.



السلام عليكم ..
وش السالفه ، أخبر إن الرابطة كانت واصله الصفحه 140 أو أكثر !!


على أي حال ، قبل كم يوم الدكتور عبدالله حط نقاش عن الحملة الشرسة الي تقوم فيها الصحافة الكتلونيه ضد موري و مدريد !!

من أمس كانت فيه أخبار و تقارير كثيره من الي ما يتسموش ، إن الريال قرر يقيل مورينيو بسبب تشويهة لتاريخ و قيم النادي !
و جابوا تصاريح لإداريي فريقهم يسفلون فيها بموري ،هذا غير تصاريح المدربين القدامى و فالدانو و رئيس الشر كالديرون !!!!

طبعاً البيان الرسمي الي أصدره مورينيو و الي يقول فيه إنه من المستحيل إنه يترك الفريق و الي إعتذر فيه بشكل رسمي من الجماهير المدريديه فقط ، أسكت هالصحافة القذره !!

لكن المصيبة الآن هي التحقيقات الي فتحها اتحاد الكره بطلب من رئيس البرشا على الأحداث الي صارت بالكلاسيكو لإنها ممكن تحط مورينيو و الفريق في موقف حرج لأن مورينيو ممكن يتوقف 12 مباراة !؟!؟!؟!
النادي أصدر بيان رسمي يستنكر فيه هالحركة البايخه من الاتحاد الاسباني بما ان المباراة له 5 أيام مخلصه و ما قالوا شئ و يوم طلع روسيل و طلب منهم فتح التحقيق ، قالوا تأمر أمر ولا يصير خاطرك الا طيب !!!

مشكلة حقيقه إذا ما تم فعلاً إقاف مورينيو 12 مبارات ؟!

الصراحة الواحد يستغرب هالأمور في دولة مثل أسبانيا خصوصاً مع تفوقهم الرياضي بالسنوات الأخيره و تقريباً بكل الرياضات !!

و الفضيحة الكبرى هي الإضراب ، تم تأجيل أو جوله ، و الأخبار تشير إنه من الممكن إذا ما لقوا حل بخصوص الثانيه تتأجل خمس جولات و فيه لاعبين مصرحين يقولون ما عندنا مشكلة لو أجلنا الموسم بكبره !!!!
و القهر ان الماركا تقول ان الموسم هذا ممكن يلغى !!



عموماً هذا الرد برعاية مورينيو المتسدّح ..






إلا بالمناسبة حركة كاسياس مع تشافي و بيول و محاولته للاتصال عليهم و دعوته لهم على العشاء ، لمحاولة تهدئة و تلطيف الأجواء ...

تشوفون إنها أمر إيجابي ولا لا ؟
خصوصاً مع الأخبار الي تقول إن المو مستنكر هالتصرفات من كاسياس لأنه يشوف ان الفريق ما أخطأ !!
و لا ممكن يكون كاسياس قام بهالتصرفات بصفته كابتن للمنتخب و خوفه من تأثر الأجواء فيه أكثر من كونه كابتن للريال خصوصاً مع إقتراب تصفيات امم اوربا و كاس العالم ؟!

وش رايكم ؟



للجميع ..


.