| إقتباس | | | | | | | | |
ومع كامل احترامي وحبي وتقديري للأعضاء الجدد او الحديثين إلا انني لا اقصدهم ولكن اقصد قدماء الرابطة المعروفين والكثيرين. | | | | | |
تحيه حميميه محمومه وحاره
اولا الناس ليها مشاغلها ، والقدماء يكبروه .. عشان كذا صارو قدماء ههههههه .. ثانيا .. الواحد لما يكبر يحب يشوف شي يهمه ويفيده .. بينما مثل هالمواضيع الا تقول عنها صراحه ما القى منها اي فايده .. غير زيادة الشعر الابيض الا براسي هههههه
شوف اخوي .. القضيه ما هي قضية تكاتف .. لا احنا داخلين حرب ولا شي عشان كلنا نكون يد وحده
ولكن القضيه هي ادراك ذهني وعقلي انه المبدأ في كل الا راح يصير والا قاعد يصير والا اصلا صار وخلص هو "تيتي تيتي مثل ما رحتي جيتي "
لا امدح بنفسي ولا اذم احد .. لكن الباب الا يجي منه الريح سده واستريح .. لا احمل مسؤولية الشي للاشراف ولا لوجهات نظر الاعضاء الخاصه بهم
احيانا الواحد يكون مروق ويقدر يرد .. واحيانا يكون متنرفز وعشان هالسبب يرد .. واحيانا بسبب الرواقه والعصبيه يقرر ما يرد!!
بالنسبه ليي .. موضوع الأخ الا تتكلمو عنه .. فقد شرعيته من عنوانه بس! .. على اساس انه مدريد من جا لها مورينيو واحنا قاعدين نذوق الويل والعذاب! .. انا دخلته صراحه وماجتني اي رغبه اني ارد .. تبسمت بسخريه وسكرته خخخخخ
انا واحد ما احب ادخل في جدالات على غير سنع .. انا واحد بشوش ومزوح واحب اضحك .. لكن في المنتدى وفي هالاشيا احب اخذ الاشياء بجديه .. فـ لما اشوف اشياء مايستوعبها العقل .. ليه ارد؟ وليه اتعب نفسي؟
خلاصة الكلام .. لا ردود و لا مو ولا تثبيتات ولا حذف ولا انذارات ولا ايقافات بتغير شي من الواقع .. انه غوارديولا من جا لبرشلونه واحنا نشوف فريق مختلف و غير اعتيادي.
انا بالنسبه لي ماصارت تهمني مقارنة ميسي بفلان وبيب بعلان .. وجهات النظر الخاصه بالناس ماتخلص .. لكن الشي الواضح بأن البارسا الحالي وصل لمرحله انه المحللين صارو مايدرو وش يقولو عنه وصارو يقارنوه بأفضل الفرق والمنتخبات على مدار التاريخ!
المحللين صارو مايدرو وش يقولو عن ميسي وصارو يحطو على هرم نجومية اللاعبين بتاريخ المستديره!
ولما تسمع وجهات نظر عابره وشاطحه عن بيكي مثلا بأنه كخه ومدري ايش .. وتسمع في نفس الوقت اسطوره دفاعيه مثل باريزي يمدح اللاعب وهو مايعني له بشي لا من قريب ولا من بعيد ..
هنا انت تستوعب بانه لو كل واحد استخدم عقله الخاص .. واستخدم المنطق السليم في وجهات نظره للأمور كان صارت الدنيا بخير
لأنه لو كان فيه منطق ... كان ما شفنا الا يصير من 3 - 4 سنين والحديث المبالغ فيه عن التحكيم والتغاضي عن اشياء كثيره يسويها الفريق .. ولما تشوف كيف مبارياتهم تكون فيها اخطاء تحكيميه .. تشوفهم يلفو ويدورو!
ما يحتاج احد ياخد الموضوع بجديه .. ببساطه .. الا يسويه برشلونه اكبر من موضوع في منتدى! .. وما حد راح ياخذ من حق الفريق ولاعبينه ومدربه بشئ .. كل شي سواه الفريق بجهده واستحقاقه! وصغائر الأمور ماتفرق لأنه كل ناجح محارب!