و مهاريّ و رجله سمّ و ان ما خانتي الذاكرة انه يشوّت بالثنتييّن .. و في النهاية اللاعب رجعه لبيته الأصلي و نقول ان شاء الله انه قدّها .. الأخير و اللي كانت صفقته محل أنظار الكثير و الكثير استغرب منها , قالوا : مارسيلو موجود و اربيلوا بيعوضه في حال غيابه ليش الفسقّة دامنا محتاجيين لاعبيين في خانات ثانية ؟؟ " انا ما كنت مؤيّد ولا معارض للصفقة لأن المو ابخص بس كل واحد له وجهة نظر في كل صفقة و صراحة ما كنت متوقع اننا بنحتاجه هالكثّر ! صفقة ناجحة و الكتاب باين من عنوانه .. لاعب قادر انه يعطيّك ظهير و محور ثالث و جناح .. عنده افّتكاك يطربّك فيه صراحة , أفضل صفقة عقدّها الفريق إلى هاللحظة .. عساه يصمل بس و يبيضّها في الموسم .. //
مهم جداً بلّ ضروري بقاء واحد فيهم .. العاطفة تقول جاجو ! بس المنطّق يقول لاس نظراً لـ مشاركته في الموسم الماضي و تقديمه مستوياته حلوة في بعض المتشات عكس جاجو اللي سبحان الله ما قد جهّز معنا و مع المنتخب دائماً جاهز و يقدم مستويات حلوة رغم انه يلعب بعد غياب عن ملاسمة الكورة مع الريال بحجّة إنه مُصاب !! اللاعب من بعد موسم كابيلو و انا مراهن عليّه .. و اول ما جاء موري قال انا ابيّ اللاعب ! بس سبحان الله ما توّفق معنا .. ما ودي يطلّع و نتحسّف عليه زي غيره و خوفيّ يجلس و يداوم في العيادة زي الي حصّل في الموسم الماضي !! امره غريب و محيّر و يضيّق الصدر صراحة .. لاعب موهبّة و المدربيين الكبار اللي عندهم نظرة امثال كابيلو و موري ما استغنوّا عنه .. كل الدلائل و المؤشرات تقول ان اللاعب عنده شي بس ما ادري متى يطلع هالشي و ينفجر .. اللي سواه في 2008 شي كبيير و صراحة كان من أفضل اللاعبيين في التييم رغم انه كان توّه جاي .. أفضل حلّ لـ هالسالفة , إعارة جاجو و اشوف روما أفضل الخيارات الموجودة .. يكتسب خبرة من الكالتشيو و غالباً بيكون جمبه ديّ روسي و بيستفيد من خبرته .. و يجلس لاس موسم .. و الموسم الجايّ يرجع جاجو و يكون شاهيين موجود و جاهز بإذن الله و الونسو و معهم جرانيرو .. 4 لاعبيين يعطونك في هالخانة كافييّن جداً .. //
متش مهوب صعب ولا سهل , سرقسطة مزاجي صراحة .. مره نلقمه 6 و مره يستقعد و يلقط منّا 3 نقاط سواءً في ملعبه ولا ملعبنا .. ميركاتو سرقسطة ما فيه شي كبير و الظاهر ما جابوا شي بعد ! و اعداد الفريق مهوب شي و ما يبشّر بخير لجماهيره .. نقول ان شاء الله يكون خصم سهل و نخلّص عليه بدري و نرتاح .. دائماً البدايات صعبة و غالباً ما نفقد نقاط فيها , بس ان شاء الله ما راح نواجه صعوبات .. بالتوفيق لنا .. //
1- سجل الريال مع سرقسطة حافل بالأهداف هل لك ذكريات مع هـ الفريق ؟
فريق راقعنا بـ 6 وشوله تقلبون المواجع 2- نظرة فنية للمباراة ؟ اللا روماريدا يخوووف وصعبة نطلع منه بنقاط سهلة في رأيي اذا سجلنا هدف في اول 20 دقيقة المباراة بتكون سهالات .. في حالة اننا ما سجلنا ممكن يتأخر هدف الفوز او حتى ما يجي :|
3- إذا المباراة ما بتنقل على التلفزيون وش بتسوي ؟ شيلوه ذا السؤال خخخ
الهدف الاوَّل رونالدو
الثاني مارسيلو
الثالث تشابي
الرابع رونالدو
الخامس كاكا
السادس رونالدو
انتهت المباراة
كاكا مبدع مسجِّل هدف و صنع هدف
حلو المستوى و حلو التحطيم المعنوي لفرق الليغا من البداية ..
اتوقَّع مع هالبداية أكثر الفِرق الإسبانيَّة راح تخاف من الريال و تحذر منه ..
بس الله يفكَّنا من بثارة خيخون و اشبيلة ..
الف الف مبروك الفوز .. و عالنتيجة الكبيرة .. وهاتريك رونالدو ..
بصراحة ماشفت إلا اخر ربع ساعة من الشوط الأول .. وباين فيه إنه اقويري يبي يطلع بأقل الخساير .. و الدليل إن اول تسديدة لسرقسطة جت بآخر الشوط الأول .. وهذا الشي ساعد الريال في السيطرة على المباراة .. فيه شي لاحظته في الشوط الأول اللي هو كثرة التسديدات على المرمي والمحصلة هدفين بس ..
قفلة : وش الحل مع مضيّع الجادة .. صراحة لا تعليق زي الناس .. ولا ميسي و برشلونة اللي ذبحنا فيهم وكيف إن ميسي الإعلام هو اللي يجيه .. عكس رونالدو اللي هو يروح للإعلام .. و إن ميسي ما يستعرض .. ورنالدو يستعرض .. و الخ ...